Hebreos 10:14 - TÄ̧DO Ä̧CUÄ̧ I̧HUȨNȨ

¹⁴ Iso päi'önä chutä ya'utenä ofrenda jȩpö̧ o'ca toi'önärö aditö icuä̧u̧ru̧ adihuä isotö pätti'önä jȩi̧nä̧u̧do.

Nuevo Testamento Uwotjüja

¹⁴ ja̧'wa̧nü̧ ja̧'a̧ttü̧ ofrenda pättümä̧, ji̧yȩtȩtä̧ jȩa̧'a̧nä̧, 'kuäopünä̧tä̧ jo̧mȩnü̧ mikuäwächünä̧ jȩpi̧nü̧.

Hebreos 10:14 Referans Kwoze

Hebreos 10:1

Moisés hueähuä huȩnȩmä̧ koro adihuä juäi ichäcua'a a̧'u̧cuä̧ ji̧na̧'a̧do, iso päi'önä adihuä juäimäcö̧. Ja̧'hua̧ ja̧'a̧ttö̧ ja̧u̧ hueähuä huȩnȩ, koro a̧'ȩ'i̧nä̧, koro a̧'ȩ'i̧nä̧ sacrificios jȩtta̧'a̧ Diosrö ttötö'cöhuächa pä'ö jȩpä̧tö̧rö̧, yoröiso aditö icuocödo.

Hebreos 7:25

Ja̧'hua̧nö̧ ja̧'a̧ttö̧ ja̧u̧ru̧ esetö, Diosrö tö'cöpächätörö suronä jȩttö̧mä̧ jȩpö̧ icu. Ja̧u̧ 'cuäopönä kö̧, Diosrö ucuocua pä'ö jahuätörö.

Hebreos 9:14

Ja̧'hua̧ ja̧'a̧ ja̧'hua̧nö̧ jö̧ttö̧mä̧, Cristo ucuoja ji̧nä̧ isocu ujuru'a̧nö̧ ja̧'a̧. Espíritu Santo 'cuäopönä kö̧mä̧, Cristorö ppädomenä, chutä Cristo amönä Diosrö iyähuinödo, adihuä juäi, idicu juiyönä sacrificio päi'önä. Ujutu 'corupäi'äcuähuä jȩtö̧mä̧ ucuojanä töcö icuä̧u̧jä̧, Dios kö̧ hueö jȩta̧ pä'ö.

Hebreos 2:11

O'ca toi'önä aditö icuinä̧u̧'i̧nä̧, chutä, jahuätörö aditö icuinö'inä, ya̧tȩtä̧ ja̧'a̧do Tä'omä. Ja̧'hua̧nö̧ ja̧'a̧ttö̧: “Jahuätö ttö chö̧jä̧hua̧tö̧ ja̧'a̧”, päa pä'ö dä'äcuocödo Dios I̧tti̧mä̧.

Romanos 15:16

Jesucristo i̧huȩnȩ judíos huocotörö jidähua pä'ö hue'inö. Ttö̧ja̧ suronä jȩttö̧ jȩpö̧ icu huȩnȩ, Dios iyömä ji'äusä judíos huocotörö, Espíritu Santo ȩmä̧u̧ru̧, Dios koro juäi ofrenda ȩma̧'a̧ jä̧'i̧nö̧'a̧nö̧ ȩma̧ pä'ö jahuätörö.

Hebreos 13:12

Ja̧'hua̧ta̧nö̧ Jesús ötahuiyä abocu 'corupä'i'inödo, pi̧jä̧ ttö̧ja̧rö̧ aditö icua pä'ö chutä ucuojanä.

Hebreos 7:19

Moisés hueähuä huȩnȩ yoröiso aditö icuoca'a ji̧na̧'a̧do ttö̧ja̧rö̧. Jitämä ja̧u̧ huȩnȩ jaropi'ö, koro adihuä juäi tta̧'ä̧rä̧tö̧jä̧. Ja̧u̧ juäi jareönä tta̧tä̧ro̧mȩnä̧, Diosrö tö'cöpächätöjä.

Efesios 5:26

Ja̧'hua̧nö̧ iyähuinödo, Diosrö esetätörö töcö icu aditö icua pä'ö ajiyanä'inä, chutä i̧huȩnȩnä̧'i̧nä̧.

Hechos 20:32

“Jitä chö̧jä̧hua̧tö̧, Diosrö jä'epösä ucuturu tta̧huä̧ra̧ pä'ö. Chutä i̧huȩnȩ ucuturu ppädäcua'a cujuruhuätucua pä'ö. Ja̧'hua̧ta̧nö̧ ucuturu eseu pä̧cua̧ chi̧tti̧mö̧jä̧ pä'ö, o'ca toi'önä Jesucristorö esetätörö päö'a̧nö̧.

Judas 1:1

Ttömä Judassä. Jesucristo hueö jȩpö̧sä̧, Jacobo ö̧jä̧hua̧sä̧. Chi̧huȩnȩ hue'ösä ucuturu, Dios huoinä̧u̧ru̧, Tä'o Dios repeä̧u̧ru̧, Jesucristo tta̧huä̧rä̧u̧ru̧.

Hebreos 9:10

Ja̧u̧ juäimä, cuäcuähuättö'inä, ahuähuättö'inä, koro juäi jȩpö̧ töcö icuähuättö'inä, yoröiso huämenätä jȩä̧cuä̧hua̧'a̧do, Dios o'ca juiyönä pärou icuome jubö päi'önä.

Hechos 26:13

Ja̧'hua̧nö̧ ja̧'a̧ ru̧hua̧ Agripa, kä̧hua̧ jueö kö̧rö̧ chi̧'cho̧mȩnä̧, mo̧ro̧jä̧ra̧'a̧ttö̧ kä̧dȩpa̧'a̧ topinösä, kä̧hua̧ttö̧'i̧nä̧ abonänö tȩa̧hua̧'a̧. Ttö'inä, ttöcu 'chä̧tö̧'i̧nä̧ tö̧ja̧cuo̧mȩ kä̧dȩpi̧na̧'a̧.

Hebreos 10:10

Jesucristo, Diosrö pä̧huä̧ rö̧jo̧mȩnä̧, chutä jä̧ttä̧pä̧ya̧ o'ca toi'önärö sacrificio päi'önä ya'utenätä iyähua'attö, Dios ujuturu aditö icuinödo.

Hebreos 10:12

Ja̧'hua̧nö̧ ja̧'a̧nä̧ Jesucristo ya'utenätä iyähuinödo, suronä jȩttö̧ 'cuäopönä jȩpö̧ icua pä'ö. Ja̧u̧nu̧ o'ca'a Dios u̧huo̧jua̧'a̧nä̧ pä̧mä̧di̧nö̧do.