Hebreos 10:1 - TÄ̧DO Ä̧CUÄ̧ I̧HUȨNȨ

¹ Moisés hueähuä huȩnȩmä̧ koro adihuä juäi ichäcua'a a̧'u̧cuä̧ ji̧na̧'a̧do, iso päi'önä adihuä juäimäcö̧. Ja̧'hua̧ ja̧'a̧ttö̧ ja̧u̧ hueähuä huȩnȩ, koro a̧'ȩ'i̧nä̧, koro a̧'ȩ'i̧nä̧ sacrificios jȩtta̧'a̧ Diosrö ttötö'cöhuächa pä'ö jȩpä̧tö̧rö̧, yoröiso aditö icuocödo.

Nuevo Testamento Uwotjüja

¹ Isopäi'ünä̧ Moisé weinü̧ wȩnȩ ji̧nü̧mä̧, suro kkoro adiwä juei a̧'kua̧juä̧ yodoji i̧chä̧kuȩtä̧ ji̧na̧'a̧, ji̧nä̧so ji̧yȩtä̧ i̧chä̧kuȩmä̧kü̧. Ja̧'wa̧nü̧ ja̧'a̧ttü̧ weäwä wȩnȩnä̧mä̧, 'kuäopünä̧ año jü̧ta̧'a̧nü̧ Dio-rü sacrificio pättü jȩtta̧'a̧nä̧ jo̧mȩnü̧mä̧ adiwächokotü pinä̧tü̧.

Hebreos 10:1 Referans Kwoze

Hebreos 8:5

Ja̧'hua̧nö̧ ja̧'a̧nä̧ jahuätö sacerdotes huotö jȩttö̧mä̧, mo̧ro̧jä̧nä̧ ka̧cu̧ a̧'cua̧rö̧nä̧tä̧ jȩpä̧tö̧do. Ja̧'hua̧ta̧nö̧ Moisés Diosrö ucuocuäcuähuode adita päomenä, chutä Dios pä'inödo: “Möä'canä cu̧ja̧'a̧ ucuru chi̧jȩpä̧ji̧ ta'anö, o'ca juiyönä topö aditi.”

Hebreos 9:11

Ja̧'hua̧nö̧ ja̧'a̧nä̧ Cristo täcö ichinödo. Jitämä ja̧u̧mä̧ ji̧nä̧ isocu sacerdote ru̧hua̧ päi'önä kö̧. Ja̧u̧tä̧ o'ca juiyönä adihuä juäi tu̧ju̧nä̧rö̧mä̧ ru̧hua̧do. Chutä sacerdote ru̧hua̧ päi'önä aditomenä, koromettö'inä abonänö adihuomedo. Pi̧jä̧ ttö̧ja̧ttö̧ adicuocomedo. Ja̧'hua̧nö̧ pä'ö pi̧jä̧ jähuättömäcö̧ pä'ätöjä.

Colosenses 2:17

Ja̧u̧ juäi yodoji 'cuäöpä̧cuȩ a̧'cua̧rö̧nä̧. Ja̧'hua̧nö̧ ja̧'a̧nä̧ Cristotä iso päi'önä mi̧cuä̧hua̧.

Hebreos 9:23

Ja̧'hua̧ ja̧'a̧ttö̧ ja̧u̧ juäi mo̧ro̧jä̧ jähuä a̧'cua̧rö̧nä̧ aditö tticua pä'ö, sacrificios jȩpi̧nä̧tö̧do. Ja̧'hua̧nö̧ ja̧'a̧nä̧ iso päi'önä mo̧ro̧jä̧ jähuä sacrificiosttö'inä abonänö adihuä juäi jȩttö̧'a̧nö̧ ja̧'a̧.

Hebreos 9:25

Ja̧u̧ judíos ttö̧ja̧ i̧sa̧ sacerdote ru̧hua̧, koro a̧'ȩ'i̧nä̧, koro a̧'ȩ'i̧nä̧ Ji̧nä̧ Isocu Adihuo̧ca̧cu̧ ya'utenätä do'ächödo, koro hua̧tä̧ ucuoja ȩpö̧ suronä jȩttö̧ micuä päi'önä. Ja̧'hua̧nö̧ ja̧'a̧nä̧ Cristomä koronö'inä, koronö'inä sacrificio päi'önä iyähuocödo.

Romanos 8:3

Moisés hueähuä huȩnȩ, ttö̧ja̧ ttidepä juiyuhua'attö jȩo̧cö̧'i̧nä̧, jȩpi̧nö̧ Dios. Chutä hue'inö I̧tti̧rö̧, pi̧jä̧ ttö̧ja̧ suronä jȩpä̧tö̧ a̧'cua̧rö̧nä̧ hua̧rö̧, surojö jȩpö̧ icua pä'ö. Ja̧'hua̧nö̧ jȩo̧mȩnä̧, surojö be'epö icua pä'ö amöcuädinö.

Hebreos 7:11

Israel ttö̧ja̧, Aarón ahuaruhuä o'cotö, Leví isotö sacerdotes huotöttö hueähuä huȩnȩ ȩmi̧nä̧tö̧do. Iso päi'önä, jahuätömä ja̧u̧ hueähuä huȩnȩ päö'a̧nö̧ jȩpö̧, pi̧jä̧ ttö̧ja̧ adiunä jȩtta̧ pä'ö huettinöttömä, ka̧ra̧ sacerdote hua̧, Melquisedec ta'anö hua̧mä̧, ichocö paji. Chutä Melquisedec Aarónttö'inä i̧mi̧cu̧nä̧ hua̧ pi̧nö̧do.

Hebreos 10:22

Ja̧'hua̧nö̧ ja̧'a̧ttö̧ tami iso'quinä adiu amöcuädö, iso päi'önä esetö kä̧nö̧, Diosrö tötö'cöhuächö'a̧nö̧ ja̧'a̧. Ujutu suronä jȩti̧nö̧ tamöcuädö juiya pä'ö, chutä aditö icuinö tami iso'qui. Ujutu jättäpäyotörö'inä adihuoya, päcuäoyanä töcö icuinä̧u̧jä̧.