Hebreos 1:14 - TÄ̧DO Ä̧CUÄ̧ I̧HUȨNȨ

¹⁴ O'ca toi'önä ángelesmä, espíritus tta'attö, Dios hueötä jȩpä̧tö̧do. Dios ȩmi̧nä̧u̧ru̧ ttesetarö pä'ö ppättäda pä'ö hue'ähuotödo.

Nuevo Testamento Uwotjüja

¹⁴ Isopäi'ünä̧ A̧gȩrȩ-mä̧ o'katoi'ünä̧tä̧ Dio umüwäyotü uwäpokotü ja̧'a̧, surojü ra̧wä̧pi̧jü̧ttü̧ kki̧'ä̧tü̧ o'katoi'ünä̧rü̧ ppättäda pä'ü Dio wȩä̧u̧.

Hebreos 1:14 Referans Kwoze

San Mateo 18:10

“Suronä cuamöcuädätucuä' pitö ppo̧'ä̧tö̧rö̧. Ucuturu pä'ösä, pitörö tta̧'ä̧rä̧tö̧ ángelesmä, Chä'o mo̧ro̧jä̧nä̧ kö̧ ä'ca jo̧mȩ ka̧cuä̧tö̧ 'cuäopönä.

Hechos 27:23

Mo̧ro̧ji̧ yodo ya̧tȩ ángel Dios huȩ'ä̧hua̧ ttörö i̧jȩcuä̧ji̧. Ttömä Dios u̧mö̧huä̧ya̧ päi'önä chutä hueömä jȩpö̧sä̧.

Hechos 5:19

Ja̧'hua̧nö̧ ja̧'a̧ ya̧tȩ ángel, Tu̧ru̧hua̧ huȩ'ä̧hua̧, yodo ichö, cärenä päcuähuode äpate ba'epö, rä'epö icuinödo Jesús hue'ähuotörö. Pä'inödo:

Hechos 12:7

Ja̧'hua̧ ja̧'a̧ ya̧tȩ ángel, Tu̧ru̧hua̧ huȩ'ä̧hua̧, i̧jȩcui̧nö̧do. Pedro ö̧'o̧mȩ tȩa̧u̧nä̧ kä̧dȩ'i̧na̧'a̧do. Angel Pedro i'esubänä mȩ'ö̧, ja̧u̧ru̧ ttö̧'i̧nö̧do. Pä'inödo: —Jurunä porächi'i. Ja̧'hua̧ ja̧'a̧ cuoräusa Pedro u̧mö̧ttö̧ ejächi'ina'ado.

San Lucas 1:19

Angel ädätinödo: —Ttömä Gabrielsä. Dios aditähuä chadita pä'ö kö̧sä̧. Ja̧u̧ hueäjäcusä pi̧yȩ adihuä juäi huȩnȩ chiya pä'ö ucuru.

San Mateo 1:20

Ja̧'hua̧nö̧ amöcuädomenä, ya̧tȩ ángel, Tu̧ru̧hua̧ huȩ'ä̧hua̧, 'cuo̧ti̧nä̧ i̧jȩcui̧nä̧cu̧do. Ja̧u̧ ángel pä'inödo: —José, David a̧hua̧ru̧hua̧, Maríarö cuirecua päi'önä cu̧ja̧ pä'ö yecuhuecuä'. Yajutä ki̧tti̧ u̧huä̧pä̧chä̧cua̧mä̧ Espíritu Santo jähuädo.

San Lucas 16:22

Koro mo̧ro̧ usurä i̧sa̧ 'corupä'i'inödo. Angeles ttȩpi̧nä̧cu̧do mo̧ro̧jä̧ra̧'a̧ Abraham ö̧ja̧'a̧. Järe ru̧hua̧'i̧nä̧ 'corupä'i'inödo. 'Turu tticuinäcudo.

Hechos 12:23

Yotäcu ángel, Tu̧ru̧hua̧ huȩ'ä̧hua̧, Herodes na̧huä̧cha̧ pä'ö jȩpi̧nö̧do ttö̧ja̧mä̧ Diosrö ucuotönö ttucuocua pä'ö hueoca'attö Herodesmä. Ja̧u̧nu̧ o'ca'a hui̧'ö̧ ttucui'äcu 'corupä'i'inödo.

San Lucas 2:9

Ju̧huȩnȩ ttö̧'ȩjo̧mȩ ya̧tȩ ángel Tu̧ru̧hua̧ huȩ'ä̧hua̧ i̧jȩcuä̧chi̧nö̧do. Tȩa̧u̧ Tu̧ru̧hua̧ttö̧ kä̧dȩi̧nä̧u̧do ttö̧ja̧cuo̧mȩ. Ja̧'hua̧nö̧ päi'omenä, rö̧ȩnä̧ ye'inätödo.

San Lucas 2:13

Ja̧'hua̧nö̧ päi'omenä, ja̧u̧ ángelcu korotö ángeles recuätö i̧jȩcuä̧chi̧nä̧tö̧do mo̧ro̧jä̧ra̧'a̧ttö̧. Diosrö adiu ucuocu pä'inätödo:

San Mateo 2:13

Jahuätö mo̧ro̧jä̧ jähuä huo̧juä̧tö̧ tti̧'chä̧ji̧ o'ca'a, ya̧tȩ ángel, Tu̧ru̧hua̧ huȩ'ä̧hua̧ i̧jȩcui̧nö̧do Josérö 'cuo̧ti̧nä̧. Ja̧u̧ pä'inödo: —Ä̧rä̧mi̧'ö̧, ji̧'qui̧cha̧hua̧cu̧, ja̧ju̧cu̧ tö'ipächätucui Egipto rȩjȩra̧'a̧cu̧. Juhua'atä ka̧cuä̧tu̧cui̧ ttö jidähuome jubö päi'önä. Herodes ji̧'qui̧cha̧hua̧rö̧ cuä'ö icua pä'ö u̧sä̧cua̧, —pä'inödo ángel.

Tito 3:7

Chutä ppäda'attö, i̧tti̧mö̧jä̧. Ja̧'hua̧nö̧ ja̧'a̧ kä̧cuä̧huä̧ i'co tta̧tä̧rö̧mä̧ i̧yä̧cua̧ ujuturu.

Apocalipsis 5:6

Ja̧'hua̧nö̧ ja̧'a̧ dȩä̧cä̧ tö'cönä, jahuätö pa̧ja̧cuä̧nö̧ isotö a̧'cua̧rä̧tö̧ ttö̧'quȩtȩnä̧'i̧nä̧, ancianos huotö ttö̧'quȩtȩnä̧'i̧nä̧ ya̧tȩ Corderorö, oveja i̧tti̧rö̧, jueönä ö̧ja̧'a̧ topinösä. Ja̧u̧ Cordero cuä'ö i̧cuä̧hua̧ a̧'cua̧rö̧nä̧ hui̧nö̧. Ja̧'hua̧ta̧nö̧ ja̧u̧ Cordero oveja i̧tti̧ ko̧ro̧mö̧ttö̧nö̧ todäre u i̧sä̧juä̧'i̧nä̧, ko̧ro̧mö̧ttö̧nö̧ torere ö'äre'inä ku̧nä̧ri̧nö̧. Ja̧u̧ ö'äre Dios jähuä ko̧ro̧mö̧ttö̧nö̧ ta̧ju̧ espíritus, pi̧jä̧nä̧ pa̧ja̧cu̧nä̧ hue'ähuotö ja̧'a̧.

1 Pedro 1:12

Ja̧'hua̧nö̧ ja̧'a̧nä̧ jahuätö ttȩmö̧ juiya pä'ö huo̧juȩti̧nö̧do Dios. Ujututä tȩmä̧cuȩ pä'ö huo̧juȩti̧nö̧do. Täbocö Dios i̧huȩnȩ jiäcuähuä isotörö Espíritu Santo u̧huo̧juȩti̧nö̧ ta'anö, ä̧ju̧cui̧nä̧tö̧jä̧ ucutu. Iso päi'önä Espíritu Santo, mo̧ro̧jä̧ra̧'a̧ttö̧ huȩ'ä̧hua̧ ujurunä, adihuä juäi huȩnȩ, suronä jȩttö̧ jȩpö̧ icu huȩnȩ, jittähua'a ä̧ju̧cui̧nä̧tö̧jä̧ ucutu. Angeles'inä ttä̧ju̧cua̧ pä'ätö pi̧yȩ huȩnȩmä̧.

San Mateo 25:34

Ja̧u̧nu̧ o'ca'a Ru̧hua̧ u̧huo̧jua̧'a̧nä̧ pȩjä̧tö̧rö̧ pä̧cua̧: “Ichätucui ttöcu. Chä'o Dios ucuturu ppädinä̧u̧jä̧. Do'ächätucui Dios ö̧jo̧mȩcu̧. Pi̧jä̧ aditinö o'ca'a, jo̧mȩ päi'önä cä'ädö aditö ucuturu iya pä'ö.

Judas 1:14

Adán ä'canä ki̧nö̧do. Adán isotöttö uhuäpächinätö ji̧mö̧tȩ ruhuä. Ttuhuäpächinö o'ca'a, ki̧nö̧ Enoc pä'ö micuinö. Ja̧u̧ Enoc Diosrö jarode'ätörömä Dios päinö ji'äu pa̧'a̧nö̧ pä'inödo. “Topinösä Tu̧ru̧hua̧ ichomenä 'cuäopä̧cuȩ. Recuätö ángelescu ichinö o'ca toi'önärö Diosrö jarode'ätömä ttu̧huo̧jua̧ pä'ö o'ca juiyö ttöarodö jȩä̧cuä̧huä̧ jarode'ö jȩtti̧nö̧'i̧nä̧, o'ca juiyönä suräjuä huȩnȩ Diosrö jarode'ö ttucuocuinö'inä. Jahuätö o'ca toi'önärö ö̧tä̧bo̧ta̧ pä'ö ichinö.”

1 Pedro 1:4

Ja̧'hua̧ta̧nö̧ Dios ucuturu iya pä'ö hua'adö u̧ju̧ni̧nö̧mä̧, mo̧ro̧jä̧ra̧'a̧ttö̧ cuȩmä̧cuo̧tö̧jä̧. Ja̧u̧ cuȩmä̧tu̧cuä̧cuȩmä̧ yoröiso be'epäjipö tticuocö. Ja̧'hua̧ta̧nö̧ idicu'inä, yoröiso idicuächocö. Ja̧'hua̧ta̧nö̧ isojä pparuhuächojä jä̧'i̧nö̧'a̧nö̧mä̧ jo̧cö̧.

Hebreos 6:17

Ja̧'hua̧nö̧ ja̧'a̧ttö̧ Dios, chutä i̧mi̧nä̧ ucuocu iya pä'inödo. Ja̧u̧ adihuä juäi iya päinö ttȩmä̧cuo̧tö̧mä̧, o'ca juiyönä päinö ta'anö i̧yä̧cua̧, adiunä ttu̧huo̧jua̧ pä'ö pä'inödo.

2 Tesalonicenses 1:7

Ucutu ubara ttu'ätörö'inä, ujuturu'inä 'cuätächi'a pä'ö ppädäcuotöjä Diosmä, Tu̧ru̧hua̧ Jesús ocuräcu, ángeles juruhuätöcu mo̧ro̧jä̧ra̧'a̧ttö̧ ichö mo̧ro̧ päi'omenä.

Filipenses 2:25

Ja̧'hua̧nö̧ ja̧'a̧nä̧ ucuturu topö hueda pä'ösä tö̧jä̧hua̧ Epafroditorö. Ja̧u̧mä̧, ucutu ttörö ppäda pä'ö huecuhuinätucu o'ca'a, iso päi'önä aditö rohuähuinö ttöcu chu̧mö̧huä̧ya̧ päi'önä.

2 Corintios 9:12

Iso päi'önä pi̧yȩ ppä'ädö huecuhuätucu tiyomenä, jahuätö tö̧jä̧hua̧tö̧rö̧, jui'ätörö iyätöjä ttu̧ju̧nä̧ra̧ pä'ö. Ja̧'hua̧ta̧nö̧ jahuätö'inä ttȩmo̧mȩnä̧, Diosrö rö̧ȩnä̧ ttesehuäcuotö.

Romanos 15:27

Ja̧'hua̧nö̧ jitötä amöcuädinätö adiu'a̧nö̧ ji̧na̧'a̧do ttamöcuädomenä. Ja̧'hua̧nö̧ ja̧'a̧ttö̧ iso päi'önä ppättädö'a̧nö̧ ja̧'a̧. Ja̧'hua̧ta̧nö̧ jitörö judíos ttö̧ja̧rö̧ ppättädö'a̧nö̧ ja̧'a̧ pi̧jä̧ jähuänä, koro juäi ttu̧ju̧nä̧rö̧mä̧, judíos ttö̧ja̧ judíos huocotörö ppättädinö ta'anö Dios jähuänä.

Romanos 15:16

Jesucristo i̧huȩnȩ judíos huocotörö jidähua pä'ö hue'inö. Ttö̧ja̧ suronä jȩttö̧ jȩpö̧ icu huȩnȩ, Dios iyömä ji'äusä judíos huocotörö, Espíritu Santo ȩmä̧u̧ru̧, Dios koro juäi ofrenda ȩma̧'a̧ jä̧'i̧nö̧'a̧nö̧ ȩma̧ pä'ö jahuätörö.

Romanos 13:6

Ja̧'hua̧nö̧ ja̧'a̧ttö̧ ucutu mitätöjä pärätä ruhuotörö. Jahuätö ruhuotö Dios hueähuä adicuä isotö päi'önä jȩpä̧tö̧ ttaditähuä.

Hechos 13:2

Ttu̧cuȩ a̧do̧chö̧ Diosrö ucuocuinätödo. Espíritu Santo jahuätörö pä'inödo: —'Quȩ'ȩpö̧ ȩmä̧tu̧cui̧ Bernabérö'inä, Saulorö'inä. Jahuätörö täcö pätetö hue'äjisä ttadita pä'ö.

Hechos 11:22

Jesucristorö esetätömä, Jerusalén ötahuiyänä ka̧cuä̧tö̧mä̧, Antioquía ötahuiyättö 'cuäopinö ä̧ju̧cui̧nä̧tö̧do. Bernabérö hue'inätödo Antioquía ötahuiyära̧'a̧ i̧'cha̧ pä'ö.

San Lucas 1:23

Ja̧'hua̧nö̧ ja̧'a̧ Zacarías Diosrö ucuocuäcuähuodenä aditäji mo̧ro̧ cä'ädäji'ca̧, ojusodera̧'a̧ i̧hui̧nö̧do.

San Mateo 24:31

Umöhuäyotö ángelesrö huȩä̧cua̧, trompeta pä̧i̧cu̧nä̧ rä̧mi̧pö̧nä̧ churutä esetinätörö pa̧ja̧cu̧nä̧ ka̧cuä̧tö̧rö̧ ttö̧ca̧ca̧ta̧ pä'ö.

San Mateo 13:41

Chutä Ubo I̧tti̧mä̧ umöhuäyotö ángelesrö huȩä̧cua̧, o'ca toi'önä suronä jȩpä̧tö̧rö̧'i̧nä̧ korotö suronä jȩtta̧ pä'ö huȩ'ä̧rä̧tö̧rö̧'i̧nä̧, chutä i̧tti̧mö̧ ttö̧'quȩtȩttö̧ ca̧ca̧tö̧ do'opö tticua pä'ö.

1 Pedro 3:7

Ucutu'inä u̧mä̧tö̧, cuirecuarö repe'ö ka̧cuä̧tu̧cui̧. Adiu ucuotönö amöcuädätucui jahuätörö, ucututtu'inä abonänö juiyupätörö. Diosrö pä̧huä̧ rö̧jo̧mȩnä̧, ucuturu iyinö ta'anö, jahuätörö'inä iyinö cunichi'ätucuoca'a ka̧cuä̧tu̧cui̧. Ja̧'hua̧nö̧ jȩpä̧tu̧cui̧, Diosrö cucuocuätucuomenä, surojö juiyäcua'a̧nö̧.

Santiago 2:5

Chö̧jä̧hua̧tö̧, ä̧ju̧cuä̧tu̧cui̧. Dios ȩmi̧nö̧ pi̧jä̧ttö̧ usurä isotörö'inä, adiu amöcuädö ttesetarö pä'ö, Dios ppädäcuähuä ttȩma̧ pä'ö. Ja̧u̧ ppädäcuähuä iya pä'inö churutä, Diosrötä repe'ätörö.

Hebreos 10:11

Judíos ttö̧ja̧ttö̧ sacerdotes huotö mo̧ro̧ji̧nö̧ a̧'u̧cuä̧ sacrificios jȩpä̧tö̧do. Koronö'inä, koronö'inä jȩtto̧mȩnä̧, ji̧yȩä̧cuȩtä̧, suronä jȩttö̧ jȩpö̧ icuocö juäitä jȩpä̧tö̧do.

Hebreos 8:6

Jesús ujutu ji̧nä̧ isocu sacerdote ru̧hua̧mä̧, ja̧u̧ juäittö'inä abonänö adiu jȩpö̧. Ja̧u̧ jareö huȩnȩ, korottö'inä abonänö adihuä juäi iyähuä huȩnȩ tta̧huä̧rä̧cuä̧huä̧ ru̧hua̧ päi'önä kö̧.

Hebreos 6:12

Kö'cocotöjä cutähuätucuttumä. Dios adihuä juäi iya päinö Diosrö esetö ttami 'qui'ächi'önö ȩmö̧ jȩttö̧'a̧nö̧, ucutu'inä jȩcu̧'ä̧tu̧cua̧ pä'ätöjä.

Hebreos 5:9

Ja̧'hua̧nö̧ huo̧jui̧pö̧, yoröiso adihuä i̧sa̧ pä'i'inödo. Jitämä chutä kä̧cuä̧huä̧ i'co iyödo, o'ca toi'önä ja̧u̧ru̧ esetätörö.

Filipenses 2:17

Ucutu Diosrö cuesetätucuomenä, sacrificio jȩtti̧nö̧'a̧nö̧ ttö chucuoja erönä cuä'ö tticuttu'inä, adihuajacusä. Ja̧'hua̧nö̧ ja̧'a̧nä̧ ucutucu'inä o'ca toi'önä chȩsȩhuä̧cua̧sä̧.

Efesios 3:6

Ja̧u̧ ttieru huȩnȩ pi̧yȩtä̧. Suronä jȩttö̧ jȩpö̧ icu huȩnȩ esetätötä yoräteunä ttȩmä̧cuo̧tö̧ Dios iyä̧cuȩ, judíos huotö'inä, judíos huocotö'inä. Jahuätömä ji̧nä̧ yotöte huotö ja̧'a̧ttö̧, Dios Cristo Jesúsnä iya päinö yoräteunä ttȩmä̧cuo̧tö̧.

Gálatas 3:29

Iso päi'önä Cristorö cuesetätucuttumä, Abraham mi̧nä̧ isotö isotöjä. Ja̧'hua̧ta̧nö̧ o'ca juiyönä Dios iya päinömä cuȩmä̧cuo̧tö̧jä̧.

Gálatas 3:9

Ja̧'hua̧nö̧ ja̧'a̧, o'ca toi'önä chutä esetinö ta'anö esetätömä, ji̧nä̧ ji̧yȩtȩ ppädäcuähuotö Abraham mi̧nä̧cu̧.

Gálatas 3:7

Ja̧'hua̧nö̧ ja̧'a̧ttö̧ ucutu cu̧huo̧juä̧tu̧cu̧'a̧nö̧ ja̧'a̧ iso päi'önä Diosrö esetätötä Abraham mi̧nä̧ ahuaruhuä o'cotö pä'i'ätö.

Romanos 8:17

Dios i̧tti̧mö̧ päti'a'attö, Dios iya päinömä tȩmä̧cuo̧tö̧jä̧. Ja̧'hua̧ta̧nö̧ Cristorö iyö'inä, yoräteunä tȩmä̧cuo̧tö̧jä̧. Cristo ubara ttuhuinö ta'anö, ubara ttututtumä, Cristocu eseäcuähuä tȩmä̧cuo̧tö̧jä̧.

Hechos 16:26

Ja̧'hua̧ ja̧'a̧ rȩjȩ rö̧ȩnä̧ ttö̧ȩpi̧na̧'a̧do. Cärenä päcuähuode kada'ca ttö̧ȩpi̧na̧'a̧do. Yotäcu äpatiyä o'ca juiyönä bachächipina'ado. O'ca toi'önä cärenä pȩjä̧tö̧rö̧ cuoräusa ejächi'inä̧u̧do.

San Mateo 4:11

Ja̧'hua̧ ja̧'a̧ ähuettämä rä'opächinödo Jesús ö̧jo̧mȩttö̧. Ja̧u̧nu̧ o'ca'a ángeles ichö ppä'ädinätödo Jesúsru.

San Marcos 10:17

Jesús juhua'attö rä'opö i̧'cho̧mȩnä̧, ya̧tȩ jopö ichi'ö, Jesús ä'ca jo̧mȩ ihue'quiyunä kä̧mä̧dö̧, jä'epinödo: —Adihuä Huo̧juȩcuä̧ I̧sa̧, kä̧cuä̧huä̧ i'co chu̧ju̧nä̧ra̧ pä'ö, ¿tta̧'a̧nö̧ jȩchä̧cua̧'a̧jä̧ttö̧?

Romanos 11:14

Ttö chahuaruhuä judíos ttö̧ja̧ttö̧ ya̧cu̧nä̧ ji̧yȩtä̧ a̧'u̧cuä̧ jȩtta̧ pä'ösä, ucutu jȩcu̧'ä̧tu̧cu̧ ta'anö. Ja̧'hua̧nö̧ topö ttesetomenä, Dios ȩmä̧cua̧'a̧nö̧ jahuätörö.

1 Corintios 1:21

Diosmä huo̧jua̧ chutä jȩö̧. Dios hue'inödo pi̧jä̧ ttö̧ja̧ jitötä ttamönä huo̧juä̧huä̧nä̧ ttu̧huo̧jui̧'i̧yi̧ya̧rö̧ pä'ö. Chutä i̧huȩnȩ, korotö ttu̧'ȩpä̧ro̧co̧tö̧ ttucuocu'a̧nö̧ a̧'cua̧rö̧nä̧ pättö huȩnȩ ttesetomenä, suronä jȩttö̧ jȩpö̧ icua pä'inödo.

Hebreos 2:3

Ttö̧ja̧ suronä jȩttö̧ jȩpö̧ icu huȩnȩ, adihuä huȩnȩ töarodöttömä, ¿tta̧'a̧nö̧ jȩpö̧ tö̧ja̧cui̧'ä̧tu̧cuä̧cua̧'a̧jä̧ttö̧? Ja̧u̧tä̧ Tu̧ru̧hua̧, pi̧yȩ ttö̧ja̧ suronä jȩttö̧ jȩpö̧ icu huȩnȩtä̧ äcuomenä ji'ähuinödo. Ä̧ju̧cui̧nä̧tö̧mä̧, Tu̧ru̧hua̧ päinö ta'anö 'cuäopa'a topö, ji'ähuinätö ujuturu ja̧u̧ huȩnȩ.

Hebreos 9:28

Iso päi'önä Cristo ya'utenätä sacrificio jȩpi̧nö̧do recuätö ttö̧ja̧ suronä jȩttö̧ jȩpö̧ icu. Ja̧u̧nu̧ o'ca'a, pä'äji ta'anö i̧chä̧cua̧. Ja̧u̧nu̧ suronä jȩttö̧ jȩpö̧ icua pä'ö ichocö jä̧cua̧. Ja̧u̧ru̧ tta̧'ä̧rä̧tö̧rö̧ ȩmö̧ i̧chä̧cua̧do.