Hebreos 1:1 - TÄ̧DO Ä̧CUÄ̧ I̧HUȨNȨ

¹ Täbocö Dios chutä i̧huȩnȩ jiäcuähuä isotörö jiähuinömä, juhua'a yabocu ji'ähuinätödo ujutu tä̧do̧tö̧ mi̧nä̧rö̧, rö̧ȩnä̧ koro juäinä jȩpö̧ ucuocu.

Nuevo Testamento Uwotjüja

¹ Mo̧ täbokütä päi'ünä̧ Dio-mä̧ tü̧tä̧mü̧ mi̧nä̧rü̧mä̧, profeta-nä̧'i̧nä̧, kkoro jueinä̧'i̧nä̧, rü̧ȩnä̧ ukuokuinü̧'ka̧.

Hebreos 1:1 Referans Kwoze

San Lucas 24:27

Ja̧u̧nu̧ o'ca'a o'ca juiyönä Huȩyu̧cuä̧ Huȩnȩ churutä huȩyu̧cua̧'a̧ ji'ähuinödo jahuätörö. Moisés i̧huȩyu̧ti̧nö̧ kä̧mä̧dö̧, o'ca juiyönä Dios i̧huȩnȩ jiäcuähuä isotö tti̧huȩyu̧ti̧nö̧ ji'ähuinödo.

Hechos 2:30

Ja̧u̧ David Dios i̧huȩnȩ jiäcuähuä i̧sa̧ pi̧nö̧do. Dios ja̧u̧ru̧ päinö ta'anö huo̧jui̧nö̧ “Cristomä ttötä chi̧tti̧ isotöttö u̧huä̧pä̧chä̧cua̧. Ttö ru̧hua̧ chö̧jö̧ ta'anö, ru̧hua̧ ö̧jä̧cua̧ Cristomä.”

San Lucas 1:55

'Cuäopönä a̧mö̧cuä̧rö̧ ujutu tä̧do̧tö̧ mi̧nä̧rö̧, Abrahamrö'inä, ahuaruhuärö'inä iya päinömä, —pä'inäjudo María.

Hechos 13:32

“Ja̧'hua̧ta̧nö̧ ujutu pocu ichäjätöjä adihuä huȩnȩ ji'äu ucuturu. Diosmä ujutu tä̧do̧tö̧ mi̧nä̧rö̧ päinömä, ujutu, jahuätöttö isotörö, päinö ta'anö jȩpi̧nö̧, Jesúsru ttoädomenä. Dios i̧huȩnȩ Salmos cuyäru'tänä capítulo dos päa'a: Ucutä ttö Chi̧tti̧jä̧. Jitämä Cuä'o pä'i'äjisä.

Hebreos 2:2

Täbocö ángeles jittähuinö huȩnȩ 'cuäopa'a topinätö. Ja̧u̧ huȩnȩ ttä̧ju̧cua̧'a̧nä̧, jarodinätörö'inä, suronä jȩpi̧nä̧tö̧rö̧'i̧nä̧ suronä jȩtti̧nö̧ micuä päi'önä adiunä ö̧tä̧bo̧ti̧nä̧u̧do.

San Lucas 1:72

“Re rö̧jö̧nä̧ to̧chä̧cuä̧u̧jä̧,” pä'inö tä̧do̧tö̧ mi̧nä̧rö̧. “Adiu chucuocuinömä unichi'ocösä” pä'inö.

Hechos 28:23

Koro mo̧ro̧ judíos ttö̧ja̧ ttichä̧cuȩ mo̧ro̧ amöcuädinätödo Pablocu. Ttamöcuädäji mo̧ro̧ päi'omenä, recuätö ttö̧ja̧ ichinätödo Pablo ö̧jodera̧'a̧. Dios Ttu̧ru̧hua̧ päi'önä kö̧ pä'ö ji'ähuinödo Pablo. Moisés hueähuä huȩnȩ'i̧nä̧, Dios i̧huȩnȩ jiäcuähuä isotö tti̧huȩyu̧ti̧nö̧'i̧nä̧ ucuocu ji'ähuinödo, Jesúsru tteseta pä'ö yo̧ȩi̧ kä̧mä̧dö̧, ni̧pä̧ro̧mȩ cä'ädö.

San Juan 9:29

Dios Moisésrö ucuocuinö huo̧juä̧tö̧jä̧. Ja̧u̧ uborömä, ichina'attö'inä jerupätöjä.

San Juan 7:22

Moisés circuncisión jȩcu̧'ä̧tu̧cua̧ pä'ö hue'inödo. Juhuorö'inä chutä äcuomenä ja̧'hua̧nö̧ jȩpo̧cö̧ pi̧nö̧do. Ucutu cuä̧do̧tö̧ mi̧nä̧ äcuomenä jȩpi̧nä̧tö̧do ja̧u̧ juäi. Ja̧'hua̧nö̧ ja̧'a̧nä̧ ucutu ya̧tȩ ji̧'qui̧cha̧hua̧rö̧ ttö̧ja̧ 'cuättächi'ö mo̧ro̧'i̧nä̧ circuncisión jȩpä̧tö̧jä̧.

San Lucas 24:44

Ja̧u̧nu̧ o'ca'a jahuätörö pä'inödo: —Ttörö 'cuäopäjimä, ucutucu ji̧nä̧ kä̧nö̧, ji'ähuinösä. O'ca juiyönä Moisés hueähuä huȩnȩ ttörö päö'a̧nö̧'i̧nä̧, Dios i̧huȩnȩ jiäcuähuä isotö ttörö tti̧huȩyu̧ti̧nö̧'a̧nö̧'i̧nä̧, Salmos cuyäru ttörö päö'a̧nö̧'i̧nä̧ 'cuäopäcua'a ji'ähuinösä.

San Juan 16:13

Iso päi'önä Ppädäcuähuä I̧sa̧ Espíritu Santo ichomenä, ja̧u̧ iso päi'önä huȩnȩ u̧huo̧juȩtä̧cua̧ ucuturu. Chutä amönä amöcuädö ucuocuocö jä̧cua̧. O'ca juiyönä ä̧ju̧cuä̧ji̧tä̧ ji̧ä̧huä̧cua̧ ucuturu. Ja̧'hua̧ta̧nö̧ koronö 'cuäopä̧cuȩ'i̧nä̧ ji̧ä̧huä̧cua̧ ucuturu.

Hechos 3:21

Ja̧u̧ Jesucristo mo̧ro̧jä̧ra̧'a̧ ö̧jä̧cua̧, o'ca juiyönä Dios äcuomenä aditinö ta'anö aditö u̧ju̧na̧'a̧ jubö päi'önä. Ja̧'hua̧nö̧mä̧ Diostä ji'ähuinö mo täbocö i̧huȩnȩ jiäcuähuä isotörö, adihuä ttö̧ja̧rö̧.

Hebreos 2:3

Ttö̧ja̧ suronä jȩttö̧ jȩpö̧ icu huȩnȩ, adihuä huȩnȩ töarodöttömä, ¿tta̧'a̧nö̧ jȩpö̧ tö̧ja̧cui̧'ä̧tu̧cuä̧cua̧'a̧jä̧ttö̧? Ja̧u̧tä̧ Tu̧ru̧hua̧, pi̧yȩ ttö̧ja̧ suronä jȩttö̧ jȩpö̧ icu huȩnȩtä̧ äcuomenä ji'ähuinödo. Ä̧ju̧cui̧nä̧tö̧mä̧, Tu̧ru̧hua̧ päinö ta'anö 'cuäopa'a topö, ji'ähuinätö ujuturu ja̧u̧ huȩnȩ.

Hebreos 3:5

Moisés adicuä i̧sa̧ ta'anö adiunätä jȩpi̧nö̧do Dios umöhuäyotörö. Chutä aditähuä päi'önä ucuocuinödo Dios jiähuä̧cuȩtä̧.

Hebreos 4:8

Josué, Israel ttö̧ja̧rö̧ Dioscu 'cuä'ächi'ö ttö̧ja̧cuo̧mȩcu̧ hueinöttömä, Dios koro mo̧ro̧ ucuocuocö pi̧na̧ji̧.

Hebreos 5:5

Ja̧'hua̧ta̧nö̧ 'cuäopa'a Cristorö'inä. Chutä amöcuädömä sacerdote ru̧hua̧ päi'önä ku̧nä̧huo̧cö̧ pi̧nö̧. Dios hueinäcu ja̧'hua̧nö̧ ö̧ja̧ pä'ö i̧huȩnȩ päinö ta'anö: Ucutä ttö chi̧tti̧jä̧. Jitä mo̧ro̧ ttömä ucu cuä'osä.

Hebreos 9:19

Moisés o'ca juiyönä hueähuä huȩnȩ ji'ähuinödo ttö̧ja̧rö̧. Ja̧u̧nu̧ o'ca'a pö̧jä̧ta̧, o̧vȩja̧stö̧ ttuhuo'chettö adicuä̧ta̧ tu̧huä̧ta̧cu̧, hisopo dau ä̧na̧juä̧cu̧ 'chu̧'ä̧rö̧, pä̧cä̧yö̧ tti̧tti̧mö̧'i̧nä̧, o̧vȩja̧stö̧ tti̧tti̧mö̧'i̧nä̧ ttucuojacu, ajiyacu huihuacua'a da'epäji'ca̧, hueähuä huȩnȩ cuyäru'tänä'inä, ttö̧ja̧rö̧'i̧nä̧ icuähuinödo.

Hebreos 11:2

Ujutu tä̧do̧tö̧ mi̧nä̧ adiu ttesetina'attö, adiu ka̧cui̧nä̧tö̧do.

Hebreos 12:25

Ja̧'hua̧nö̧ ja̧'a̧ttö̧ ucuturu ucuocuru cujö'cätucu juiyönä jȩcu̧'ä̧tu̧cuo̧ca̧'a̧, ttu̧ȩcuä̧nä̧ ka̧cuä̧tu̧cui̧. Pi̧jä̧nä̧ ka̧cui̧nä̧tö̧ Diosrö jarodinätörö jittähuomenä, tö'ipächö ka̧cui̧po̧co̧tö̧ pi̧nä̧tö̧do. Ujutu'inä kärächi'ö jarodö tötipächöttömä, ka̧cui̧po̧co̧tö̧jä̧ mo̧ro̧jä̧ra̧'a̧ttö̧ jiähuomenä.