Gálatas 6:3 - TÄ̧DO Ä̧CUÄ̧ I̧HUȨNȨ

³ Ya̧tȩ chutä amöcuädäcuäutä ttö̧ja̧ ttucuotattö pä'äumä usurä i̧sa̧ ja̧'a̧nä̧, chutätä yapareu pä'äu.

Nuevo Testamento Uwotjüja

³ Ya̧tȩ, uruwo jui̧'a̧ kkä̧nü̧ ukuo teäwomȩnä̧mä̧, a̧mü̧nä̧ pa̧ja̧tü̧tä̧ yaparewäkuäu.

Gálatas 6:3 Referans Kwoze

1 Corintios 3:18

Ja̧'hua̧ ji̧yä̧cu̧ yapareu cuamöcuädätucuä' cuamönätucunä. Ucututtu ya̧tȩ pi̧jä̧ttö̧ rö̧ȩnä̧ huo̧jua̧sä̧ pä'ö amöcuädöttömä, ja̧u̧ juäi jaroi'a pä'ö ya̧tȩ jȩru̧pa̧ ta'anö juo'ächö, adihua'a. Ja̧'hua̧nö̧ jȩpö̧ iso päi'önä adihuä juäi huo̧juä̧huä̧ u̧huo̧jui̧'ä̧cua̧'a̧nö̧.

1 Corintios 8:2

Ja̧'hua̧nö̧ ja̧'a̧ttö̧ ya̧tȩ o'ca juiyönä huo̧jua̧sä̧ pä'ö amöcuädöttömä, ja̧u̧mä̧ yoröiso koro juäi'inä jȩru̧pa̧.

Romanos 12:3

Dios ttörö ppädina'attö, o'ca toi'önä ucuturu ji'äusä, ttömä korotöttö'inä abonänö huo̧jua̧sä̧ pä'ö cuamöcuädätucuä'. Ucututä cuamönätucu adiu cua̧'cua̧ ku̧nu̧ amöcuädätucui esetäcuähuä Dios iyinömä.

2 Corintios 3:5

Ujutu tamönä tujurunä yoröiso koro juäi jȩä̧cuä̧huä̧nä̧ juiyupätöjä. O'ca juiyönä jȩtö̧mä̧, Dios ppäda'attö jȩpä̧tö̧jä̧.

1 Corintios 13:2

Ja̧'hua̧ta̧nö̧ Dios iyähuä huȩnȩ jidäuttumä, o'ca juiyönä ttö̧ja̧ ttieru huȩnȩ chu̧huo̧ju̧ttu̧mä̧'i̧nä̧, o'ca juiyönä pi̧jä̧ huo̧juä̧huä̧ chu̧huo̧ju̧ttu̧mä̧'i̧nä̧, o'ca toi'önärö repedoca'anä, yoröiso yapareutä jȩpö̧sä̧. Ja̧'hua̧ta̧nö̧ rö̧ȩnä̧ esetö, möä'ca chupporädäcua'a̧nö̧ pä'ö chesetöttö'inä, chahuaruhuärö repedoca'anä, yoröiso yapareutä jȩpö̧sä̧.

1 Juan 1:8

“Ujutu yoröiso suronä jȩpo̧co̧tö̧jä̧” pätöttömä, ujutu tamönä yaparehuätöjä. Ja̧'hua̧nö̧ pätomenä, iso päi'önä huȩnȩ ucuocuocotöjä.

Romanos 12:16

Ji̧nä̧ yo̧mȩtȩ amöcuädö ka̧cuä̧tu̧cui̧ korotö korotöcu. Korotöttö'inä abonänö adihuä i̧sa̧sä̧ pä'ö päcuhuätucuä'. Usurä isotö ttamöcuädö'a̧nö̧ amöcuädätucui. Korotöttö'inä abonänö huo̧jua̧sä̧ pä'ö cuamöcuädätucuä'.

San Lucas 18:11

Fariseo i̧sa̧ ä̧rä̧mi̧'ö̧ ucuocuinö pa̧'a̧nö̧: “Chä̧do̧ ä̧cua̧ Dios, eseunu pä'ösä korotö ttö'a̧nö̧mä̧ huocösä. Nä̧u̧cuä̧rä̧tö̧'a̧nö̧'i̧nä̧, suronä jȩpä̧tö̧'a̧nö̧'i̧nä̧, nä̧tö̧rö̧ suronä usätö'a̧nö̧'i̧nä̧ chujua ru̧hua̧ öäre pärätä ȩmä̧'i̧jö̧'a̧nö̧'i̧nä̧ huocösä.

Santiago 1:22

Dios i̧huȩnȩ päö ta'anö jȩpä̧tu̧cui̧. Ä̧ju̧cu̧tä̧mä̧ cuä̧ju̧cuä̧tu̧cuä̧'. Ä̧ju̧cu̧tä̧ cuä̧ju̧cuä̧tu̧cuo̧mȩnä̧, yapareu ucuocuätöjä cuamönätucutä.

Santiago 1:26

Ya̧tȩ culto adiu ra̧hua̧'a̧nä̧, ttömä adihuä i̧sa̧sä̧ amöcuädöttömä, koronö'inä ucuocuomenä, adiu huȩnȩtä̧ ucuocu juiyöttömä, amönätä yapareu ucuocu. Diosrö yoröiso esetocö.

2 Timoteo 3:13

Ja̧'hua̧nö̧ ja̧'a̧nä̧ suronä jȩpä̧tö̧'i̧nä̧, yapareu ucuocu jȩpä̧tö̧'i̧nä̧ ji̧nä̧ isocu suronä jȩttä̧cuo̧tö̧. Jahuätömä ji̧nä̧ isocu ttesetäcuotö yapareu huȩnȩ.

2 Corintios 12:11

Ja̧'hua̧nö̧ ttötä chucuocuäcuähuomenä, suripächö ttucuocu'a̧nö̧, ucuocuäjisä. Juhuorö'inä ucututä hue'inätöjä ja̧'hua̧nö̧ chucuocuäcuähua pä'ö koro koronö jȩcu̧'i̧yä̧tu̧cuä̧cu̧. Ucututä ttörö adiunä cucuocuätucu'a̧nö̧ ja̧'a̧. Ttö yoröiso adihuä i̧sa̧ choca'anä, jitötä yapareu ji'äu kä̧nö̧, “Dios i̧huȩnȩ adiu ji'ähuätö” päcuhuätucuä̧u̧ ta'anö, yorätehuätöjä.

Gálatas 2:6

Dios i̧huȩnȩttö̧ ruhuotö pättä̧u̧mä̧ yoröiso jareönä hueähuä huȩnȩ pättömä ttu̧huo̧juȩto̧co̧cu̧ pi̧nö̧sä̧. Jahuätömä ruhuotö tta'anä adiumä chu̧huo̧juo̧co̧u̧ pi̧nä̧tö̧. Diosmä pi̧jä̧ ttö̧ja̧ ttöadihuä topö, ka̧cuä̧mö̧mä̧ topocö.

Hechos 5:36

Motä ya̧tȩ Teudas “Rö̧ȩnä̧ huo̧jua̧sä̧” huopö ichinö. Korotö cuatrocientos u̧mä̧tö̧ ja̧u̧ru̧ esetinätö. Ja̧'hua̧nö̧ ja̧'a̧ korotö ja̧u̧ru̧ cuä'ö tticuäji o'ca'a, ja̧u̧ru̧ esetätömä o'ca toi'önä dö'ecuächinätö toönä.

Gálatas 2:9

Ja̧'hua̧nö̧ ja̧'a̧ Jacobocu, Pedrocu, Juancu Dios i̧huȩnȩttö̧ ruhuotö pi̧nä̧tö̧mä̧, huo̧jui̧'i̧nä̧tö̧ ttörö Dios hueina'a ttö jidähua pä'ö i̧huȩnȩ. Jahuätö ujuturu tu̧mö̧nä̧ 'chu'ädö ucuocuinätö ttörö'inä, Bernabérö'inä. Ja̧u̧mä̧ eseunu jȩpi̧nä̧tö̧ ujutu ji̧nä̧ ji̧yȩtȩ tadita pä'ö. Ujutumä judíos huocotöcu tadita'anä, jitö'inä judíos ttö̧ja̧cu̧ ttaditäcua'a̧nö̧ pä'ö.