Gálatas 6:2 - TÄ̧DO Ä̧CUÄ̧ I̧HUȨNȨ

² Ja̧'hua̧ta̧nö̧ korotö korotönö surojö 'cuäopomenä, ppä'ädäcuähuätucui. Ja̧'hua̧nö̧ jȩpö̧ Cristo hueähuä jȩcu̧'ä̧cuo̧tö̧jä̧.

Nuevo Testamento Uwotjüja

² Ya̧tȩ ȩpü̧mä̧, kkorotü'i̧nä̧ ppä'ädäkuäu ȩpä̧tu̧kui̧, ja̧'wa̧nü̧ jȩpü̧tä̧ Crito aditinü̧mä̧ kuaditäkuotüjä̧.

Gálatas 6:2 Referans Kwoze

Romanos 15:1

Ujutu tesetöttö juruhuätömä, ppätädö'a̧nö̧ ja̧'a̧ tö̧jä̧hua̧tö̧ juiyupätörö, ujutu tamönätä töjö'cönätämäcö̧.

1 Tesalonicenses 5:14

Tö̧jä̧hua̧tö̧, ja̧'hua̧ta̧nö̧ pä'ätöjä ucuturu. Ötähuätörö adiu ucuocu ji'ähuätucui. Ye'ecuätörö ppä'ädätucui. Juiyupätörö'inä ppä'ädätucui. O'ca toi'önärö cuami 'qui'ächi'ö ka̧cuä̧tu̧cui̧.

San Juan 13:34

Ucuturu jareönä hueähuä huȩnȩ iyösä jitä. Korotö korotönörö repe'ätucui. Ucuturu repedinö ta'anö ucutu'inä korotö korotönörö repecuhuätucuäcua'a̧nö̧.

1 Juan 4:21

Dios ujuturu hueinömä päa'a: Diosrö repe'ömä, ö̧jä̧hua̧rö̧'i̧nä̧ repeö'a̧nö̧ ja̧'a̧.

Santiago 2:8

Dios hueähuä huȩnȩ päö ta'anö jȩcu̧'ä̧tu̧cu̧ttu̧mä̧, adiu jȩpä̧tö̧jä̧. Ja̧u̧ huȩnȩ päa'a: Cua̧hua̧ru̧hua̧rö̧ repe'i cuamönä repecuhuäu ta'anö.

San Juan 15:12

Pi̧yȩtä̧ ttö huedömä: ucuturu repedö'a̧nö̧, repe'ätucui ucutu'inä korotö korotönörö.

1 Pedro 2:24

Cristo ujutu suronä jȩtö̧ chutä jä̧ttä̧pä̧ya̧nä̧ ȩpi̧nö̧ daunä kä̧nö̧ 'corujuoächomenä. Ja̧'hua̧nö̧ ȩpi̧nö̧ suronä jȩpö̧ 'corupäti'a'acu. Adiunätä tö̧ja̧cua̧ pä'ö ȩpi̧nö̧. Ucuturu aditö icua pä'ö ubara ttu'inö.

San Mateo 8:17

Ja̧'hua̧nö̧ 'cuäopina'ado Dios i̧huȩnȩ jiäcuähuä i̧sa̧ Isaías i̧huȩyu̧ti̧nö̧ ta'anö. Ja̧u̧ huȩyu̧ti̧nö̧do: “Chutä ȩmö̧ ȩpi̧nö̧do ujutu tijuiyuhuinö'inä, na̧tä̧chi̧nö̧'i̧nä̧”, pä'ö huȩyu̧ti̧nö̧do.

Gálatas 6:5

O'ca toi'önä surojö 'cuäopomenä, jitötä ttamönätä ttami 'quittächi'ö'a̧nö̧ ja̧'a̧.

1 Corintios 9:21

Ja̧'hua̧ta̧nö̧ korotö Moisés hueähuä huȩnȩ jȩpo̧co̧tö̧cu̧ cuedächomenä, jahuätö cuettächö'a̧nö̧ cue'ächösä Diosrö ttesetäcua'a̧nö̧. Juhuorö'inä ttötä Dios hueähuä huȩnȩ jȩpö̧sä̧, Cristo ttörö huea'attö.

Romanos 8:2

Espíritu Santo ujurunä Jesucristocu ji̧nä̧ ji̧yȩtȩ huotörö kä̧cuä̧huä̧ iyömä, ttörö ȩmö̧ icuinö surojö ujuruttu'inä, hua'arettö'inä.

San Lucas 11:46

Ja̧'hua̧nö̧ ja̧'a̧ Jesús pä'inödo: —Hueähuä huȩnȩ huo̧juȩtä̧tö̧, suronä 'cuäopäcua'a ucuturu. Jȩtta̧ pä'ö huo̧juȩtä̧tö̧jä̧ korotörö, yoröiso jȩttö̧ juiyö'a̧nö̧ jö̧. Ja̧'hua̧nö̧ cu̧huo̧juȩtä̧tu̧cuo̧mȩnä̧, ucutumä yoröiso ji̧'qui̧cha̧nö̧'i̧nä̧ jȩpo̧co̧tö̧jä̧ ucututä cu̧huo̧juȩtä̧tu̧cu̧mä̧.

Santiago 1:25

Ya̧tȩ ä̧ju̧cuä̧ji̧ unichi'ocömä, Dios i̧huȩnȩ, suronä jȩä̧cuä̧huä̧ttö̧ ejädö icu huȩnȩ hueö ta'anö adiu amöcuädö jȩpö̧, juhua'a yabocutä 'quiyönä amöcuädö kö̧. Dios i̧huȩnȩ päö ta'anö jȩpö̧ kö̧. Ja̧u̧mä̧ juhua'a yabocu Dios ppä̧dä̧cua̧ jȩö̧mä̧.

Santiago 2:12

Ucutumä koro hueähuä huȩnȩ, suronä jȩä̧cuä̧huä̧ ejädö icu huȩnȩ hueö ta'anö jȩpä̧tö̧ ttö̧jö̧'a̧nö̧ ka̧cuä̧tö̧jä̧. Ja̧'hua̧nö̧ ja̧'a̧ttö̧ adiu jȩpö̧ ucuocu ka̧cuä̧tu̧cui̧.

2 Pedro 2:21

Adihuä huȩnȩ eseti'cotö, jaroi'äcuähuänämä suroja'ado. Ja̧'hua̧nö̧ ja̧'a̧ttö̧ adihuä huȩnȩ ttieruhuomenä, ja̧u̧ huȩnȩ jaroi'äcuähuättö'inä abonänö adihua'ado.

2 Pedro 3:2

Täbocö adihuä Dios i̧huȩnȩ jiäcuähuä isotö jittähuinö huȩnȩ cunichi'ätucuä'. Ja̧'hua̧ta̧nö̧ Tu̧ru̧hua̧ hueähuä huȩnȩ, Jesús hue'ähuotö ttu̧huo̧juȩti̧nö̧ huȩnȩ'i̧nä̧ ucuturu ttu̧huo̧juȩti̧nö̧mä̧ cunichi'ätucuä'.