Gálatas 5:16 - TÄ̧DO Ä̧CUÄ̧ I̧HUȨNȨ

¹⁶ Pi̧yȩjä̧ päda pädömä: Espíritu Santorö pä̧huä̧ rö̧jo̧mȩnä̧ ka̧cuä̧tu̧cui̧. Ja̧'hua̧nö̧ cu̧ja̧cuä̧tu̧cuo̧mȩnä̧mä̧, täcö ja̧u̧nu̧mä̧ cuamöcuädätucu pä̧huä̧ rö̧jo̧mȩnä̧mä̧ ka̧cuo̧co̧tö̧jä̧.

Nuevo Testamento Uwotjüja

¹⁶ Ja̧'wa̧nü̧ ja̧'a̧ttü̧ pä'üsä: Dio i̧sa̧, Epíritu üjü'komȩnä̧tä̧ kka̧kuä̧tu̧kui̧, kuidepätuku kkü'kekunä̧mä̧ ku̧jä̧tu̧kuä̧.

Gálatas 5:16 Referans Kwoze

Gálatas 6:8

Ya̧tȩ churutä pä̧huä̧ rö̧jö̧ amöcuädötä ku̧nu̧mä̧, ja̧u̧ chutä amöcuädö hua'aretä ȩmä̧cua̧. Ja̧'hua̧nö̧ ja̧'a̧nä̧ Espíritu Santorötä pä̧huä̧ rö̧jo̧mȩnä̧ u̧ju̧nu̧ttu̧mä̧, ja̧u̧ru̧ Espíritu Santo kä̧cuä̧huä̧ i'co i̧yä̧cua̧.

1 Pedro 2:11

Adihuä chö̧jä̧hua̧tö̧, ucuturu pä'ösä, korotö tti̧rȩjä̧ttö̧ ichö ttö̧jö̧'a̧nö̧, cua̧'cua̧ru̧hua̧nä̧ rohuäcuähuä, pi̧jä̧ttö̧ amöcuädäcuähuä, cuamöcuädätucuä'.

2 Corintios 7:1

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, ja̧'hua̧nö̧ iya pä'inö Dios ujuturu. Jitämä ujutu jättäpäyotönä'inä, ta̧'cua̧ru̧hua̧nä̧'i̧nä̧ idicuächö juäittö'inä i̧mi̧cu̧nä̧ cuetächäcua'a̧nö̧. Ja̧'hua̧ta̧nö̧ Diosrö ye'ecu kä̧nö̧, tami iso'quinä o'ca juiyönä esetö tiyäcuähuätucuaja Diosrö.

Romanos 6:12

Ja̧'hua̧ ja̧'a̧ttö̧ ja̧'a̧tä̧ tocu'äcuähuätucuä', ucuturu surojö juhua'a yabocu hueö juiya pä'ö, cuamönätucu cuamöcuädätucu jȩcu̧'ä̧tu̧cu̧ juiya pä'ö.

Efesios 2:3

Ujutu'inä o'ca toi'önä ja̧'hua̧nö̧ ka̧cui̧nä̧tö̧jä̧ pä'äjimä. Ujutu tamönä pä̧huä̧ rö̧jö̧nä̧'i̧nä̧, tamönä tamöcuädäu'inä, tamönä tu̧huo̧ju̧nä̧ jȩä̧cuä̧huä̧'i̧nä̧ ja̧'a̧tä̧ jȩpi̧nä̧tö̧jä̧. Ja̧'hua̧nö̧ ja̧'a̧ttö̧ Dios ujuturu'inä ro̧ȩpö̧ttö̧mä̧ adihua'a, korotörö ro̧ȩpö̧ ta'anö.

1 Pedro 1:14

Ppo̧'ä̧tö̧ ttä'o hueö jȩttö̧'a̧nö̧, jȩpö̧ ka̧cuä̧tu̧cui̧. Diosrö cuesetätucu juiyäi cuamönätucu pä̧huä̧ rö̧jö̧tä̧ jȩcu̧'i̧nä̧tu̧cu̧'a̧nö̧mä̧, jȩcu̧'ä̧tu̧cuä̧'.

1 Pedro 4:6

Ja̧'hua̧nö̧ ja̧'a̧ttö̧ o'ca toi'önä 'corupä'i'inätömä pi̧jä̧ ttö̧ja̧rö̧ tä̧bo̧cuä̧ päi'önä 'cuäopä̧cuȩ 'cuäopina'attö, adihuä huȩnȩ, jittähua'a ä̧ju̧cui̧nä̧tö̧do. Ja̧'hua̧nö̧ ä̧ju̧cui̧nä̧tö̧do, tta̧'cua̧ru̧hua̧nä̧ Diosrö pä̧huä̧ rö̧jo̧mȩnä̧ ttö̧ja̧cua̧ pä'ö.

1 Pedro 1:22

Jitämä, Espíritu Santo huo̧juȩcuä̧, adihuä huȩnȩ cuesetätucuomenä, cu̧jä̧hua̧tö̧rö̧ Cristonä, adiu eseunu cuamöcuädätucua pä'ö, töcö icuinä̧u̧jä̧. Ja̧'hua̧nö̧ ja̧'a̧ttö̧ o'ca juiyönä cuami iso'quitucunä'inä, cujuruhuätucunä'inä o'ca toi'önärö eseunu ka̧cuä̧tu̧cui̧.

Colosenses 2:11

Ucutu'inä iso päi'önä ttö̧ja̧ jȩttö̧'a̧nö̧mä̧ circuncidados huocotöjä. Ucutumä Cristorö cuesetätucua'attö, circuncidados huotöjä. Ja̧u̧mä̧ ucutu suronä jȩcu̧'ä̧tu̧cu̧ jȩpö̧ icuinö. Ja̧'hua̧nö̧ huotöjä ucutumä, Cristorö cuesetätucua'attö.

Gálatas 3:17

Ttö pädömä pi̧yȩjä̧: Dios o'ca juiyönä Abraham mi̧nä̧rö̧ ucuocuinömä jȩpi̧nö̧. Dios Abraham mi̧nä̧rö̧ ucuocuina'attömä, cuatro cientos treinta a̧'ȩ ji̧nö̧ o'ca'a, iyinödo Moisés hueähuä huȩnȩ. Ja̧u̧ Moisés hueähuä huȩnȩ yoröiso jȩpö̧ icuähuocö Dios iya päinö huȩnȩmä̧.

Romanos 8:1

Ja̧'hua̧nö̧ ja̧'a̧ttö̧ Dios chuttutä 'quȩ'ȩcu̧ icuocö Jesucristocu ji̧nä̧ ji̧yȩtȩ huotörö, ttidepä pä̧huä̧ rö̧jo̧mȩnä̧ ko̧co̧tö̧rö, Espíritu Santorö pä̧huä̧ rö̧jo̧mȩnä̧ ka̧cuä̧tö̧rö̧.

1 Corintios 7:29

Chö̧jä̧hua̧tö̧, pa̧'a̧nö̧ ji'äusä: Recuome ka̧cuo̧co̧tö̧jä̧ pi̧jä̧nä̧mä̧. Ja̧'hua̧nö̧ ja̧'a̧ttö̧ jitä mo̧ro̧ kä̧mä̧dö̧, ttirecuorö ku̧nä̧rä̧tö̧mä̧, ttirecua toa'a jä̧'i̧nö̧'a̧nö̧, ttö̧ja̧cuä̧tu̧cuä̧cua̧'a̧nö̧.