Gálatas 5:10 - TÄ̧DO Ä̧CUÄ̧ I̧HUȨNȨ

¹⁰ Ucuturu amöcuädö, Tu̧ru̧hua̧rö̧ ji̧nä̧ ya̧tȩrö̧ teseta'attö, ucutu i̧mi̧cu̧nä̧ huȩnȩ amöcuädocotöjä huo̧jua̧sä̧. Iso päi'önä Dios ö̧tä̧bo̧tä̧cua̧ ja̧u̧ru̧ ucuturu ja̧'hua̧nö̧ i̧mi̧cu̧nä̧ huo̧juȩtö̧rö̧.

Nuevo Testamento Uwotjüja

¹⁰ Ttümä̧ Chu̧ru̧wa̧rü̧tä̧ cha̧'kua̧ wȩnä̧rü̧sä̧, ukuturumä̧ kkara'akumä̧ amükuädokotüjä̧ pä'ü; ja̧'wa̧nü̧ ja̧'a̧nä̧ ukuturu tto̧'ȩpä̧rü̧rü̧mä̧ Dio ro̧ȩpä̧kua̧, jȩpü̧rü̧mä̧.

Gálatas 5:10 Referans Kwoze

Gálatas 5:12

Ja̧'hua̧nö̧ ja̧'a̧nä̧ jahuätö circuncisión jȩcu̧'ä̧tu̧cua̧ pä'ö huo̧juȩtö̧, suronä jȩpä̧tö̧ ucuturu, jitötä ttamönätä 'cui'ocu tticuado ya'utettötä.

Filipenses 3:15

Iso päi'önä ujutumä o'ca toi'önä adiu tesetöttömä, ji̧nä̧ yo̧mȩtȩ amöcuädajatöjä. Juhuorö'inä korotö ucututtu i̧mi̧cu̧nä̧ ttamöcuädöttömä, Dios u̧huo̧juȩtä̧cua̧ jahuätörö.

Gálatas 1:7

Koro huȩnȩ suronä jȩttö̧ jȩpö̧ icu pättö huȩnȩ iso päi'önä juiya'a. Korotö ucuturu suronä jȩpä̧tö̧mä̧ ka̧cuä̧tö̧. Jahuätömä pä̧huä̧ rö̧jä̧u̧ Cristo suronä jȩttö̧ jȩpö̧ icu huȩnȩ i̧mi̧cu̧nä̧ jö̧ cuesetiyätucuatö pä'ö.

2 Corintios 2:3

Ja̧'hua̧nö̧ ja̧'a̧ttö̧ chi̧huȩyu̧ti̧nö̧ ta'anö, huȩyu̧ti̧nö̧sä̧ ucuturu. Cha̧'cua̧ tta̧dȩcua̧ pä'ö jidähua pä'ocö pi̧nö̧sä̧. Ucuturu amöcuädö cheseu'a̧nö̧ ja̧'a̧ pä'inösä. Ja̧'hua̧ta̧nö̧ huo̧jua̧sä̧, ttö chesehuomenä, ucutu'inä o'ca toi'önä cuesehuäcuotöjäcö̧ pä'inösä.

1 Timoteo 1:20

Ja̧'hua̧nö̧ jȩpi̧nä̧tö̧ Himeneo'inä, Alejandro'inä. Jahuätörö hue'inösä ähuettärö, ttu̧huo̧jua̧ pä'ö Diosrö suronä ttucuocu juiyäcua'a̧nö̧.

Gálatas 6:17

Jitä kä̧mä̧dö̧ yoröiso pä̧huä̧ juiyäcusä suräjuä huȩnȩ cucuocuätucuattö pä'ömä. Chöttahuiyä huahuächinö topö huo̧juä̧tö̧jä̧, Chu̧ru̧hua̧ Jesús u̧mö̧huä̧ya̧ cha'amä.

Gálatas 4:17

Jahuätö ttö̧ja̧ i̧mi̧cu̧nä̧ huo̧juȩti̧nä̧tö̧mä̧ juiyo pä̧huä̧ rö̧jä̧u̧ ucuturu. Ja̧'hua̧nö̧ ttamöcuädömä adiumäcö̧. Jahuätö pä̧huä̧ rö̧jä̧u̧ ujututtu 'quȩttȩpa̧ pä'ö ucuturu, jahuätörötä cuesetätucua pä'ö.

Gálatas 3:1

Juiyo di̧ji̧ huo̧juä̧chi̧'o̧co̧tö̧jä̧, Gálatas ttö̧ja̧. ¿Dihuä ja̧'hua̧nö̧ jȩi̧nä̧tu̧cuä̧cu̧ iso päi'önä suronä jȩttö̧ jȩpö̧ icu huȩnȩ cuesetätucu juiyönämä? Adihuä huȩnȩ jitäumä, ucutu'inä ja̧u̧tä̧ Jesucristo daunä 'corupä'i'inörö tocu'ätucua pä'ö ji'ähuätöjä.

Gálatas 2:6

Dios i̧huȩnȩttö̧ ruhuotö pättä̧u̧mä̧ yoröiso jareönä hueähuä huȩnȩ pättömä ttu̧huo̧juȩto̧co̧cu̧ pi̧nö̧sä̧. Jahuätömä ruhuotö tta'anä adiumä chu̧huo̧juo̧co̧u̧ pi̧nä̧tö̧. Diosmä pi̧jä̧ ttö̧ja̧ ttöadihuä topö, ka̧cuä̧mö̧mä̧ topocö.

Gálatas 2:4

Juhua'acumä iso päi'önä korotö amönä tö̧jä̧hua̧tö̧ pä'ähuätö tö̧'quȩtȩnä̧ dajahuächö dodepäjätö pȩji̧nä̧tö̧ ujutucu. Jahuätötä circuncisión jȩta̧rö̧ pä'inätö. Jahuätö dodepinätö to̧ttä̧ra̧ pä'ötä ujuturu Cristo Jesúsru esetö adiu tö̧ja̧cua̧ja̧ pä'ö topö. Jahuätö ji̧nä̧ tö̧ji̧ya̧tö̧ pä'inätö.

2 Corintios 10:6

Ja̧'hua̧ta̧nö̧ ucutu o'ca juiyönä pätö ta'anö jȩcu̧'ä̧tu̧cu̧ o'ca'a, korotö ja̧'hua̧nö̧ jȩpo̧co̧tö̧rö̧ tö̧tä̧bo̧tä̧cuo̧tö̧jä̧.

1 Corintios 5:5

Ja̧'hua̧nö̧ ppäsähuipö, ja̧u̧ru̧ iyätucuirö Satanásrö, chutä jä̧ttä̧pä̧ya̧ toei'äcua'a̧nö̧, a̧'cua̧ru̧hua̧ ö̧ji̧pa̧'a̧nä̧, Tu̧ru̧hua̧ Jesús ichomenä.

Hechos 15:24

Ujutu ä̧ju̧cui̧nä̧tö̧jä̧ ujututtu yotöte 'chä̧nö̧, ucuturu ji'ähuinätödo circuncisión jȩcu̧'ä̧tu̧cua̧ pä'ö, ja̧'hua̧ta̧nö̧ Moisés hueähuä huȩnȩ hueö ta'anö jȩcu̧'ä̧tu̧cua̧ pä'ö. Jittähua'a cuä̧ju̧cuä̧tu̧cuo̧mȩnä̧, ucutu cuamöcuädätucu jerupinätöjä. Ujutumä jahuätörö hue'ocotö pi̧nä̧tö̧jä̧.

Filemón 1:21

Pi̧yȩ cuyäru chi̧huȩyu̧to̧mȩnä̧, huo̧jua̧sä̧ ucu jȩcu̧'ä̧cuȩ o'ca juiyönä. Ja̧'hua̧ta̧nö̧ ttö huedöttö'inä abonänö rö̧ȩnä̧ jȩcu̧'ä̧cua̧jä̧.

2 Tesalonicenses 3:4

Ujutu Tu̧ru̧hua̧rö̧ ta̧'cua̧ huȩnä̧rö̧ ucuturu amöcuädätöjä, ujutu jitähuinömä jȩpö̧ ttö̧ja̧cuä̧cuo̧tö̧ pä'ö.

Gálatas 4:20

Ucutucu chö̧ja̧ pä'ösä jitämä. Ja̧'hua̧nö̧ ucutucu chö̧jö̧ttö̧mä̧, adiu ucuocuajisä ucuturu. Jitämä amöcuädäcuähuä jȩru̧pa̧sä̧ ucuturu.

Gálatas 4:11

Ttömä ttö chaditähuä ucuturu ppädädinömä yoröiso micuähuocö jä̧'i̧nö̧'a̧nö̧ ji̧yä̧cu̧ yȩ'ȩcua̧sä̧.

2 Corintios 13:10

Pi̧yȩ cuyäru huȩyu̧tu̧sä̧ ucuturu topö chi̧'chä̧cua̧'a̧ ä'canä, chi̧'cho̧mȩnä̧ pä̧i̧cu̧nä̧ ro̧dȩpö̧ juiya pä'ö, Tu̧ru̧hua̧ hueinö jȩpö̧. Chutä Tu̧ru̧hua̧, hue'inö ujurunä ttörö, ja̧'hua̧nö̧ ppädäda pä'ö ucuturu, juhua'a yabonö rö̧ä̧chö̧nä̧ cuesetätucuarö pä'ö. Ucuturu be'epäjipö chicua pä'ö hue'ocö pi̧nö̧do.

2 Corintios 10:2

Ja̧'hua̧ ja̧'a̧ttö̧ adihua'a. Ucuturu do'ächö chi̧'cho̧mȩnä̧, ttamönä ttamöcuädömä jȩpä̧tö̧ suronä ttucuocuomenä ujuturu, pä̧i̧cu̧nä̧ chucuocua pä'ö jȩcu̧'ä̧tu̧cuä̧'. Jahuätö pä'ätö ujutu tamönä tamöcuädö ucuocuätöjä pä'ö. Ja̧'hua̧nö̧ ttucuocuttumä, iso päi'önä pä̧i̧cu̧nä̧ chu̧cuo̧cuä̧cua̧sä̧ jahuätöcu pä̧nö̧.

2 Corintios 8:22

Ja̧'hua̧ta̧nö̧ jahuätöcu ka̧ra̧ tö̧jä̧hua̧rö̧ hue'ätöjä. Ja̧u̧'i̧nä̧ rö̧ȩnä̧ esehua'a topinätöjä, koro jȩo̧mȩnä̧. Ja̧'hua̧ta̧nö̧ ucuturu rö̧ȩnä̧ eseu adiu jȩä̧cua̧.

2 Corintios 7:16

Ttö'inä ja̧'hua̧nö̧ amöcuädö ucuturu, rö̧ȩnä̧ eseusä.

2 Corintios 5:16

Ja̧'hua̧nö̧ ja̧'a̧ttö̧ jitämä pi̧jä̧ ttö̧ja̧ ttamöcuädö ta'anö, korotörö amöcuädocotöjä. Pä'äjimä Cristorö amöcuädö, pi̧jä̧ ttö̧ja̧ ttamöcuädö ta'anö, amöcuädinätöjä ujutu'inä. Jitämä ja̧'hua̧nö̧mä̧ amöcuädocotöjä ja̧u̧ru̧.

2 Corintios 2:6

Ucutu ji̧nä̧ yo̧mȩtȩnä̧ ucuocu ja̧u̧ru̧, suronä jȩpi̧nö̧rö̧, täcö ro̧'ȩpi̧nä̧tö̧jä̧ adiunä.

2 Corintios 1:15

Ja̧'hua̧nö̧ amöcuädö, ä'canä ucuturu todärenä dodächa pä'ö amöcuädinösä cuesehuätucua pä'ö.

Gálatas 5:7

Ucutumä adiunä jȩpö̧ ka̧cui̧nä̧tö̧jä̧. ¿Dihuä adihuä juäi jarocuhui'ätucunä jȩi̧nä̧tu̧cuä̧cu̧?