Gálatas 4:5 - TÄ̧DO Ä̧CUÄ̧ I̧HUȨNȨ

⁵ Ja̧u̧ ja̧'hua̧nö̧ ichinö ujutu hueähuä huȩnȩ jȩpä̧tö̧rö̧ jȩpö̧ icua pä'ö, Dios i̧tti̧mö̧ päti'önä ȩma̧tö̧ pä'ö.

Nuevo Testamento Uwotjüja

⁵ jua̧u̧ weäwä wȩnȩnä̧ kka̧kuä̧tü̧rü̧ rä'epü iku, Dio-mä̧ i̧tti̧mü̧ päi'ünä̧ jȩi̧nä̧u̧jä̧.

Gálatas 4:5 Referans Kwoze

Hebreos 9:15

Ja̧'hua̧nö̧ ja̧'a̧ttö̧ chutä Jesucristo ja̧u̧ jareö huȩnȩ tta̧huä̧rä̧cuä̧huä̧ i̧sa̧do. Cristo 'corupä'i'inödo, pä'äji huȩnȩ jȩtti̧nö̧ ka̧cui̧nä̧tö̧'i̧nä̧ suronä jȩtti̧nö̧ jȩpö̧ icua pä'ö. Ja̧'hua̧ta̧nö̧ Dios huoinä̧u̧'i̧nä̧ adihuä juäi kä̧cuä̧huä̧ iya päinö ttȩmä̧ pä'ö, 'corupä'i'inödo.

Efesios 1:5

Ja̧'hua̧ta̧nö̧ ujuturu repe'ö, Jesucristorö tesetomenä, i̧tti̧mö̧ päti'a pä'ö hue'inö täbocö päi'önä. Ja̧'hua̧nö̧ churutä pä̧huä̧ rö̧jo̧mȩnä̧ hue'inödo.

Efesios 1:7

Dios ujuturu rö̧ȩnä̧ repea'attö, I̧tti̧ 'corupäi'omenä, ujutu suronä jȩtö̧ jȩpö̧ icuinö.

Apocalipsis 5:9

Ja̧'hua̧ta̧nö̧ pi̧yȩ jareö ra̧huä̧huä̧ ra̧'i̧nä̧tö̧: Iso päi'önä ucutä adihuä i̧sa̧jä̧. Ucutä ja̧u̧ cuyäru'tä ȩmö̧, sellos jȩpö̧ cuicu'a̧nö̧ hua̧. Ucurutä sacrificio päi'önä cuä'ö tticuinäcujä. Ucutä cucuojanä Dios i̧tti̧mö̧ päti'a pä'ö ȩmi̧nö̧jä̧ o'ca toi'önä pa̧ja̧cu̧nä̧ ttö̧ja̧ttö̧'i̧nä̧, tti̧huȩnȩ pö̧nä̧ ucuocuätöttö'inä, o'ca juiyönä ötahuiyä ttö̧ja̧ttö̧'i̧nä̧, korotö tti̧rȩjä̧ttö̧'i̧nä̧.

Hebreos 9:12

Chutä Cristo Ji̧nä̧ Isocu Adihuo̧ca̧cu̧ täcö do'ächinödo. Juhua'attö oveja i̧tti̧'i̧nä̧, päcäyä i̧tti̧'i̧nä̧ ttucuoja iyocödo. Ja̧'hua̧ta̧nö̧ chutä amönä ucuojatä iya pä'ö do'ächinödo. Chutä ya'utenätä do'ächinödo, o'ca toi'önä suronä jȩttö̧ jȩpö̧ icu. Ja̧'hua̧nö̧ jȩpö̧, kä̧cuä̧huä̧ i'co ȩmö̧ iyinä̧u̧jä̧.

Gálatas 3:13

Cristomä hueähuä huȩnȩ tä̧bo̧cuä̧ ja̧ji̧ jȩpö̧ icuinä̧u̧jä̧. Chutä Cristo ujuturu rettö pä'ö hueähuä huȩnȩ tä̧bo̧cuä̧ ja̧ji̧ päi'önä 'corupä'i'inö. Huȩyu̧cuä̧ Huȩnȩ päa'a: “O'ca toi'önä daunä pȩ'o̧pö̧ ttu̧ju̧nä̧u̧ 'corujuo'ächätömä suropätö.”

Romanos 8:23

Ji̧yȩä̧cuȩtä̧mä̧cö̧. Ujutu, Espíritu Santorö, Dios iyäcua'attö äcuomenä iyinäcuru, tu̧ju̧nä̧ra̧'a̧nä̧'i̧nä̧ ubara ttu'ätöjä. Ubara ttu'u kä̧nö̧, tta̧'ä̧rä̧tö̧jä̧ Dios pärotö icuatö pä'ö i̧tti̧mö̧ päi'önä.

Gálatas 4:7

Ja̧'hua̧nö̧ ja̧'a̧ttö̧ ucumä Dios i̧tti̧jä̧. Täcö ttu̧mö̧huä̧ya̧cö̧jä̧. Ja̧'hua̧nö̧ i̧tti̧ cu'omettö Cristorö cuesetätucua'attö, i̧yä̧cua̧jä̧ o'ca juiyönä iya päinömä.

Gálatas 3:26

Ja̧'hua̧nö̧ ja̧u̧ru̧ cuesetätucuomenä, ucutumä o'ca toi'önä Dios i̧tti̧mö̧jä̧ Cristo Jesúscu ji̧nä̧ ji̧yȩtȩ huotö cu'ätucua'attö.

Romanos 9:4

Jahuätömä Israel ttö̧ja̧. Dios ȩmi̧nä̧u̧ i̧tti̧mö̧ jö̧nä̧. Dios tȩa̧u̧nä̧ dä'änö ki̧nö̧ jahuätöcu. Amöcuädömä ucuocuinö jahuätörö. Moisés hueähuä huȩnȩ iyinä̧u̧. Diosrö ucuocuäcuähuodenä jȩä̧cuä̧huä̧ iyinä̧u̧. Adihuä juäi iya pä'inö jahuätörö.

San Juan 1:12

Ja̧'hua̧ta̧nö̧ korotö ja̧u̧ru̧ adiu esetinätödo. Ja̧u̧ru̧ adiu esetätörö, chutä hueinä̧u̧do Dios i̧tti̧mö̧ pätti'a pä'ö.

Tito 2:14

Ja̧u̧mä̧ 'corupä'i'inö ujutu suronä jȩtö̧ jȩpö̧ icua pä'ö. Ja̧'hua̧ta̧nö̧ chutä i̧tti̧mö̧ päti'a pä'ö töcö icuinä̧u̧jä̧ churutä pä̧huä̧ rö̧jo̧mȩnä̧, adiu jȩti̧ya̧rö̧ pä'ö.

Romanos 8:19

O'ca juiyönä pi̧jä̧nä̧ ka̧cua̧'a̧ pä'ö Dios jȩi̧nö̧mä̧, rö̧ȩnä̧ amöcuädö tta̧huä̧ra̧'a̧ Dios i̧tti̧mö̧rö̧ i̧jȩpä̧cuȩ mo̧ro̧.

Efesios 5:2

Cristo ujuturu repeinö ta'anö, repe'äu ka̧cuä̧tu̧cui̧. Ujuturu repe'ö chutä iyähuinö cuä'ö tticuarö pä'ö, adihuä juäi ameu ta'anö sacrificio päi'önä jȩtta̧rö̧ pä'ö Dios ä'ca jo̧mȩttö̧, Dios esehuarö pä'ö.

Gálatas 4:21

Ucutu iso päi'önä Moisés hueähuä huȩnȩ jȩcu̧'ä̧tu̧cua̧ pä'ätömä, chä̧ju̧cua̧ ji'ähuätucuittö pi̧yȩ: ¿Ä̧ju̧cuo̧co̧tö̧ pi̧nä̧tö̧jä̧ tä̧ji̧ ja̧u̧ hueähuä huȩnȩ päa'a?

San Lucas 1:68

Adiu ttucuocuaja Tu̧ru̧hua̧rö̧, Israel ttö̧ja̧ Ttä̧do̧ ä̧cua̧ Diosrö. Ichäji ujutu umöhuäyotörö surojöttö ejädö icua pä'ö.

Hebreos 1:3

Chutä, Dios I̧tti̧mä̧, Dios i̧tȩa̧u̧. Ja̧u̧mä̧ yoröiso Dios ta'anö hua̧do. Ja̧'hua̧ta̧nö̧ ja̧u̧tä̧ i̧huȩnȩ, adiu juruhua'attö, o'ca juiyönä huȩ'ä̧rö̧do. Ujutu suronä jȩti̧nö̧ jȩpö̧ icuinö o'ca'a, mo̧ro̧jä̧ra̧'a̧ttö̧ Dios ö̧'o̧mȩ u̧huo̧jua̧'a̧nä̧ pä̧mä̧di̧nö̧do.

San Mateo 20:28

Ubo I̧tti̧ ji̧nö̧'a̧nö̧ jä̧cua̧. Ubo I̧tti̧mä̧ ttö̧ja̧ ppättädarö pä'ö ichocö pi̧nö̧do. Ja̧u̧mä̧ ttö̧ja̧rö̧tä̧ ppäda pä'ö ichinödo. Ja̧u̧ 'corupäi'a pä'ö ichinödo recuätö suronä jȩttö̧ttö̧ ejädö icu ucuojanä mitäu, —pä'inödo Jesús.

Hechos 20:28

Cuamönätucutä tta̧'ä̧rä̧cuä̧huä̧tu̧cui̧. O'ca toi'önä Tu̧ru̧hua̧rö̧ esetätörö'inä tta̧'ä̧rä̧tu̧cui̧. Espíritu Santo ucuturu hue'inö jahuätörö tta̧huä̧rä̧cuä̧huä̧ isotö päi'önä cu̧ja̧cuä̧tu̧cua̧ pä'ö. Tu̧ru̧hua̧mä̧ churutä esetätörö ȩmi̧nö̧ ucuojanä 'corupäi'omenä.

1 Pedro 3:18

Iso päi'önä Cristomä ya'utenätä o'ca toi'önärö suronä jȩttö̧ jȩpö̧ icua pä'ö ubara ttu'u 'corupä'i'inö. Chutä yoröiso adihuä i̧sa̧ ja̧'a̧nä̧, ujutu suronä jȩpä̧tö̧mä̧ suronä jȩtö̧ jȩpö̧ icu, ubara ttu'inö Dios ö̧ja̧'a̧cu̧ ti̧'cha̧ pä'ö. Chutä idepämä 'corupäi'äja'anä, a̧'cua̧ru̧hua̧ pä'äji ta'anö tto'ächäji'ca̧ ki̧nö̧.

Apocalipsis 14:3

Chutä i̧dȩä̧cä̧ ä'ca jo̧mȩttö̧'i̧nä̧, jahuätöttö pa̧ja̧cuä̧nö̧ isotö a̧'cua̧rä̧tö̧ ttä'ca jo̧mȩttö̧'i̧nä̧, ancianos huotö ttä'ca jo̧mȩttö̧'i̧nä̧ jareö ra̧huä̧huä̧ ra̧'i̧nä̧tö̧. Korotömä yoröiso huo̧jui̧po̧co̧tö̧ pi̧nä̧tö̧ ja̧u̧ ra̧huä̧huä̧. Jitötä ciento cuarenta y cuatro mil jo̧mȩnä̧ ttö̧ja̧, pi̧jä̧ttö̧ ka̧cui̧pi̧nä̧tö̧, huo̧jui̧pi̧nä̧tö̧ ja̧u̧ ra̧huä̧huä̧.

Romanos 8:14

O'ca toi'önä Espíritu Santo juȩpä̧rä̧u̧mä̧, jahuätömä Dios i̧tti̧mö̧.

Romanos 8:15

Ja̧u̧ Espíritu Santo, Dios ucuturu iyinäcumä, pä'äji ta'anö hueö jȩä̧cuä̧huä̧ isotö päi'önä yecuhuecuätucua pä'ö hue'ocö. Ja̧u̧mä̧ Dios i̧tti̧mö̧ päcuhui'ätucua pä'ö ppä'ädö. Ja̧u̧nä̧tä̧ Espíritu Santonä pä'ätöjä Diosrö: “¡Chä'o Dios!”

Romanos 10:4

Cristo be'epäjipö icuinö Moisés hueähuä huȩnȩ. O'ca toi'önä churutä esetätörömä, Dios jȩpö̧ chutäcu ji̧nä̧ ji̧yȩtȩ huotö tta pä'ö.