Gálatas 4:13 - TÄ̧DO Ä̧CUÄ̧ I̧HUȨNȨ

¹³ Ucutu täcö huo̧juä̧tö̧jä̧, äcuomenä ttö̧ja̧ suronä jȩttö̧ jȩpö̧ icu huȩnȩ jidähuinömä, na̧'ä̧chö̧ kä̧nö̧ ji'ähuinösä.

Nuevo Testamento Uwotjüja

¹³ Ukutumä̧ wo̧juä̧tü̧jä̧, na̧dä̧chi̧pä̧jo̧mȩttü̧ ä̧kuo̧mȩnä̧ jareü wȩnȩ jidäwina̧'a̧mä̧.

Gálatas 4:13 Referans Kwoze

1 Corintios 2:3

Rö̧ȩnä̧ amöcuädö ye'ecu, ttö̧'ä̧u̧nu̧ juiyupächi'önö ki̧nö̧sä̧ cu̧'quȩtȩtu̧cu̧nä̧.

Gálatas 1:6

Diosrö, Jesucristo ucuturu repea'attö huoinä̧u̧ru̧, koro huȩnȩ suronä jȩttö̧ jȩpö̧ icu pättö huȩnȩ i̧mi̧cu̧nä̧ jö̧ esetö o'ca päi'önä jarocuhui'ätucua'a chä̧ju̧cuo̧mȩnä̧, rö̧ȩnä̧ amöcuädösä ucuturu.

2 Corintios 11:30

A'cuoyäunu chucuocuttumä, koro ttörö ttijuiyu juäi chu̧cuo̧cuä̧cua̧sä̧.

2 Corintios 11:6

Iso päi'önä ttö chucuocuomenä, ya̧tȩ rö̧ȩnä̧ huo̧jua̧ ucuocu'a̧nö̧ chucuocuoca'anä, adiunä huo̧jua̧sä̧ o'ca juiyönä chucuocumä. Ja̧'hua̧ta̧nö̧ ucutucu kä̧nö̧, o'ca juiyönä huo̧ju̧nä̧ jȩpi̧nä̧tö̧jä̧, adiu tocu'ätucua pä'ö.

2 Corintios 10:10

Korotö pä'ätö ttörö: “Chutä cuyäru i̧huȩyu̧to̧mȩnä̧, pä̧i̧cu̧nä̧ jiähua'a cuyärunä. Juhuorö'inä chutä ö̧jo̧mȩnä̧, yoröiso ya̧tȩ jui̧yu̧pa̧ ö̧jö̧'a̧nö̧ kö̧. I̧huȩnȩ'i̧nä̧ adiunä ucuocuocö,” pä'ätö korotömä.

2 Corintios 13:4

Iso päi'önä ya̧tȩ jui̧yu̧pa̧rö̧ daunä pȩ'o̧pö̧ ttu̧ju̧na̧ji̧'a̧nö̧, daunä pȩ'o̧pö̧ ttu̧ju̧ni̧nä̧cu̧do. Ja̧'hua̧nö̧ ja̧'a̧nä̧ Dios ujurunä kö̧ jitämä. Ujutu'inä ijuiyuhuinö ta'anö juiyupätöjä. Ja̧'hua̧ta̧nö̧ ja̧u̧ru̧ esetö, Dios ujurunä ka̧cuä̧tö̧jä̧ ucuturu ppätäda pä'ö.

Hechos 16:6

Espíritu Santo Asia rȩjȩttö̧ hue'ocö pi̧nö̧do adihuä huȩnȩ jittähua pä'ö. Ja̧'hua̧nö̧ ja̧'a̧ Frigia rȩjȩcu̧, Galacia rȩjȩcu̧ 'cuä'opö 'chi̧nä̧tö̧do.

San Mateo 4:23

Jesús Galilea rȩjȩnä̧ pa̧ja̧cu̧nä̧ huo̧juȩtö̧ cue'ächinödo, o'ca juiyönä judíos ttu̧huo̧jui̧'i̧nodehuiyänä koromecu, koromecu'inä. Adihuä huȩnȩ, Dios Ru̧hua̧ päi'önä ö̧jä̧cuȩ huȩnȩ, ji'ähuinödo. Ja̧'hua̧ta̧nö̧ o'ca toi'önä na̧'ä̧chä̧tö̧rö̧mä̧ aditö icuinödo.

Gálatas 4:12

Chö̧jä̧hua̧tö̧, ttö pä'ösä ucuturu, ttö jö̧ ta'anö cu'ätucua pä'ösä. Ttömä ucutu jö̧ ta'anö hua̧sä̧. Ucutumä ttörö suronä jȩpi̧nä̧tö̧jä̧ pä'ömä pä'ocösä.

Gálatas 4:14

Ja̧u̧ märichei ttörömä ka̧cuä̧mö̧ tocharö pä'ö jȩtta̧'a̧ jä̧'i̧nö̧'a̧nö̧tä̧ ji̧nä̧cu̧sä̧. Ja̧'hua̧nö̧ ja̧'a̧nä̧ ja̧'hua̧nö̧ na̧dä̧cho̧mȩnä̧, ya̧'ä̧u̧ ya'opö cuicuätucuococu pi̧nö̧sä̧. Ja̧'hua̧nö̧ jȩttä̧'i̧nö̧ juäimä Dios huȩ'ä̧hua̧ ángel a̧'cua̧rö̧nä̧ cuesehuinätucuäcusä. Chutä Jesucristorö cuesehuätucuaji'a̧nö̧ esehuinätöjä ttörö.

Gálatas 4:18

Iso päi'önä korotörö adiu amöcuädö pä̧huä̧ rö̧jö̧ tottomenä, adihua'a. Juhuorö'inä 'cuäopönä jȩttö̧'a̧nö̧ ja̧'a̧, ttö chö̧jo̧mȩnä̧tä̧mä̧cö̧.