Gálatas 3:9 - TÄ̧DO Ä̧CUÄ̧ I̧HUȨNȨ

⁹ Ja̧'hua̧nö̧ ja̧'a̧, o'ca toi'önä chutä esetinö ta'anö esetätömä, ji̧nä̧ ji̧yȩtȩ ppädäcuähuotö Abraham mi̧nä̧cu̧.

Nuevo Testamento Uwotjüja

⁹ Ja̧'wa̧nü̧ ja̧'a̧ttü̧, Abraha̧ ji̧nü̧ta'anü̧ tta̧'kua̧ wȩnä̧rä̧tü̧rü̧mä̧, jua̧u̧tä̧ku̧ ȩmä̧u̧.

Gálatas 3:9 Referans Kwoze

Romanos 4:16

Dios iya pä'ö amöcuädinömä, churutä esetäcuähuänätä iyö. Ja̧u̧ mippoönä iya pä'inö o'ca toi'önä Abraham i̧tti̧mö̧ isotörö, Moisés hueähuä huȩnȩ jȩpä̧tö̧rö̧'i̧nä̧, Abraham esetinö ta'anö esetätörö'inä. Ja̧'hua̧nö̧ ja̧'a̧ttö̧ ja̧u̧ Abraham ujutu tä'o ja̧'a̧, o'ca toi'önä esetätömä.

Gálatas 3:29

Iso päi'önä Cristorö cuesetätucuttumä, Abraham mi̧nä̧ isotö isotöjä. Ja̧'hua̧ta̧nö̧ o'ca juiyönä Dios iya päinömä cuȩmä̧cuo̧tö̧jä̧.

Romanos 4:24

Ujuturu'inä huȩyu̧cua̧'a̧. Ujutu Diosrö tesetomenä, Dios ujuturu jȩpö̧ chutäcu ji̧nä̧ ji̧yȩtȩ huotö ta pä'ö. Dios ja̧'hua̧nö̧ jȩpö̧ ujuturu, Tu̧ru̧hua̧ Jesús ttoädinö huȩnȩ teseta'attö.

Gálatas 4:28

Chö̧jä̧hua̧tö̧, ujutumä Isaac ji̧nö̧'a̧nö̧ huotöjä. Ujutumä Dios iya päinö i̧tti̧mö̧jä̧.

Romanos 4:11

Abrahammä Diosrö esetinö o'ca'a, Dios hueinäcu Abraham circuncisión jȩa̧ pä'ö, o'ca toi'önä ttu̧huo̧jua̧ pä'ö. Ja̧'hua̧ta̧nö̧ Abraham circuncisión jȩö̧ juiyäi, Diosrö esetomenä, Dios Abrahamrö jȩpi̧nö̧ chutäcu ji̧nä̧ ji̧yȩtȩ ja̧ pä'ö. Ja̧'hua̧nö̧ ja̧'a̧ttö̧ o'ca toi'önä circuncisión jȩpo̧co̧tö̧ Diosrö esetätö, Abrahammä ttä'o jä̧cua̧. Ja̧'hua̧ta̧nö̧ Diosrö ttesetiyäcu, Dios jahuätörö jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö.

Gálatas 3:14

Ja̧u̧ 'cuäopina'a Dios Abraham mi̧nä̧rö̧ ppädäcuähuä ucuocuinö huȩnȩ judíos huocotörö ppäda pä'ö Cristo Jesúsnä. Ja̧'hua̧ta̧nö̧ ujutu o'ca toi'önä esetö tȩma̧ pä'ö Espíritu Santo, Dios iya päinäcuru.