Gálatas 2:18 - TÄ̧DO Ä̧CUÄ̧ I̧HUȨNȨ

¹⁸ Koro juäi jȩpö̧ chicu o'ca'a, pä'äji ta'anö jȩchö̧ttö̧mä̧, ttötä chamönätä suronä jȩpö̧sä̧.

Nuevo Testamento Uwotjüja

¹⁸ Weäwä wȩnȩ iso juoepokü pädinü̧, pä'äjita'anü̧ chukuotüttümä̧, o'kajuiyünä̧ jäyä jȩcha̧'a̧tä̧ i̧jȩpü̧sä̧. Jua'amä̧ Dio pä'aku cha̧'kua̧ra̧ pä'ü.

Gálatas 2:18 Referans Kwoze

Romanos 14:15

Ucu koro juäi cucuomenä, ya̧tȩ cucua'a topö a̧'cua̧ tta̧huȩpö̧ttö̧mä̧, cu̧jä̧hua̧rö̧ repeönö jȩpo̧cö̧jä̧. Ja̧'hua̧ta̧nö̧ koro juäi cucua'attö, ya̧tȩ cua̧hua̧ru̧hua̧ Cristo repe'ö 'corupäi'inäcuru surojuoächa'acu jȩcu̧'ä̧'.

Gálatas 5:11

Juhuorö'inä chö̧jä̧hua̧tö̧, ttö ji̧nä̧ circuncisión jȩtta̧ pä'ö chu̧huo̧juȩtö̧ttö̧mä̧, judíos ttö̧ja̧ yoröiso ttö̧ra̧huä̧ro̧co̧cu̧sä̧. Ja̧'hua̧nö̧ jö̧ttö̧mä̧ Cristo dau isodänä 'corupäi'inö huȩnȩmä̧ ttä̧ju̧cuo̧mȩnä̧, ra̧huä̧ro̧co̧tö̧ pajatö a̧'cua̧ra̧'a̧.

Gálatas 2:21

Ja̧'hua̧nö̧ ja̧'a̧ttö̧ ttömä chä̧ppö̧tä̧ra̧ pä'ocösä Dios adihuä juäi iyömä. Ya̧tȩ Moisés hueähuä huȩnȩ jȩo̧mȩnä̧, Dios ȩma̧rö̧ pä'ö jö̧ttö̧mä̧, Cristo 'corujuoächinömä yoröiso micuähuocö ja̧ji̧.

Romanos 2:25

Iso päi'önä Moisés hueähuä huȩnȩ hueö ta'anö jȩcu̧'u̧ttu̧mä̧, circuncisión cuaditomenä ppädäcujä. Ja̧'hua̧nö̧ ja̧'a̧nä̧ Moisés hueähuä huȩnȩ hueö ta'anö jȩcu̧'u̧ juiyöttömä, circuncisión ttaditoca'a jä̧'i̧nö̧'a̧nö̧ kö̧jä̧.

Romanos 3:5

Ja̧'hua̧nö̧ ja̧'a̧nä̧ korotö ujutu suronä jȩtö̧ tottomenä, “Diosmä adiu jȩpö̧” pättöttömä, ¿tta̧'a̧nö̧ tamöcuädäcua'ajä̧ttö̧ ujutumä? Dios ujuturu ro̧ȩpo̧mȩnä̧, ¿suronä jȩpö̧ tä̧ji̧? Ja̧'hua̧nö̧ pädomenä, pi̧jä̧ ttö̧ja̧ ttucuocu'a̧nö̧ ucuocusä.