Gálatas 1:6 - TÄ̧DO Ä̧CUÄ̧ I̧HUȨNȨ

⁶ Diosrö, Jesucristo ucuturu repea'attö huoinä̧u̧ru̧, koro huȩnȩ suronä jȩttö̧ jȩpö̧ icu pättö huȩnȩ i̧mi̧cu̧nä̧ jö̧ esetö o'ca päi'önä jarocuhui'ätucua'a chä̧ju̧cuo̧mȩnä̧, rö̧ȩnä̧ amöcuädösä ucuturu.

Nuevo Testamento Uwotjüja

⁶ Rü̧ȩnä̧ chamükuädünä̧ jä̧ku̧sä̧, Jesucrito re ü̧jü̧nä̧ woinä̧u̧mä̧, jua̧u̧ttü̧ yotäku rä'opächü kkoro jareü wȩnȩnä̧ bokuipächäjiyätukuäku.

Gálatas 1:6 Referans Kwoze

2 Corintios 11:4

Korotö ichö Jesús i̧huȩnȩ ji'äu, ujutu jitähuinöttö'inä i̧mi̧cu̧nä̧ jittähuomenä, adiu ä̧ju̧cuä̧tö̧jä̧. Ja̧'hua̧ta̧nö̧ ka̧ra̧ espírituru'inä, Espíritu Santottö cuȩmi̧nä̧tu̧cuä̧cu̧ttu̧'i̧nä̧ i̧mi̧cu̧nä̧ hua̧rö̧ eseunu ȩmä̧tö̧jä̧. Koro huȩnȩ, ttö̧ja̧ suronä jȩttö̧ jȩpö̧ icu pättö huȩnȩ'i̧nä̧, ujututtu cuä̧ju̧cui̧nä̧tu̧cu̧ttu̧'i̧nä̧ i̧mi̧cu̧nä̧ jö̧ esetätöjä.

1 Timoteo 1:3

Ttömä Macedonia rȩjȩra̧'a̧cu̧ chi̧'cho̧mȩnä̧, ucuru jidähuinö ta'anö, Efeso ötahuiyänä cu̧ja̧ pä'ösä. Ucuru hue'ipinösä korotörö cu̧huo̧juȩta̧ pä'ö yapareu huȩnȩ ttu̧huo̧juȩtö̧ juiyäcua'a̧nö̧.

1 Corintios 4:15

Ja̧'hua̧ta̧nö̧ recuätö huo̧juȩtä̧tö̧ isotö, to̧mö̧rȩ jähuä mil jo̧mȩnä̧, ucuturu Cristo i̧huȩnȩ ttu̧huo̧juȩto̧mȩnä̧, cuä̧'o̧tö̧mä̧ recuätömä to'ätöjä. Ttötäsä cuä'omä Cristo Jesúsru cuesetätucuomenä. Ttö ttö̧ja̧ suronä jȩttö̧ jȩpö̧ icu huȩnȩ ji'ähuinösä ucuturu.

Hechos 15:11

Ja̧'hua̧nö̧mä̧cö̧. Ujutu esetätöjä Tu̧ru̧hua̧ Jesús repea'attö, ujutu judíos ttö̧ja̧'i̧nä̧, jahuätö judíos huocotö'inä suronä jȩtö̧ jȩpö̧ icu, —pä'inödo Pedro.

Gálatas 5:4

Ucutumä Dios ȩmä̧tu̧cua̧cu̧ pä'ö hueähuä huȩnȩ jȩpä̧tö̧mä̧, Cristorö jaropi'inätöjä. Ucutumä Dios adiu ppädäcuähuättö'inä i̧mi̧cu̧nä̧ cue'ächätöjä.

Romanos 10:3

Dios jȩö̧ jerupätö ja̧u̧cu̧ ji̧nä̧ ji̧yȩtȩ huotö tta pä'ö. Ja̧'hua̧ ja̧'a̧ttö̧ jitötä jȩä̧cuä̧huä̧ usätö Dioscu ji̧nä̧ ji̧yȩtȩ huotö tta pä'ö. Ja̧'hua̧nö̧ jȩtta̧'a̧nä̧, Dios jȩö̧ ja̧u̧cu̧ ji̧nä̧ ji̧yȩtȩ huotö tta pä'ö iyähuocotö.

1 Timoteo 1:14

Ja̧'hua̧nö̧ ja̧'a̧ttö̧ Dios rö̧ȩnä̧ ppä'ädinö ttörö, Cristo Jesúsru esetö repedarö pä'ö.

Apocalipsis 22:21

Tu̧ru̧hua̧ Jesucristo ucuturu o'ca toi'önärö adiu ppädäcua'a̧nö̧. Amén.

2 Timoteo 2:1

Ucu ttö chi̧tti̧, Cristo Jesús ppädomenä, juruhui.

2 Timoteo 1:9

Dios ujutu suronä jȩtö̧ jȩpö̧ icuinö. Ja̧'hua̧ta̧nö̧ adiu tö̧ja̧cui̧ya̧rö̧ pä'ö huoinä̧u̧jä̧. Ujutu yoröiso adiu jȩpo̧co̧tö̧ pi̧nä̧tö̧jä̧. Diostä ujuturu pä̧huä̧ rö̧ji̧nä̧cu̧. Pi̧jä̧ juiyäi Dios ujuturu repe'inö, Cristo Jesúsru teseta'attö.

2 Tesalonicenses 2:14

Tu̧ru̧hua̧ Jesucristocu cu̧ja̧cuä̧tu̧cua̧ pä'ö ttö̧ja̧ suronä jȩttö̧ jȩpö̧ icu huȩnȩ, ujutu jitähuinö huȩnȩ, cuesetätucuomenä huoinä̧u̧jä̧.

Romanos 5:2

Cristorö tesetomenä, Diosttö ppädäcuähuä tȩma̧ pä'ö ppä'ädö. Ja̧u̧ ppädäcuähuänä ka̧cuä̧tö̧jä̧ jitämä. Ja̧'hua̧nö̧ ja̧'a̧ttö̧ eseunu tta̧'ä̧rö̧ ka̧cuä̧tö̧jä̧, adihuä Dioscu mo̧ro̧jä̧ra̧'a̧ tö̧ja̧cuä̧cuo̧tö̧jä̧ pä'ö.

San Juan 9:30

Ja̧'hua̧nö̧ pättomenä, ja̧u̧ ä̧to̧qui̧nö̧mä̧ pä'inödo: —¿Tta̧'a̧nö̧ jo? Ucutumä ichina'attö cuieruhuätucuomenä, ttö chö'äre tocha pä'ö aditö icuäji.

2 Pedro 1:3

Dios ujurunä iyinö ujuturu o'ca juiyönä tö̧jö̧mä̧. Ja̧'hua̧ta̧nö̧ ujuturu huopinörö tu̧huo̧jua̧ pä'ö adihuä juäi iyinö ujuturu, adiu tucuocuarö pä'ö.

1 Pedro 1:15

Pärocua'acu, adiunätä jȩpö̧ ka̧cuä̧tu̧cui̧. Dios, ucuturu ȩmi̧nö̧mä̧, yoröiso adiunätä jȩpö̧.

San Marcos 6:6

Jahuätö ttesetoca'attö, rö̧ȩnä̧ a̧mö̧cuä̧ri̧nö̧do. Ja̧u̧nu̧ o'ca'a koro ötahuiyära̧'a̧cu̧ tö'cönänö jo̧mȩ huo̧juȩtö̧ 'chi̧nö̧do.

Romanos 8:28

Ujutu huo̧juä̧tö̧jä̧ o'ca juiyönä Diosrö repe'ätörö, chutä amöcuädö huoinä̧u̧ru̧ 'cuäopömä Espíritu Santo ppäda'attö, adihua'a pä'ö.

Romanos 8:30

Ja̧'hua̧ta̧nö̧ äcuomenä päi'önä Dios 'quȩpi̧nä̧u̧ru̧mä̧ huopinödo. Huoinä̧u̧ru̧mä̧ jȩpi̧nö̧do chutäcu ji̧nä̧ ji̧yȩtȩ huotö tta pä'ö. Ja̧'hua̧ta̧nö̧ chutäcu ji̧nä̧ ji̧yȩtȩ huotörö iyinö doächäcuähuä mo̧ro̧jä̧ra̧'a̧.

2 Corintios 2:17

Ujutumä Dios i̧huȩnȩ ji'äu kä̧nö̧, koro pä'ö ȩmo̧co̧tö̧jä̧ korotö recuätö jȩttö̧'a̧nö̧. Ujutu jueönä ta̧'cua̧ pö̧nö̧ ji'ähuätöjä Dios hue'ähuotö jittäu ta'anö. Ja̧'hua̧ta̧nö̧ Dios ä'ca jo̧mȩttö̧ ji'ähuätöjä Cristo umöhuäyotö jittäu ta'anö.

Gálatas 1:7

Koro huȩnȩ suronä jȩttö̧ jȩpö̧ icu pättö huȩnȩ iso päi'önä juiya'a. Korotö ucuturu suronä jȩpä̧tö̧mä̧ ka̧cuä̧tö̧. Jahuätömä pä̧huä̧ rö̧jä̧u̧ Cristo suronä jȩttö̧ jȩpö̧ icu huȩnȩ i̧mi̧cu̧nä̧ jö̧ cuesetiyätucuatö pä'ö.

Gálatas 1:11

Ja̧'hua̧nö̧ ja̧'a̧nä̧ pi̧yȩ cu̧huo̧juä̧tu̧cua̧ pä'ösä chö̧jä̧hua̧tö̧, suronä jȩttö̧ jȩpö̧ icu huȩnȩ, ttö jidäu huȩnȩ, pi̧jä̧ ttö̧ja̧ i̧sa̧ amöcuädömäcö̧.

Gálatas 1:15

Ja̧'hua̧nö̧ ja̧'a̧nä̧ chuhuäpächö juiyäi Dios ȩmi̧nä̧cu̧sä̧. Ja̧'hua̧ta̧nö̧ ttörö rö̧ȩnä̧ pä̧huä̧ rö̧jä̧cu̧ huoinäcusä. Juhuorö'inä churutä pä̧huä̧ rö̧jo̧mȩnä̧, I̧tti̧rö̧ chu̧huo̧jua̧ pä'ö hueinäcusä, judíos huocotö ttö̧'quȩtȩ suronä jȩttö̧ jȩpö̧ icu huȩnȩ jidähuiyatö pä'ö. Dios ttörö ja̧'hua̧nö̧ hueomenä, korotöcu ucuocuäcuähuocö pi̧nö̧sä̧.

Gálatas 2:2

Dios cha̧'cua̧nä̧ hueinäcusä juhua'a chi̧'cha̧ pä'ö. Ju̧huȩnȩ Jerusalén ötahuiyänä Dios i̧huȩnȩttö̧ ruhuotö pättä̧u̧tä̧ ttuppäsähuäjomettö ji'ähuinösä suronä jȩttö̧ jȩpö̧ icu huȩnȩ, judíos huocotörö jidäu huȩnȩmä̧. Ja̧u̧ ji'ähuinösä ttö jȩchi̧nö̧'i̧nä̧, jȩchö̧'i̧nä̧ micuähuocö jö̧ a̧'cua̧ri̧yä̧cu̧.

Gálatas 2:5

Ja̧'hua̧nö̧ ja̧'a̧nä̧ jahuätörö pä̧huä̧ rö̧jö̧ yoröiso jȩta̧ pä'ö'inä pä'ocotö pi̧nä̧tö̧jä̧. Ujutu pä̧huä̧ rö̧ji̧nä̧u̧jä̧ ucutumä adihuä huȩnȩ, iso päi'önä suronä jȩttö̧ jȩpö̧ icu huȩnȩ, juhua'a yabonö cuesetätucua pä'ö.

Gálatas 2:7

Jareönä hueähuä huȩnȩ ttiyaji juäimä jahuätö adiu huo̧jui̧'i̧nä̧tö̧ Dios ttörö hueina'a suronä jȩttö̧ jȩpö̧ icu huȩnȩ judíos huocotörö jidähua pä'ö, Pedrorö hueinö'a̧nö̧ ja̧u̧tä̧ huȩnȩ jiähua pä'ö judíos ttö̧ja̧rö̧.

Gálatas 2:14

Ttö tochomenä, jahuätörö adihuä huȩnȩ, suronä jȩttö̧ jȩpö̧ icu huȩnȩ, päö'a̧nö̧ cuettächoca'a ji̧yä̧cu̧, Pedrorö o'ca toi'önä ttä'ca jo̧mȩttö̧ pä'inösä: “Ucu judíos ttö̧ja̧ i̧sa̧ cu'a'anä judíos huocotö ttö̧jö̧'a̧nö̧ kä̧ji̧jä̧. Judíos ttö̧ja̧ ttö̧jö̧'a̧nö̧ ko̧cö̧ pä̧ji̧jä̧. ¿Tta̧'a̧nö̧ pä'öjo, judíos huocotörö judíos ttö̧ja̧ ttö̧jö̧'a̧nö̧ ttö̧ja̧cua̧ päcuhua'amä?”

Gálatas 5:14

O'ca juiyönä hueähuä huȩnȩmä̧ pi̧yȩ ji̧yȩtȩ hueähuänätä ttu̧huo̧ju̧: “Cua̧hua̧ru̧hua̧rö̧ repe'i, ucutä cuamönä repecuhuäu ta'anö.”