Filipenses 4:4 - TÄ̧DO Ä̧CUÄ̧ I̧HUȨNȨ

⁴ Tu̧ru̧hua̧ i̧mi̧nä̧ 'cuäopönä eseäcuähuätucui. Pä'äji ta'anö ji'äusä: ¡Eseäcuähuätucui!

Nuevo Testamento Uwotjüja

⁴ Tu̧ru̧wa̧nä̧ 'kuäopünä̧ eseäkuäwätukui. Yaboku pädäu̧jä̧: ¡Eseäkuäwuötä kka̧kuä̧tu̧kui̧! jü̧nä̧.

Filipenses 4:4 Referans Kwoze

Romanos 12:12

Eseunu ka̧cuä̧tu̧cui̧, esetönö tta̧cu̧huä̧rä̧tu̧cua̧. Ubara ttucuhuätucuomenä, cuami 'qui'ächi'ö ka̧cuä̧tu̧cui̧. Diosrö ucuocu ka̧cuä̧tu̧cui̧ 'cuäopönä.

Filipenses 3:1

Jitämä chö̧jä̧hua̧tö̧, esehuätucui Tu̧ru̧hua̧nä̧. Pä'äji chi̧huȩyu̧ti̧nö̧ ucuturu, jitä'inä pä'äji ta'anö chi̧huȩyu̧ta̧ pä'ö 'cuä'ächi'ocösä. Iso päi'önä adiu päa'a ucuturu.

San Mateo 5:12

Eseunu ka̧cuä̧tu̧cui̧. Dios mo̧ro̧jä̧ra̧'a̧ttö̧ i̧yä̧cuȩmä̧, cuȩmä̧cuo̧tö̧jä̧. Ja̧'hua̧ta̧nö̧ ucutu cuä'catucunä ka̧cui̧nä̧tö̧rö̧, Dios i̧huȩnȩ jiäcuähuä isotörö, suronä jȩpi̧nä̧tö̧do, —pä'ö huo̧juȩti̧nö̧do Jesús.

1 Pedro 4:13

Pärocua'acu, Cristo ubara ttuhuinö'a̧nö̧ ubara ttu'u, cua̧'cua̧ tta̧cu̧huȩcuä̧tu̧cuo̧mȩnä̧, Cristo ichö mo̧ro̧ rö̧ȩnä̧ cuesehuätucuäcua'a amöcuädö esehuäcuähuätucui.

Hechos 16:25

Yodo kä'co Pablocu, Silascu Diosrö ucuocuinätödo. Ja̧'hua̧ta̧nö̧ ra̧'i̧nä̧tö̧do. Korotö cärenä pȩjä̧tö̧mä̧ jahuätörö ä̧ju̧cui̧nä̧tö̧do.

Hechos 5:41

Ja̧'hua̧nö̧ ja̧'a̧ Jesús hue'ähuotö ji̧nä̧ iso ruhuotö ttä'ca jo̧mȩttö̧ rä'opinätödo. Jesús i̧mi̧nä̧ tteseta'attö, ubara ttuttäja'a esehuinätödo.

Gálatas 1:8

Ja̧'hua̧nö̧ ja̧'a̧ ya̧tȩ ucuturu u̧huo̧juȩtö̧ttö̧mä̧ koro huȩnȩ, suronä jȩttö̧ jȩpö̧ icu pättö huȩnȩ, ujutu tu̧huo̧juȩti̧nö̧ttö̧'i̧nä̧ i̧mi̧cu̧nä̧ jö̧, ja̧u̧mä̧ Diostä ö̧tä̧bo̧tä̧cua̧. Ttörötä jö̧ttö̧'i̧nä̧ huäinä jä̧cua̧'a̧. Ja̧'hua̧ta̧nö̧ mo̧ro̧jä̧ra̧'a̧ttö̧ ángel ichö jö̧ttö̧'i̧nä̧ huäinä jä̧cua̧'a̧.

2 Corintios 6:10

Koronö'inä ta̧'cua̧ tta̧'ȩcu̧ tö̧ja̧cuo̧mȩnä̧, tami iso'quinä 'cuäopönä esehuätöjä. Ja̧'hua̧ta̧nö̧ usurä isotö tö̧ja̧cua̧'a̧nä̧, recuätörö rö̧ȩnä̧ adihuä juäi iyätöjä. Ja̧'hua̧ta̧nö̧ yoröiso jui'ö tö̧ja̧cuo̧mȩnä̧, o'ca juiyönä ku̧nä̧rä̧tö̧jä̧ teseta'attö.

Filipenses 2:18

Ja̧'hua̧ta̧nö̧ ucutu'inä ttö cheseu ta'anö esehuätucui.