Filipenses 3:6 - TÄ̧DO Ä̧CUÄ̧ I̧HUȨNȨ

⁶ Ja̧'hua̧nö̧ jȩpö̧, yoröiso suronä jȩpi̧nö̧sä̧ Diosrö esetinätörö. Judíos ttö̧ja̧ hueähuä huȩnȩ adiu jȩpö̧ kä̧cuä̧huä̧nä̧ adiu chö̧ja̧'a̧ttö̧, korotömä yoröiso suronä ucuocuocotö pi̧nä̧tö̧ ttörö.

Nuevo Testamento Uwotjüja

⁶ Päte'üra̧'a̧ esetü, igresia wotürü suronä̧ jȩpü̧ ru̧'ä̧ri̧nü̧sä̧, weäwä wȩnȩ ukuotü. Ja̧'wa̧nü̧ ja̧'a̧ttü̧ weäwä wȩnȩ chukuotokü ji̧nü̧ pä'ätümä̧ ya̧tȩ'i̧nä̧ toa'a.

Filipenses 3:6 Referans Kwoze

Hechos 8:3

Ja̧'hua̧ ja̧'a̧ Saulo juiyo suronä jȩpi̧nö̧do Jesucristorö esetätörö. Korodenä'inä, korodettö'inä do'ächö, u̧mä̧tö̧rö̧'i̧nä̧, nä̧tö̧rö̧'i̧nä̧ 'chu'ädö ȩpi̧nö̧do cärenä öta pä'ö.

San Mateo 5:20

Ucuturu pä'ösä, ja̧u̧ hueähuä huȩnȩ huo̧juȩtä̧tö̧ttö̧'i̧nä̧, fariseos huotöttö'inä abonänö adiunä cuecuhuächätucu juiyöttömä, yoröiso Dios Cu̧ru̧hua̧ päi'önä ko̧cö̧, —pä'ö huo̧juȩti̧nö̧do Jesús.

1 Timoteo 1:13

Äcuomenä Jesucristorö suronä ucuocuinösä rö̧ȩnä̧. Jesucristorö esetätörö'inä rö̧ȩnä̧ suronä jȩpi̧nö̧sä̧. Ja̧'hua̧ta̧nö̧ rö̧ȩnä̧ suronä ucuocu'inä, suronä jȩpö̧'i̧nä̧ ki̧nö̧sä̧. Ttö jȩchö̧mä̧ jerupinösä. Diosrö'inä esetocö pi̧nö̧sä̧. Ja̧'hua̧nö̧ jȩpö̧ chö̧jo̧mȩnä̧, Dios re rö̧jö̧nä̧ topinö ttörö.

Filipenses 3:9

Ja̧u̧cu̧tä̧ chö̧ja̧ pä'ösä. Jitämä hueähuä huȩnȩ jȩpö̧, chamönä cha̧'cua̧ adiu jȩchö̧mä̧ jui̧'a̧sä̧. Cristorö esetätörö Dios iyähuä cha̧'cua̧ adiu jȩchö̧mä̧ ku̧nä̧rö̧sä̧, Cristorö cheseta'attö.

1 Corintios 15:9

Ttömä korotö Jesús hue'ähuotöttö'inä abonänö usurä i̧sa̧sä̧. Ttörömä Jesús huȩ'ä̧hua̧ pättö juiyö'a̧nö̧ ja̧'a̧, Diosrö esetätörö suronä jȩchi̧na̧'a̧ttö̧.

Romanos 7:9

Pä'äjimä hueähuä huȩnȩ juiyönä ki̧nö̧sä̧. Ja̧'hua̧nö̧ ja̧'a̧nä̧ hueähuä huȩnȩ rȩbȩhuo̧mȩnä̧, surojö rö̧ä̧chi̧na̧'a̧ ttörö. Ja̧'hua̧nö̧ päi'omenä, 'corupä'i'ätö jä̧'i̧nö̧'a̧nö̧ ki̧nö̧sä̧.

Hechos 26:5

Jahuätö huo̧juä̧tö̧, ja̧'hua̧ta̧nö̧ jahuätö jittähua pä̧huä̧ rö̧jö̧ttö̧mä̧ jittähuäcuotö, ttö mö̧ä̧ya̧ pä̧ya̧ chö̧ji̧na̧'a̧ttö̧ päi'önä, jitä mo̧ro̧'i̧nä̧ fariseos ttö̧ja̧ i̧sa̧sä̧. Fariseos huotö korotöttö'inä abonänö ttu̧ȩcuä̧nä̧ jȩpä̧tö̧jä̧ Dios hueömä.

Hechos 21:20

Pablo jiähua'a ttä̧ju̧cuo̧mȩnä̧, Diosrö eseunu ucuocuinätödo. Ancianos huotö Pablorö pä'inätödo: —Ucu topöjä, tö̧jä̧hua̧, judíos ttöja̧ttö̧ juiyo recuätö esetinätö. Jahuätö o'ca toi'önä pä'ätö Moisés hueähuä huȩnȩ hueö ta'anö jȩtö̧'a̧nö̧ ja̧'a̧.

San Lucas 1:6

Jahuätö ta̧ju̧ adihuä isotö pi̧nä̧tö̧do Dios ä'ca jo̧mȩttö̧. Eseti'äjinätödo Tu̧ru̧hua̧ hueö huȩnȩ. Ja̧'hua̧nö̧ ja̧'a̧ttö̧ yoröiso ya̧tȩ'i̧nä̧ huȩnȩtä̧rö̧ ttucuocuoco̧u̧ pi̧nä̧tö̧do.

San Mateo 23:25

“Fariseos huotö'inä, hueähuä huȩnȩ huo̧juȩtä̧tö̧'i̧nä̧, suronä 'cuäopäcua'a ucuturu. ¡Yapareu ttö̧ja̧jä̧! Ucutumä sä̧rä̧bä̧'i̧nä̧, i̧so̧'ta̧'i̧nä̧ huämetä töcätöjä, jacuänä suhuädi'önä ka̧'a̧nä̧ korotö ttöäre cu̧nä̧u̧cuä̧ri̧nä̧tu̧cua̧'a̧ttö̧.

Hechos 22:5

Sacerdotes ttu̧ru̧hua̧'i̧nä̧, korotö judíos ttö̧ja̧ ji̧nä̧ iso ruhuotö'inä huo̧juä̧tö̧, pädömä iso päi'önä huȩnȩ ja̧'a̧. Jahuätö ttörö iyinätö cuyäru ojiyä tti̧huȩyu̧ti̧nö̧, tö̧jä̧hua̧tö̧ judíos ttö̧ja̧rö̧, Damasco ötahuiyänä ka̧cuä̧tö̧rö̧, chiya pä'ö. Juhua'a 'chi̧nö̧sä̧ Jesucristorö esetätörö 'chu'ädö chi'cächa pä'ö pocu Jerusalén ötahuiyära̧'a̧, ruhuotö ttö̧tä̧bo̧ta̧ pä'ö jahuätörö.

1 Corintios 10:32

Korotömä judíos ttö̧ja̧'i̧nä̧, judíos huocotö'inä, Diosrö esetätö'inä ttä'ca jo̧mȩttö̧ suronä jȩcu̧'ä̧tu̧cuä̧', jahuätö'inä suronä jȩcu̧'ä̧tu̧cua̧'a̧ topi'ö'cotö suronä jȩtta̧'a̧cu̧.

Filipenses 2:15

Iso päi'önä, ja̧'hua̧nö̧ jȩcu̧'ä̧tu̧cuo̧mȩnä̧, korotömä topö suräjuä huȩnȩ ucuocuocotö ucuturu. Ja̧'hua̧nö̧ ja̧'a̧ pi̧jä̧ttö̧ suronä jarode'ö ka̧cuä̧tö̧ ttö̧'quȩtȩnä̧ adihuä isotö Dios i̧tti̧mö̧ pä'ö adiu cu̧ja̧cuä̧cuo̧tö̧jä̧. Ja̧'hua̧ta̧nö̧ si̧ri̧'cö̧ mo̧ro̧jä̧ra̧'a̧ttö̧ tȩa̧u̧nä̧ ttö̧rö̧'a̧nö̧, tȩa̧u̧nä̧ cuecuhuächätucuaja ucutu'inä adihuä kä̧cuä̧huä̧ i'co huȩnȩ ji'äu kä̧nö̧. Ja̧'hua̧nö̧ jȩcu̧'ä̧tu̧cu̧ttu̧mä̧, iso päi'önä Tu̧ru̧hua̧ Cristo ichomenä, chȩsȩhuä̧cua̧sä̧ ucuturu topö. Ja̧u̧nu̧ mo̧ro̧ chaditähuä toe'oca'a jö̧ttö̧mä̧, chu̧huo̧juä̧cua̧sä̧ iso päi'önä adiu aditinösä pä'ö.