Filipenses 2:8 - TÄ̧DO Ä̧CUÄ̧ I̧HUȨNȨ

⁸ Ja̧u̧mä̧ ttö̧ja̧ i̧sa̧ ja̧'a̧nä̧, ji̧nä̧ isocu usurä i̧sa̧ ta'anö ki̧nö̧do. Ja̧u̧ o'ca juiyönä hueähuä'inä, uhuapare'inä jȩpi̧nö̧do. Ja̧u̧mä̧ dau isodänä kä̧nö̧ 'corupä'i'inödo.

Nuevo Testamento Uwotjüja

⁸ Ja̧'wa̧nü̧ jȩpä̧kuä̧u̧, ukuo teäkuäwoka'a, Ukuotinü̧ 'korujuoächomebü päi'ünä̧, Jua'a'i̧nä̧ ü̧jo̧kä̧nü̧ kkä̧nü̧ usurä ȩmä̧u̧tä̧.

Filipenses 2:8 Referans Kwoze

San Juan 10:18

Yoröiso cha̧'cua̧rö̧ jȩpö̧ icuocotö. Ttörötä pä̧huä̧ rö̧jo̧mȩnä̧ iyösä cha̧'cua̧rö̧. Ttö 'corupädi'a'anä'inä pä'äji ta'anö ttörötä pä̧huä̧ rö̧jo̧mȩnä̧, tto'ächi'ö'ca̧ chö̧jä̧cua̧sä̧. Ja̧'hua̧nö̧ hueinäcusä Chä'omä, —pä'inödo Jesús.

Hebreos 12:2

Jesús, ujutu tesetäcuru, ujuturu aditö icuru, adiunätä to̧tä̧rä̧tu̧cua̧ja̧. Jesús dau isodänä kä̧nö̧ 'corupäi'omenä, ja̧'hua̧nö̧ 'corupä'i'ö ödäpecua pä'ö amöcuädoca'a ubara ttu'inödo. Chutä huo̧jui̧nö̧do ja̧'hua̧nö̧ ubara ttudu o'ca'a chȩsȩhuä̧cua̧sä̧ pä'ö. Ja̧'hua̧ta̧nö̧ Dios ö̧'o̧mȩ u̧huo̧jua̧'a̧nä̧ pä̧mä̧di̧nö̧do.

Romanos 5:19

Ja̧'hua̧ta̧nö̧ ya̧tȩ ubo Dios hueinö jȩo̧ca̧'a̧ttö̧, recuätö suronä jȩä̧cuä̧huä̧ ttö̧ja̧ juo'ähuinätö. Ja̧'hua̧ta̧nö̧ ya̧tȩ Dios hueinö jȩi̧na̧'a̧ttö̧, Dios recuätörö jȩä̧cua̧ chutäcu ji̧nä̧ ji̧yȩtȩ huotö tta pä'ö.

1 Pedro 2:24

Cristo ujutu suronä jȩtö̧ chutä jä̧ttä̧pä̧ya̧nä̧ ȩpi̧nö̧ daunä kä̧nö̧ 'corujuoächomenä. Ja̧'hua̧nö̧ ȩpi̧nö̧ suronä jȩpö̧ 'corupäti'a'acu. Adiunätä tö̧ja̧cua̧ pä'ö ȩpi̧nö̧. Ucuturu aditö icua pä'ö ubara ttu'inö.

1 Pedro 3:18

Iso päi'önä Cristomä ya'utenätä o'ca toi'önärö suronä jȩttö̧ jȩpö̧ icua pä'ö ubara ttu'u 'corupä'i'inö. Chutä yoröiso adihuä i̧sa̧ ja̧'a̧nä̧, ujutu suronä jȩpä̧tö̧mä̧ suronä jȩtö̧ jȩpö̧ icu, ubara ttu'inö Dios ö̧ja̧'a̧cu̧ ti̧'cha̧ pä'ö. Chutä idepämä 'corupäi'äja'anä, a̧'cua̧ru̧hua̧ pä'äji ta'anö tto'ächäji'ca̧ ki̧nö̧.

2 Corintios 8:9

Ucutumä täcö huo̧juä̧tö̧jä̧ Tu̧ru̧hua̧ Jesucristo adihuä juäi iyö ujuturu. Ja̧u̧ o'ca juiyönä ku̧nä̧ri̧nö̧do. Ja̧'hua̧nö̧ ja̧'a̧nä̧ ucuturu repe'ö usurä i̧sa̧ ta'anö pä'i'inödo, ucutu ja̧u̧ru̧ esetö, järe ruhuotö ta'anö cu̧ja̧cuä̧tu̧cua̧ pä'ö.

San Mateo 26:39

Ja̧u̧nu̧ o'ca'a Jesús yabonänö 'chä̧nö̧, ö'ä rȩjȩcu̧ ja̧rȩyu̧nu̧ pä'i'ö Diosrö ucuocuinödo. Pä'inödo: —Ttö Chä'o, ucuru pä̧huä̧ rö̧jö̧ttö̧mä̧ pi̧yȩmä̧ ttö ubara ttudä̧cuȩmä̧ ubara ttudu juiya pä'ittö. Ja̧'hua̧ta̧nö̧ ja̧'a̧nä̧ ucuru pä̧huä̧ rö̧jö̧tä̧ jȩpi̧, ttörö pä̧huä̧ rö̧jö̧mä̧cö̧.

Hechos 8:33

Usurä i̧sa̧ juomenä, ja̧u̧ru̧ ppäda pä'ömä yoröiso toina'a. I̧tti̧mö̧rö̧'i̧nä̧, ö̧nä̧mö̧rö̧'i̧nä̧ ji'ähuocotö ttäcuotö pi̧jä̧nä̧ ö̧jö̧ beipächina'attö.

Tito 2:14

Ja̧u̧mä̧ 'corupä'i'inö ujutu suronä jȩtö̧ jȩpö̧ icua pä'ö. Ja̧'hua̧ta̧nö̧ chutä i̧tti̧mö̧ päti'a pä'ö töcö icuinä̧u̧jä̧ churutä pä̧huä̧ rö̧jo̧mȩnä̧, adiu jȩti̧ya̧rö̧ pä'ö.

Gálatas 3:13

Cristomä hueähuä huȩnȩ tä̧bo̧cuä̧ ja̧ji̧ jȩpö̧ icuinä̧u̧jä̧. Chutä Cristo ujuturu rettö pä'ö hueähuä huȩnȩ tä̧bo̧cuä̧ ja̧ji̧ päi'önä 'corupä'i'inö. Huȩyu̧cuä̧ Huȩnȩ päa'a: “O'ca toi'önä daunä pȩ'o̧pö̧ ttu̧ju̧nä̧u̧ 'corujuo'ächätömä suropätö.”

San Juan 15:10

Chä'o hueömä jȩcha̧'a̧ttö̧ ttörö repeö'a̧nö̧, ttö huedömä jȩcu̧'ä̧tu̧cu̧ttu̧mä̧, ucuturu rȩpȩdä̧cua̧sä̧.

San Mateo 26:42

Todärenä päi'önä ucuocu 'chi̧nö̧do. Pä'inödo: —Ttö Chä'o, ttö ubara ttudä̧cuȩmä̧ ubara ttudu juiya pä̧huä̧ juiyöttömä, ucurutä pä̧huä̧ rö̧jo̧mȩnä̧ jȩpi̧.

San Mateo 17:2

Juhua'attö Jesús pärohuächinödo jahuätö ttä'ca jo̧mȩttö̧. Ö'ämä mo̧ro̧ kä̧hua̧ ta'anö tȩa̧hui̧na̧'a̧do. Ö̧'ca̧tä̧huä̧ta̧ korottö'inä abonänö teina'ado.

San Juan 4:34

Jesús jahuätörö pä'inödo: —Ttörö hue'inörö pä̧huä̧ rö̧jö̧tä̧ jȩcho̧mȩnä̧, ja̧u̧tä̧ ttö chu̧cuȩmä̧. Chutä aditähuä'inä cädädomenä, ja̧u̧tä̧ ttö chu̧cuȩmä̧.

San Lucas 9:29

Ja̧'hua̧nö̧ ja̧'a̧ Jesús Diosrö ucuocua'anä, ö'ä pärohuächinödo. Ö̧'ca̧tä̧huä̧ta̧mä̧ juiyo teönä sä̧ru̧nä̧ pärohuächi'ina'ado.

Hebreos 12:4

Ucutumä surojöcu curohuähuätucuomenä, ji̧nä̧ 'corupä'i'ocotöjä.