Filipenses 2:26 - TÄ̧DO Ä̧CUÄ̧ I̧HUȨNȨ

²⁶ Ja̧u̧mä̧ iso päi'önä toa pä'ö ucuturu o'ca toi'önärö. Ucutumä ja̧u̧ na̧huä̧cha̧'a̧ cuä̧ju̧cuä̧tu̧cuo̧mȩnä̧, a̧'cua̧ tta̧'ȩcui̧nö̧. Rö̧ȩnä̧ amöcuädö ucuturu.

Nuevo Testamento Uwotjüja

²⁶ Ukutu o'katoi'ünä̧rü̧ a̧mü̧kuä̧rü̧ a̧'kua̧ tta̧'ȩkuä̧ji̧, rü̧ȩnä̧ na̧wä̧cha̧'a̧ ukuowa'a kuä̧ju̧kuini̧yä̧tu̧kuä̧ku̧.

Filipenses 2:26 Referans Kwoze

Filipenses 1:8

Dios huo̧jua̧ ucuturu Jesucristo repeö'a̧nö̧, repe'ö pä̧huä̧ rö̧jä̧cu̧sä̧ ucuturu o'ca toi'önärö.

Efesios 3:13

Ja̧'hua̧nö̧ ja̧'a̧ttö̧ ucuturu ppä'ädö ji'äu ubara ttudomenä, cua̧'cua̧ tta̧cu̧huȩcuä̧tu̧cuä̧ttö̧. Pärocua'acu cuami iso'quitucunä eseunu cu̧ja̧cuä̧tu̧cu̧'a̧nö̧ ja̧'a̧.

Romanos 12:15

Esehuätörö, eseunu topätucui. Ajuähuätörö, ajuäunu topätucui.

Filipenses 4:1

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, iso päi'önä ucuturu repe'ö tocha pä'ösä. Ucuturu topö eseusä. Ja̧'hua̧ta̧nö̧ ucutumä chaditinö micuä huotöjä. 'Cuäopönä Tu̧ru̧hua̧rö̧ esetö, cuami 'qui'ächi'ö ka̧cuä̧tu̧cui̧, chahuaruhuä chö̧jä̧hua̧tö̧.

Romanos 9:2

Cha̧'cua̧ tta̧'ȩcu̧sä̧. 'Cuäopönä chami iso'quinä barau jö̧nä̧ jä̧cu̧sä̧ cheseu juiyönä, Cristorö ttieruhuomenä ttötä chahuaruhuä isotö. Ja̧'hua̧ta̧nö̧ Dios ttörö ro̧ȩpo̧mȩnä̧, chahuaruhuä ttesetöttömä esehuajisä. Ja̧'hua̧ta̧nö̧ Cristottö 'quȩ'ȩcu̧ chicuomenä, chahuaruhuä ttesetöttömä, Cristottö 'quȩ'ȩcu̧ icuajisä ttötä.

San Mateo 26:37

Ja̧u̧cu̧ tti̧'cha̧ pä'ö o'ipinödo Pedrorö'inä, Zebedeo i̧tti̧mö̧ ta̧ju̧ru̧'i̧nä̧. Yabonänö i̧'cho̧mȩnä̧, rö̧ȩnä̧ a̧'cua̧ tta̧'ȩcui̧pi̧nö̧do.

San Mateo 11:28

O'ca toi'önä cuaditähuättö'inä, amäcö cuȩpä̧tu̧cua̧'a̧ttö̧ 'cuä'ächi'ätömä, ichätucui ttörö. Ucutu 'cuäcuhuächi'ätucumä ppä̧dä̧dä̧cua̧sä̧.

1 Pedro 1:6

Ja̧'hua̧nö̧ ja̧'a̧ttö̧ ucutu rö̧ȩnä̧ eseunu ka̧cuä̧tö̧jä̧. Ja̧'hua̧nö̧ ja̧'a̧nä̧'i̧nä̧ a̧'u̧cua̧'a̧tä̧ ucuturu suronä 'cuäopäcua'a.

Filipenses 1:3

Koronö'inä ucuturu amöcuädö, eseunu ucuocusä Diosrö.

Gálatas 6:2

Ja̧'hua̧ta̧nö̧ korotö korotönö surojö 'cuäopomenä, ppä'ädäcuähuätucui. Ja̧'hua̧nö̧ jȩpö̧ Cristo hueähuä jȩcu̧'ä̧cuo̧tö̧jä̧.

2 Corintios 9:14

Ja̧'hua̧ta̧nö̧ Diosrö ttucuocuäcuotö ucuturu repe'ö, Dios ucuturu rö̧ȩnä̧ adihuä juäi iyinö pä'ö amöcuädö.

1 Corintios 12:26

Ja̧'hua̧ta̧nö̧ korottö jättäpäyotöttö barauttumä, o'ca juiyönä barahua'a. Ja̧'hua̧ta̧nö̧ korottö jättäpäyotöttö adiu jȩttö̧ttö̧mä̧, o'ca juiyönä esehua'a.

Romanos 1:11

Ttö pä̧huä̧ rö̧jä̧cu̧sä̧ tocha pä'ö ucuturu ppädäda pä'ö Espíritu Santonä, adiu cuami 'qui'ächi'ö cu̧ja̧cuä̧tu̧cua̧ pä'ö.

Hechos 21:13

Ja̧'hua̧nö̧ ja̧'a̧ Pablo ädätinö: —¿Dä̧bö̧ cuajuähuätucuättö? ¿Dä̧bö̧ cha̧'cua̧ tta̧dȩcu̧nä̧ jȩcu̧'ä̧tu̧cuä̧ttö̧? Jerusalén ötahuiyättö Tu̧ru̧hua̧ Jesús i̧huȩnȩ jidähua'attö ttörö ttönö'ca pä'ö'inä 'corupädi'a pä'ömä täcö jo̧mȩ päi'önä kö̧sä̧.

Filipenses 2:25

Ja̧'hua̧nö̧ ja̧'a̧nä̧ ucuturu topö hueda pä'ösä tö̧jä̧hua̧ Epafroditorö. Ja̧u̧mä̧, ucutu ttörö ppäda pä'ö huecuhuinätucu o'ca'a, iso päi'önä aditö rohuähuinö ttöcu chu̧mö̧huä̧ya̧ päi'önä.

Filipenses 2:27

Iso päi'önä 'corupäi'ö'a̧nö̧ na̧'ä̧chi̧nö̧. Ja̧'hua̧nö̧ ja̧'a̧nä̧ Diostä a̧'cua̧ tta̧nö̧ topö ppädinäcu. Ja̧u̧ru̧tä̧ katätä ppä'ädocö pi̧nö̧. Ttörö'inä ppä'ädinö, juhua'a yabo rö̧ȩnä̧ cha̧'cua̧ tta̧'ȩcu̧ 'cuädopa'acu.