Filipenses 2:21 - TÄ̧DO Ä̧CUÄ̧ I̧HUȨNȨ

²¹ Korotömä o'ca toi'önä jitöätä pä̧huä̧ rö̧jö̧ä̧tä̧ jȩpä̧tö̧, Cristo Jesús aditähuä ttamöcuädoca'anä.

Nuevo Testamento Uwotjüja

²¹ Isopäi'ünä̧ o'katoi'ünä̧ jitürütä pä̧wä̧rü̧jü̧tä̧ usú jȩpä̧tü̧, ja̧'wa̧nü̧ ja̧'a̧nä̧ Jesucrito-rü pä̧wä̧rü̧jü̧mä̧ jȩpo̧ko̧tü̧.

Filipenses 2:21 Referans Kwoze

1 Corintios 10:24

Ja̧'hua̧nö̧ ja̧'a̧ttö̧ korotörö adiu jȩcu̧'ä̧tu̧cuä̧cua̧'a̧nö̧, cuamönätucu cuamöcuädätucuoca'anä.

San Mateo 16:24

Ja̧'hua̧nö̧ ja̧'a̧ttö̧ Jesús pä'inödo u̧huo̧juȩtä̧u̧ru̧: —Ya̧tȩ ttöcu cueächa pä'ömä, chutä amöcuädö jaropi'ö, ttö huedömä jȩpö̧, ubara ttuttu'inä, ttöcu cuȩä̧chä̧cua̧.

Filipenses 2:4

Ka̧ra̧'i̧nä̧ churutä adiumä amöcuädö juiyäcua'a̧nö̧. Korotörö'inä adiumä amöcuädätucui.

2 Timoteo 3:2

U̧mä̧tö̧ jitöätä ttamöcuädäutä ttamöcuädäcuotö. Pärätä rö̧ȩnä̧ ttamöcuädäcuotö. Ttösä adihuä i̧sa̧ pättähuäcuotö. Diosrö suronä ttucuocuäcuotö. Ttä'o hueö jȩpo̧co̧tö̧ ttäcuotö. Ttahuaruhuärö esehuocotö ttäcuotö. Dios i̧huȩnȩ esetocotö ttäcuotö.

1 Corintios 10:33

Ttömä 'cuäopönä jȩcha̧ pä'ösä o'ca toi'önä ttesehuäcua'anö̧. Ttötä chamönämä amöcuädäcuähuocösä. Korotörö amöcuädösä, jahuätö'inä ttesetäcuä'a̧nö̧.

1 Corintios 13:5

Ja̧'hua̧ta̧nö̧ ahuaruhuärö repe'ömä, suronämä ucuocuocö. Ja̧'hua̧ta̧nö̧ ahuaruhuärö repe'ömä: “Ttötä chöäremä iyocösä korotörö” pä'ocö. O'ca päi'önä ra̧huä̧ri̧po̧cö̧. Korotömä suronä jȩtto̧mȩnä̧, jurunä unichi'ö jȩttä̧ji̧mä̧, recuo ö̧ra̧huä̧ro̧ca̧'a̧.

San Lucas 14:26

—Ya̧tȩ ttöcu ichömä, jä'orö'inä, ja̧ju̧ru̧'i̧nä̧, esehuomettö'inä abonänö ȩsȩhuä̧cua̧ ttörö. Ja̧'hua̧ta̧nö̧ irecuarö'inä, i̧tti̧mö̧rö̧'i̧nä̧ esehuomettö'inä abonänö ȩsȩhuä̧cua̧ ttörö. Ja̧'hua̧ta̧nö̧ u̧bö̧o̧tö̧rö̧'i̧nä̧, ö̧jä̧hua̧tö̧rö̧'i̧nä̧ esehuomettö'inä abonänö ȩsȩhuä̧cua̧ ttörö. Ja̧'hua̧ta̧nö̧ chutä ö̧jö̧ttö̧ esehuomettö'inä abonänö ȩsȩhuä̧cua̧ ttörö. Ja̧'hua̧nö̧ jȩö̧ juiyöttömä, chu̧huo̧juȩtä̧cu̧ pä'i'ocö.

2 Timoteo 4:10

Demas pi̧jä̧ jähuä amöcuädö, ttörö jaropi'inö. Tesalónica ötahuiyära̧'a̧ i̧hui̧nö̧. Ka̧ra̧ Cresente'inä Galacia rȩjȩra̧'a̧ i̧hui̧nö̧. Tito'inä Dalmacia rȩjȩra̧'a̧ i̧hui̧nö̧.

2 Corintios 1:5

Cristorö esetö, rö̧ȩnä̧ ubara ttuta'attö, chutä Cristo'inä rö̧ȩnä̧ ppä'ädö ujuturu.

2 Timoteo 4:16

Ruhuotö ttä'ca jo̧mȩttö̧ äcuomenä chucuocuomenä, ya̧tȩ'i̧nä̧ ppä'ädocö pi̧nö̧ ttörö. O'ca toi'önä jarotti'inäcusä. Dios jahuätörö ö̧tä̧bo̧tö̧ juiya pä'ösä.

Hechos 15:38

Pablo pä'inödo: —Juanrö otipöttömä adihuoca'a. Juan Panfilia rȩjȩttö̧ ujuturu jaropi'ö taditähuä cätädome jubö päi'önä 'cho̧cö̧ pi̧nö̧.

Hechos 13:13

Ja̧u̧nu̧ o'ca'a Pablo, ahuaruhuäcu Pafos ötahuiyättö rä'opö, huoi'canä 'chi̧nä̧tö̧do Perge ötahuiyära̧'a̧ Panfilia rȩjȩnä̧. Juhua'attö Juan, jahuätörö jaropi'ö, Jerusalén ötahuiyära̧'a̧cu̧ ppa̧'ä̧chi̧nö̧do.

2 Timoteo 1:15

Ucu huo̧jua̧jä̧, o'ca toi'önä Asia rȩjȩ ttö̧ja̧'i̧nä̧, Figelo'inä, Hermógenes'inä, juhua'atä ttö̧ja̧, ttörö jaropi'inätö.