Filipenses 2:2 - TÄ̧DO Ä̧CUÄ̧ I̧HUȨNȨ

² Ja̧'hua̧nö̧ päi'öttömä, rö̧ȩnä̧ chesehuäcua'a̧nö̧ jȩpä̧tu̧cui̧. Ji̧nä̧ yo̧mȩtȩttö̧ ji̧nä̧ ji̧yȩtȩ amöcuädö repe'ö ka̧cuä̧tu̧cui̧.

Nuevo Testamento Uwotjüja

² Cheseunä̧ kka̧kuä̧tu̧kui̧, o'katoi'ünä̧ ji̧yȩtȩnä̧tä̧ repe'äkuäu'i̧nä̧, eseäkuäu'i̧nä̧, ji̧nä̧ ji̧yȩtȩnä̧tä̧ amükuädü jȩpä̧tu̧kui̧. Ja̧'wa̧nü̧ jȩ'kuä̧tu̧kua̧'a̧ topü chesewä̧kua̧sä̧. Rekuä rü̧jü̧mä̧ ji̧nä̧ ji̧yȩtȩnä̧tä̧ ppä'ädäkuäu kka̧kuä̧tu̧kui̧.

Filipenses 2:2 Referans Kwoze

Romanos 12:16

Ji̧nä̧ yo̧mȩtȩ amöcuädö ka̧cuä̧tu̧cui̧ korotö korotöcu. Korotöttö'inä abonänö adihuä i̧sa̧sä̧ pä'ö päcuhuätucuä'. Usurä isotö ttamöcuädö'a̧nö̧ amöcuädätucui. Korotöttö'inä abonänö huo̧jua̧sä̧ pä'ö cuamöcuädätucuä'.

1 Corintios 1:10

Chö̧jä̧hua̧tö̧, Tu̧ru̧hua̧ Jesucristo i̧mi̧nä̧ pä'ösä ucuturu, yoräteunä amöcuädätucui. I̧mi̧cu̧nä̧ cuamöcuädätucuä'. Ja̧'hua̧ ji̧yä̧cu̧ pä'ösä, adiu ji̧nä̧ yo̧mȩtȩ amöcuädö ka̧cuä̧tu̧cui̧ yoräteunä.

2 Corintios 13:11

Jitämä chö̧jä̧hua̧tö̧, Diosrö pä̧huä̧ rö̧jo̧mȩnä̧, adiu cu̧ja̧cuä̧tu̧cua̧ja̧. Esehuätucui. Ji̧nä̧ ji̧yȩtȩ amöcuädö ka̧cuä̧tu̧cui̧. Ja̧'hua̧nö̧ jȩpö̧ Dios, eseäcuähuä'inä, repeähuä'inä iyömä, ucutucu ö̧jä̧cua̧.

3 Juan 1:4

Chu̧huo̧juȩto̧mȩttö̧mä̧ chi̧tti̧mö̧ iso päi'önä huȩnȩ päö'a̧nö̧ adiu jȩcu̧'ä̧tu̧cu̧ chä̧ju̧cuo̧mȩnä̧, koro juäi eseäcuähuättö'inä abonänö eseusä.

Hechos 2:46

Mo̧ro̧ji̧nö̧ a̧'u̧cuä̧ Diosrö ucuocuäcuähuodenä ca̧ca̧cui̧pi̧nä̧tö̧do. Ja̧'hua̧ta̧nö̧ ttahuaruhuärö'inä ji̧nä̧ yo̧mȩtȩ Diosrö'inä eseunu amöcuädö ttu̧cuȩ cuinätödo ttojusode pö̧nä̧.

2 Juan 1:4

Ucu cui̧tti̧mö̧ttö̧ yotöte Tä'o Dios hueinö ta'anö, iso päi'önä huȩnȩ päö'a̧nö̧ jȩpö̧ ka̧cuä̧tö̧ pä'ö tochomenä, juiyo esehuinösä.

2 Tesalonicenses 2:13

Ja̧'hua̧nö̧ ja̧'a̧nä̧ tö̧jä̧hua̧tö̧, Tu̧ru̧hua̧ repeä̧u̧mä̧, ujutu Diosrö 'cuäopönä eseunu ucuocuätöjä ucuturu. Dios äcuomenä ucutu suronä jȩcu̧'ä̧tu̧cu̧ jȩpö̧ icua pä'inö ucuturu. Espíritu Santo ujurunä iso päi'önä huȩnȩ cuesetätucuomenä, ȩmi̧nö̧ ucuturu.

Colosenses 2:5

Ja̧'hua̧ta̧nö̧ iso päi'önä ucututtu'inä kara'a chö̧jo̧mȩnä̧, Espíritunä kö̧sä̧ ucutucu. Ja̧'hua̧nö̧ ja̧'a̧ttö̧ eseusä ucuturu adiu ji̧nä̧ yo̧mȩtȩ Cristorö esetö cujuruhuätucua'a topö.

Filipenses 4:2

Evodiarö'inä, Síntiquerö'inä ji'äusä, Tu̧ru̧hua̧nä̧ tö̧jä̧hua̧tö̧ ttamöcuädö'a̧nö̧, ji̧nä̧ yo̧mȩtȩ amöcuädätucui.

Filipenses 2:20

Ka̧ra̧mä̧ toa'a ttöcu cue'ächömä ttö ta'anö repe'ö amöcuädö ucuturu.

2 Corintios 7:7

Titorö topötä esehuocotö pi̧nä̧tö̧jä̧. Ja̧u̧ru̧ rö̧ȩnä̧ ppäcuhuädätucua'attö esehua'a totomenä, ujutu'inä esehuinätöjä. Ja̧u̧ ujuturu ji'ähuinödo: “Jahuätö rö̧ȩnä̧ totta pä'ätö ucuturu. Ja̧'hua̧ta̧nö̧ tta̧'cua̧ tta̧'ȩcu̧ ka̧cuä̧tö̧. Ucuturu'inä rö̧ȩnä̧ amöcuädätö,” ji'ähuinödo. Ja̧'hua̧nö̧ ä̧ju̧cu̧, ji̧nä̧ isocu esehuinösä.

2 Corintios 2:3

Ja̧'hua̧nö̧ ja̧'a̧ttö̧ chi̧huȩyu̧ti̧nö̧ ta'anö, huȩyu̧ti̧nö̧sä̧ ucuturu. Cha̧'cua̧ tta̧dȩcua̧ pä'ö jidähua pä'ocö pi̧nö̧sä̧. Ucuturu amöcuädö cheseu'a̧nö̧ ja̧'a̧ pä'inösä. Ja̧'hua̧ta̧nö̧ huo̧jua̧sä̧, ttö chesehuomenä, ucutu'inä o'ca toi'önä cuesehuäcuotöjäcö̧ pä'inösä.

Hechos 5:12

Jesús hue'ähuotö ttö̧ja̧ ttä'ca jo̧mȩ rö̧ȩnä̧ ttö̧ja̧ ttieru juäi i̧jȩpi̧nä̧tö̧do. Jesucristorö esetätömä o'ca toi'önä u̧mi̧ i̧so̧ca̧, Salomón i̧so̧ca̧nä̧, ca̧ca̧cuä̧ri̧nä̧tö̧do.

Hechos 1:14

Jahuätö Jesús hue'ähuotö o'ca toi'önä ca̧ca̧cuä̧rö̧ Diosrö ucuocuinätödo nä̧tö̧cu̧, Jesús ja̧ju̧ Maríacu, Jesús ö̧jä̧hua̧tö̧cu̧.

Filipenses 1:4

Diosrö chucuocuomenä, 'cuäopönä eseunu jä'epösä ucuturu.

San Juan 3:29

Ya̧tȩ irecuarö ȩmo̧mȩnä̧, ya̧tȩtä̧ irecuarö ȩmö̧. A̧hua̧ru̧hua̧ ippeyänä ä̧ju̧cu̧ kö̧mä̧, irecuarö ȩmö̧mä̧ ucuocuomenä, juiyo eseudo. Ja̧'hua̧ta̧nö̧ pi̧yȩ chä̧ju̧cuo̧mȩnä̧, juiyo eseusä.

2 Timoteo 1:4

Ucu cuajuähuina'a chamöcuädomenä, ucuru tocha pä'ösä rö̧ȩnä̧ chesehua pä'ö.

Hechos 2:1

Pentecostés mo̧ro̧ päi'omenä, o'ca toi'önä Jesucristorö esetätömä ji̧nä̧ yo̧mȩtȩ ca̧ca̧cui̧pi̧nä̧tö̧do.

Filemón 1:20

Iso päi'önä tö̧jä̧hua̧, Tu̧ru̧hua̧rö̧ cueseta'attö, ttörö ppä'ädi. Cristonä chö̧jä̧hua̧ cu'a'attö, chami iso'quinä eseunu chö̧ja̧ pä'ö ppä'ädittö.