Filipenses 2:19 - TÄ̧DO Ä̧CUÄ̧ I̧HUȨNȨ

¹⁹ Tu̧ru̧hua̧ Jesúsru pä̧huä̧ rö̧jö̧ttö̧mä̧, yodojinänö Timoteorö hueda pä'ösä, ucuturu topö icha pä'ö. Ja̧'hua̧nö̧ ucutu cu̧ja̧cuä̧tu̧cu̧ huȩnȩ ä̧ju̧cu̧ chȩsȩhuä̧cua̧sä̧.

Nuevo Testamento Uwotjüja

¹⁹ Chu̧ru̧wa̧ Jesucrito-nä̧ tta̧'ä̧rü̧sä̧, jitätä ja̧'a̧ Timoteo-rü weda pä'ü, ukutu kutü'kütuku ä̧ju̧ku̧ rü̧ȩnä̧ chesewa pä'ü.

Filipenses 2:19 Referans Kwoze

1 Corintios 4:17

Ja̧'hua̧nö̧ ja̧'a̧ttö̧ Chu̧ru̧hua̧nä̧ chi̧tti̧ rȩni̧'a̧rö̧, adiu jȩpö̧rö̧, Timoteorö hue'ösä ucuturu. Ja̧u̧tä̧ jiä̧huä̧cua̧ ucuturu Cristorö esetö chö̧jö̧ huȩnȩ'i̧nä̧, o'ca juiyönä pa̧ja̧cu̧nä̧ iglesias ruhuärö jidäu huȩnȩ'i̧nä̧.

1 Tesalonicenses 3:2

Ujutu ju̧huȩnȩtä̧ ki̧'i̧pö̧, ucuturu toa pä'ö hue'inätöjä tö̧jä̧hua̧ Timoteorö, Dios huȩ'ä̧hua̧rö̧, ujutucu adihuä huȩnȩ, Cristo i̧huȩnȩ, ji'äu aditörö. Ja̧u̧tä̧ ucuturu ucuocu ppä̧dä̧cua̧, juhua'a yabonö Diosrö cuesetätucua pä'ö.

Filipenses 1:1

Pablocu, Timoteocu, Jesucristocu aditätömä, pi̧yȩ cuyäru huȩyu̧tu̧ hue'ätöjä Dios i̧tti̧mö̧rö̧, Jesucristorö esetätörö'inä, iglesia tta̧huä̧rä̧cuä̧huä̧ ruhuärö'inä, diáconosrö'inä, Filipos ötahuiyänä ka̧cuä̧tö̧rö̧.

Filipenses 2:28

Ja̧'hua̧nö̧ ja̧'a̧ttö̧ iso päi'önä ja̧u̧ru̧ hueda pä'ösä ucuturu, pä'äji ta'anö tocu'ätucuomenä cuesehuätucuarö pä'ö, ja̧'hua̧ta̧nö̧ cha̧'cua̧ tta̧dȩcu̧ juiyönä chö̧ja̧ pä'ö.

Santiago 4:15

Pa̧'a̧nö̧ päcuhuätucu'a̧nö̧ ja̧'a̧: “Diosrö pä̧huä̧ rö̧jö̧ttö̧mä̧ ji̧nä̧ tö̧ja̧cuä̧cuo̧tö̧jä̧. Ja̧'hua̧ ja̧'a̧ pa̧'a̧nö̧ jȩtä̧cuo̧tö̧jä̧. Koro juäi'inä jȩtä̧cuo̧tö̧jä̧.”

2 Timoteo 1:12

Ja̧'hua̧nö̧ ja̧'a̧ttö̧ jitä ubara ttu'usä. Ja̧'hua̧nö̧ ja̧'a̧nä̧ dä'äcuocösä. Ttö cha̧'cua̧ chu̧huȩnä̧rä̧cu̧ru̧ huo̧jua̧sä̧. Ja̧'hua̧ta̧nö̧ ttörö iyinömä, röji mo̧ro̧ päi'omenä tta̧huä̧rä̧cua̧'a̧ huo̧jua̧sä̧.

2 Tesalonicenses 1:3

Tö̧jä̧hua̧tö̧, 'cuäopönä Diosrö eseunu ucuocuätöjä ucuturu amöcuädö. Ucutu juhua'a yabonö Diosrö cuesetätucu'inä, cuahuaruhuärö juhua'a yabonö repecuhuätucu'inä amöcuädö, teseu'a̧nö̧ ja̧'a̧.

Efesios 1:13

Ucutu adihuä iso päi'önä huȩnȩ, suronä jȩttö̧ jȩpö̧ icu huȩnȩ ä̧ju̧cu̧, Cristorö cuesetätucuomenä, ja̧u̧cu̧ ji̧nä̧ yo̧mȩtȩnä̧ chutä i̧tti̧mö̧ päcuhui'ätucua pä'ö hueinä̧u̧jä̧, Espíritu Santonä iya päinö ta'anö.

Romanos 16:21

Ttöcu ppä'ädömä Timoteo, ucuturu te'äu. Ja̧'hua̧ta̧nö̧ ttötä chahuaruhuä isotö Lucio'inä, Jasón'inä, Sosípater'inä ucuturu te'ähuätö.

Romanos 15:12

Isaías'inä huȩyu̧ti̧nö̧: Isaí isotöttö ya̧tȩ i̧chä̧cua̧. Ja̧u̧ judíos huocotö ttu̧ru̧hua̧ päi'önä ö̧jä̧cua̧. Ja̧u̧ru̧ tta̧'cua̧ ttu̧huȩnä̧rä̧cuo̧tö̧.

San Mateo 12:21

O'ca toi'önä ttö̧ja̧ ja̧u̧ru̧tä̧ eseunu tta̧ttä̧rä̧cuo̧tö̧, pä'ö huȩyu̧ti̧nö̧do.

1 Pedro 1:21

Ucutumä Cristorö esetö kä̧nö̧, esetätöjä Diosrö. Ja̧u̧tä̧ Dios Cristorö, 'corupä'i'äjirö, tto'ädinö. Ja̧'hua̧ta̧nö̧ o'ca toi'önä ttucuotarö pä'ö hue'inö. Ja̧'hua̧nö̧ ja̧'a̧ttö̧ ucutu Diosrö amöcuädö tta̧'ä̧rä̧tö̧jä̧.

Hechos 16:1

Pablocu, Silascu Derbe ötahuiyära̧'a̧ 'chä̧hui̧'i̧nä̧tö̧do. Juhuorö kä̧nö̧ Listra ötahuiyära̧'a̧ 'chä̧hui̧'i̧nä̧tö̧do. Ju̧huȩnȩ ki̧nö̧do ya̧tȩ Jesucristorö esetinö, Timoteo pä'ö mi̧cua̧. Judíos ttö̧ja̧ isaju, Jesucristorö esetäju, ki̧tti̧ pi̧nö̧do. Jä'omä griegos ttö̧ja̧ i̧sa̧ pi̧nö̧do.

Filipenses 2:18

Ja̧'hua̧ta̧nö̧ ucutu'inä ttö cheseu ta'anö esehuätucui.

1 Tesalonicenses 3:5

Ja̧'hua̧nö̧ ja̧'a̧ttö̧ ttömä ucuturu rö̧ȩnä̧ tocha päda'anä, Diosrö cuesetätucu huȩnȩ jä'epö ä̧ju̧cua̧ pä'ö, hue'inösä Timoteorö. Ujutu taditähuä ji̧nö̧ micuäu juiyönä ähuettä suronä jȩi̧nä̧u̧cö̧ pä'ö amöcuädinösä.