Filipenses 2:15 - TÄ̧DO Ä̧CUÄ̧ I̧HUȨNȨ

^15-16 Iso päi'önä, ja̧'hua̧nö̧ jȩcu̧'ä̧tu̧cuo̧mȩnä̧, korotömä topö suräjuä huȩnȩ ucuocuocotö ucuturu. Ja̧'hua̧nö̧ ja̧'a̧ pi̧jä̧ttö̧ suronä jarode'ö ka̧cuä̧tö̧ ttö̧'quȩtȩnä̧ adihuä isotö Dios i̧tti̧mö̧ pä'ö adiu cu̧ja̧cuä̧cuo̧tö̧jä̧. Ja̧'hua̧ta̧nö̧ si̧ri̧'cö̧ mo̧ro̧jä̧ra̧'a̧ttö̧ tȩa̧u̧nä̧ ttö̧rö̧'a̧nö̧, tȩa̧u̧nä̧ cuecuhuächätucuaja ucutu'inä adihuä kä̧cuä̧huä̧ i'co huȩnȩ ji'äu kä̧nö̧. Ja̧'hua̧nö̧ jȩcu̧'ä̧tu̧cu̧ttu̧mä̧, iso päi'önä Tu̧ru̧hua̧ Cristo ichomenä, chȩsȩhuä̧cua̧sä̧ ucuturu topö. Ja̧u̧nu̧ mo̧ro̧ chaditähuä toe'oca'a jö̧ttö̧mä̧, chu̧huo̧juä̧cua̧sä̧ iso päi'önä adiu aditinösä pä'ö.

Nuevo Testamento Uwotjüja

¹⁵ Ukuturu suronä̧ pättü juiyünä̧ kka̧kuä̧tu̧kui̧, pi̧jä̧ ttü̧ja̧ suropätü ttü̧'kä̧tȩnä̧ ku̧ja̧kuä̧tu̧kua̧'a̧ttü̧, ukutumä̧ Dio i̧tti̧mü̧jä̧, isopäi'ünä̧ ukutumä̧ pi̧jä̧ttü̧mä̧ tejäwore kkȩdȩpa̧'a̧ jä̧'i̧nü̧'a̧nü̧ kka̧kuä̧tu̧kui̧.

Filipenses 2:15 Referans Kwoze

1 Pedro 2:12

Adiunä ka̧cuä̧tu̧cui̧ Diosrö esetocotö ttä'ca jo̧mȩ. Ja̧'hua̧nö̧ ja̧'a̧ttö̧ jahuätö suronä jȩpä̧tö̧rö̧ ttucuocu'a̧nö̧ ttucuocuomenä ucuturu, adiu jȩcu̧'ä̧tu̧cua̧'a̧ topö, Diosrö ttesehuäcuotö, Dios ttö̧ja̧rö̧ pojocuä mo̧ro̧ päi'omenä.

San Mateo 5:45

Ja̧'hua̧nö̧ jȩcu̧'ä̧tu̧cu̧ttu̧mä̧, Cuä'o mo̧ro̧jä̧ra̧'a̧ kö̧rö̧ i̧tti̧mö̧ päcuhui'äcuotöjä. Chutä mo̧ro̧ kä̧hua̧ räopa pä'ö hue'ö adiu jȩpä̧tö̧rö̧'i̧nä̧, suronä jȩpä̧tö̧rö̧'i̧nä̧. Ja̧'hua̧ta̧nö̧ adiu jȩpä̧tö̧rö̧'i̧nä̧, suronä jȩpä̧tö̧rö̧'i̧nä̧ ajiya icha pä'ö hue'ödo.

1 Tesalonicenses 5:23

Dios, tami iso'quinä eseunu kä̧cuä̧huä̧ iyömä, adiunätä jȩcu̧'ä̧tu̧cua̧ pä'ö ppädäcua'a̧nö̧ ucuturu. Ja̧'hua̧ta̧nö̧ Tu̧ru̧hua̧ Jesucristo ichome jubö päi'önä, surojö juiyönä tta̧huä̧rä̧cua̧'a̧nö̧ cua̧'cua̧rö̧'i̧nä̧, cua̧'cua̧ru̧hua̧rö̧'i̧nä̧, jättäpäyotörö'inä.

2 Pedro 3:14

Ja̧'hua̧nö̧ ja̧'a̧ttö̧ chö̧jä̧hua̧tö̧, pi̧yȩ 'cuäopa pä'ö tta̧cu̧huä̧rä̧tu̧cuo̧mȩnä̧, o'ca juiyönä jȩpä̧tu̧cui̧ adiunätä Dios ä'ca jo̧mȩttö̧, cuahuaruhuärö eseunu kä̧nö̧, idicu juiyönä.

1 Corintios 1:8

Dios cuami 'qui'ächi'ö cu̧ja̧cuä̧tu̧cua̧ pä'ö tta̧huä̧rä̧cua̧ ucuturu röji mo̧ro̧ päi'önä, Tu̧ru̧hua̧ Jesucristo ichö mo̧ro̧ päi'önä, yoröiso suronä ttucuocu juiya pä'ö ucuturu.

Tito 2:10

Ja̧'hua̧ta̧nö̧ ttö̧nä̧u̧cuä̧rö̧ juiyäcua'a̧nö̧. Ja̧'hua̧nö̧ adiu jȩtta̧'a̧ topö, korotömä “Dios i̧huȩnȩ, Tu̧ru̧hua̧ i̧huȩnȩ, iso päi'önä huȩnȩ ja̧'a̧” pättäcuotö.

1 Pedro 2:9

Ucutu Dios ȩmi̧nä̧u̧jä̧. Tu̧ru̧hua̧ hue'ähuotöjä, churutä pä̧huä̧ rö̧jo̧mȩnä̧ jȩcu̧'ä̧tu̧cua̧ pä'ö. Ja̧'hua̧ta̧nö̧ ucutumä Dios umöhuäyotöjä, chutä ä'ca jo̧mȩttö̧ adiunätä cu̧ja̧cuä̧tu̧cua̧ pä'ö. Ucutumä ja̧'hua̧nö̧ ka̧cuä̧tö̧jä̧, Dios adihuä juäi jȩö̧ huȩnȩ jicuhuähuätucua pä'ö. Ja̧u̧ yo̧ö̧ttö̧ rä'opö, adihuä juäi tȩa̧u̧nä̧ cuecuhuächätucua pä'ö huoinä̧u̧jä̧.

San Mateo 5:48

Yoröiso adihuä juäitä jȩpä̧tu̧cui, Cuä'o mo̧ro̧jä̧ra̧'a̧ kö̧ jȩö̧'a̧nö̧, —pä'ö huo̧juȩti̧nö̧do Jesúsmä.

1 Timoteo 3:10

Ä'canä ka̧cuä̧mö̧ topätucuitö. Ja̧'hua̧nö̧ ka̧cuä̧mö̧ tocu'ätucuomenä, adiu ttö̧jö̧ttö̧mä̧, diáconos huotö päi'önä ttö̧ja̧cua̧ hue'ätucuitö.

1 Timoteo 3:2

Ja̧'hua̧nö̧ ja̧'a̧ttö̧ tta̧huä̧rä̧cuä̧huä̧ i̧sa̧ päi'önä kö̧mä̧ korotö suronä ttucuocu juiyarö pä'ö adiunätä jȩpö̧ ö̧jä̧cua̧'a̧nö̧. Irecua'inä yajuterötä u̧ju̧nä̧rä̧cua̧'a̧nö̧. Ja̧u̧mä̧ a̧'cua̧ pö̧nö̧ ö̧jä̧cua̧'a̧nö̧. Ja̧u̧mä̧ korotö ttä'ca jo̧mȩ adiu ö̧jä̧cua̧'a̧nö̧. Korotö'inä ja̧u̧ru̧ ttucuotäcua'a̧nö̧. Ja̧'hua̧ta̧nö̧ koromettö ichätörö ppädäcua'a̧nö̧. Ja̧'hua̧ta̧nö̧ ahuaruhuärö huo̧juȩtä̧cuä̧huä̧ u̧huo̧juä̧cua̧'a̧nö̧.

Filipenses 1:10

Ja̧'hua̧nö̧ huo̧jui̧pö̧ koro adiutä jȩcu̧'ä̧tu̧cuä̧cua̧'a̧nö̧. Ja̧'hua̧nö̧ ja̧'a̧ttö̧ adiu cu̧ja̧cuä̧cuo̧tö̧jä̧, koro juäi pättoca'anä ucuturu, Cristo ichä̧cuȩ mo̧ro̧ päi'omenä.

Efesios 5:27

Ja̧'hua̧nö̧ jȩpi̧nö̧do yoröiso surojö juiyönä adiunätä i̧jȩcua̧ pä'ö chutä ä'ca jo̧mȩttö̧.

Romanos 16:19

O'ca toi'önä huo̧juä̧tö̧ ucutu Dios i̧huȩnȩ päö ta'anö jȩcu̧'ä̧tu̧cu̧mä̧. Ja̧'hua̧nö̧ ja̧'a̧ttö̧ ttö eseusä ucuturu. Adiu jȩpö̧ cu̧ja̧cuä̧tu̧cua̧ pä'ösä, surojö jȩcu̧'ä̧tu̧cuo̧ca̧'a̧.

Hechos 2:40

Pedro juhua'a yabonö rö̧ȩnä̧ ucuocu, ji'ähuinödo: —Esetätucui, Dios pitö suronä jȩpä̧tö̧rö̧ ö̧tä̧bo̧to̧mȩnä̧, ucuturu ö̧tä̧bo̧tö̧ juiyäcua'a̧nö̧, —pä'inödo Pedro.

San Mateo 10:16

Juhua'a yabonö pä'inödo Jesús: —Ä̧ju̧cuä̧tu̧cui̧, o̧vȩja̧stö̧, yä̧hui̧tö̧ ttö̧'quȩtȩ tti̧'cha̧'a̧ jä̧'i̧nö̧'a̧nö̧ hue'ösä ucuturu. Ä̧ca̧tö̧ baraunä yö̧'ä̧tö̧ ttu̧'ȩpä̧rö̧ ttö̧'a̧'a̧ jä̧'i̧nö̧'a̧nö̧ cu̧ja̧cuä̧tu̧cua̧'a̧nä̧, u̧nu̧cu̧tu̧ yoröiso baraunä jȩpo̧co̧tö̧ ttö̧jö̧'a̧nö̧ adiunä ka̧cuä̧tu̧cui̧, korotörö suronä jȩcu̧'ä̧tu̧cuo̧ca̧'a̧.

Hebreos 7:26

Ja̧'hua̧ ja̧'a̧ttö̧ chutä Jesús ujuturu adihua'ado ji̧nä̧ isocu sacerdote ru̧hua̧ päi'önä ö̧ja̧ pä'ö. Ja̧u̧mä̧ adihuä i̧sa̧do. Ja̧u̧ suronämä yoröiso jȩpo̧cö̧. Suronä jȩpä̧tö̧ttö̧'i̧nä̧ i̧mi̧cu̧nä̧ kö̧. Ja̧'hua̧ta̧nö̧ mo̧ro̧jä̧ttö̧'i̧nä̧ juhua'a yabo ru̧hua̧do.

Tito 2:15

Pi̧yȩ huȩnȩ huo̧juȩti̧. Dios ujurunä o'ca toi'önärö ppä'ädi. Ja̧'hua̧ta̧nö̧ Dios ujurunä o'ca toi'önärö ucuocu tä̧bo̧ti̧. Ja̧'hua̧nö̧ cu̧huo̧juȩto̧mȩnä̧, korotömä ucuru suronä ucuocuocotö.

Tito 1:6

Iso päi'önä anciano hua̧mä̧ adiunätä jȩpö̧ ö̧jä̧cua̧'a̧nö̧. Irecua'inä yajuterötä u̧ju̧nä̧rä̧cua̧'a̧nö̧. I̧tti̧mö̧'i̧nä̧ Diosrö ttesetäcua'a̧nö̧. Jahuätömä suronä jȩttö̧ juiyäcua'a̧nö̧. Ja̧'hua̧ta̧nö̧ ttöarodö juiyäcua'a̧nö̧.

1 Timoteo 5:20

Ja̧'hua̧nö̧ ja̧'a̧nä̧ korotö ancianos huotö suronä jȩpä̧tö̧rö̧ o'ca toi'önä ttä'ca jo̧mȩttö̧ tä̧bo̧ti̧, korotö'inä topö yettecuäcua'a̧nö̧.

Hechos 20:30

Ja̧'hua̧ta̧nö̧ ucututtu yotöcunä yapareu huȩnȩ ttu̧huo̧juȩtä̧cuo̧tö̧, Jesucristorö esetätömä jahuätörö tteseta pä'ö.

San Juan 5:35

Juan koro lámpara adiu cuo'ö tȩa̧hua̧'a̧ jä̧'i̧nö̧'a̧nö̧ ki̧nö̧do. Ucutumä ja̧u̧ tȩa̧u̧nä̧ beometä eseunu cu̧ja̧cuä̧tu̧cua̧ pä'inätöjä.

San Lucas 6:35

Ja̧'hua̧nö̧ ja̧'a̧nä̧ ucutu cuaboiyotörö repecuhuätucu'a̧nö̧ ja̧'a̧. Jahuätörö adiu jȩpä̧tu̧cui̧. Pärou iyätucui ucuturu pärocua'acu ttö'ärohua pä'ö tta̧cu̧huä̧rä̧tu̧cuo̧ca̧'a̧. Ja̧'hua̧nö̧ micuä rö̧ȩnä̧ cu̧ju̧nä̧rä̧cuo̧tö̧jä̧. Ja̧'hua̧ta̧nö̧ ucutu Dios Ju'toju Ru̧hua̧ i̧tti̧mö̧ cu'äcuotöjä. Ja̧u̧ churutä esehuocotörö'inä, suronä jȩpä̧tö̧rö̧'i̧nä̧ adihuä i̧sa̧ ja̧'a̧.

San Mateo 17:17

Jesús pä'inödo: —Ucutu ttö̧ja̧ yoröiso esetocotöjä. ¿Tta̧'a̧nö̧ recuo chö̧jä̧cua̧'a̧jä̧ttö̧ ucutucu? ¿Tta̧'a̧nö̧ recuo ppädädäcua'ajä̧ttö̧ ucuturu? Ja̧u̧ mö̧ä̧ya̧rö̧ i'cächätucui pocu.

Apocalipsis 3:9

Ja̧'hua̧nö̧ ja̧'a̧ttö̧, Satanás umöhuäyotömä, “judíos huotöjä” yapareu ji'ähuätömä, ucutä cuä'ca jo̧mȩttö̧ ttihue'quiyunä ttö̧jä̧mä̧da̧ pä'ö jȩchä̧cuo̧tö̧, ttuhuo̧jua̧ pä'ö ucuru repeda'a.

1 Timoteo 5:14

Ja̧'hua̧nö̧ ja̧'a̧ttö̧ ttö pä'ösä rȩcua̧mö̧ möäyotörö, ttirecuorö ttȩmä̧cua̧'a̧nö̧. Tti̧tti̧mö̧rö̧ ttu̧ju̧nä̧rä̧cua̧'a̧nö̧. Ttojusodenä'inä adiu tta̧ttä̧rä̧cua̧'a̧nö̧. Ja̧'hua̧nö̧ adiu jȩtto̧mȩnä̧, ttaboiyotömä suronä ucuocuocotö jahuätörö.

1 Timoteo 5:7

Pi̧yȩ huȩnȩ huo̧juȩti̧tö̧, korotömä jahuätörö suronä ttucuocu juiyäcua'a̧nö̧.

2 Corintios 6:17

Ja̧'hua̧nö̧ ja̧'a̧ttö̧ Tu̧ru̧hua̧ pä'ö: Jahuätöttö rä'opächö, i̧mi̧cu̧nä̧ 'quȩ'i̧pä̧chä̧tu̧cui̧. Surojömä mȩcu̧huä̧tu̧cuä̧'. Ja̧'hua̧nö̧ jȩcu̧'ä̧tu̧cuo̧mȩnä̧, ucuturu chȩmä̧cua̧sä̧.

San Lucas 1:6

Jahuätö ta̧ju̧ adihuä isotö pi̧nä̧tö̧do Dios ä'ca jo̧mȩttö̧. Eseti'äjinätödo Tu̧ru̧hua̧ hueö huȩnȩ. Ja̧'hua̧nö̧ ja̧'a̧ttö̧ yoröiso ya̧tȩ'i̧nä̧ huȩnȩtä̧rö̧ ttucuocuoco̧u̧ pi̧nä̧tö̧do.

Filipenses 3:6

Ja̧'hua̧nö̧ jȩpö̧, yoröiso suronä jȩpi̧nö̧sä̧ Diosrö esetinätörö. Judíos ttö̧ja̧ hueähuä huȩnȩ adiu jȩpö̧ kä̧cuä̧huä̧nä̧ adiu chö̧ja̧'a̧ttö̧, korotömä yoröiso suronä ucuocuocotö pi̧nä̧tö̧ ttörö.

Apocalipsis 2:5

Ja̧'hua̧nö̧ ja̧'a̧ttö̧ ja̧u̧nu̧ repecuhuinömä amöcuädö, pärocuäcutä amöcuädi. Pä'äji äcuomenä esetö jȩcu̧'i̧nö̧ ta'anö, pä'äji ta'anö jȩpi̧. Ja̧'hua̧nö̧ jȩcu̧'u̧ juiyöttömä, yodojinänö ucuru ichö, lámparas ku̧nä̧huäcä 'cho̧di̧pä̧cua̧sä̧. Pärocuäcutä cuamöcuädöttömä, 'cho'ipö ichocösä.