Filipenses 2:14 - TÄ̧DO Ä̧CUÄ̧ I̧HUȨNȨ

¹⁴ O'ca juiyönä o'ca'a jarode'ö ucuocuäcuähuä juiyönä jȩpä̧tu̧cui̧.

Nuevo Testamento Uwotjüja

¹⁴ O'kajuiyünä̧ jȩpü̧ kka̧kuä̧tu̧kui̧, ya̧tȩrü̧'i̧nä̧ surojümä̧ kukuokuätukuä, kurowäwätukuoka'atä,

Filipenses 2:14 Referans Kwoze

1 Pedro 4:9

Cuojusodenä ichätörö ra̧huä̧rä̧cuä̧huä̧ juiyönä eseunu ppä'ädätucui.

1 Corintios 10:10

Diosrö suronä cucuocuätucuä', jahuätöttö yotöte ttucuocuinö'a̧nö̧. Ja̧'hua̧nö̧ ttucuocuomenä, ya̧tȩ ángel, cuä'ö icua pä'ö huȩ'ä̧hua̧, cuä'ö icuinä̧u̧do.

Filipenses 2:3

Yoröiso ucutu cuamönätucunä a'cuoyäu amöcuädö jȩcu̧'ä̧tu̧cuä̧'. Usurä i̧sa̧ jö̧'a̧nö̧ amöcuädö cu̧ja̧cuä̧tu̧cua̧ja̧. Korotörö, ttöttö'inä abonänö adihuä isotö pä'ö, amöcuädätucui.

Santiago 5:9

Korotörö pä'ä'chömä jȩcu̧'ä̧tu̧cuä̧', chö̧jä̧hua̧tö̧, Dios ucuturu ö̧tä̧bo̧tö̧ juiya pä'ö. Dios, Tä̧bo̧cuä̧ I̧sa̧mä̧, äpate ä'ca kö̧.

Romanos 12:18

O'ca juiyönä jȩcu̧'ä̧tu̧cu̧mä̧ jȩpä̧tu̧cui̧, korotöcu eseunu cu̧ja̧cuä̧tu̧cuä̧cua̧'a̧nö̧.

1 Tesalonicenses 5:15

Ya̧tȩ ka̧ra̧rö̧ suronä jȩo̧mȩnä̧, pärocua'attö suronä jȩö̧ juiyarö pä'ö ji'ähuätucui. Ucutumä 'cuäopönä ka̧ra̧ ka̧ra̧rö̧'i̧nä̧ o'ca toi'önärö adiu jȩpö̧ ka̧cuä̧tu̧cui̧.

Santiago 1:20

Ra̧huä̧rö̧mä̧ Diosrö pä̧huä̧ rö̧jö̧ jȩpo̧cö̧.

Gálatas 5:26

Adihuä isotöjä pätäu juiyö'a̧nö̧ ja̧'a̧, korotö ttö̧ra̧huä̧rö̧ juiyatö pä'ö. Ujutu tö̧'quȩtȩttö̧mä̧ korotö ttu̧ju̧nä̧rö̧'a̧nö̧ tu̧ju̧nä̧ra̧ pätö juiyö'a̧nö̧ ja̧'a̧.

Gálatas 5:15

Ja̧'hua̧nö̧ ja̧'a̧nä̧ ucutu cuamönätucunä korotörö pä̧'o̧pä̧rö̧ rohuäu jȩcu̧'ä̧tu̧cu̧ttu̧mä̧, ttu̧ȩcuä̧nä̧ ka̧cuä̧tu̧cui̧, ucututä cuamönätucu becuhui'ächätucu juiyäcua'a̧nö̧.

Santiago 3:14

Ja̧'hua̧nö̧ ja̧'a̧ttö̧ ucutu cua̧'cua̧ ko̧mȩnä̧, cuami iso'quitucunä amöcuädö jȩcu̧'ä̧tu̧cu̧ttu̧mä̧, surojö jä̧'i̧nö̧'a̧nö̧ huotöjä. Ja̧'hua̧nö̧ jȩcu̧'ä̧tu̧cuo̧mȩnä̧: “Ujutu yoröiso huo̧juä̧tö̧jä̧” päcuhuätucuä'. Ja̧'hua̧nö̧ päcuhuätucuomenä, yapareu huȩnȩ ucuocuätöjä. Iso päi'önä huȩnȩ ä̧ppö̧tä̧rä̧tö̧jä̧.

Romanos 14:1

Adiu esehuätucui Ttu̧ru̧hua̧rö̧ esetö kä̧nö̧ ttamöcuädö juiyupätörö'inä, cuamönä cuamöcuädätucu cucuocuätucuoca'a.

Judas 1:16

Ttamönä amöcuädö huopäcuähuätö. Ja̧'a̧tä̧ra̧'a̧ amöcuädö ucuocuätö. Jitörötä pä̧huä̧ rö̧jö̧ jȩpä̧tö̧. Huopäcuähue'ätö. Jitörötä pä̧huä̧ rö̧jö̧ jȩtti̧ya̧tö̧ pä'ö ucuocuätö.

1 Pedro 3:11

Surojöttö'inä rä'opächö, adiutä jȩpö̧. Ja̧'hua̧ta̧nö̧ adihuä juäi eseäcuähuä usäji'ca̧, eseunu kö̧.

Hebreos 12:14

O'ca toi'önärö adiunä kä̧nö̧, eseunu cu̧ja̧cuä̧tu̧cua̧ja̧. Adiunä ttö̧ja̧cu̧ juiyöttömä, yoröiso topocotö ttäcuotödo Tu̧ru̧hua̧rö̧.

Romanos 16:17

Chö̧jä̧hua̧tö̧, adiu ttu̧ȩcuä̧nä̧ topö cu̧ja̧cuä̧tu̧cua̧ pä'ösä korotö korotörö 'quȩ'ȩpä̧tö̧rö̧'i̧nä̧, surojöcu ma̧ttä̧cha̧ pä'ö jȩpä̧tö̧rö̧'i̧nä̧. Jahuätö jȩttö̧mä̧ ucutu cu̧huo̧jui̧'i̧nä̧tu̧cu̧ttu̧'i̧nä̧ i̧mi̧cu̧nä̧ jö̧. 'Quȩ'ȩcuä̧chä̧tu̧cui̧ jahuätöttö.

Hechos 15:2

Pablocu, Bernabécu juruhuächi'ö ucuocu pä'ä'chäcuähuinätödo Judea rȩjȩttö̧ ichäjätöcu. Ja̧'hua̧nö̧ ja̧'a̧ Pablorö, Bernabérö, korotö Antioquía ötahuiyänä ka̧cuä̧tö̧rö̧'i̧nä̧ hue'inätödo Jerusalén ötahuiyära̧'a̧ tti̧'cha̧ pä'ö Jesús hue'ähuotöcu, ancianos huotöcu ja̧u̧ huȩnȩ ttucuocua pä'ö.

Hechos 6:1

Ja̧u̧nu̧ pä̧nä̧ Jesucristorö esetätömä ttirecuächina'attö, griegos ttö̧ja̧ tti̧huȩnȩ ucuocuätömä pä'ähuinätödo judíos ttö̧ja̧ tti̧huȩnȩ ucuocuätörö. Griegos ttö̧ja̧ tti̧huȩnȩ ucuocuätöttö rȩcua̧mö̧rö̧ iyocotö pi̧nä̧tö̧do, mo̧ro̧ji̧nö̧ a̧'u̧cuä̧ ttu̧cuȩ ttiya'anä.

1 Tesalonicenses 5:13

Jahuätö ttaditähuä topö, ucuotönö repe'ätucui jahuätörö. Cua̧'cua̧ adiunä ka̧cuä̧tu̧cui̧ korotöcu.

2 Corintios 12:20

Ucuturu topö chi̧'chö̧ttö̧mä̧, ttö chamöcuädöttö'inä i̧mi̧cu̧nä̧ ka̧cuä̧tö̧jä̧cö̧ amöcuädö yȩ'ȩcua̧sä̧. Ja̧'hua̧ta̧nö̧ ucutu cuamöcuädätucuttu'inä i̧mi̧cu̧nä̧ kö̧sä̧cö̧ amöcuädösä. Ja̧'hua̧ta̧nö̧ rohuäcuähuä'inä, korotö ttu̧ju̧nä̧rö̧ pä̧huä̧ rö̧jö̧nä̧ toäcuähuä'inä, ra̧huä̧rä̧cuä̧huä̧'i̧nä̧, korotörö huȩnȩtö̧ jiäcuähuä'inä, amönä yapareu ucuocuäcuähuä'inä, korotörö a'cuoyäunu toäcuähuä'inä, ja̧'a̧tä̧ amöcuädö jȩä̧cuä̧huä̧'i̧nä̧ ka̧'a̧ a̧'cua̧ra̧'a̧ ucutu cu̧'quȩtȩtu̧cu̧ pä'ö amöcuädösä ttömä.

Hechos 15:39

Rö̧ȩnä̧ pä'ä'chäcuähuäjä'cotö, 'quȩ'i̧pä̧chi̧nä̧tö̧do. Bernabémä Marcosrö o'ipö, Chipre kä'co i̧sä̧sa̧ra̧'a̧ huoi'canä 'chi̧nö̧do.

Hechos 15:7

Rö̧ȩnä̧ ucuocu pättä'chäcuähuäji o'ca'a, Pedro ä̧rä̧mi̧'ö̧ päinä̧u̧do: —Chahuaruhuä chö̧jä̧hua̧tö̧, ucutu huo̧juä̧tö̧jä̧ Dios motä ttörö ucututtu ȩmi̧nö̧, judíos huocotörö adihuä huȩnȩ jidähua'a ttä̧ju̧cuo̧mȩnä̧, Jesucristorö tteseta pä'ö.

San Marcos 14:5

Juhuoya iyö icumä trescientos bolívares jo̧mȩnä̧ ȩma̧ja̧tö̧jä̧, usurä isotörö tiya pä'ö. Ja̧'hua̧ ja̧'a̧ jahuäjuru ra̧huä̧ri̧nä̧tö̧do.

San Mateo 20:11

Ja̧'hua̧nö̧ ȩmö̧, ra̧huä̧rö̧nä̧nö̧ ucuocuinätödo ru̧hua̧rö̧.

San Marcos 9:14

Ja̧u̧nu̧ o'ca'a Jesús korotö u̧huo̧juȩtä̧u̧ ttö̧ja̧cua̧'a̧cu̧ ppa̧'ä̧chi̧nä̧tö̧do. Recuätö ttö̧ja̧'i̧nä̧ ttö̧ja̧cua̧'a̧ topinätödo. Hueähuä huȩnȩ huo̧juȩtä̧tö̧'i̧nä̧ jahuätöcu ucuocuinätödo.

San Lucas 5:30

Ja̧'hua̧nö̧ ja̧'a̧nä̧ fariseos huotöcu, hueähuä huȩnȩ huo̧juȩtä̧tö̧cu̧ pä'ä'chinätödo Jesús u̧huo̧juȩtä̧u̧ru̧. Pättinä̧u̧do: —¿Tta̧'a̧nö̧ pä'ö cu̧cuȩ'i̧nä̧ cucuätucua'attö, cuahua'inä cuahuätucua'attö ru̧hua̧ öäre pärätä ȩmä̧'i̧jä̧tö̧cu̧, suronä jȩpä̧tö̧cu̧mä̧? —pä'inätödo.