Filipenses 1:22 - TÄ̧DO Ä̧CUÄ̧ I̧HUȨNȨ

²² Ja̧'hua̧nö̧ ja̧'a̧nä̧ ji̧nä̧ chö̧jö̧ttö̧mä̧, Tu̧ru̧hua̧ i̧huȩnȩ chaditö'a̧nö̧ ja̧'a̧. Ja̧'hua̧nö̧ ja̧'a̧nä̧ amöcuädäcuähuä jȩru̧pa̧sä̧.

Nuevo Testamento Uwotjüja

²² Ja̧'wa̧nü̧ ja̧'a̧nä̧ pi̧jä̧ttü̧ cha̧'kua̧ra̧'a̧mä̧, Dio aditäwä yaboku chadita pä'ü rekuä rü̧jä̧ku̧sä̧, ja̧'wa̧nü̧ jä̧ku̧ ¿ti̧yȩnä̧ chü̧ji̧pa̧'a̧ jä̧ttü̧? pä'üsä.

Filipenses 1:22 Referans Kwoze

Gálatas 2:20

Ttömä Cristocu 'corupä'i'inösä. Ja̧'hua̧nö̧ ja̧'a̧ttö̧ ttömäcö̧sä̧ jitä kö̧mä̧. Cristo ttörö kö̧mä̧. Jitä chö̧jö̧mä̧ Dios I̧tti̧rö̧ esetö kö̧sä̧. Ja̧u̧tä̧ hua'are iyähuinö ttörö rettö pä'ö.

Filipenses 1:24

Ja̧'hua̧nö̧ ja̧'a̧nä̧ ucuturu ppä'ädö ji̧nä̧ chö̧jö̧ttö̧mä̧, adihuajacusä.

Hechos 3:17

“Ja̧'hua̧nö̧ ja̧'a̧ chahuaruhuä, huo̧jua̧sä̧ ucutu'inä curuhuotö'inä cuä'ö cuicuätucuomenä, cuieruhuätucua'attö cuä'ö icuinätöjä.

2 Corintios 10:3

Ujutumä pi̧jä̧ ttö̧ja̧ ta'anä, pi̧jä̧ ttö̧ja̧ ttörohuäu ta'anö, rohuähuocotöjä ujutumä.

Colosenses 2:1

Ucuturu'inä, Laodicea ötahuiyänä ka̧cuä̧tö̧rö̧'i̧nä̧, o'ca toi'önä ttörö topocotörö'inä rö̧ȩnä̧ chamöcuädömä cu̧huo̧juä̧tu̧cua̧ttö̧ pä'ösä.

Romanos 11:2

Dios jaropi'ocö pi̧nö̧ Israel ttö̧ja̧rö̧. Äcuomenä päi'önä jahuätörö ȩmi̧nö̧ umöhuäyotö jö̧nä̧. ¿Unichi'inätöjä tä̧ji̧, Huȩyu̧cuä̧ Huȩnȩ päömä, Dios i̧huȩnȩ jiäcuähuä i̧sa̧ Elíasmä Diosrö ucuocu Israel ttö̧ja̧ jȩtti̧nö̧ huȩnȩ jiähuinömä? Chutä pä'inö:

Romanos 1:13

Chö̧jä̧hua̧tö̧, ucuturu jidähua pä'ösä. 'Cuäopönä ucuturu topö chicha päda'anä, ji̧nä̧ chichö juiyönä jä̧cu̧sä̧. Chicha pä'ösä ppädäda pä'ö ucuturu, cu̧ja̧cuä̧tu̧cuo̧mȩttö̧ yotöte tteseta pä'ö, koromettö ppädädinö'a̧nö̧.

Filipenses 1:23

Todärenä chamöcuäda'anä, jȩru̧pa̧sä̧. Koromä 'corupädi'a pä'ösä, Cristocu chö̧ja̧ pä'ö. Juhua'acu pi̧jä̧nä̧ chö̧jö̧ttö̧ttö̧'i̧nä̧ abonänö juiyo adihua'a ttörö.