Filipenses 1:13 - TÄ̧DO Ä̧CUÄ̧ I̧HUȨNȨ

¹³ Cristorö esetö cärenä chö̧'a̧'a̧mä̧ huo̧juä̧tö̧ o'ca toi'önä su̧ro̧da̧u̧, ru̧hua̧ ojusode tta̧'ä̧rä̧tö̧'i̧nä̧, pȩnȩ ka̧cuä̧tö̧'i̧nä̧.

Nuevo Testamento Uwotjüja

¹³ Ja̧'wa̧ta̧nü̧ kärenä̧ chü̧'a̧'a̧mä̧ wo̧juä̧tü̧ ruwode su̧ro̧do̧u̧'i̧nä̧, kkorotü'i̧nä̧ o'katoi'ünä̧; Crito-rü ukuotomȩttü̧, kärenä̧ pü̧ pä'ümä̧.

Filipenses 1:13 Referans Kwoze

2 Timoteo 2:9

Ja̧u̧ huȩnȩ jidähua'attö, suronä jȩpä̧tö̧ ubara ttutta'a jä̧'i̧nö̧'a̧nö̧, ubara ttu'usä cärenä pä̧nö̧. Ja̧'hua̧nö̧ ja̧'a̧nä̧ Dios i̧huȩnȩ be'epäjipö icuocotö.

Efesios 3:1

Ja̧'hua̧nö̧ ja̧'a̧ttö̧ ttö Pablo, Cristo Jesúsru esetö ucutu judíos huocotörö ppädäda'attö cärenä chö̧'o̧mȩnä̧, Diosrö ucuocu jä'epösä ucuturu.

Filipenses 1:7

Ucuturu ja̧'hua̧nö̧ pä'ö chamöcuädöttömä, adihua'ado. Ucuturu chami iso'quinä eseunu amöcuädösä. Ujutumä ji̧nä̧ yo̧mȩtȩ adihuä juäi ȩmi̧nä̧tö̧jä̧, iso päi'önä huȩnȩ, ttö̧ja̧ suronä jȩttö̧ jȩpö̧ icu huȩnȩ, ji'äu cärenä chö̧'a̧'a̧nä̧'i̧nä̧, ja̧u̧ huȩnȩ cheseta'attö ttörö jä'epö ttä̧ju̧cua̧'a̧nä̧'i̧nä̧.

Efesios 6:20

Diosmä hueinäcusä ja̧u̧ huȩnȩ jidähua pä'ö. Ja̧'hua̧nö̧ ja̧u̧ huȩnȩ jidähua'attö, cärenä pö̧sä̧ jitämä. Ucuocuätucui Diosrö, pi̧yȩ huȩnȩ yeähuä juiyönä, Diosrö pä̧huä̧ rö̧jo̧mȩnä̧ jidähuäcua'a̧nö̧.

Hechos 26:29

Ja̧'hua̧nö̧ päomenä, Pablo pä'inödo: —Ji̧'qui̧cha̧nö̧'i̧nä̧, rö̧ȩnä̧'i̧nä̧ jitä mo̧ro̧ ucu'inä, o'ca toi'önä ttörö ä̧ju̧cuä̧jä̧tö̧'i̧nä̧ Diosrö esetö chö̧jö̧'a̧nö̧ cu̧ja̧cuä̧tu̧cua̧ pä'ö, Diosrö jä'epösä. Ttö ta'anö cuoräusa nö'cähuotö cu̧ja̧cuä̧tu̧cua̧ pä'ömä jä'epocösä.

Filipenses 4:22

O'ca toi'önä pȩnȩ ka̧cuä̧tö̧mä̧ Dios i̧tti̧mö̧'i̧nä̧, romanos ttu̧ru̧hua̧ ojusodettö'inä te'ähuätö ucuturu.

Hechos 28:30

Pablo todäre a̧'ȩ 'cuäoi'önä ojusode päroutä öäre pärätä mitö ki̧nö̧do. O'ca toi'önä churutä do'ächö ichätörö eseunu ji'ähuinödo Dios Ttu̧ru̧hua̧ päi'önä kö̧ pä'ö. Ja̧'hua̧ta̧nö̧ Tu̧ru̧hua̧ Jesucristo jȩi̧nö̧ huȩnȩ yecuoca'a huo̧juȩti̧nö̧do. O'ca toi'önä ja̧'a̧tä̧ topinätödo Pablo jiähuomenä.

Hechos 28:20

Ja̧'hua̧nö̧ ja̧'a̧ttö̧ ucuturu huopäjisä ucuturu topö chucuocua pä'ö. Ujutu Israel ttö̧ja̧ esetö tta̧tä̧rä̧cu̧ru̧ jidähua'attö, pisa cuoräusanä nö̧'cä̧hua̧sä̧, —pä'inödo Pablo.

Hechos 28:17

Tti̧rȩbȩhuä̧ja̧'a̧ttö̧ huäbodäcuä mo̧ro̧ päi'omenä, Pablo judíos ttö̧ja̧ tturuhuotörö Roma ötahuiyänä ka̧cuä̧tö̧rö̧ huopinödo tticha pä'ö. Pablo ö̧jo̧mȩ ji̧nä̧ yo̧mȩtȩ ttö̧'ca̧ca̧cui̧'o̧mȩnä̧, Pablo pä'inödo jahuätörö: —Chahuaruhuä, judíos ttö̧ja̧rö̧ suronä jȩpo̧cö̧ pi̧nö̧sä̧. “Ujutu tä̧do̧tö̧ mi̧nä̧ ttesetinömä suroja'a” pä'ocö pi̧nö̧sä̧. Ja̧'hua̧nö̧ ja̧'a̧nä̧ Jerusalén ötahuiyättö judíos ttö̧ja̧ iyö tticuinäcusä, romanos ttö̧ja̧ cärenä ttötattö pä'ö.

Hechos 26:31

'Chi̧nä̧tö̧do koromettö ttucuocua pä'ö. Pä'ähuinätödo: —Pide yoröiso suronä jȩpo̧cö̧ pi̧nö̧ cuä'ö tticuarö pä'ömä. Ja̧'hua̧ta̧nö̧ cärenä ttötarö pä'ömä suronä jȩpo̧cö̧ pi̧nö̧.

Efesios 4:1

Ja̧'hua̧nö̧ ja̧'a̧ttö̧ Tu̧ru̧hua̧rö̧ esetö cärenä pä̧nö̧, Dios huoinä̧u̧ ttö̧jö̧'a̧nö̧ adiu ka̧cuä̧tu̧cui̧, pä'ösä ttömä ucuturu. Dios huo̧i̧nä̧u̧jä̧ ucutumä.

Filipenses 1:30

Ucutucu, ttöcu ji̧nä̧ yo̧mȩtȩ surojöcu rohuähuätöjä. Pä'äjimä topinätöjä ttö chörohuähuinö. Jitä'inä ä̧ju̧cuä̧tö̧jä̧ ttö chörohuähua'a.