Filemón 1:16 - TÄ̧DO Ä̧CUÄ̧ I̧HUȨNȨ

¹⁶ Ja̧'hua̧nö̧ ja̧'a̧nä̧ adicuä i̧sa̧ ö̧ji̧nö̧'a̧nö̧mä̧, ko̧cö̧ jä̧cua̧. Jitämä adicuä i̧sa̧ttö̧'i̧nä̧ abonänö adiu ö̧jä̧cua̧, Cristonä adiunä tö̧jä̧hua̧ ja̧'a̧ttö̧. Ttö juiyo repe'ösä ja̧u̧ru̧. Ucu'inä ja̧u̧mä̧ ttö̧ja̧ i̧sa̧ ja̧'a̧ttö̧, ja̧u̧ru̧ repe'öjä. Ja̧'hua̧nö̧ ja̧'a̧nä̧ jitämä Cristonä tö̧jä̧hua̧ ja̧'a̧ttö̧, ttö ja̧u̧ru̧ repedöttö'inä abonänö repe'öjä ja̧u̧ru̧.

Nuevo Testamento Uwotjüja

¹⁶ Jitämä̧ esclavo jü̧nä̧mä̧ ku̧mü̧wä̧ya̧mä̧ pokü jä̧kua̧'a̧, pärokua'attü kua̧wa̧ru̧wa̧ kui̧jä̧wa̧ jü̧nä̧tä̧ jä̧kua̧, ja̧'wa̧nü̧ ja̧'a̧ ji̧nä̧so adiwa'amä̧. Jua̧u̧ru̧mä̧, ttümä̧ juiyo repe'üsä, uku'i̧nä̧ repe'irü. Suro ujutu jäwänä̧tä̧mä̧kü̧, Tu̧ru̧wa̧ Jesucrito jäwänä̧.

Filemón 1:16 Referans Kwoze

Colosenses 3:22

Korotöcu aditätömä, pi̧jä̧nä̧ cu̧ru̧hua̧ hueömä, o'ca juiyönä jȩpä̧tu̧cui̧. Chutä tomenätä jȩcu̧'ä̧tu̧cuä̧', adiu amöcuädäcua'a̧nö̧ ucuturu. 'Cuäopönä cuami iso'quitucunä eseunu Diosrö ye'ecu jȩpä̧tu̧cui̧.

San Mateo 23:8

“Ja̧'hua̧nö̧ ja̧'a̧nä̧ korotömä ucuturu “Huo̧juȩcuä̧ Isotö” pättö juiya pä'ätucui. Ucutumä o'ca toi'önä ji̧nä̧ yotöte isotöjä. Ya̧tȩrö̧tä̧ Huo̧juȩcuä̧ I̧sa̧rö̧, Cristorötä ku̧nä̧rä̧tö̧jä̧ ucutumä.

1 Timoteo 6:2

Ja̧'hua̧ta̧nö̧ korotö ttu̧ru̧hua̧mä̧ Diosrö esetöcu ttaditomenä, ja̧u̧mä̧ tö̧jä̧hua̧ ja̧'a̧ttö̧, adiu tucuotococu pättö juiyö'a̧nö̧ ja̧'a̧. Pärocua'acu, ji̧nä̧ isocu adiu ttaditö'a̧nö̧ ja̧'a̧ ja̧u̧cu̧. Ja̧'hua̧nö̧ adiu ttaditomenä, adiu ppä'ädätö ttu̧ru̧hua̧ Diosrö esetörö, Dios repeäcuru. Ja̧'hua̧nö̧ hue'ö huo̧juȩti̧.

1 Corintios 7:22

Iso päi'önä Dios huomenä, ya̧tȩ ka̧ra̧ u̧mö̧huä̧ya̧ i̧sa̧ pi̧nö̧mä̧, ja̧u̧mä̧ Tu̧ru̧hua̧ ä'ca jo̧mȩttö̧ ka̧ra̧ u̧mö̧huä̧ya̧ i̧sa̧ jö̧'a̧nö̧ ko̧cö̧. Ja̧'hua̧ta̧nö̧ Dios huomenä, ya̧tȩ ka̧ra̧ u̧mö̧huä̧ya̧ i̧sa̧ pocö pi̧nö̧mä̧, ja̧u̧mä̧ Tu̧ru̧hua̧ u̧mö̧huä̧ya̧ i̧sa̧ päi'önä kö̧.

Hebreos 3:1

Ja̧'hua̧nö̧ ja̧'a̧ttö̧ chö̧jä̧hua̧tö̧, adihuä juäi jȩpä̧tö̧mä̧, Dios huoinä̧u̧jä̧ i̧tti̧mö̧ cu'ätucua pä'ö. Adiu amöcuädätucui Cristo Jesúsru, adihuä huȩ'ä̧hua̧rö̧. Ja̧u̧ru̧ teseta'attö, ja̧u̧tä̧ adihuä sacerdote ru̧hua̧ päi'önä kö̧do.

Hechos 9:17

Ja̧'hua̧ ja̧'a̧ Ananías Saulo ö̧jodera̧'a̧ 'chi̧nö̧do. Do'ächi'ö u̧mö̧nä̧ mȩ'i̧nö̧do Saulorö. Ja̧u̧ru̧ pä'inödo: —Chö̧jä̧hua̧ Saulo, Tu̧ru̧hua̧ Jesús ucuru i̧jȩcuä̧ji̧mä̧ mä̧nä̧nä̧ cuichomenä, ttörö hue'äji pä'äji ta'anö tocu'a pä'ö, ja̧'hua̧ta̧nö̧ Espíritu Santo ucuru ö̧jä̧mä̧da̧ pä'ö.

1 Juan 5:1

O'ca toi'önä Jesúsmä Cristo ja̧'a̧ pä'ö esetätömä, Dios i̧tti̧mö̧. Ya̧tȩ ta̧hua̧ru̧hua̧ i̧tti̧mö̧ ku̧nä̧rö̧rö̧ repetöttömä, ja̧u̧tä̧ i̧tti̧mö̧rö̧'i̧nä̧ repe'ätöjä.