Efesios 5:4 - TÄ̧DO Ä̧CUÄ̧ I̧HUȨNȨ

⁴ Dä'ä rö̧jö̧nä̧, päcuhuätucuä'. Amönä yapareu jicuhuähuä'chätucuä'. Suronämä cucuocuätucuä'. Ja̧'hua̧nö̧ jȩcu̧'ä̧tu̧cu̧ttu̧mä̧, yoröiso adihuoca'a. Diosrötä eseunu ucuocuätucui.

Nuevo Testamento Uwotjüja

⁴ Ja̧'wa̧ta̧nü̧ 'tärä wȩnȩ'i̧nä̧, suräjuä wȩnȩ'i̧nä̧; doriünä̧ 'tärä pä'chäkuäwä'i̧nä̧ kukuokuätukuoka'a, Dio-rütä esewätukui, kuätukunä̧mä̧.

Efesios 5:4 Referans Kwoze

Colosenses 3:8

Ja̧'hua̧nö̧ ja̧'a̧nä̧ jitämä pi̧yȩ o'ca juiyönä jaropi'ätucui, ra̧huä̧rä̧cuä̧huä̧'i̧nä̧, suronä amöcuädäcuähuä'inä, surojö jȩä̧cuä̧huä̧'i̧nä̧ jaropi'ätucui. Cuänä suronä suräjuä huȩnȩ yoröiso cucuocuätucuä'.

Efesios 4:29

Suronämä cucuocuätucuä' cuänä. Adiunätä ucuocuätucui, korotö ä̧ju̧cu̧ ttesetäcua'a̧nö̧. Ja̧'hua̧ta̧nö̧ korotörö ppäcuhuädätucua pä'ö adiunätä ucuocuätucui.

1 Tesalonicenses 5:18

O'ca juiyönä eseunu ucuocuätucui Diosrö. Ja̧'hua̧nö̧ jȩcu̧'ä̧tu̧cuo̧mȩnä̧, Cristo Jesúsru cuesetätucua'attö, Diosrö pä̧huä̧ rö̧jö̧mä̧ jȩpä̧tö̧jä̧.

2 Pedro 2:18

Jahuätömä a'cuoyäunu micuähuocö juäi ucuocuätö. Jitötä ttamönä pä̧huä̧ rö̧jö̧tä̧ suronä jȩpö̧ ttö̧ja̧cui̧nö̧ttö̧ rä'opächinätörö huo̧juȩtä̧tö̧ pi̧jä̧ ttö̧ja̧ ttamöcuädö huȩnȩ.

Hebreos 13:15

Ja̧'hua̧nö̧ ja̧'a̧ttö̧ Jesucristorö esetö, Diosrö 'cuäopönä eseunu tucuocu'a̧nö̧ ja̧'a̧. Ja̧'hua̧nö̧ eseunu ucuocu, sacrificio päi'önä tiyäcua'a̧nö̧. Ja̧'hua̧nö̧ pä'ö tänä eseunu tucuocuätucuaja.

Filipenses 4:6

Koro koronö cuamöcuädätucuä'. 'Cuäopönä Diosrö jä'epö ucuocuätucui. Ja̧'hua̧ta̧nö̧ eseunu ucuocuätucuirö.

Judas 1:10

Ja̧'hua̧nö̧ ja̧'a̧nä̧ jitö Diosrö jarode'ätömä, ji̧nä̧ iso huo̧juä̧huä̧ huo̧jui̧cuä̧ juiyönä suronä ucuocuätö. Ja̧'hua̧nö̧ ja̧'a̧ koro huo̧juä̧huä̧, de'a ka̧cuä̧tö̧ jȩttö̧'a̧nö̧ jȩpä̧tö̧mä̧, tottei'a pä'ö jȩpä̧tö̧.

2 Corintios 9:15

Diosrö adiu tesehuäcuähuätucuaja. Iso päi'önä ja̧u̧mä̧ juiyo rö̧ȩnä̧ adihuä juäi iyö ujuturu.

San Marcos 7:22

Ja̧'hua̧ta̧nö̧ nä̧u̧cuä̧cuä̧huä̧'i̧nä̧, korotö ttu̧ju̧nä̧rö̧mä̧ pä̧huä̧ rö̧jö̧nä̧ amöcuädäcuähuä'inä suronä jȩä̧cuä̧huä̧'i̧nä̧, yapareu ucuocuäcuähuä'inä, ttamönä pä̧huä̧ rö̧jo̧mȩnä̧ jȩä̧cuä̧huä̧'i̧nä̧, a'cuoyäunu amöcuädäcuähuä'inä, korotörö suronä ucuocuäcuähuä'inä, ka̧ra̧ttö̧'i̧nä̧ abonänö adihuä i̧sa̧sä̧ pä'ö amöcuädäcuähuä'inä, tta̧'cua̧ pö̧nö̧ kä̧cuä̧huo̧cö̧ huȩnȩ'i̧nä̧ räopa'a ttö̧ja̧ ttami iso'quittö.

Judas 1:13

Idäyä pä̧i̧cu̧nä̧ töepa'a jä̧'i̧nö̧'a̧nö̧ huotö. Idäyä itteyuppa räopö'a̧nö̧, jitötä suronä jȩttö̧mä̧ dä'ä juiyönä räopä̧u̧. Si̧ri̧'cö̧ ttu̧mä̧nä̧ttö̧ re'tehuächätö jä̧'i̧nö̧'a̧nö̧ huotö. 'Cuäopönä juiyo yo̧a̧'a̧ jacuä ttö̧ja̧cuä̧cuo̧tö̧.

2 Corintios 1:11

Ja̧'hua̧nö̧ ja̧'a̧ttö̧ ucutu'inä Diosrö cucuocuätucuaja ujuturu. Ja̧'hua̧ta̧nö̧ recuätö Diosrö ttucuocuomenä, Dios ujuturu ppäda'a topö, recuätö ttesehuäcuotö Diosrö.

Romanos 1:28

Jahuätömä ttu̧huo̧jua̧ pä'ocotö Diosrö. Ja̧'hua̧nö̧ ja̧'a̧ttö̧ Dios jaroi'inä̧u̧, surojö amöcuädö jȩä̧cuä̧huä̧ jȩtta̧ pä'ö.

2 Pedro 2:7

Ötahuiyä cuo'ö icuomenä, Lottä ki̧'i̧nö̧do. Ja̧u̧ adihuä i̧sa̧ pi̧nö̧do Dios ä'ca jo̧mȩttö̧. Chutä Lot korotö suronä jȩpä̧tö̧rö̧ tomenä, re rö̧jö̧nä̧ topinödo.

Filemón 1:8

Ja̧'hua̧nö̧ ja̧'a̧ttö̧ Cristo huȩ'ä̧hua̧ cha'attö, ttörö pä̧huä̧ rö̧jö̧ttö̧mä̧ hue'ötä hue'ajisä ucuru.

1 Tesalonicenses 3:9

Dios ä'ca jo̧mȩttö̧ ucuturu rö̧ȩnä̧ eseunu amöcuädö, Diosrö ucuocu juhua'a yabonö, ¿tta̧'a̧nö̧ tesehuäcua'ajä̧ttö̧ ucuturu?

San Juan 6:23

Ja̧'hua̧nö̧ ja̧'a̧nä̧'i̧nä̧ koro huoi'quiyu Tiberias ötahuiyättö ichö, jahuätö ttö̧ja̧ i̧ri̧si̧ Jesús Diosrö ucuocuäji o'ca'a ttucuinome tö'cönänö huä̧mi̧pä̧chi̧nä̧tö̧do.