Efesios 5:29 - TÄ̧DO Ä̧CUÄ̧ I̧HUȨNȨ

²⁹ Ya̧tȩ'i̧nä̧ yoröiso toa'a chutä amönä jä̧ttä̧pä̧ya̧ kö'cocömä. Chutä adiu jȩpö̧ tta̧'ä̧rä̧cuä̧u̧, u̧cuȩ'i̧nä̧ cuä̧nö̧. Cristo ja̧'hua̧ta̧nö̧ jȩpö̧ Diosrö esetätörö.

Nuevo Testamento Uwotjüja

²⁹ Isopäi'ünä̧ ya̧tȩ'i̧nä̧ chutä a̧mü̧nä̧ pa̧ja̧tü̧ idepä a̧mi̧suru topäkuäumä̧ toa'a, pärokua'aku u̧kuȩ kuä̧nü̧tä̧ tta̧'ä̧rä̧kuä̧u̧, Crito'i̧nä̧ igresia isotürü tta̧wä̧rü̧ta'anü̧,

Efesios 5:29 Referans Kwoze

Efesios 5:31

“Ja̧'hua̧nö̧ ja̧'a̧ttö̧ ya̧tȩ jä'orö'inä, ja̧ju̧ru̧'i̧nä̧ 'quȩ'i̧pä̧chö̧ irecuacutä ö̧ja̧ pä'ö. Jahuätö ta̧ju̧ ya̧tȩtä̧ pä'i'ätö.”

San Mateo 23:37

Juhua'a yabonö huo̧juȩti̧nö̧do Jesús: —Jerusalén ttö̧ja̧, Jerusalén ttö̧ja̧, ucutu cuä'ö icuinätöjä Dios i̧huȩnȩ jiäcuähuä isotörö, Dios ucuturu hueinä̧u̧ru̧. Ja̧'hua̧ta̧nö̧ ido'qui icu cuä'ö icuinätöjä chi̧huȩnȩ ji'ähuätörö, Dios ucuturu hueinä̧u̧ru̧. Äcärä isaju ki̧tti̧mö̧ kujuabä dȩa̧'a̧ tta̧jä̧rö̧'a̧nö̧, ucutu cui̧tti̧mö̧rö̧ ji̧nä̧ yo̧mȩtȩnä̧ ca̧ca̧tö̧ tta̧dä̧ra̧ pä'inösä recuo. Ja̧'hua̧nö̧ ja̧'a̧nä̧ yoröiso kö'cocotö pi̧nä̧tö̧jä̧.

Romanos 1:31

Ja̧'hua̧ta̧nö̧ ä̧ju̧cuo̧co̧tö̧. Pättö ta'anö jȩpo̧co̧tö̧. Ttahuaruhuärö repe'ocotö. Korotö suronä jȩttö̧, unichi'ocotö. Re rö̧jö̧nä̧ topocotö.

San Mateo 6:26

Ppi̧yu̧ru̧ ju'tojunä co̧'ä̧rä̧tö̧rö̧ topätucui. Jahuätömä ku̧nu̧'i̧nä̧ ku̧no̧co̧tö̧, se'ö'inä se'ocotö, isodenä hua'adö'inä ku̧no̧co̧tö̧. Ja̧'hua̧nö̧ ja̧'a̧nä̧ Cuä'o Dios mo̧ro̧jä̧nä̧ kö̧ jahuätörö ttu̧cuȩ iyö. Ucutumä ppi̧yu̧ttu̧'i̧nä̧ abonänö micuähuotöjä.

Efesios 5:28

Ya̧tȩ chutä amönä repeäu ta'anö, chutä irecuarötä repeäcua'a̧nö̧. Iso päi'önä irecuarö repe'ömä, chutä'inä repe'äu.

Efesios 5:30

Iso päi'önä Diosrö esetätömä Cristo jä̧ttä̧pä̧ya̧ huotö. Ujutu'inä idepä'inä ka̧'a̧nä̧, ihue'quiyu'inä ka̧cua̧'a̧nä̧, ja̧u̧ jä̧ttä̧pä̧ya̧ huotöjä ucutumä.