Efesios 5:28 - TÄ̧DO Ä̧CUÄ̧ I̧HUȨNȨ

²⁸ Ya̧tȩ chutä amönä repeäu ta'anö, chutä irecuarötä repeäcua'a̧nö̧. Iso päi'önä irecuarö repe'ömä, chutä'inä repe'äu.

Nuevo Testamento Uwotjüja

²⁸ Ja̧'wa̧nü̧ ji̧nü̧ta'anü̧ ubomä̧ irekuarü repeü'anü̧ ja̧'a̧, chutä a̧mü̧nä̧ repeäkuäuta'anü̧. Irekuarü eseu repe'ümä̧ chutä a̧mü̧nä̧ pa̧ja̧tü̧ repe'äkuäu.

Efesios 5:28 Referans Kwoze

Efesios 5:25

Ja̧'hua̧ta̧nö̧ Cristo Diosrö esetätörö repe'ö 'corupäi'inö ta'anö, u̧mä̧tö̧'i̧nä̧ ttirecuarö repettäcua'a̧nö̧.

San Mateo 19:5

Ja̧'hua̧ta̧nö̧ päa'a: “Ja̧'hua̧nö̧ ja̧'a̧ttö̧ ya̧tȩ jä'orö'inä ja̧ju̧ru̧'i̧nä̧ 'quȩ'i̧pä̧chö̧ irecuacutä ö̧ja̧ pä'ö. Jahuätö ta̧ju̧ ya̧tȩtä̧ pä'i'ätö”, päa'a.

Efesios 5:33

Ja̧'hua̧nö̧ ja̧'a̧nä̧'i̧nä̧ ucuturu'inä päa'a: cui̧rȩcua̧mö̧rö̧'i̧nä̧ eseunu repe'ätucui, ucutu cuamönätucu repecuhuähuätucu ta'anö. Ja̧'hua̧ta̧nö̧ päa'a: isaju'inä ucuotönö kö̧jä̧cua̧'a̧nö̧ kirecuorö.

Efesios 5:31

“Ja̧'hua̧nö̧ ja̧'a̧ttö̧ ya̧tȩ jä'orö'inä, ja̧ju̧ru̧'i̧nä̧ 'quȩ'i̧pä̧chö̧ irecuacutä ö̧ja̧ pä'ö. Jahuätö ta̧ju̧ ya̧tȩtä̧ pä'i'ätö.”

Efesios 5:29

Ya̧tȩ'i̧nä̧ yoröiso toa'a chutä amönä jä̧ttä̧pä̧ya̧ kö'cocömä. Chutä adiu jȩpö̧ tta̧'ä̧rä̧cuä̧u̧, u̧cuȩ'i̧nä̧ cuä̧nö̧. Cristo ja̧'hua̧ta̧nö̧ jȩpö̧ Diosrö esetätörö.

1 Pedro 3:7

Ucutu'inä u̧mä̧tö̧, cuirecuarö repe'ö ka̧cuä̧tu̧cui̧. Adiu ucuotönö amöcuädätucui jahuätörö, ucututtu'inä abonänö juiyupätörö. Diosrö pä̧huä̧ rö̧jo̧mȩnä̧, ucuturu iyinö ta'anö, jahuätörö'inä iyinö cunichi'ätucuoca'a ka̧cuä̧tu̧cui̧. Ja̧'hua̧nö̧ jȩpä̧tu̧cui̧, Diosrö cucuocuätucuomenä, surojö juiyäcua'a̧nö̧.