Efesios 5:19 - TÄ̧DO Ä̧CUÄ̧ I̧HUȨNȨ

¹⁹ Ka̧ra̧ ka̧ra̧nö̧ ucuocu ka̧cuä̧tu̧cui̧ adihuä huȩnȩtä̧. Dios i̧huȩnȩ ra̧huä̧huä̧ ra̧'ö̧ ka̧cuä̧tu̧cui̧. Ja̧'hua̧ta̧nö̧ cuami iso'quitucunä o'ca juiyönä eseunu ra̧'ö̧ eseäcuähuätucui Tu̧ru̧hua̧rö̧.

Nuevo Testamento Uwotjüja

¹⁹ Salmos'i̧nä̧ ukuokutä, ra̧wä̧wä̧'i̧nä̧ ra̧'ü̧tä̧ eseunu̧ jȩpä̧tu̧kui̧; ra̧'ü̧ eseäkuäwätukui Tu̧ru̧wa̧rü̧mä̧ kua̧mi̧ iso'kitukunä̧.

Efesios 5:19 Referans Kwoze

Colosenses 3:16

Ja̧'hua̧ta̧nö̧ Cristo i̧huȩnȩ cuami iso'quitucunä suhuädi'önä ka̧cuä̧tu̧cui̧. Ja̧u̧ huo̧jui̧cuä̧nä̧ huo̧juȩtö̧ ppä'ädätucui korotörö. Diosrö chutä adihuä i̧huȩnȩ ra̧huä̧huä̧, cuami iso'quitucunä eseunu ra̧'ä̧tu̧cui̧.

1 Corintios 14:26

Jitämä chö̧jä̧hua̧tö̧, pa̧'a̧nö̧ jȩä̧cuä̧huä̧nä̧ adihua'a pä'ösä. Ucutumä cuppäsähui'ätucuomenä, korotömä ra̧huä̧huä̧ ra̧'ä̧tö̧, korotömä huo̧juȩcuä̧ huo̧juȩtä̧tö̧, korotömä Dios iyähuä huȩnȩ ji'ähuätö, korotömä ttö̧ja̧ ttieru huȩnȩ ucuocuätö, korotömä ttö̧ja̧ ttieru huȩnȩ ttucuocuäji ji'ähuätö. Ja̧'hua̧nö̧ jȩcu̧'ä̧tu̧cuo̧mȩnä̧, adihua'a iso päi'önä Diosrö esetätö juhua'a yabonö tteseta pä'ö jȩcu̧'ä̧tu̧cu̧ttu̧mä̧.

Hechos 16:25

Yodo kä'co Pablocu, Silascu Diosrö ucuocuinätödo. Ja̧'hua̧ta̧nö̧ ra̧'i̧nä̧tö̧do. Korotö cärenä pȩjä̧tö̧mä̧ jahuätörö ä̧ju̧cui̧nä̧tö̧do.

Santiago 5:13

Ucututtu ya̧tȩrö̧ barauttumä, Diosrö ucuocu'a̧nö̧ ja̧'a̧. Ucututtu ya̧tȩ eseunu ö̧jö̧ttö̧mä̧, Diosrö eseunu ra̧huä̧huä̧ ra̧u̧'a̧nö̧ ja̧'a̧.

San Mateo 26:30

Ya'ute ra̧huä̧huä̧ ra̧ttä̧ji̧ o'ca'a rä'opächö, Olivos inähuära̧'a̧ 'chi̧nä̧tö̧do.

San Mateo 15:8

Pitö ttö̧ja̧ ttä ä'cattötä esetätö ttörö. Ttami iso'quimä otohuotö ttörö.

1 Corintios 14:15

Ja̧'hua̧nö̧ ja̧'a̧ttö̧ ¿tta̧'a̧nö̧ jȩchä̧tto̧? Cha̧'cua̧ru̧hua̧nä̧'i̧nä̧, chu̧huo̧jua̧'a̧nä̧'i̧nä̧ Diosrö chucuocuomenä, adihua'a. Ja̧'hua̧ta̧nö̧ cha̧'cua̧ru̧hua̧nä̧'i̧nä̧ chu̧huo̧jua̧'a̧nä̧'i̧nä̧ ra̧do̧mȩnä̧, adihua'a.

Apocalipsis 5:9

Ja̧'hua̧ta̧nö̧ pi̧yȩ jareö ra̧huä̧huä̧ ra̧'i̧nä̧tö̧: Iso päi'önä ucutä adihuä i̧sa̧jä̧. Ucutä ja̧u̧ cuyäru'tä ȩmö̧, sellos jȩpö̧ cuicu'a̧nö̧ hua̧. Ucurutä sacrificio päi'önä cuä'ö tticuinäcujä. Ucutä cucuojanä Dios i̧tti̧mö̧ päti'a pä'ö ȩmi̧nö̧jä̧ o'ca toi'önä pa̧ja̧cu̧nä̧ ttö̧ja̧ttö̧'i̧nä̧, tti̧huȩnȩ pö̧nä̧ ucuocuätöttö'inä, o'ca juiyönä ötahuiyä ttö̧ja̧ttö̧'i̧nä̧, korotö tti̧rȩjä̧ttö̧'i̧nä̧.