Efesios 3:8 - TÄ̧DO Ä̧CUÄ̧ I̧HUȨNȨ

⁸ Ttömä o'ca toi'önä Dios i̧tti̧mö̧ttö̧'i̧nä̧ abonänö usurä i̧sa̧sä̧. Ja̧'hua̧nö̧ ja̧'a̧nä̧ Dios ttörö repea'attö, Cristonä adihuä juäi ka̧cu̧ huȩnȩ jidähua pä'ö hueinäcusä judíos huocotörö.

Nuevo Testamento Uwotjüja

⁸ Ttümä̧ o'katoi'ünä̧ Dio pojopü weinä̧u̧ttü̧'i̧nä̧ tti̧dȩ'a̧nä̧ cha'anä̧, pi̧yȩ mippoünä̧ iyinä̧ku̧sä̧, judío pokotürü Crito ukuo jäwä jidäwiyarü pä'ü.

Efesios 3:8 Referans Kwoze

Colosenses 1:27

Dios judíos huocotörö ja̧u̧ ttieru huȩnȩ, adiu eseäcuähuä huȩnȩ, jiähua pä'inö. Pa̧'a̧nö̧ päa'a ja̧u̧ huȩnȩ: “Cristomä cuami iso'quinä kö̧. Ja̧u̧ru̧ tta̧'ä̧rö̧ ja̧u̧tä̧cu̧ cuesehuäcuähuäcuotöjä pä'ö.”

1 Corintios 15:9

Ttömä korotö Jesús hue'ähuotöttö'inä abonänö usurä i̧sa̧sä̧. Ttörömä Jesús huȩ'ä̧hua̧ pättö juiyö'a̧nö̧ ja̧'a̧, Diosrö esetätörö suronä jȩchi̧na̧'a̧ttö̧.

Efesios 3:16

Tä'o Diosrö jä'epösä adihuä juäi u̧ju̧nä̧rö̧ iyatö pä'ö cujuruhuätucua pä'ö cuami iso'quitucunä Espíritu Santonä.

Efesios 2:7

Chutä ja̧'hua̧nö̧ jȩpi̧nö̧do, iso päi'önä yodoji'inä ujuturu, rö̧ȩnä̧ rȩpȩä̧cua̧ tu̧huo̧jua̧ pä'ö. Ja̧'hua̧ta̧nö̧ o'ca juiyönä adihuä juäi i̧yä̧cua̧ ujuturu Cristo Jesúsru teseta'attö tu̧huo̧jua̧ pä'ö.

1 Timoteo 2:7

Ja̧u̧ huȩnȩ jiäcuähuä i̧sa̧ päi'önä huȩ'ä̧hua̧sä̧. Diosrö esetäcuähuä huȩnȩ'i̧nä̧, iso päi'önä huȩnȩ'i̧nä̧ chu̧huo̧juȩta̧ pä'ö judíos huocotörö huȩ'ä̧hua̧sä̧. Cristorö cheseta'attö, iso päi'önä ji'äusä. Yapareumä ji'ähuocösä.

1 Timoteo 1:13

Äcuomenä Jesucristorö suronä ucuocuinösä rö̧ȩnä̧. Jesucristorö esetätörö'inä rö̧ȩnä̧ suronä jȩpi̧nö̧sä̧. Ja̧'hua̧ta̧nö̧ rö̧ȩnä̧ suronä ucuocu'inä, suronä jȩpö̧'i̧nä̧ ki̧nö̧sä̧. Ttö jȩchö̧mä̧ jerupinösä. Diosrö'inä esetocö pi̧nö̧sä̧. Ja̧'hua̧nö̧ jȩpö̧ chö̧jo̧mȩnä̧, Dios re rö̧jö̧nä̧ topinö ttörö.

Romanos 11:33

¡Dios jähuä adihuä juäimä juiyo rö̧a̧'a̧! Ja̧'hua̧ta̧nö̧ u̧huo̧ju̧'i̧nä̧, ä̧ju̧cu̧'i̧nä̧ yoräteunä rö̧a̧'a̧. Chu amöcuädömä, yoröiso ji'ähuocotöjä. Yoröiso huo̧jui̧'o̧co̧tö̧jä̧ jȩö̧mä̧.

Romanos 2:4

Dios ucuru ppädömä, ¿ji̧'qui̧cha̧nö̧'i̧nä̧ kö'cocöjä tä̧ji̧? Ja̧'hua̧ta̧nö̧ Dios ucuru ami 'qui'ächi'ö tta̧huä̧rö̧mä̧, ¿amöcuädocöjä tä̧ji̧? Dios ucuru repe'ö ja̧'hua̧nö̧ jȩpö̧ ucuru pärocuäcu cuamöcuäda pä'ö.

2 Timoteo 1:11

Dios hue'inö ttörö pi̧yȩ huȩnȩ jidähua pä'ö. Ja̧'hua̧ta̧nö̧ huȩ'ä̧hua̧sä̧ judíos huocotörö chu̧huo̧juȩta̧ pä'ö.

Efesios 3:19

Ja̧u̧ repeömä cu̧huo̧juä̧tu̧cua̧'a̧ttö̧, Dios cuami iso'quitucunä suhuädi'önä ö̧ja̧ pä'ö jä'epösä Diosrö. Ihueye rȩbȩhuo̧co̧tö̧jä̧ o'ca juiyönä tu̧huo̧jua̧ pä'ö ja̧u̧ repeömä.

1 Corintios 2:9

Ja̧'hua̧ta̧nö̧ päa'a Huȩyu̧cuä̧ Huȩnȩ: Dios aditinömä, ja̧u̧ru̧ repe'ätörö iya pä'inö yoröiso ttö'ärenä tottocö'inä, ttä̧ja̧nä̧ ttä̧ju̧cuo̧cö̧'i̧nä̧, ttami iso'quinä ttamöcuädocö'inä.

Romanos 12:10

Korotö korotönörö repe'ätucui cuamönä cu̧jä̧hua̧tö̧rö̧ repecuhuätucu ta'anö. Ucuotönö ka̧cuä̧tu̧cui̧ korotö korotöcu.

Hechos 5:41

Ja̧'hua̧nö̧ ja̧'a̧ Jesús hue'ähuotö ji̧nä̧ iso ruhuotö ttä'ca jo̧mȩttö̧ rä'opinätödo. Jesús i̧mi̧nä̧ tteseta'attö, ubara ttuttäja'a esehuinätödo.

Apocalipsis 3:18

Ja̧'hua̧nö̧ ja̧'a̧ttö̧ ucuru pä'ösä, ttöttö ȩmi̧ adihuä juai oro ocuränä ku ȩmä̧huä̧, iso päi'önä järe ru̧hua̧ päi'önä cu̧ja̧ pä'ö. Ja̧'hua̧ta̧nö̧ ttöttö cu̧'ca̧tä̧huä̧ta̧ tȩä̧ta̧ ȩmi̧ cu̧'ca̧tähuä̧ta̧ pä'ö, cu̧'ca̧tä̧huä̧ta̧ jui'ö dä'äcunu cuecuhuächö juiya pä'ö. Ja̧'hua̧ta̧nö̧ jahuapö isoya ȩmi̧ cu'ärenä da'ecu tocu'a pä'ö.

1 Timoteo 1:15

Pi̧yȩ huȩnȩ, adihuä huȩnȩ, o'ca toi'önä ttesetäcua'a̧nö̧. Cristo Jesús ichinödo pi̧jä̧ra̧'a̧ o'ca toi'önä suronä jȩpä̧tö̧rö̧ suronä jȩttö̧ jȩpö̧ icu. Iso päi'önä o'ca toi'önä suronä jȩpä̧tö̧ttö̧'i̧nä̧ abonänö suronä jȩpi̧nö̧sä̧ ttömä.

Hechos 9:15

Ja̧'hua̧nö̧ ja̧'a̧ Tu̧ru̧hua̧ pä'inödo Ananíasrö: —Täi. Ja̧u̧ru̧ ȩmä̧ji̧sä̧ adicuä i̧sa̧ päi'önä judíos huocotörö'inä, tturuhuotörö'inä, Israel ttö̧ja̧rö̧'i̧nä̧ chi̧huȩnȩ jiähua pä'ö.

Filipenses 4:19

Dios adihuä juäi u̧ju̧nä̧rö̧ttö̧ ȩmö̧, eseunu i̧yä̧cua̧ ucuturu o'ca juiyönä, Cristo Jesúsru cuesetätucua'attö.

Gálatas 2:8

Ja̧u̧tä̧ Dios Pedrorö hue'inö Jesús huȩ'ä̧hua̧ i̧sa̧ ö̧ja̧ pä'ö judíos ttö̧ja̧ ttö̧'quȩtȩ, ttörö'inä hue'inö Jesús huȩ'ä̧hua̧ i̧sa̧ chö̧ja̧ pä'ö judíos huocotö ttö̧'quȩtȩ.

Filipenses 2:3

Yoröiso ucutu cuamönätucunä a'cuoyäu amöcuädö jȩcu̧'ä̧tu̧cuä̧'. Usurä i̧sa̧ jö̧'a̧nö̧ amöcuädö cu̧ja̧cuä̧tu̧cua̧ja̧. Korotörö, ttöttö'inä abonänö adihuä isotö pä'ö, amöcuädätucui.

Efesios 3:2

Täcö huo̧juä̧tö̧jä̧ ucutu, Diosrö pä̧huä̧ rö̧jo̧mȩnä̧ ttörö hueinäcusä adihuä huȩnȩ jidähua pä'ö ucuturu.

1 Corintios 1:30

Ja̧'hua̧nö̧ ja̧'a̧nä̧ chutä Dios, Cristo Jesúscu ji̧nä̧ yo̧mȩtȩ cu̧ja̧cuä̧tu̧cua̧ pä'ö hue'inödo. Ja̧'hua̧ta̧nö̧ chutä Cristo iyinödo ujutu tu̧huo̧ju̧nä̧. Ja̧'hua̧ta̧nö̧ Cristorö teseta'attö, Dios jȩi̧nä̧u̧jä̧ ja̧u̧cu̧ ji̧nä̧ ji̧yȩtȩ huotö ta pä'ö. Ja̧'hua̧ta̧nö̧ ujuturu ȩmö̧ suronä jȩtö̧ jȩpö̧ icuinödo.

San Juan 1:16

Ujutumä o'ca toi'önä chutä adihuä juäi iyomettö ȩmi̧nä̧tö̧jä̧. Ja̧u̧ 'cuäopönä rö̧ȩnä̧ ppä'ädö ujuturu.

Efesios 3:1

Ja̧'hua̧nö̧ ja̧'a̧ttö̧ ttö Pablo, Cristo Jesúsru esetö ucutu judíos huocotörö ppädäda'attö cärenä chö̧'o̧mȩnä̧, Diosrö ucuocu jä'epösä ucuturu.

San Lucas 14:22

Ju̧huȩnȩ o'comenä, u̧mö̧huä̧ya̧ pä'inödo: “Chu̧ru̧hua̧, täcö jȩpä̧ji̧sä̧ huecuhuäji ta'anö. Ji̧nä̧ pä̧cuä̧huo̧mȩ ka̧'a̧.