Efesios 3:16 - TÄ̧DO Ä̧CUÄ̧ I̧HUȨNȨ

¹⁶ Tä'o Diosrö jä'epösä adihuä juäi u̧ju̧nä̧rö̧ iyatö pä'ö cujuruhuätucua pä'ö cuami iso'quitucunä Espíritu Santonä.

Nuevo Testamento Uwotjüja

¹⁶ Epíritu jäwänä̧, chutä uruwo kka̧'a̧ku̧, kujurutuku iyätukuaku pä'ü ukuokusä, kua̧'kua̧rü̧ jakuänä̧.

Efesios 3:16 Referans Kwoze

Colosenses 1:11

Ucutu cujuruhuätucua pä'ätöjä chutä adihuä ujurunä, o'ca juiyönä eseunu tta̧'ä̧rö̧ cuami 'qui'ächi'ö cu̧ja̧cuä̧tu̧cuä̧cua̧'a̧nö̧.

Filipenses 4:13

Iso päi'önä Cristo ttörö ppäda'attö, o'ca juiyönä ttörö 'cuäopä̧cuȩ chu̧juru̧huä̧cua̧sä̧.

2 Timoteo 4:17

Ja̧'hua̧nö̧ ja̧'a̧nä̧ Tu̧ru̧hua̧tä̧ ppä'ädinö ttörö. Ja̧u̧ chujuru iyinö, o'ca toi'önä judíos huocotörö ttö̧ja̧ suronä jȩttö̧ jȩpö̧ icu huȩnȩ ttä̧ju̧cu̧nä̧ jidähua pä'ö. Ja̧'hua̧nö̧ ppädomenä, yähuittö ttö̧ji̧pa̧'a̧ jä̧'i̧nö̧'a̧nö̧, ki̧'i̧nö̧sä̧.

2 Corintios 4:16

Ja̧'hua̧nö̧ ja̧'a̧ttö̧ ujutumä jaroti'a pä'ö yoröiso amöcuädocotöjä. Ujutu jättäpäyotö yoyonö beipächära̧'a̧nä̧, ta̧'cua̧ru̧hua̧nä̧ ji̧nä̧ isocu rö̧ä̧cha̧'a̧.

Efesios 6:10

Jitämä chö̧jä̧hua̧tö̧, Dios ujurunä cuami 'qui'ächi'ätucui Tu̧ru̧hua̧rö̧ esetö.

2 Corintios 12:9

Ja̧'hua̧nö̧ ja̧'a̧nä̧ Tu̧ru̧hua̧ ttörö pä'inö: “Ucuru repe'ösä. Ja̧'hua̧nö̧ ja̧'a̧ttö̧ cuami 'qui'ächi'ö cu̧jä̧cua̧jä̧. Cuijuiyuhuächi'omenä, ttö chujuru adiunä tottäcuotö,” pä'inödo. Ja̧'hua̧nö̧ ja̧'a̧ttö̧ eseunu chi̧jui̧yu̧huä̧cua̧sä̧, korotö Cristo ujuru adiu tottäcua'a̧nö̧ ttörö tottomenä.

Filipenses 4:19

Dios adihuä juäi u̧ju̧nä̧rö̧ttö̧ ȩmö̧, eseunu i̧yä̧cua̧ ucuturu o'ca juiyönä, Cristo Jesúsru cuesetätucua'attö.

Romanos 7:22

Ttö cha̧'cua̧nä̧ chamöcuädömä, Dios hueähuä pä̧huä̧ rö̧jä̧cu̧sä̧.

1 Corintios 16:13

Adiunä tta̧'ä̧rö̧ kä̧nö̧, cuami 'qui'ächi'ö ka̧cuä̧tu̧cui̧ Tu̧ru̧hua̧rö̧ cuesetätucua'attö. U̧mä̧tö̧ jȩttö̧ ta'anö jȩpä̧tu̧cui̧. Ja̧'hua̧ta̧nö̧ juruhuätucui.

Romanos 9:23

Ja̧'hua̧ta̧nö̧ ja̧u̧ adihuä i̧sa̧ pä'ö tu̧huo̧jua̧rö̧ pä'inö. Ja̧'hua̧nö̧ ja̧'a̧ttö̧ re rö̧jö̧nä̧ topinö ujuturu. Ä'canätä jȩpi̧nö̧ ujuturu, chutäcu tö̧ja̧cua̧ pä'ö.

Colosenses 1:27

Dios judíos huocotörö ja̧u̧ ttieru huȩnȩ, adiu eseäcuähuä huȩnȩ, jiähua pä'inö. Pa̧'a̧nö̧ päa'a ja̧u̧ huȩnȩ: “Cristomä cuami iso'quinä kö̧. Ja̧u̧ru̧ tta̧'ä̧rö̧ ja̧u̧tä̧cu̧ cuesehuäcuähuäcuotöjä pä'ö.”

Efesios 3:8

Ttömä o'ca toi'önä Dios i̧tti̧mö̧ttö̧'i̧nä̧ abonänö usurä i̧sa̧sä̧. Ja̧'hua̧nö̧ ja̧'a̧nä̧ Dios ttörö repea'attö, Cristonä adihuä juäi ka̧cu̧ huȩnȩ jidähua pä'ö hueinäcusä judíos huocotörö.

Efesios 1:18

Ja̧'hua̧ta̧nö̧ cuamöcuädätucunä ppäda pä'ö jä'epösä Diosrö, chutä ucuturu huoinömä tta̧cu̧huä̧rä̧tu̧cu̧ adiu cu̧huo̧juä̧tu̧cua̧ pä'ö. Ja̧'hua̧ta̧nö̧ Dios i̧tti̧mö̧rö̧ iyäcua'a, iso päi'önä adihuä juäi ja̧'a̧ cu̧huo̧juä̧tu̧cua̧ pä'ö.

San Mateo 6:13

Ja̧'a̧tä̧mä̧ tocu'ätö ähuettä suronä jȩa̧'a̧nä̧mä̧. Yabocutä surojöttö ejädö icuitö. Iso päi'önä ucu o'ca juiyönä hue'öjä. Ja̧'hua̧ta̧nö̧ o'ca juiyönä ju̧ru̧hua̧jä̧. Ja̧'hua̧ta̧nö̧ 'cuäopönä o'ca toi'önä ucuru tteseäcuähuäcuotö. Amén.

Efesios 1:7

Dios ujuturu rö̧ȩnä̧ repea'attö, I̧tti̧ 'corupäi'omenä, ujutu suronä jȩtö̧ jȩpö̧ icuinö.

Hebreos 11:34

Ocurä rö̧arä'inä na̧'ȩpö̧ icuinätödo. Jahuätörö curodänä cuä'ö tticua pä'ö ttu̧sä̧ro̧mȩnä̧, to'ipächinätödo. Juiyupätömä, juruhuinätödo. Rohuäcuähuänä ttaboiyotö'inä töttipächönä juruhuinätödo.

1 Pedro 3:4

Pärocua'acu cuami iso'quittö räopö juäi, yoröiso beipächocö juäi, amöcuädö ka̧cuä̧tu̧cui̧. Ja̧'hua̧ta̧nö̧ korotörö'inä eseunu cua̧'cua̧ adiunä amöcuädö ka̧cuä̧tu̧cui̧. Ja̧u̧tä̧ rö̧ȩnä̧ micuähua'a Dios ä'ca jo̧mȩttö̧.

Efesios 2:7

Chutä ja̧'hua̧nö̧ jȩpi̧nö̧do, iso päi'önä yodoji'inä ujuturu, rö̧ȩnä̧ rȩpȩä̧cua̧ tu̧huo̧jua̧ pä'ö. Ja̧'hua̧ta̧nö̧ o'ca juiyönä adihuä juäi i̧yä̧cua̧ ujuturu Cristo Jesúsru teseta'attö tu̧huo̧jua̧ pä'ö.

Romanos 2:29

Iso päi'önä judíos hua̧mä̧ a̧'cua̧ru̧hua̧ttö̧ amöcuädö jȩpö̧. Ja̧'hua̧ta̧nö̧ iso päi'önä circuncisión jȩpö̧mä̧, ami iso'quinä amöcuädö jȩpö̧. Ja̧u̧mä̧ hueähuä huȩnȩ jähuämäcö̧. Ja̧u̧mä̧ Espíritu Santo aditähuä. Ja̧'hua̧nö̧ jȩpö̧mä̧, pi̧jä̧ ttö̧ja̧ ja̧u̧ru̧ pä'ocotö. Diostä pä̧cua̧: “Adiu jȩpö̧jä̧.”

Efesios 3:15

Chutä tti̧mi̧ hueinä̧u̧do o'ca toi'önärö, mo̧ro̧jä̧ra̧'a̧ ka̧cuä̧tö̧rö̧'i̧nä̧, pi̧jä̧ra̧'a̧ ka̧cuä̧tö̧rö̧'i̧nä̧.

Colosenses 2:2

Cuami iso'quitucunä yabonö rö̧ä̧chi̧'ö̧nä̧ cuesehuätucua pä'ösä. Ja̧'hua̧ta̧nö̧ ji̧nä̧ yo̧mȩtȩ repe'ö cuamöcuädätucua pä'ösä. Ja̧'hua̧ta̧nö̧ rö̧ä̧chi̧'ö̧nä̧ huo̧ju̧nä̧ cu̧huo̧juä̧tu̧cuä̧cua̧'a̧nö̧ Cristorö. Ja̧u̧ Dios i̧huȩnȩ, ttieru huȩnȩ, Cristorötä päa'a.