Efesios 2:2 - TÄ̧DO Ä̧CUÄ̧ I̧HUȨNȨ

² Ja̧'hua̧nö̧ jȩpö̧ cuecuhuächätucuomenä, pi̧jä̧ ttö̧ja̧ jȩttö̧ jȩpi̧nä̧tö̧jä̧. Espíritu pi̧jä̧ isoppanä hue'örö pä̧huä̧ rö̧jo̧mȩnä̧ jȩpi̧nä̧tö̧jä̧. Ja̧u̧ espíritu Diosrö esetocotörö hue'ö, suronä jȩtta̧ pä'ö.

Nuevo Testamento Uwotjüja

² Mo̧ täbokümä̧ jua̧u̧nä̧tä̧ kue'ächinä̧tü̧jä̧, pi̧jä̧nä̧ isoppanä̧ we'ü wea'akutä. Epíritu jü̧nä̧ uwäpokü jua̧u̧mä̧ jitä'i̧nä̧ ukuotokotürü we'ü.

Efesios 2:2 Referans Kwoze

Efesios 6:12

Ujutumä ttö̧ja̧cu̧, ttidepä'inä, ttihue'quiyu'inä ku̧nä̧rä̧tö̧cu̧ rohuähuocotöjä. Pi̧jä̧ isoppanä suronä huȩ'ä̧rä̧tö̧cu̧ rohuähuätöjä. Ja̧'hua̧nö̧ pädomenä, pi̧jä̧ yo̧ö̧cu̧ cue'ächätörö ttujurunä huȩ'ä̧rä̧tö̧cu̧ rohuähuätöjä pä'ösä.

1 Juan 5:19

Ujutu huo̧juä̧tö̧jä̧ Dios i̧tti̧mö̧jä̧. Korotö pi̧jä̧ jähuänä ka̧cuä̧tö̧rö̧ hue'ö ähuettämä.

Efesios 2:3

Ujutu'inä o'ca toi'önä ja̧'hua̧nö̧ ka̧cui̧nä̧tö̧jä̧ pä'äjimä. Ujutu tamönä pä̧huä̧ rö̧jö̧nä̧'i̧nä̧, tamönä tamöcuädäu'inä, tamönä tu̧huo̧ju̧nä̧ jȩä̧cuä̧huä̧'i̧nä̧ ja̧'a̧tä̧ jȩpi̧nä̧tö̧jä̧. Ja̧'hua̧nö̧ ja̧'a̧ttö̧ Dios ujuturu'inä ro̧ȩpö̧ttö̧mä̧ adihua'a, korotörö ro̧ȩpö̧ ta'anö.

San Juan 12:31

Jitä pä̧nä̧ pi̧jä̧ ttö̧ja̧rö̧ päcua'a̧nö̧. Ja̧'hua̧ta̧nö̧ jitä pi̧jä̧nä̧ hue'örö do'opö icuäcua'a̧nö̧.

Efesios 5:6

Korotö yapareu huȩnȩ, yoröiso micuähuocötä jittähuomenä, cuesetätucuä'. Ja̧'hua̧nö̧ Diosrö jarodä'chö jȩtto̧mȩnä̧, Diostä jahuätörö rö̧ȩnä̧ ö̧tä̧bo̧tä̧cua̧.

San Juan 8:44

Ucutu cuä'otucumä, ähuettä ja̧'a̧. Ja̧u̧ i̧tti̧mö̧jä̧ ucutumä. Ja̧u̧ru̧ pä̧huä̧ rö̧jö̧tä̧ jȩcu̧'ä̧tu̧cua̧ pä'ätöjä. Ähuettä ihueye ttö̧ja̧rö̧ cuä̧'ä̧hua̧ pi̧nö̧do. Iso päi'önä jähuä yoröiso jȩpo̧cö̧ pi̧nö̧do. Ja̧'hua̧ta̧nö̧ iso päi'önä huȩnȩ'i̧nä̧ ucuocuocö pi̧nö̧do. Yapareu jiähuomenä, chutä jö̧ ta'anö ji'äu. Ja̧u̧mä̧ ihueye ya̧pa̧rȩhua̧. Ja̧'hua̧ta̧nö̧ ja̧u̧mä̧ yapareu huȩnȩ kada'cado.

Efesios 4:22

Pä'äji cu̧ja̧cui̧nä̧tu̧cu̧, ucuturutä yapareu pä̧huä̧ rö̧jö̧ jȩcu̧'i̧nä̧tu̧cu̧, jaropi'ätucui.

1 Corintios 6:11

Pä'äji ucututtu yotöte ja̧'hua̧nö̧ jȩpi̧nä̧tö̧jä̧. Jitämä Tu̧ru̧hua̧ Jesús i̧mi̧nä̧'i̧nä̧, Espíritu Santonä'inä Dios aditö icu ȩmi̧nä̧u̧jä̧ ucuturu. Ja̧'hua̧ta̧nö̧ Dios jȩi̧nä̧u̧jä̧ ja̧u̧cu̧ ji̧nä̧ ji̧yȩtȩ huotö cu'ätucua pä'ö.

2 Corintios 4:4

Jahuätö ttesetoca'attö, ähuettä, pi̧jä̧nä̧ kö̧, ttä̧to̧cä̧chö̧nä̧ jȩi̧nä̧u̧do, adihuä Cristo i̧huȩnȩ tȩa̧u̧ tottö juiyönä. Ja̧u̧ Cristo, Dios ja̧'a̧nä̧ pi̧jä̧nä̧ uhuäpinödo.

1 Juan 5:4

O'ca toi'önä Dios i̧tti̧mö̧ pi̧jä̧ jähuättö'inä abonänö juruhuätö. Ja̧'hua̧nö̧ ja̧'a̧ adiu tesetomenä, pi̧jä̧ jähuättö'inä abonänö juruhuätöjä.

1 Juan 3:10

Ja̧'hua̧nö̧ ja̧'a̧ topö huo̧juä̧tö̧jä̧ Dios i̧tti̧mö̧rö̧'i̧nä̧, ähuettä i̧tti̧mö̧rö̧'i̧nä̧. Adiu jȩpo̧co̧tö̧mä̧, ttö̧jä̧hua̧tö̧rö̧ repe'ocotömä, Dios i̧tti̧mö̧cö̧.

1 Pedro 1:14

Ppo̧'ä̧tö̧ ttä'o hueö jȩttö̧'a̧nö̧, jȩpö̧ ka̧cuä̧tu̧cui̧. Diosrö cuesetätucu juiyäi cuamönätucu pä̧huä̧ rö̧jö̧tä̧ jȩcu̧'i̧nä̧tu̧cu̧'a̧nö̧mä̧, jȩcu̧'ä̧tu̧cuä̧'.

Apocalipsis 20:2

Ja̧u̧ ángel ojuo da'ä jä̧'i̧nö̧'a̧nö̧ hua̧rö̧, ja̧u̧ täbocö ä̧ca̧ pi̧nö̧rö̧, 'chu'ädinö. Ja̧u̧ ojuo da'ä̧ jä̧'i̧nö̧'a̧nö̧ hua̧mä̧ ähuettä'inä, Satanás'inä päi'önä kö̧. Ja̧u̧ru̧ 'chuhuädäji o'ca'a, ya'ute mil a̧'ȩ jo̧mȩnä̧ päi'önä, cuoräusa nö'cähua'a ki̧nö̧.

1 Juan 4:4

Chi̧tti̧mö̧ huotö, ucutu Dios i̧tti̧mö̧jä̧. Yapareu ucuocuätöttö'inä abonänö juruhuinätöjä. Ähuettä pi̧jä̧ jähuä jȩpö̧ ka̧cuä̧tö̧cu̧ kö̧ttö̧'i̧nä̧ abonänö ju̧ru̧hua̧ ucutucu kö̧mä̧.

1 Pedro 4:3

Iso päi'önä Diosrö jerupätö suronä jȩpö̧ jȩttö̧'a̧nö̧, jȩpö̧ ka̧cui̧nä̧tö̧jä̧ recuo ucutu'inä. Ja̧u̧nu̧ suronä ka̧cui̧nä̧tö̧jä̧ ucuturu pä̧huä̧ rö̧jö̧tä̧ jȩpö̧. Ja̧'hua̧ta̧nö̧ cuamönätucu cuamöcuädäu jȩpi̧nä̧tö̧jä̧. Tä̧'ä̧mö̧ kä̧nö̧ huopö ka̧cui̧nä̧tö̧jä̧. Ttu̧mö̧nä̧ adicuä'inä esetö ka̧cui̧nä̧tö̧jä̧.

Colosenses 1:21

Pä'äjimä ucutu Diosrö cuamöcuädätucumä oto huinätöjä. Yoröiso suronä amöcuädö jȩcu̧'ä̧tu̧cua̧'a̧ttö̧, Dios aboiyotö pi̧nä̧tö̧jä̧. Ja̧'hua̧nö̧ ja̧'a̧ttö̧ ucutu'inä cuesehuätucuarö pä'ö hue'inö, Cristo ubara ttu'u 'corupäi'omenä. Ja̧u̧ ja̧'hua̧nö̧ jȩpi̧nö̧, ucuturu chutä ä'ca jo̧mȩ adiu cu̧ja̧cuä̧tu̧cua̧ pä'ö, yoröiso surojö juiyönä.

Gálatas 1:4

Ja̧'hua̧ta̧nö̧ 'corujuoächa pä'ö iyähuinö ujutu suronä jȩtö̧ jȩpö̧ icua pä'ö, pi̧jä̧ surojä̧jä̧ttö̧ ȩma̧tö̧ pä'ö Tä'o Diosrö pä̧huä̧ rö̧jo̧mȩnä̧.

Romanos 12:2

Pi̧jä̧ jähuä hueönämä cu̧ja̧cuä̧tu̧cuä̧'. Cuamöcuädätucu pärou icuätucui, Dios jareö cuamöcuädätucu iyätucuacu. Ja̧'hua̧nö̧ jȩcu̧'ä̧tu̧cuo̧mȩnä̧, cu̧huo̧juä̧chi̧'ä̧cuo̧tö̧jä̧ Diosrö pä̧huä̧ rö̧jö̧ adiunä jö̧'i̧nä̧, öjö'cönä jö̧'i̧nä̧, yoräteunä jö̧'i̧nä̧.

Santiago 4:4

Ucutu ttö̧ja̧ suropätö, ucutu unichi'ätöjä Diosrö, pi̧jä̧ jähuä amöcuädö. ¿Jerupätöjä tä̧ji̧? Pi̧jä̧ ahuaruhuä päi'önä ka̧cuä̧tö̧mä̧ Dios aboiyotö. O'ca toi'önä pi̧jä̧ ahuaruhuä päi'önä amöcuädätömä Dios aboiyotö pä'i'ätö.

1 Corintios 5:10

O'ca toi'önä pi̧jä̧nä̧ ka̧cuä̧tö̧cu̧ ka̧ra̧ irecuarö usucu'inä, korotö ttu̧ju̧nä̧rö̧ ta'anö ttu̧ju̧nä̧ra̧ pä'ätöcu'inä, nä̧u̧cuä̧rä̧tö̧cu̧'i̧nä̧, pi̧jä̧ ttu̧mö̧nä̧ adicuä esetätöcu'inä cuecuhuächätucuä' pä'ocösä. Ja̧'hua̧nö̧ jȩpä̧tö̧cu̧ cuecuhuächätucu juiya pä'ö, pi̧jä̧ttö̧'i̧nä̧ rä'opötä jahuätö toönä cue'ächajatöjä.

Hechos 5:3

Ja̧'hua̧ ja̧'a̧ Pedro pä'inödo ja̧u̧ru̧: —Ananías, ¿dä̧bö̧ cuä̧ju̧cuä̧jä̧ttö̧, ähuettä ucuru cua̧'cua̧nä̧ hueömä? Cui̧rȩjä̧ micuättö ju'to 'quȩ'ȩpö̧ ku̧nu̧ yapareu jȩpä̧ji̧jä̧ Espíritu Santorö.

San Juan 15:19

Ucutu pi̧jä̧ ttö̧ja̧ jȩttö̧'a̧nö̧ jȩcu̧'ä̧tu̧cu̧ttu̧mä̧, ucuturu repe'ajatö jitörötä ttamönä repettö'a̧nö̧. Ja̧'hua̧nö̧ ja̧'a̧nä̧ jahuätöttö o'ipinösä ucuturu. Ja̧'hua̧nö̧ ja̧'a̧ttö̧ ucutu pi̧jä̧ ttö̧ja̧ cu'ätucuoca'attö, ucuturu kö'cocotö.

San Juan 14:30

“Jitämä rö̧ȩnä̧ ucuocuocösä ucuturu, pi̧jä̧nä̧ hue'ömä icha'attö. Chutä ttörö ujuruhuoca'anä, ja̧'hua̧nö̧ 'cuäopäcua'a, pi̧jä̧ ttö̧ja̧ Chä'orö repeda'a ttu̧huo̧jua̧ pä'ö. Ja̧'hua̧ta̧nö̧ Chä'o ttörö hue'inö hueö'inä jȩpö̧sä̧ ttu̧huo̧jua̧ pä'ö. Ä̧rä̧mi̧'ä̧tu̧cui̧. Ti̧'chä̧tu̧cua̧, —pä'inödo Jesús.

2 Pedro 2:14

Isajuru tottö juiyö'a̧nö̧ huotö. 'Cuä'ächi'ocotö suronä jȩpä̧'chö̧. Juiyupätörö yapareu jȩpä̧tö̧. O'ca juiyönä ttȩma̧ pä'ätö jitötä ttöäre päi'önä. Jahuätömä suropätö.

San Juan 16:11

Ja̧'hua̧ta̧nö̧ Dios pi̧jä̧nä̧ hue'örömä suronä 'cuäopa pä'ö hueina'attö, Dios adihuä pä̧cuȩ huȩnȩ tottäcuotödo.

San Juan 13:27

Judas juhuä̧si̧ ȩmo̧mȩnä̧, ähuettämä ami iso'quinä do'ächi'inödo. Ja̧'hua̧ ja̧'a̧ Jesús päinäcudo: —Jȩcu̧'ä̧cuȩmä̧, jurunä jȩcu̧'a̧ja̧.

San Juan 13:2

Ähuettämä Judas Iscariote, Simón i̧tti̧rö̧, ami iso'quinä hue'inö Jesúsru suronä jȩpä̧tö̧rö̧ iya pä'ö.

San Juan 8:23

Ja̧'hua̧nö̧ pättomenä, Jesús päinä̧u̧do: —Ucutumä potä ttö̧ja̧jä̧. Ttömä ju'toju ru̧hua̧sä̧. Ucutumä pi̧jä̧ ttö̧ja̧jä̧. Ttömä pi̧jä̧ ttö̧ja̧ i̧sa̧mä̧cö̧sä̧.

San Juan 7:7

Pi̧jä̧ ttö̧ja̧ ucuturu ttaboiyotö päi'önä topocotö. Ttörötä yoröiso kö'cocotö, suronä jȩttö̧ jidähua'attö.

San Mateo 13:38

Ja̧'hua̧ta̧nö̧ pättamä pi̧jä̧ ji̧nö̧do. Adihuä juäi jacuä jähuämä, Dios i̧tti̧mö̧ pi̧nä̧tö̧do. Ja̧'hua̧ta̧nö̧ ja̧u̧ surä'cuamä, ähuettä i̧tti̧mö̧ pi̧nä̧tö̧do.

Apocalipsis 13:8

O'ca toi'önä pi̧jä̧nä̧ ka̧cuä̧tö̧mä̧, Cordero 'corupä'i'inö u̧ju̧närä̧'tänä, kä̧cuä̧huä̧ i'co cuyäru'tänä, Dios pi̧jä̧ aditinö mo̧ro̧ i̧huȩyu̧ti̧nö̧'tänä tti̧mi̧ jui'ätömä, ja̧u̧ pä̧i̧cua̧ i̧sa̧rö̧ esehuinätö.

1 Juan 3:8

Suronä jȩpö̧ kö̧mä̧, ähuettä i̧tti̧. Ähuettä äcuomenä kä̧mä̧dö̧ suronä jȩi̧na̧'a̧ ja̧'a̧'i̧nä̧, ji̧nä̧ suronä jȩpö̧. Dios I̧tti̧ ichinö ähuettä jȩi̧nö̧mä̧ o'ca juiyönä be'epäjipö icua pä'ö.

Santiago 1:7

Ja̧'hua̧nö̧ amöcuädömä Chu̧ru̧hua̧ttö̧ chȩmä̧cua̧sä̧ pä'ö amöcuädö juiyö'a̧nö̧ hua̧.

2 Timoteo 4:10

Demas pi̧jä̧ jähuä amöcuädö, ttörö jaropi'inö. Tesalónica ötahuiyära̧'a̧ i̧hui̧nö̧. Ka̧ra̧ Cresente'inä Galacia rȩjȩra̧'a̧ i̧hui̧nö̧. Tito'inä Dalmacia rȩjȩra̧'a̧ i̧hui̧nö̧.

Hechos 19:35

Ötahuiyä ru̧hua̧ ippeyä ru̧hua̧ ttö̧ja̧rö̧ ttö'coruchi'a hue'äji'ca̧ pä'inödo: —Chahuaruhuä Efeso ötahuiyä ttö̧ja̧, pi̧jä̧ ttö̧ja̧ o'ca toi'önä huo̧juä̧tö̧ pi̧yȩ ötahuiyänä Dianarö ucuocuäcuähuode tta̧tä̧rö̧mä̧. Ja̧'hua̧ta̧nö̧ Diana ka̧'u̧cuä̧ mo̧ro̧jä̧ttö̧ ma̧i̧nö̧ tta̧'ä̧rä̧tö̧jä̧.

San Lucas 22:31

Ja̧'hua̧ta̧nö̧ Tu̧ru̧hua̧ pä'inödo: —Simón, Simón, ä̧ju̧cui̧. Satanás jä'epinö ucuturu 'quȩ'ȩpö̧ icua pä'ö, surä'cua que'ö tticua'a jä̧'i̧nö̧'a̧nö̧.

San Lucas 16:8

Järe ru̧hua̧ huo̧juä̧chi̧'i̧nö̧do ippeyä ru̧hua̧ jȩpö̧ jȩä̧ji̧, huo̧ju̧nä̧ jȩpi̧nö̧ juhua'amä, pä'ö. Iso päi'önä tȩa̧u̧ ttö̧ja̧ttö̧'i̧nä̧ abonänö huo̧juä̧chi̧'ö̧nä̧ jȩpä̧tö̧ pi̧jä̧ ttö̧ja̧ ka̧ra̧ ka̧ra̧nö̧rö̧.

San Mateo 11:19

Ja̧u̧nu̧ o'ca'a ttö, Ubo I̧tti̧, chichomenä chu̧cuȩ'i̧nä̧ cusä. Au'inä ausä. Ja̧'hua̧nö̧ ja̧'a̧ ucutu pä'ätöjä ttörö: “Ja̧u̧mä̧ rö̧ȩnä̧ cu. Ja̧'hua̧ta̧nö̧ rö̧ȩnä̧ au. Ja̧'hua̧ta̧nö̧ ja̧u̧mä̧, suronä jȩpä̧tö̧'i̧nä̧ ru̧hua̧ öäre pärätä ȩmä̧'i̧jä̧tö̧'i̧nä̧ tta̧hua̧ru̧hua̧do”, pä'ätöjä ttörö. Iso päi'önä Dios u̧huo̧ju̧ jȩä̧cuä̧huä̧mä̧ topö huo̧juä̧tö̧jä̧ adihua'a pä'ö, —pä'inödo Jesús.

Apocalipsis 16:17

Ka̧ra̧ ángel'inä, ko̧ro̧mö̧ttö̧nö̧ ta̧ju̧ päi'önä, öäre i̧so̧'ta̧ kä̧ru̧'coppanä to'inö. Ji̧nä̧ isocu Dios adihuä ö̧jo̧mȩ i̧dȩä̧cä̧ttö̧, ya̧tȩ i̧huȩnȩ pä̧i̧cu̧nä̧ ucuocuina'a. Ja̧u̧ huȩnȩ päina'a: —Täcö 'cuäopa'a.

Apocalipsis 13:14

Pi̧yȩ juäi äcuomenä pä̧i̧cua̧ i̧sa̧ ä'ca jo̧mȩttö̧ jȩa̧'a̧nä̧, pi̧jä̧nä̧ ka̧cuä̧tö̧rö̧ yapareu ji'ähuinö. Ja̧u̧ hue'inö pi̧jä̧ ttö̧ja̧rö̧, koro juäi ja̧u̧ pä̧i̧cua̧ i̧sa̧rö̧, curodänä cuä'ö tticuinö o'ca'a ki̧'i̧nö̧rö̧, a̧'u̧cuä̧ ttadita pä'ö.

Apocalipsis 12:9

Ja̧u̧ ojuo da'ä jä̧'i̧nö̧'a̧nö̧ hua̧rö̧, i̧sa̧rö̧, chutä täbocö ä̧ca̧ pi̧nö̧rö̧, ähuettä'inä, Satanás'inä pättäcuru, o'ca toi'önärö yapareu ji'äuru, ya'opö tticuinäcu. Chutäcu umöhuäyotöcu pi̧jä̧ rȩjȩra̧'a̧ do'opö tticuinäcu.

San Mateo 13:22

Koro so̧ä̧'cua̧nä̧ ma̧ä̧chi̧nö̧mä̧, korotö Dios i̧huȩnȩ ttä̧ju̧cuo̧mȩnä̧, pi̧jä̧ jähuä rö̧ȩnä̧ amöcuädätö jä̧'i̧nö̧'a̧nö̧ huotö. Ja̧u̧ juäi o'ca juiyönä rȩä̧cha̧'a̧ Dios i̧huȩnȩ ttesetomenä. U̧huä̧ju̧ jui'ätö.

San Marcos 4:19

Ja̧'hua̧nö̧ ja̧'a̧nä̧ pi̧jä̧ jähuä rö̧ȩnä̧ amöcuädätö. Ja̧u̧ juäitä esetätö. Pi̧jä̧ jähuä o'ca juiyönä ttu̧ju̧nä̧ra̧ pä'ö amöcuädätö. Ja̧u̧ juäi o'ca juiyönä rȩä̧cha̧'a̧ Dios i̧huȩnȩ ttesetomenä. U̧huä̧ju̧ jui'ätö.

Efesios 1:21

O'ca juiyönä ruhuotö hueähuä'inä, ttujuru'inä, kä̧cuä̧huä̧'i̧nä̧, o'ca juiyönä jitä'inä, yodoji'inä ucuocuäcuähuä'inä huea pä'ö hue'inödo Cristorö.

Efesios 2:11

Ja̧'hua̧nö̧ ja̧'a̧ttö̧ pä'äji cu̧ja̧cui̧nä̧tu̧cu̧ ta'anö amöcuädätucui. Ucutu judíos huocotö pi̧nä̧tö̧jä̧. Judíos huotö u̧mä̧tö̧mä̧, circuncisión jȩpä̧tö̧ ttöäre jättäpäyotö. Ja̧'hua̧nö̧ ja̧'a̧ttö̧ jahuätö: “Circuncidados huotöjä ujutumä” pä'ätö. Ucuturu: “Circuncidados huocotöjä” pä'ätö.

Efesios 2:13

Ja̧'hua̧nö̧ ja̧'a̧nä̧ ucutu pä'äji oto ka̧cui̧nä̧tö̧mä̧, jitämä Cristo Jesús 'corupäi'inö huȩnȩ cuesetätucuomenä, ja̧u̧cu̧ tö'cö ka̧cuä̧tö̧jä̧.

Efesios 4:17

Pi̧yȩtä̧ hue'ösä ucuturu Tu̧ru̧hua̧ i̧mi̧nä̧. Korotö jitötä ttamönä amöcuädö, Diosrö jerupö jȩpä̧tö̧ ttö̧jö̧'a̧nö̧mä̧, cu̧ja̧cuä̧tu̧cuä̧' ucutu.

Efesios 5:8

Pä'äji yo̧ö̧cu̧ ka̧cui̧nä̧tö̧jä̧ ucutumä. Jitätä Tu̧ru̧hua̧rö̧ esetö, tȩa̧u̧nä̧ ka̧cuä̧tö̧jä̧. Adiunä ka̧cuä̧tu̧cui̧, tȩa̧u̧nä̧ ttö̧ja̧cu̧ ta'anö.

Santiago 1:27

Tä'o Diosrö adiu ami iso'quinä idicuächö juiyönä esetömä, reyotörö'inä, rȩcua̧mö̧rö̧'i̧nä̧ ppädö'a̧nö̧ ja̧'a̧, surojö 'cuäopomenä. Ja̧'hua̧ta̧nö̧ pi̧jä̧ jähuä suronä amöcuädö jȩpo̧cö̧.