Colosenses 4:10 - TÄ̧DO Ä̧CUÄ̧ I̧HUȨNȨ

¹⁰ Pottömä Aristarco, ttöcu cärenä pö̧mä̧, te'äu ucuturu. Ja̧'hua̧ta̧nö̧ Bernabé ö̧jä̧hua̧ Marcos te'äu ucuturu. Ucutu täcö huedinömä ä̧ju̧cui̧nä̧tö̧jä̧ ja̧u̧ru̧. Cuidepiyura̧'a̧ ichöttömä, adiu ppä'ädätucuirö.

Nuevo Testamento Uwotjüja

¹⁰ Ttütäku kärenä̧ pü̧ Aritarco'i̧nä̧ teäwä̧u̧jä̧. Ja̧'wa̧ta̧nü̧ Bernawé, a̧wa̧ru̧wa̧ Maruku'i̧nä̧ teäwä̧u̧jä̧. Jua̧u̧ ütü'kümä̧ wedinä̧u̧jä̧, do'ächü ichüttümä̧ adiutä ppä'ädätukuirü.

Colosenses 4:10 Referans Kwoze

Filemón 1:24

Ja̧'hua̧ta̧nö̧ Marcos'inä, Aristarco'inä, Demas'inä, Lucas'inä ttöcu aditätömä te'ähuätö ucuru.

2 Timoteo 4:11

Ya̧tȩtä̧ Lucastä, ttöcu kö̧mä̧. Marcosrö ocuhuipaja. Ja̧u̧mä̧ ttörö ppä̧dä̧cua̧.

Hechos 19:29

Juhua'attö o'ca toi'önä Efeso ötahuiyä ttö̧ja̧ ra̧huä̧rö̧ huopinätödo. Macedonia rȩjȩ ttö̧ja̧ Pablocu cue'ächätörö Gayorö'inä, Aristarcorö'inä 'chu'ädinätödo. Jahuätörö jurunä ȩmi̧pi̧nä̧tö̧do ttö̧ja̧ ttö̧ca̧ca̧cui̧'o̧mȩcu̧.

Hechos 27:2

Huoi'ca Adramitio ötahuiyä huämicuomera̧'a̧ttö̧ ichinä'ca, Asia rȩjȩttö̧ korome huoi'ca huämicuome rä̧mä̧dö̧, korome huoi'ca huämicuome rä̧mä̧dö̧ ihuä'ca pättä'canä pä̧mä̧dö̧ 'chi̧nä̧tö̧jä̧. Aristarco, Macedonia rȩjȩ ttö̧ja̧ i̧sa̧, Tesalónica ötahuiyättö ichinömä, ujutucu 'chi̧nö̧.

Hechos 20:4

Recuätö Pablocu 'chi̧nä̧tö̧do. Ka̧ra̧mä̧ Berea ötahuiyä ttö̧ja̧ i̧sa̧ Sópater, korotömä Tesalónica ötahuiyä ttö̧ja̧ Aristarco'inä, Segundo'inä, ka̧ra̧mä̧ Derbe ötahuiyä ttö̧ja̧ i̧sa̧ Gayo, ka̧ra̧mä̧ Timoteo, korotömä Asia rȩjȩ ttö̧ja̧ Tíquico'inä, Trófimo'inä 'chi̧nä̧tö̧do.

Hechos 12:12

Pedro ttu̧ȩpä̧rö̧nä̧ amöcuädi'omenä, 'chä̧hui̧'i̧nö̧do María kojusodera̧'a̧. Maríamä Juan, koro i̧mi̧mä̧ Marcos, ja̧ju̧ pi̧nä̧ju̧do. Juhuodenä recuätö ca̧ca̧cui̧pö̧, Diosrö ucuocuinätödo.

1 Pedro 5:13

Babilonia ötahuiyänä ka̧cuä̧tö̧, iglesia ruhuä te'ähuätö ucuturu. Dios ucuturu ȩmi̧nö̧ ta'anö, ȩmi̧nä̧u̧do jahuätörö'inä. Ja̧'hua̧ta̧nö̧ chi̧tti̧ Marcos'inä te'äu ucuturu.

Romanos 16:7

Te'ähuätucui ttötä chahuaruhuä isotö Andrónicorö'inä, Juniasrö'inä. Jahuätö ttöcu cärenä pi̧nä̧tö̧. Jahuätömä Jesús hue'ähuotö'inä ttu̧huo̧juä̧u̧. Jahuätömä ttöttö'inä ä'coji esetinätö Cristorö.

Romanos 16:2

Jahuäjuru adiu jȩpä̧tu̧cui̧ Tu̧ru̧hua̧ i̧mi̧nä̧ Jesucristorö esetätö jȩttö̧'a̧nö̧. Ja̧'hua̧ta̧nö̧ ppä'ädätucui koro juäi yajuru recua rö̧jö̧mä̧. Jahuäju recuätörö'inä, ttörö'inä ppä'ädinäju.

Hechos 13:13

Ja̧u̧nu̧ o'ca'a Pablo, ahuaruhuäcu Pafos ötahuiyättö rä'opö, huoi'canä 'chi̧nä̧tö̧do Perge ötahuiyära̧'a̧ Panfilia rȩjȩnä̧. Juhua'attö Juan, jahuätörö jaropi'ö, Jerusalén ötahuiyära̧'a̧cu̧ ppa̧'ä̧chi̧nö̧do.

Hechos 4:36

Ja̧'hua̧nö̧ ja̧'a̧ ya̧tȩ levita i̧sa̧ pi̧nö̧do, José pä'ö mi̧cua̧. Ja̧u̧ Chipre kä'co i̧sa̧sa̧ttö̧ uhuäpächinödo. Jesús hue'ähuotö i̧mi̧ päjure Bernabé ottinäcudo. Jahuätö tti̧huȩnȩnä̧ päa'a Bernabé, ujutu ti̧huȩnȩnä̧ päa'a ahuaruhuärö adiu ucuocu ppädäcuähuä i̧sa̧.

Hechos 13:5

Huoi'ca huämicuome 'chä̧hui̧'ö̧, Salamina ötahuiyänä Dios i̧huȩnȩ ji'ähuinätödo judíos ttu̧huo̧jui̧'i̧nodehuiyänä. Juan'inä jahuätöcu 'chi̧nö̧do ppäda pä'ö.

Hechos 12:25

Bernabécu, Saulocu ttaditähuä cättädomenä, Jerusalén ötahuiyära̧'a̧ttö̧ ppa̧'ä̧chi̧nä̧tö̧do. Jahuätö o'ipinätödo Juanrö, koro i̧mi̧mä̧ Marcos pä'ö mi̧cua̧rö̧.

Filemón 1:23

Epafras, Cristorö eseta'attö ttöcu cärenä pä̧nö̧ te'äu ucuru.