Colosenses 3:10 - TÄ̧DO Ä̧CUÄ̧ I̧HUȨNȨ

¹⁰ Jitämä ucutu jareönä amöcuädätöjä. Ja̧'hua̧nö̧ amöcuädö, Dios, ucuturu aditinömä juhua'a yabo rö̧ȩnä̧ u̧huo̧juȩtä̧cuo̧tö̧jä̧ chutä jö̧ ta'anö cu'ätucua pä'ö, ja̧u̧ru̧tä̧ adiunä cu̧huo̧juä̧tu̧cua̧rö̧ pä'ö.

Nuevo Testamento Uwotjüja

¹⁰ täkü pärokuä 'ka̧tä̧wä̧tu̧kui̧. Isopäi'ünä̧ pi̧yȩmä̧, Dio ukuturu uwäbe'inü̧ a̧'kua̧juä̧, yabonü̧ rü̧ä̧chä̧kua̧'a̧nü̧, Churutä jo̧mȩnü̧ ku̧wo̧juä̧chä̧tu̧ku̧nä̧.

Colosenses 3:10 Referans Kwoze

Romanos 12:2

Pi̧jä̧ jähuä hueönämä cu̧ja̧cuä̧tu̧cuä̧'. Cuamöcuädätucu pärou icuätucui, Dios jareö cuamöcuädätucu iyätucuacu. Ja̧'hua̧nö̧ jȩcu̧'ä̧tu̧cuo̧mȩnä̧, cu̧huo̧juä̧chi̧'ä̧cuo̧tö̧jä̧ Diosrö pä̧huä̧ rö̧jö̧ adiunä jö̧'i̧nä̧, öjö'cönä jö̧'i̧nä̧, yoräteunä jö̧'i̧nä̧.

Efesios 2:10

Diostä ujuturu aditinä̧u̧jä̧. Cristo Jesúsnä aditinä̧u̧jä̧, adihuä juäi jȩpö̧ tö̧ja̧cua̧ pä'ö, chutä täbocö pi̧jä̧ juiyäi amöcuädinö ta'anö.

Colosenses 3:12

Dios ucuturu repe'ö huoinä̧u̧jä̧ i̧tti̧mö̧ cu'ätucua pä'ö. Ja̧'hua̧nö̧ ja̧'a̧ttö̧ korotörö re rö̧jö̧nä̧ topätucui. Adiu ucuotätucui o'ca toi'önärö. “Ka̧ra̧ttö̧'i̧nä̧ abonänö adihuä i̧sa̧sä̧” cuamöcuädätucuä'. Repe'önö jȩpö̧ ka̧cuä̧tu̧cui̧. Cuami 'qui'ächi'ö ka̧cuä̧tu̧cui̧.

2 Corintios 5:17

Ja̧'hua̧nö̧ ja̧'a̧ttö̧ ya̧tȩ Cristorö esetomenä, ja̧u̧ ja̧rȩpa̧ ttö̧ja̧ i̧sa̧ pä'i'ö. Pä'äji jȩi̧nö̧ jaropi'ö, o'ca juiyönä jareönätä amöcuädö jȩpö̧.

Colosenses 3:14

Ja̧'hua̧ta̧nö̧ koro juäittö'inä abonänö repe'ätucui korotörö, ji̧nä̧ yo̧mȩtȩ amöcuädö cu̧ja̧cuä̧tu̧cuä̧cua̧'a̧nö̧.

1 Juan 2:5

Ja̧'hua̧nö̧ ja̧'a̧nä̧ ya̧tȩ Dios i̧huȩnȩ päö ta'anö jȩpö̧mä̧, ja̧u̧mä̧ iso päi'önä Diosrö repe'ö. Dios i̧huȩnȩ päö ta'anö jȩto̧mȩnä̧, huo̧juä̧tö̧jä̧ ujutu Dioscu ka̧cuä̧tö̧jä̧ pä'ö.

Romanos 13:14

Pärocua'acu Cu̧ru̧hua̧ Jesucristorö adiu esetö ka̧cuä̧tu̧cui̧. Cuidepä pä̧huä̧ rö̧jö̧ jȩö̧tä̧mä̧ cuamöcuädätucuä'.

1 Juan 2:3

Dios hueinö ta'anö jȩtö̧ttö̧mä̧, ujutu huo̧juä̧tö̧jä̧ Diosrö huo̧juä̧tö̧jä̧ pä'ömä.

Romanos 8:29

Dios u̧huo̧jui̧nä̧u̧ru̧ äcuomenä päi'önä ȩmi̧nö̧, Itti̧ jö̧'a̧nö̧ juottächa pä'ö, recuätö ä'canä ttuböo ja̧ pä'ö ja̧u̧ru̧.

San Juan 17:3

Ja̧u̧ kä̧cuä̧huä̧ i'co ttu̧ju̧nä̧ro̧mȩnä̧, ucurutä, ya̧tȩrö̧tä̧, iso päi'önä Ttä̧do̧ ä̧cua̧ Diosrötä, huo̧juä̧tö̧. Ja̧'hua̧ta̧nö̧ Jesucristorö, ucutä huecuhuinäcuru'inä huo̧juä̧tö̧.

Apocalipsis 21:5

Ja̧'hua̧ ja̧'a̧ttö̧ chutä i̧dȩä̧cä̧nä̧ pi̧nö̧mä̧ pä'inö: —Topi. Ttömä o'ca juiyönä jareönä jȩpö̧sä̧. Ja̧'hua̧ta̧nö̧ pä'inö: —Huȩyu̧ti̧. Pi̧yȩ huȩnȩ iso päi'önä huȩnȩ ja̧'a̧ttö̧, o'ca toi'önä ttesetäcua'a̧nö̧ pi̧yȩ huȩnȩ.

Efesios 2:15

Chutä jä̧ttä̧pä̧ya̧nä̧ täbocö hueähuä huȩnȩ be'epäjipö icuinödo. Jahuätöttö i̧mi̧cu̧nä̧ ttö̧ja̧cua̧'a̧nä̧, ja̧u̧ru̧ jareönä esetö, ji̧nä̧ yo̧mȩtȩnä̧ ttö̧ja̧cua̧ pä'ö hue'inödo. Ja̧'hua̧nö̧ jȩpö̧, o'ca toi'önärö eseäcuähuä iyinödo.

Gálatas 6:15

Ja̧'hua̧ta̧nö̧ Cristo Jesúsru tesetomenä, circuncisión jȩä̧cuä̧huä̧'i̧nä̧, circuncisión jȩä̧cuä̧huo̧cö̧'i̧nä̧, yoröiso micuähuocö. Cristorö esetö jareönä ttö̧ja̧ päti'omenätä micuähua'a.

2 Corintios 4:6

Iso päi'önä ja̧u̧tä̧ Dios i̧tȩa̧u̧mä̧ yo̧ö̧ kä'conä tȩa̧huä̧chi̧'ö̧nä̧ hue'inömä, ujutu tami iso'quinä'inä i̧tȩa̧u̧ iyö, Jesucristo ö'änä Dios öadihuä topö tu̧huo̧juä̧cua̧'a̧nö̧.

2 Corintios 3:18

Ja̧'hua̧nö̧ ja̧'a̧ttö̧ jitämä ujutu jui'ätöjä ja̧u̧ i̧sä̧ta̧mä̧, tö'ä mö̧ȩcuä̧ri̧nä̧ta̧mä̧. Ujutu ttö'ä toäcuähuodä jä̧'i̧nö̧'a̧nö̧ huotöjä. Korotö ujuturu tottomenä, Tu̧ru̧hua̧ öadihuä topätö. Ja̧'hua̧ta̧nö̧ eseäcuähuä rö̧ȩnä̧ tu̧ju̧nä̧ra̧'a̧ttö̧, chutä jö̧ ta'anö pä'i'ätöjä. Ja̧'hua̧nö̧ jȩpö̧ Tu̧ru̧hua̧mä̧, Espíritu Santo ja̧'a̧nä̧.

Romanos 13:12

Täcö yodo beipächi'a'a. Mo̧ro̧ tö'cöhuächi'a'a pärocuä. Ja̧'hua̧nö̧ ja̧'a̧ttö̧ jaroti'ö'a̧nö̧ ja̧'a̧ yo̧ö̧ jȩä̧cuä̧huä̧mä̧. Ja̧'hua̧ ja̧'a̧ tȩa̧u̧nä̧ tö̧jö̧'a̧nö̧ ja̧'a̧, surojö tto̧ȩpä̧ra̧ pä'ö.

Gálatas 3:27

Ucutu o'ca toi'önä Cristocu ji̧nä̧ ya̧tȩ cu'ätucua pä'ö bautizando pä'i'inätömä, Cristo jö̧'a̧nö̧ huotöjä.

Romanos 6:4

Ja̧'hua̧nö̧ ja̧'a̧ttö̧ bautizado päti'omenä, Cristocu 'turu icuähuotö jä̧'i̧nö̧'a̧nö̧ huotöjä. Ja̧'hua̧ta̧nö̧ Jä'o adihuä ujurunä Cristorö hua'arettö ttoädinö ta'anö, ujutu'inä ttoädäcuähuotö jä̧'i̧nö̧'a̧nö̧ huotöjä, ta̧'cua̧rö̧ jareönä tö̧ja̧cua̧ pä'ö.

2 Corintios 4:16

Ja̧'hua̧nö̧ ja̧'a̧ttö̧ ujutumä jaroti'a pä'ö yoröiso amöcuädocotöjä. Ujutu jättäpäyotö yoyonö beipächära̧'a̧nä̧, ta̧'cua̧ru̧hua̧nä̧ ji̧nä̧ isocu rö̧ä̧cha̧'a̧.

Filemón 1:6

Ttö Diosrö jä'epösä, ucuru ä̧ju̧cu̧ esetinätömä, o'ca juiyönä Cristo Jesúsru esetö ppädäcuähuä tu̧ju̧nä̧rö̧mä̧, adiu ttu̧huo̧jui̧'a̧ pä'ö.