Colosenses 3:1 - TÄ̧DO Ä̧CUÄ̧ I̧HUȨNȨ

¹ Iso päi'önä ucutumä Cristocu tto'ächinätöjä. Ja̧'hua̧nö̧ ja̧'a̧ttö̧ tö̧ä̧nä̧hua̧'a̧ jähuä, mo̧ro̧jä̧ jähuä, usätucui. Juhua'attö, mo̧ro̧jä̧ttö̧, Cristomä Dios u̧huo̧jua̧'a̧nä̧ pö̧.

Nuevo Testamento Uwotjüja

¹ Isopäi'ünä̧ Crito-ku ttokuächinä̧tu̧ku̧ttü̧mä̧, mo̧ro̧jä̧ jäwätä usätukui, Crito jä'o Dio u̧wo̧jua̧'a̧ku̧nä̧ ü̧'a̧'a̧ jäwätä.

Colosenses 3:1 Referans Kwoze

Romanos 8:6

Ttidepä jähuä ttamöcuädömä, hua'arecu ȩpa̧'a̧. Ja̧'hua̧nö̧ ja̧'a̧nä̧ Espíritu Santo jähuä ttamöcuädömä, tta̧'cua̧ adiucu ȩpa̧'a̧. Ja̧'hua̧ta̧nö̧ adiu kä̧cuä̧huä̧cu̧ ȩpa̧'a̧.

San Mateo 6:33

Ja̧'hua̧nö̧ ja̧'a̧ttö̧ Dios Cu̧ru̧hua̧ päi'önä ö̧jä̧cuȩtä̧ usätucui. Churutä pä̧huä̧ rö̧jo̧mȩnä̧ adiunä ka̧cuä̧tu̧cui̧. Ja̧'hua̧nö̧ jȩcu̧'ä̧tu̧cuo̧mȩnä̧, ja̧u̧ o'ca juiyönä cu̧ju̧nä̧rä̧cuo̧tö̧jä̧.

2 Corintios 4:18

Ja̧'hua̧ta̧nö̧ ujutumä totomenätä esetocotöjä. Ujutumä totoca'anä'inä esetätöjä. Iso päi'önä tö'ärenä totä'ijö recuomä ko̧cö̧. Juhuorö'inä koromä tö'ärenä totocö jä̧'i̧jö̧mä̧, iso päi'önä 'cuäopönä kä̧cua̧'a̧.

Colosenses 3:2

'Cuäopönä tö̧ä̧nä̧hua̧'a̧ jähuä, mo̧ro̧jä̧ jähuä, amöcuädätucui. Pi̧jä̧ jähuä cuamöcuädätucuä'.

San Mateo 6:20

Tö̧ä̧nä̧hua̧'a̧ jähuätä cua̧'cua̧ huȩnä̧rä̧tu̧cui̧ isotö ttucui'ocötä, tȩmö̧chä̧cho̧cö̧ pparuhuächocötä, nä̧u̧cuä̧rä̧tö̧ ttö̧nä̧u̧cuo̧cö̧tä̧.

Hebreos 12:2

Jesús, ujutu tesetäcuru, ujuturu aditö icuru, adiunätä to̧tä̧rä̧tu̧cua̧ja̧. Jesús dau isodänä kä̧nö̧ 'corupäi'omenä, ja̧'hua̧nö̧ 'corupä'i'ö ödäpecua pä'ö amöcuädoca'a ubara ttu'inödo. Chutä huo̧jui̧nö̧do ja̧'hua̧nö̧ ubara ttudu o'ca'a chȩsȩhuä̧cua̧sä̧ pä'ö. Ja̧'hua̧ta̧nö̧ Dios ö̧'o̧mȩ u̧huo̧jua̧'a̧nä̧ pä̧mä̧di̧nö̧do.

San Lucas 12:33

Cu̧ju̧nä̧rä̧tu̧cu̧ iyö icuätucui. Ja̧u̧ iyö cuicuäji micuämä, usurä isotörö iyätucui. Ja̧'hua̧ta̧nö̧ cua̧'cua̧ huȩnä̧rä̧tu̧cui̧ mo̧ro̧jä̧ra̧'a̧ttö̧ adihuä juäi ku̧nä̧rä̧cuä̧huä̧ yoröiso beipächocö. Juhua'amä nä̧u̧cuä̧rö̧'i̧nä̧ doächäcuähuoca'a. Isotö'inä ttucui'oca'a juhua'amä.

Hebreos 1:3

Chutä, Dios I̧tti̧mä̧, Dios i̧tȩa̧u̧. Ja̧u̧mä̧ yoröiso Dios ta'anö hua̧do. Ja̧'hua̧ta̧nö̧ ja̧u̧tä̧ i̧huȩnȩ, adiu juruhua'attö, o'ca juiyönä huȩ'ä̧rö̧do. Ujutu suronä jȩti̧nö̧ jȩpö̧ icuinö o'ca'a, mo̧ro̧jä̧ra̧'a̧ttö̧ Dios ö̧'o̧mȩ u̧huo̧jua̧'a̧nä̧ pä̧mä̧di̧nö̧do.

San Lucas 22:69

Ja̧'hua̧nö̧ ja̧'a̧nä̧ jitä mo̧ro̧ kä̧mä̧dö̧, Ubo I̧tti̧mä̧, Dios o'ca juiyönä ju̧ru̧hua̧ u̧huo̧jua̧'a̧nä̧, ö̧'ä̧mä̧dä̧cua̧, —pä'inödo.

Colosenses 2:20

Ucutumä Cristocu 'corupä'i'ö, pi̧jä̧ hueähuä jaropi'inätöjä. Ja̧'hua̧nö̧ ja̧'a̧ttö̧ ji̧nä̧ pi̧jä̧ hueähuä jȩcu̧'ä̧tu̧cu̧mä̧ ¿tta̧'a̧nö̧ pä'ö jȩcu̧'ä̧tu̧cua̧'a̧jä̧ttö̧?

Hebreos 8:1

Jitä pätäjimä pi̧yȩjä̧: ujutu adihuä ji̧nä̧ isocu sacerdote ru̧hua̧ ku̧nä̧rä̧tö̧jä̧ mo̧ro̧jä̧ra̧'a̧ttö̧, Dios i̧dȩä̧cä̧ u̧huo̧jua̧'a̧nä̧ pö̧rö̧.

Romanos 8:34

¿Dijä̧ttö̧ jahuätörö tä̧bo̧tö̧mä̧? Cristo 'corupäi'äji o'ca'a, Dios ttoädinäcu. Ja̧'hua̧ta̧nö̧ Cristo Dios u̧huo̧jua̧'a̧nä̧ pö̧, Diosrö ucuocu ujuturu.

Hebreos 10:12

Ja̧'hua̧nö̧ ja̧'a̧nä̧ Jesucristo ya'utenätä iyähuinödo, suronä jȩttö̧ 'cuäopönä jȩpö̧ icua pä'ö. Ja̧u̧nu̧ o'ca'a Dios u̧huo̧jua̧'a̧nä̧ pä̧mä̧di̧nö̧do.

San Mateo 26:64

Ja̧'hua̧ ja̧'a̧ Jesús pä'inödo: —A̧, päcu ta'anö ttötäsä. Ja̧'hua̧ta̧nö̧ pä'ösä ucuturu, Ubo I̧tti̧rö̧ Dios, o'ca juiyömä ju̧ru̧hua̧mä̧ u̧huo̧jua̧'a̧nä̧ ö̧'a̧'a̧ tocu'äcuotöjä ucutumä. Ja̧'hua̧ta̧nö̧ mo̧ro̧jä̧ra̧'a̧ttö̧ ajiya isoppanä i̧mȩyȩhuo̧mȩnä̧, tocu'äcuotöjä ucutumä.

Efesios 4:10

Äcuomenä pi̧jä̧nä̧ mȩyȩhui̧nö̧mä̧, ja̧u̧tä̧ mo̧ro̧jä̧ttö̧'i̧nä̧ yabo cä'ecuächinödo, chutä ö̧ja̧'a̧ttö̧ o'ca juiyönä adihua pä'ö.

San Marcos 14:62

Ja̧'hua̧ ja̧'a̧ Jesús pä'inödo: —A̧, ttötäsä. Ja̧'hua̧ta̧nö̧ Ubo I̧tti̧rö̧ Dios, o'ca juiyönä ju̧ru̧hua̧mä̧, u̧huo̧jua̧'a̧nä̧ ö̧'a̧'a̧ tocu'äcuotöjä ucutumä. Ja̧'hua̧ta̧nö̧ mo̧ro̧jä̧ra̧'a̧ttö̧ ajiya isoppanä i̧mȩyȩhuo̧mȩnä̧, tocu'äcuotöjä ucutumä.

Hebreos 1:13

Diosmä ángelesrö yoröiso pä'ocö pi̧nö̧do pa̧'a̧nö̧mä̧: Chö̧'o̧mȩ chu̧huo̧jua̧'a̧nä̧ pä̧mä̧di̧, cuaboiyotörö cu̧jä̧pö̧ dȩa̧'a̧ chötome jubö päi'önä.

Hechos 2:34

David mo̧ro̧jä̧ra̧'a̧ cä'ecuächocö pi̧nö̧, Jesús cäecuächinö'a̧nö̧mä̧. Ji̧nä̧ isocu pä'inödo David: Diosmä pä'inö ttö Chu̧ru̧hua̧rö̧: “Chu̧huo̧jua̧'a̧nä̧ pä̧mä̧di̧ cuaboiyotörö cu̧jä̧pö̧ dȩa̧'a̧ chötome jubö päi'önä,” pä'inödo David.

San Lucas 20:42

Chutä David, Salmos cuyäru'tänä pä'inödo: Dios pä'inö ttö Chu̧ru̧hua̧rö̧, “Chu̧huo̧jua̧'a̧nä̧ pä̧mä̧di̧,

San Marcos 16:19

Jahuätörö ucuocuäji'ca̧, Tu̧ru̧hua̧ Jesús mo̧ro̧jä̧ra̧'a̧ cä'ecuächinödo. Dios u̧huo̧jua̧'a̧nä̧ pä̧mä̧di̧nö̧do.

San Marcos 12:36

Chutä Davidmä Espíritu Santo huo̧juȩcuä̧nä̧ pä'inödo: Dios pä'inö ttö Chu̧ru̧hua̧rö̧, “Chu̧huo̧jua̧'a̧nä̧ pä̧mä̧di̧, cuaboiyotörö cu̧jä̧pö̧ dȩa̧'a̧ chötome jubö päi'önä” pä'inödo.

1 Pedro 3:22

Chutä Jesucristo mo̧ro̧jä̧ra̧'a̧ cä'ecuächinö. Jitämä Dios u̧huo̧jua̧'a̧nä̧ kö̧do. Ja̧'hua̧ta̧nö̧ o'ca toi'önä ángeles'inä, hue'ähuotö'inä Ttu̧ru̧hua̧ päi'önä kö̧do Jesucristomä.

Hechos 7:55

Ja̧'hua̧nö̧ ja̧'a̧ Estebanmä, Espíritu Santo hueinäcumä, mo̧ro̧jä̧ra̧'a̧ topö Dios i̧tȩa̧ topinödo. Ja̧'hua̧ta̧nö̧ Jesúsru topinö Dios u̧huo̧jua̧'a̧nä̧ ö̧ja̧'a̧.

San Mateo 22:44

Dios pä'inö ttö Chu̧ru̧hua̧rö̧: “Chu̧huo̧jua̧'a̧nä̧ pä̧mä̧di̧, cuaboiyotörö cu̧jä̧pö̧ dȩa̧'a̧ chötome jubö päi'önä”, pä'inödo.

Efesios 5:22

Nä̧tö̧ Tu̧ru̧hua̧ Jesucristorö ttä̧ju̧cu̧'a̧nö̧, ttä̧ju̧cuä̧cua̧'a̧nö̧ ttirecuorö'inä.