Colosenses 1:9 - TÄ̧DO Ä̧CUÄ̧ I̧HUȨNȨ

⁹ Ja̧'hua̧nö̧ ja̧'a̧ttö̧ ucuturu tä̧ju̧cui̧no̧mȩttö̧ kä̧mä̧dö̧, 'cuäopönä Diosrö ucuocuätöjä ucuturu. Ujutu jä'epätöjä Diosrö, churutä pä̧huä̧ rö̧jö̧tä̧ u̧huo̧juȩtä̧tu̧cua̧cu̧ pä'ö ucuturu. Ja̧'hua̧ta̧nö̧ jä'epätöjä Diosrö, Espíritu Santo huo̧juȩcuä̧nä̧ o'ca juiyönä huo̧ju̧nä̧ cu̧huo̧juä̧tu̧cuä̧cua̧'a̧nö̧.

Nuevo Testamento Uwotjüja

⁹ Ja̧'wa̧nü̧ ja̧'a̧ttü̧ ujutumä̧, tä̧ju̧kui̧nü̧tä̧ päi'ünä̧, Dio-rü ukuokuätüjä̧ kätädi'oka'a ukuturumä̧, 'kuäopünä̧ Dio-rü jä'epätüjä̧ churutä pä̧wä̧rü̧jü̧ u̧wo̧juȩtä̧tu̧kua̧ku̧ pä'ü ja̧'wa̧ta̧nü̧ wo̧juä̧wä̧'i̧nä̧ o'kajuiyünä̧ iyätukuaku pä'ü Epíritu Sa̧tu̧ üjü'komȩnä̧.

Colosenses 1:9 Referans Kwoze

Santiago 3:17

Diosttö huo̧juä̧huä̧ ku̧nä̧rä̧tö̧mä̧, suronä jȩä̧cuä̧huä̧ juiyönä ka̧cuä̧tö̧. Ja̧'hua̧ta̧nö̧ ttami diyaunä ka̧cuä̧tö̧. Ucuotönö tta̧'ä̧rä̧tö̧ korotörö. Ttahuaruhuä pättö huȩnȩ ä̧ju̧cu̧ esetätö. Re rö̧jö̧nä̧ topö ppä'ädätö ttahuaruhuärö. Ja̧'hua̧nö̧ jȩpä̧tö̧mä̧ iso päi'önä jueö huȩnȩ ucuocuätö.

Santiago 1:5

Ucututtu ya̧tȩ u̧huo̧jui̧'a̧ pä'ö recuä rö̧jö̧ttö̧mä̧, Diosrö jäepö'a̧nö̧ ja̧'a̧. Dios ja̧u̧ru̧ i̧yä̧cua̧. Dios o'ca toi'önärö iyö. Tä̧bo̧cuä̧ juiyönä rö̧ȩnä̧ iyö.

Colosenses 4:5

Jueönä ka̧cuä̧tu̧cui̧ Diosrö esetocotö ttä'ca jo̧mȩttö̧, 'cuäopönä ucuocu jahuätörö ttesetäcua'a̧nö̧.

1 Pedro 2:15

Adiunä cu̧ja̧cuä̧tu̧cua̧ pä'ödo Diosmä, jerupö ucuocuätö juhua'a yabonö ttucuocu juiya pä'ö.

2 Tesalonicenses 1:11

Ja̧u̧ 'cuäopä̧cuȩ amöcuädö, 'cuäopönä Diosrö ucuocu jä'epätöjä ucuturu, churutä pä̧huä̧ rö̧jo̧mȩnä̧ ȩmi̧na̧'a̧ttö̧, adiu jȩpö̧ cu̧ja̧cuä̧tu̧cua̧ pä'ö. Ja̧'hua̧ta̧nö̧ Diosrö ucuocu jä'epätöjä o'ca juiyönä adiu cuamöcuädätucu'inä, churutä esetö cuaditätucu'inä chutä ujurunä ppäda pä'ö ucuturu.

1 Tesalonicenses 5:17

'Cuäopönä ucuocuätucui Diosrö.

1 Juan 5:20

Ujutu huo̧juä̧tö̧jä̧ Dios I̧tti̧ ichinö. Huo̧juä̧tö̧jä̧ ujuturu huo̧juȩti̧nö̧ Dios iso päi'önä kö̧rö̧ tu̧huo̧juä̧chi̧'ö̧nä̧. Iso päi'önä kö̧cu̧ ka̧cuä̧tö̧jä̧ ujutumä, I̧tti̧ Jesucristocu tö̧ja̧'a̧ttö̧. Ja̧'hua̧nö̧ ja̧'a̧ iso päi'önä Dios ja̧u̧tä̧ ja̧'a̧do. Ja̧u̧tä̧ kä̧cuä̧huä̧ i'co ja̧'a̧do.

Colosenses 3:16

Ja̧'hua̧ta̧nö̧ Cristo i̧huȩnȩ cuami iso'quitucunä suhuädi'önä ka̧cuä̧tu̧cui̧. Ja̧u̧ huo̧jui̧cuä̧nä̧ huo̧juȩtö̧ ppä'ädätucui korotörö. Diosrö chutä adihuä i̧huȩnȩ ra̧huä̧huä̧, cuami iso'quitucunä eseunu ra̧'ä̧tu̧cui̧.

Hebreos 10:36

Ucutumä Diosrö pä̧huä̧ rö̧jo̧mȩnä̧ jȩcu̧'ä̧tu̧cua̧ pä'ö, cuami 'quicuhuächi'ätucu'a̧nö̧ ja̧'a̧. Ja̧'hua̧nö̧ jȩpö̧, Dios iya päinömä cuȩmä̧cuo̧tö̧jä̧.

Filipenses 1:4

Diosrö chucuocuomenä, 'cuäopönä eseunu jä'epösä ucuturu.

Filemón 1:4

Ucuru amöcuädö Diosrö 'cuäopönä eseunu ucuocusä.

Efesios 6:6

Cristo i̧huȩnȩ aditätö, Diosrö pä̧huä̧ rö̧jö̧ ttaditö'a̧nö̧, cuami iso'quitucunä adiu aditätucui. Cu̧ru̧hua̧tu̧cu̧ ucuturu topö esehua pä'ö tomenätämä cuaditätucuä'.

Romanos 12:2

Pi̧jä̧ jähuä hueönämä cu̧ja̧cuä̧tu̧cuä̧'. Cuamöcuädätucu pärou icuätucui, Dios jareö cuamöcuädätucu iyätucuacu. Ja̧'hua̧nö̧ jȩcu̧'ä̧tu̧cuo̧mȩnä̧, cu̧huo̧juä̧chi̧'ä̧cuo̧tö̧jä̧ Diosrö pä̧huä̧ rö̧jö̧ adiunä jö̧'i̧nä̧, öjö'cönä jö̧'i̧nä̧, yoräteunä jö̧'i̧nä̧.

1 Tesalonicenses 1:3

Tä'o Dios ä'ca jo̧mȩttö̧ amöcuädätöjä ucutu Diosrö adiu esetö cuaditätucua'a. Ja̧'hua̧ta̧nö̧ ucutu cuahuaruhuärö adiu repe'ö cuaditätucua'a amöcuädätöjä. Ja̧'hua̧ta̧nö̧ cuami 'qui'ächi'ö kä̧nö̧, Tu̧ru̧hua̧ Jesucristorö adiu tta̧cu̧huä̧rä̧tu̧cua̧'a̧ amöcuädätöjä.

1 Juan 2:17

Pi̧jä̧ beipächa'a. Pi̧jä̧ jähuä pä̧huä̧ rö̧jö̧ toäcuähuä'inä beipächa'a. Ja̧'hua̧nö̧ ja̧'a̧nä̧ Diosrö pä̧huä̧ rö̧jö̧ jȩpä̧tö̧mä̧ 'cuäopönä ttö̧ja̧cuä̧cuo̧tö̧.

Colosenses 4:12

Epafras'inä, ucutu i̧sa̧, te'äu ucuturu. Ja̧u̧'i̧nä̧ Cristocu aditö. Ja̧u̧mä̧ 'cuäopönä ucuocu Diosrö ucuturu, cuami 'qui'ächi'ö kä̧nö̧, o'ca juiyönä Diosrö pä̧huä̧ rö̧jö̧ jȩpö̧ cu̧ja̧cuä̧tu̧cua̧ pä'ö.

Colosenses 1:6

Ja̧u̧ huȩnȩ, cuä̧ju̧cui̧nä̧tu̧cu̧ huȩnȩ, pi̧jä̧nä̧ o'ca juiyönä rö̧ä̧cha̧'a̧. Ja̧'hua̧ta̧nö̧ ucutu äcuomenä Dios i̧huȩnȩ, iso päi'önä repeähuä huȩnȩ, ä̧ju̧cu̧ jȩcu̧'i̧nä̧tu̧cu̧ ta'anö, pärocuätä amöcuädö jȩpä̧tö̧ korotö'inä.

Efesios 5:17

Ja̧'a̧tä̧ra̧'a̧ cuecuhuächätucuä'. Tu̧ru̧hua̧rö̧ pä̧huä̧ rö̧jö̧ amöcuädö huo̧jui̧pä̧tu̧cui̧.

Efesios 5:10

Cu̧huo̧jui̧'ä̧tu̧cua̧ pä'ö amöcuädätucui Diosrö pä̧huä̧ rö̧jö̧.

Efesios 1:8

Ja̧'hua̧ta̧nö̧ iso päi'önä Dios ujuturu repe'ö iyinö o'ca juiyönä huo̧ju̧nä̧ tu̧huo̧jua̧ pä'ö.

San Juan 7:17

¿Ttötä chamönä huȩnȩ huo̧juȩtö̧sä̧ tä̧ji̧? ¿Dios i̧huȩnȩ huo̧juȩtö̧sä̧ tä̧ji̧? Ya̧tȩ Diosrö pä̧huä̧ rö̧jö̧ jȩa̧ pä'ö amöcuädöttömä, ttö chu̧huo̧juȩtö̧mä̧ u̧huo̧juä̧cua̧.

1 Corintios 1:5

Cristorö cuesetätucuomenä, Dios rö̧ȩnä̧ ppä'ädinö ucuturu o'ca juiyönä cucuocuätucu'inä, cu̧huo̧juä̧tu̧cu̧'i̧nä̧.

Hechos 12:5

Ja̧'hua̧ ja̧'a̧ Pedrorö cärenä päcuähuodenä tta̧ttä̧ra̧'a̧nä̧, iglesia ruhuämä Diosrö 'cuäopönä juruhuächi'ö ucuocuinätödo.

Filemón 1:6

Ttö Diosrö jä'epösä, ucuru ä̧ju̧cu̧ esetinätömä, o'ca juiyönä Cristo Jesúsru esetö ppädäcuähuä tu̧ju̧nä̧rö̧mä̧, adiu ttu̧huo̧jui̧'a̧ pä'ö.