Colosenses 1:6 - TÄ̧DO Ä̧CUÄ̧ I̧HUȨNȨ

⁶ Ja̧u̧ huȩnȩ, cuä̧ju̧cui̧nä̧tu̧cu̧ huȩnȩ, pi̧jä̧nä̧ o'ca juiyönä rö̧ä̧cha̧'a̧. Ja̧'hua̧ta̧nö̧ ucutu äcuomenä Dios i̧huȩnȩ, iso päi'önä repeähuä huȩnȩ, ä̧ju̧cu̧ jȩcu̧'i̧nä̧tu̧cu̧ ta'anö, pärocuätä amöcuädö jȩpä̧tö̧ korotö'inä.

Nuevo Testamento Uwotjüja

⁶ jua̧u̧mä̧ ukuturu'i̧nä̧ rȩbȩwi̧na̧'a̧. Jua̧u̧mä̧ rü̧ȩnä̧ yo'äwi'ü rü̧ä̧cha̧'a̧ pi̧jä̧ o'kajuiyünä̧. Ukuturu Dio rȩrü̧jü̧ toü kuä̧ju̧kui̧nä̧tu̧kuo̧mȩttü̧ kkä̧mä̧dü̧.

Colosenses 1:6 Referans Kwoze

San Juan 15:16

Ucutumä ttörö o'ipocotö pi̧nä̧tö̧jä̧. Ttömä ucuturutä o'ipinösä. Ja̧'hua̧ta̧nö̧ ucuturu hue'inösä rö̧ȩnä̧ u̧huä̧ju̧, beipächocö juäittö cu̧ju̧nä̧rä̧tu̧cua̧ pä'ö. Ja̧'hua̧nö̧ cu̧ju̧nä̧rä̧tu̧cu̧ttu̧mä̧, o'ca juiyönä chi̧mi̧nä̧ jäcuhue'ätucumä, Chä'o i̧yä̧cua̧ ucuturu.

Filipenses 1:11

Ja̧'hua̧nö̧ cu̧ja̧cuä̧tu̧cuo̧mȩnä̧, Jesucristo ppä̧dä̧cua̧ ucuturu adiutä jȩcu̧'ä̧tu̧cua̧ pä'ö, o'ca toi'önä Diosrö eseunu ttucuotarö pä'ö.

1 Pedro 5:12

Silvano, Cristonä chö̧jä̧hua̧ ppädomenä, pi̧yȩ cuyäru ji̧'qui̧cha̧nö̧tä̧ huȩyu̧tu̧ hue'ösä ucuturu, ji'äu ppädädätucuacu pä'ö. Ja̧'hua̧ta̧nö̧ ucuturu repea'attö, o'ca juiyönä adihuä juäi iyinödo Dios ucuturu cu̧huo̧juä̧tu̧cua̧ pä'ö huȩyu̧tu̧sä̧. Pi̧yȩ esetönö ka̧cuä̧tu̧cui̧.

Colosenses 1:23

Ja̧'hua̧nö̧ ja̧'a̧nä̧ dau po'tiyä 'quiyönä 'chuhuädö'a̧nö̧, adiu esetätucui. Jarocuhui'ätucuä' adiu tta̧cu̧huä̧rä̧tu̧cu̧ huȩnȩ, ttö̧ja̧ suronä jȩttö̧ jȩpö̧ icu huȩnȩ. Ja̧u̧ huȩnȩ pi̧jä̧ pa̧ja̧cu̧nä̧ ji'ähuätö. Ttö'inä, Pablo, ji'äusä ja̧u̧ huȩnȩ.

Romanos 16:26

Ja̧'hua̧nö̧ ja̧'a̧nä̧ jitämä Dios i̧huȩnȩ jiäcuähuä isotö tti̧huȩyu̧ti̧nö̧'i̧nä̧, Dios hueinö huȩnȩ'i̧nä̧ bahuecua'a jä̧'i̧nö̧'a̧nö̧ ja̧'a̧. Dios yä̧huä̧i̧nä̧ amöcuädinömä jitä hue'inö o'ca toi'önä ttö̧ja̧rö̧ jittähua pä'ö, Diosrö esetö i̧huȩnȩ päö ta'anö jȩtta̧ pä'ö.

Romanos 1:13

Chö̧jä̧hua̧tö̧, ucuturu jidähua pä'ösä. 'Cuäopönä ucuturu topö chicha päda'anä, ji̧nä̧ chichö juiyönä jä̧cu̧sä̧. Chicha pä'ösä ppädäda pä'ö ucuturu, cu̧ja̧cuä̧tu̧cuo̧mȩttö̧ yotöte tteseta pä'ö, koromettö ppädädinö'a̧nö̧.

San Juan 4:23

Ja̧'hua̧nö̧ ja̧'a̧nä̧ yodoji mo̧ro̧ päi'omenä, jitä mo̧ro̧'i̧nä̧ Tä'o Diosrö iso päi'önä tta̧'cua̧ huȩnä̧rä̧tö̧mä̧, Espíritu Santonä iso päi'önä tta̧'cua̧ ttu̧huȩnä̧rä̧cuo̧tö̧. Dios ja̧'hua̧nö̧ jȩtta̧ pä'ö pä̧huä̧ rö̧jä̧cu̧, ja̧u̧ru̧ tta̧'cua̧ huȩnä̧rä̧tö̧mä̧.

San Marcos 16:15

Jahuätörö pä'inödo: —Pi̧jä̧ pa̧ja̧cu̧nä̧ tätucui. Ji'ähuäjätucui pi̧yȩ ttö̧ja̧ suronä jȩttö̧ jȩpö̧ icu huȩnȩ o'ca toi'önärö.

San Marcos 4:8

Koro jacuä jähuämä ji̧'qui̧cha̧nö̧tä̧, rȩjȩ adihuome ma̧ä̧chi̧na̧'a̧do. Ja̧u̧ jacuä jähuä adiu baumä, rö̧ȩnä̧ huȩji̧na̧'a̧do. Koromä treinta jo̧mȩnä̧ huȩji̧na̧'a̧do. Koromä sesenta jo̧mȩnä̧ huȩji̧na̧'a̧do. Koromä ya'ute cien jo̧mȩnä̧ huȩji̧na̧'a̧do.

San Mateo 24:14

Pi̧yȩ huȩnȩ, Dios Ttu̧ru̧hua̧ päi'önä ö̧jä̧cuȩ huȩnȩ, ruhuäcuiyä pa̧ja̧cu̧nä̧ jittähuäcuotö, o'ca toi'önä tteseta pä'ö. Ja̧u̧nu̧ o'ca'a röji mo̧ro̧ päi'äcua'a.

2 Tesalonicenses 2:13

Ja̧'hua̧nö̧ ja̧'a̧nä̧ tö̧jä̧hua̧tö̧, Tu̧ru̧hua̧ repeä̧u̧mä̧, ujutu Diosrö 'cuäopönä eseunu ucuocuätöjä ucuturu. Dios äcuomenä ucutu suronä jȩcu̧'ä̧tu̧cu̧ jȩpö̧ icua pä'inö ucuturu. Espíritu Santo ujurunä iso päi'önä huȩnȩ cuesetätucuomenä, ȩmi̧nö̧ ucuturu.

1 Tesalonicenses 2:13

Ja̧'hua̧nö̧ ja̧'a̧ttö̧ ujutumä 'cuäopönä eseunu ucuocuätöjä Diosrö. Dios i̧huȩnȩ jitähuomenä, ucutu adiu ä̧ju̧cu̧ esetinätöjä. Pi̧yȩ huȩnȩ iso päi'önä Dios i̧huȩnȩ, pi̧jä̧ ttö̧ja̧ tti̧huȩnȩmä̧cö̧. Ja̧u̧ huȩnȩ cuesetätucuomenä, cuamöcuädätucumä pärohua'attö, iso päi'önä huȩnȩ ja̧'a̧.

1 Tesalonicenses 1:5

Ujutumä pi̧yȩ adihuä huȩnȩ, ttö̧ja̧ suronä jȩttö̧ jȩpö̧ icu huȩnȩ, ucuturu jitähuomenä, ujututä ti̧huȩnȩnä̧mä̧ ji'ähuocotö pi̧nä̧tö̧jä̧. Pi̧yȩ huȩnȩ, iso päi'önä huȩnȩ, tu̧huo̧jua̧'a̧ttö̧, Espíritu Santo ujurunä ji'ähuinätöjä. Ucuturu ppä'ädö tö̧ja̧cui̧nö̧mä̧ topinätöjä.

Colosenses 1:10

Ja̧'hua̧ta̧nö̧ 'cuäopönä Tu̧ru̧hua̧rö̧ pä̧huä̧ rö̧jö̧nä̧ eseunu cu̧ja̧cuä̧tu̧cua̧ pä'ö jä'epätöjä. Ja̧'hua̧ta̧nö̧ korotörö ppä'ädö, adihuä juäi jȩcu̧'ä̧tu̧cuä̧cua̧'a̧nö̧. Diosrö rö̧ä̧chi̧'ö̧nä̧ cu̧huo̧juä̧tu̧cua̧ pä'ätöjä.

Filipenses 4:17

Ja̧'hua̧nö̧ pädomenä, pä'äji ta'anö huecuhuätucua pä'ö amöcuädocösä. Iso päi'önä huecuhuätucuomenä, Diosrö eseusä, Dios ä'ca jo̧mȩttö̧ adihuä juäi jȩpä̧tö̧jä̧ pä'ö.

Efesios 5:9

Tȩa̧u̧nä̧ ka̧cuä̧tö̧mä̧, adiunätä jȩpä̧tö̧ o'ca toi'önärö. Ja̧'hua̧ta̧nö̧ iso päi'önä huȩnȩ jȩpö̧, tta̧'cua̧ pö̧nö̧ ka̧cuä̧tö̧.

Efesios 4:23

Cuami iso'quitucunä'inä, cuamöcuädätucunä'inä cu'ärohuätucu'a̧nö̧ ja̧'a̧.

2 Corintios 10:14

Ja̧'hua̧nö̧ ja̧'a̧ttö̧ ujuturu hueinöttö'inä i̧mi̧cu̧nä̧ jȩpo̧co̧tö̧ pi̧nä̧tö̧jä̧, ucuturu ji'äu ti̧'cho̧mȩnä̧. Ujutumä korotö tti̧'chä̧cua̧'a̧ ä'canä, ji'äu 'chi̧nä̧tö̧jä̧ adihuä Cristo i̧huȩnȩ ucuturu.

2 Corintios 6:1

Jitämä Dios aditähuä ji̧nä̧ yo̧mȩtȩ tadita'attö, pä'ätöjä ucuturu, “Dios adihuä juäi iyinömä, jarocuhui'ätucuä'”.

Romanos 15:19

Ja̧'hua̧ta̧nö̧ huo̧juȩtö̧ jȩä̧cuä̧huä̧nä̧'i̧nä̧, ttö̧ja̧ ttieru juäi jȩä̧cuä̧huä̧nä̧'i̧nä̧, Espíritu Santo ujurunä'inä ji'ähuinösä. Ja̧'hua̧nö̧ ja̧'a̧ttö̧ Cristo ttö̧ja̧ suronä jȩttö̧ jȩpö̧ icu huȩnȩ ji'ähuinösä Jerusalén ötahuiyättö kä̧mä̧dö̧, o'ca juiyönä jättäja'a Ilírico rȩjȩra̧'a̧ päi'önä.

Hechos 26:18

Jahuätörö ttö'äre bacuhue'a pä'ö huedäcujä, yo̧ö̧cu̧ cuettächö juiya pä'ö, tȩa̧u̧cu̧ cuettächa pä'ö, ja̧'hua̧ta̧nö̧ ähuettä jahuätörö hueomenä, ja̧u̧ru̧ ttesetö juiyönä Diosrö pä̧huä̧ rö̧jö̧tä̧ jȩtta̧ pä'ö. Ja̧'hua̧ta̧nö̧ ttörö ttesetomenä, suronä jȩttö̧ jȩpö̧ icua pä'ö Dios, jahuätö'inä ttörö esetätöcu adiu ttö̧ja̧cua̧ pä'ö, jahuätörö huedäcujä”, pä'inö ttörö, ru̧hua̧ Agripa.

Hechos 16:14

Juhua'attö yajute Lidia pä'ö micuaju, Tiatira ötahuiyättö ichinäjumä, pö̧jä̧ta̧ adihuä̧ta̧ ja̧'tu̧nä̧nö̧ tu̧huä̧ta̧ iyä'ijäjumä ki̧nä̧ju̧. Yaju'inä Diosrö ucuocuä'ijäju ji̧na̧'a̧. Pablo ucuocuäjimä adiu ä̧ju̧cui̧nä̧ju̧. Dios 'cucuächi'önä kä̧ju̧cua̧ pä'ö jȩpi̧nö̧, Pablo jiähuäji keseta pä'ö.

Hechos 12:24

Ja̧'hua̧nö̧ ja̧'a̧nä̧ Dios i̧huȩnȩ yabocutä rö̧ä̧chö̧nä̧ ji'ähuinätödo. Ttö̧ja̧ recuätö ä̧ju̧cu̧ esetinätödo.

Hechos 11:18

Jesucristorö esetätömä, Jerusalén ötahuiyänä ka̧cuä̧tö̧mä̧, Pedro päa'a ttä̧ju̧cuo̧mȩnä̧, juhua'a yabonö pä'ocotö pi̧nä̧tö̧do. Eseunu ucuocuinätödo Diosrö. Pä'inätödo: —Diosmä judíos huocotörö'inä iyö pärocuäcutä ttamöcuäda pä'ö, kä̧cuä̧huä̧ i'co ttu̧ju̧nä̧ra̧ pä'ö.

San Mateo 28:19

Ja̧'hua̧nö̧ ja̧'a̧ttö̧ o'ca toi'önä ttö̧ja̧rö̧ pi̧jä̧ pa̧ja̧cu̧nä̧ 'chä̧nö̧, ji'ähuäjätucui ttörö ttesetäcua'a̧nö̧. Chä'o i̧mi̧nä̧'i̧nä̧, I̧tti̧ i̧mi̧nä̧'i̧nä̧, Espíritu Santo i̧mi̧nä̧'i̧nä̧ jahuätörö bautizando jȩpä̧tu̧cui̧.

Efesios 3:2

Täcö huo̧juä̧tö̧jä̧ ucutu, Diosrö pä̧huä̧ rö̧jo̧mȩnä̧ ttörö hueinäcusä adihuä huȩnȩ jidähua pä'ö ucuturu.

Romanos 15:28

Ja̧'hua̧nö̧ cädädäcuähuomenä, ja̧u̧ juäi iyipö, España rȩjȩra̧'a̧ 'chä̧nö̧ kä̧nö̧, ucuturu do̧dä̧chä̧cua̧sä̧.

San Juan 17:19

Ja̧'hua̧ta̧nö̧ jahuätörö amöcuädö, ttötä chamönä ucuru iyäusä huecuhuinö jȩcha̧ pä'ö, jahuätö'inä iso päi'önä huȩnȩ jȩpö̧, ucuru ttamönä iyäu ucu huecuhuinö jȩtta̧ pä'ö.