Colosenses 1:10 - TÄ̧DO Ä̧CUÄ̧ I̧HUȨNȨ

¹⁰ Ja̧'hua̧ta̧nö̧ 'cuäopönä Tu̧ru̧hua̧rö̧ pä̧huä̧ rö̧jö̧nä̧ eseunu cu̧ja̧cuä̧tu̧cua̧ pä'ö jä'epätöjä. Ja̧'hua̧ta̧nö̧ korotörö ppä'ädö, adihuä juäi jȩcu̧'ä̧tu̧cuä̧cua̧'a̧nö̧. Diosrö rö̧ä̧chi̧'ö̧nä̧ cu̧huo̧juä̧tu̧cua̧ pä'ätöjä.

Nuevo Testamento Uwotjüja

¹⁰ Ja̧'wa̧nü̧ jo̧mȩnä̧, Tu̧ru̧wa̧rü̧ pä̧wä̧rü̧jo̧mȩnä̧ ku̧ja̧kuä̧kuo̧tü̧jä̧, adiwäjuei o'kajuiyünä̧ jȩ'kuä̧tu̧ku̧mä̧ u̧wä̧ju̧ kkü̧nä̧'i̧nä̧, Dio ütü'kü'i̧nä̧ yaboku ku̧wo̧jui̧'ä̧kuo̧tü̧jä̧.

Colosenses 1:10 Referans Kwoze

Efesios 4:1

Ja̧'hua̧nö̧ ja̧'a̧ttö̧ Tu̧ru̧hua̧rö̧ esetö cärenä pä̧nö̧, Dios huoinä̧u̧ ttö̧jö̧'a̧nö̧ adiu ka̧cuä̧tu̧cui̧, pä'ösä ttömä ucuturu. Dios huo̧i̧nä̧u̧jä̧ ucutumä.

1 Juan 3:22

Diosrö pä̧huä̧ rö̧jö̧ jȩto̧mȩnä̧, hueinö ta'anö jȩta̧'a̧ttö̧ ja̧u̧ ujuturu iyö o'ca juiyönä jätepömä.

San Juan 15:16

Ucutumä ttörö o'ipocotö pi̧nä̧tö̧jä̧. Ttömä ucuturutä o'ipinösä. Ja̧'hua̧ta̧nö̧ ucuturu hue'inösä rö̧ȩnä̧ u̧huä̧ju̧, beipächocö juäittö cu̧ju̧nä̧rä̧tu̧cua̧ pä'ö. Ja̧'hua̧nö̧ cu̧ju̧nä̧rä̧tu̧cu̧ttu̧mä̧, o'ca juiyönä chi̧mi̧nä̧ jäcuhue'ätucumä, Chä'o i̧yä̧cua̧ ucuturu.

1 Tesalonicenses 4:1

Tö̧jä̧hua̧tö̧, jitä Tu̧ru̧hua̧ Jesús i̧mi̧nä̧ pi̧yȩ huȩnȩ ji'äu hue'ätöjä ucuturu. Diosrö pä̧huä̧ rö̧jö̧ huȩnȩ, ucuturu tu̧huo̧juȩti̧nö̧mä̧, juhua'a yabonö esetö cu̧ja̧cuä̧tu̧cua̧ pä'ätöjä.

Hebreos 13:16

Adiu jȩä̧cuä̧huä̧nä̧ cunichi'ätucuä'. Ja̧'hua̧ta̧nö̧ cu̧ju̧nä̧rä̧tu̧cu̧ttu̧'i̧nä̧ iyö, korotörö ppäcuhuädätucua pä'ö cunichi'ätucuä'. Ja̧'hua̧nö̧ jȩpö̧, sacrificio päi'önä jȩpä̧tö̧jä̧ Dios esehua'anä.

San Juan 15:8

Ucutu u̧huä̧ju̧ rö̧ȩnä̧ cu̧ju̧nä̧rä̧tu̧cuo̧mȩnä̧, Chä'orö ucuotönö jȩpä̧tö̧jä̧. Ja̧'hua̧nö̧ jȩpö̧, iso päi'önä chu̧huo̧juȩtä̧u̧ pä'i'ätöjä.

Tito 3:14

Ujutu tahuaruhuä tö̧jä̧hua̧tö̧rö̧ huo̧juȩti̧ recuä rö̧jä̧u̧ru̧ iyö ppättäda pä'ö. Ja̧'hua̧nö̧ jȩpö̧ kä̧nö̧, adiu ttö̧ja̧cuä̧cuo̧tö̧.

2 Pedro 3:18

Tu̧ru̧hua̧ Jesucristorö juhua'a yabonö adiunä huo̧jui̧pä̧tu̧cui̧. Ja̧'hua̧ta̧nö̧ juhua'a yabonö esehuätucui Tu̧ru̧hua̧rö̧. Jitä'inä, yodoji'inä tesehuäcuähuätucuaja ja̧u̧ru̧tä̧ 'cuäopönä. Amén.

2 Pedro 1:8

Ucutumä o'ca juiyönä ja̧'hua̧nö̧ jȩpö̧ cu̧ja̧cuä̧tu̧cu̧ttu̧mä̧, adiunätä ka̧cuä̧tö̧jä̧. Ja̧'hua̧ta̧nö̧ Tu̧ru̧hua̧ Jesucristorö cu̧huo̧juä̧tu̧cua̧'a̧ttö̧, adiu ka̧cuä̧tö̧jä̧.

Colosenses 2:6

Ja̧'hua̧nö̧ ja̧'a̧ttö̧ iso päi'önä Tu̧ru̧hua̧ Jesucristorö cuesetinätucu ta'anö, ja̧u̧ru̧ ji̧nä̧ yo̧mȩtȩ amöcuädö ka̧cuä̧tu̧cui̧.

1 Tesalonicenses 2:12

Dios ucuturu ȩmi̧nö̧ chutäcu eseunu cu̧ja̧cuä̧tu̧cua̧ pä'ö. Ja̧'hua̧nö̧ ja̧'a̧ttö̧ Dios i̧tti̧mö̧ ttö̧ja̧cu̧'a̧nö̧, cu̧ja̧cuä̧tu̧cua̧ pä'ö huo̧juȩtö̧ hue'inätöjä ucuturu.

Colosenses 4:5

Jueönä ka̧cuä̧tu̧cui̧ Diosrö esetocotö ttä'ca jo̧mȩttö̧, 'cuäopönä ucuocu jahuätörö ttesetäcua'a̧nö̧.

Efesios 5:15

Ja̧'hua̧nö̧ ja̧'a̧ttö̧ cu̧ja̧cuä̧tu̧cu̧ amöcuädönä ka̧cuä̧tu̧cui̧. Jerupätö ttö̧ja̧cu̧'a̧nö̧mä̧, cu̧ja̧cuä̧tu̧cuä̧'. Huo̧juä̧tö̧ ttö̧jö̧'a̧nö̧ ka̧cuä̧tu̧cui̧.

Efesios 2:10

Diostä ujuturu aditinä̧u̧jä̧. Cristo Jesúsnä aditinä̧u̧jä̧, adihuä juäi jȩpö̧ tö̧ja̧cua̧ pä'ö, chutä täbocö pi̧jä̧ juiyäi amöcuädinö ta'anö.

2 Corintios 2:14

Diosrö tesehuäcuähuätucuaja. Ja̧u̧tä̧ Cristo Jesúsru teseta'attö, ȩpö̧ ujuturu o'ca juiyönä tujuruhua pä'ö. Ja̧'hua̧ta̧nö̧ koro juäi adiu ameu 'cö̧tta̧'a̧ jä̧'i̧nö̧'a̧nö̧, ä̧ju̧cuä̧tö̧ chutä i̧huȩnȩ, pa̧ja̧cu̧nä̧ jitähuomenä.

Romanos 6:4

Ja̧'hua̧nö̧ ja̧'a̧ttö̧ bautizado päti'omenä, Cristocu 'turu icuähuotö jä̧'i̧nö̧'a̧nö̧ huotöjä. Ja̧'hua̧ta̧nö̧ Jä'o adihuä ujurunä Cristorö hua'arettö ttoädinö ta'anö, ujutu'inä ttoädäcuähuotö jä̧'i̧nö̧'a̧nö̧ huotöjä, ta̧'cua̧rö̧ jareönä tö̧ja̧cua̧ pä'ö.

Efesios 5:10

Cu̧huo̧jui̧'ä̧tu̧cua̧ pä'ö amöcuädätucui Diosrö pä̧huä̧ rö̧jö̧.

Efesios 5:2

Cristo ujuturu repeinö ta'anö, repe'äu ka̧cuä̧tu̧cui̧. Ujuturu repe'ö chutä iyähuinö cuä'ö tticuarö pä'ö, adihuä juäi ameu ta'anö sacrificio päi'önä jȩtta̧rö̧ pä'ö Dios ä'ca jo̧mȩttö̧, Dios esehuarö pä'ö.

Filipenses 1:27

Ucutumä adiu ka̧cuä̧tu̧cui̧ 'cuäopönä, Cristo i̧huȩnȩ päö ta'anö. Ja̧'hua̧nö̧ cu̧ja̧cuä̧tu̧cuo̧mȩnä̧, ucuturu pä'äji ta'anö tochöttö'inä, tochö juiyöttö'inä, jittähua'a chä̧ju̧cua̧ pä'ösä ucuturu, adiu ji̧nä̧ yo̧mȩtȩ ttami 'qui'ächi'ö Dios i̧huȩnȩ esetö, adiu surojöcu rohuäu, ji'ähuätö pä'ö.

Filipenses 1:11

Ja̧'hua̧nö̧ cu̧ja̧cuä̧tu̧cuo̧mȩnä̧, Jesucristo ppä̧dä̧cua̧ ucuturu adiutä jȩcu̧'ä̧tu̧cua̧ pä'ö, o'ca toi'önä Diosrö eseunu ttucuotarö pä'ö.

1 Juan 5:20

Ujutu huo̧juä̧tö̧jä̧ Dios I̧tti̧ ichinö. Huo̧juä̧tö̧jä̧ ujuturu huo̧juȩti̧nö̧ Dios iso päi'önä kö̧rö̧ tu̧huo̧juä̧chi̧'ö̧nä̧. Iso päi'önä kö̧cu̧ ka̧cuä̧tö̧jä̧ ujutumä, I̧tti̧ Jesucristocu tö̧ja̧'a̧ttö̧. Ja̧'hua̧nö̧ ja̧'a̧ iso päi'önä Dios ja̧u̧tä̧ ja̧'a̧do. Ja̧u̧tä̧ kä̧cuä̧huä̧ i'co ja̧'a̧do.

Tito 3:1

Ji'ähui jahuätörö o'ca toi'önä ruhuotörö ttucuota pä'ö. O'ca juiyönä ruhuotö huettömä jȩttä̧cua̧'a̧nö̧. 'Cuäopönä adiu jȩttä̧cua̧'a̧nö̧.

Colosenses 3:20

Ppo̧'ä̧tö̧, cuä'o'inä, cua̧ju̧'i̧nä̧ o'ca juiyönä huettö jȩpä̧tu̧cui̧, Tu̧ru̧hua̧ Jesucristo esehuäcua'a̧nö̧ ucuturu.

Efesios 4:13

O'ca toi'önä Dios I̧tti̧rö̧ ji̧nä̧ yo̧mȩtȩnä̧ amöcuädö teseta pä'ö iyinödo. Ja̧'hua̧ta̧nö̧ Dios I̧tti̧rö̧ adiunä tu̧huo̧jua̧rö̧ pä'ö iyinödo. Ja̧'hua̧nö̧ adiunä tö̧ja̧cuä̧cuo̧tö̧jä̧ Cristo ö̧ji̧nö̧ ta'anö yoräteunä kä̧nö̧.

Hebreos 11:5

Diosrö esetö, Enoc 'corupäi'oca'anä mo̧ro̧jä̧ra̧'a̧ ȩmi̧nä̧cu̧do. Ja̧u̧ru̧ ttu̧sä̧ro̧mȩnä̧, po̧cui̧po̧co̧tö̧ pi̧nä̧tö̧do, Dios ja̧u̧ru̧ ȩmi̧na̧'a̧ttö̧. Huȩyu̧cuä̧ Huȩnȩ päa'a: “Dios Enocrö ȩmä̧cua̧'a̧ ä'canä, esehuinäcudo.”

2 Timoteo 2:4

Ya̧tȩ su̧ro̧da̧u̧ i̧sa̧ u̧ru̧hua̧ esehuarö pä'ömä, pi̧jä̧ jähuä amöcuädocö.

Colosenses 2:19

Jahuätömä Cristorö esetocotö. Ja̧u̧ Cristo ujutu, chutä jä̧ttä̧pä̧ya̧ huotö, Tu̧ru̧hua̧ päi'önä kö̧. Ja̧u̧ tujuru iyö. Ja̧'hua̧ta̧nö̧ ji̧nä̧ yo̧mȩtȩ tö̧ja̧ pä'ö tta̧'ä̧rö̧, recuätö juotächa pä'ö. Ja̧'hua̧nö̧ jȩpö̧ Diosrö pä̧huä̧ rö̧jo̧mȩnä̧.

Filipenses 4:18

Jitämä o'ca juiyönä ȩmi̧nö̧sä̧. Ja̧'hua̧nö̧ ja̧'a̧ttö̧ rö̧ȩnä̧ ku̧nä̧rö̧sä̧. Epafroditocu röjinä huecuhuinätucu iso päi'önä pärocuä rö̧ȩnä̧ ku̧nä̧rö̧sä̧. Ja̧u̧ huecuhuinätucua'a, ofrenda amehuoyattö ameu'a̧nö̧ ji̧na̧'a̧ ttörö. Ja̧'hua̧ta̧nö̧ sacrificio jȩpö̧ Dios eseunu amöcuädö'a̧nö̧ ji̧na̧'a̧.

Efesios 1:17

Tu̧ru̧hua̧ Jesucristo adihuä Jä'o Diosrö jä'epösä mo̧ro̧jä̧ttö̧ huo̧juä̧huä̧ iyatö pä'ö, adiu cu̧huo̧juä̧tu̧cua̧ pä'ö chutä u̧huo̧juȩtö̧mä̧. Ja̧'hua̧ta̧nö̧ Diosrö'inä rö̧ä̧chö̧nä̧ cu̧huo̧juä̧tu̧cua̧rö̧ pä'ö jä'epösä.

2 Corintios 9:8

Dios ucuturu o'ca juiyönä adihuä juäi iyäcua'a̧nö̧, rö̧ȩnä̧ cu̧ju̧nä̧rä̧tu̧cua̧ pä'ö, ucutu'inä, korotörö'inä iyö ppäcuhuädätucua pä'ö.

San Juan 17:3

Ja̧u̧ kä̧cuä̧huä̧ i'co ttu̧ju̧nä̧ro̧mȩnä̧, ucurutä, ya̧tȩrö̧tä̧, iso päi'önä Ttä̧do̧ ä̧cua̧ Diosrötä, huo̧juä̧tö̧. Ja̧'hua̧ta̧nö̧ Jesucristorö, ucutä huecuhuinäcuru'inä huo̧juä̧tö̧.

2 Corintios 4:6

Iso päi'önä ja̧u̧tä̧ Dios i̧tȩa̧u̧mä̧ yo̧ö̧ kä'conä tȩa̧huä̧chi̧'ö̧nä̧ hue'inömä, ujutu tami iso'quinä'inä i̧tȩa̧u̧ iyö, Jesucristo ö'änä Dios öadihuä topö tu̧huo̧juä̧cua̧'a̧nö̧.

Romanos 4:12

Ja̧'hua̧ta̧nö̧ circuncisión jȩpä̧tö̧'i̧nä̧ ttä'o päi'önä kö̧ Abrahammä. Ja̧'hua̧nö̧ ja̧'a̧nä̧ circuncisión jȩtti̧nö̧tä̧ amöcuädätö ttä'omäcö̧. Chutä Abraham circuncisión jȩö̧ juiyäi esetinö ta'anö esetätö ttä'o jä̧cua̧.

Romanos 1:13

Chö̧jä̧hua̧tö̧, ucuturu jidähua pä'ösä. 'Cuäopönä ucuturu topö chicha päda'anä, ji̧nä̧ chichö juiyönä jä̧cu̧sä̧. Chicha pä'ösä ppädäda pä'ö ucuturu, cu̧ja̧cuä̧tu̧cuo̧mȩttö̧ yotöte tteseta pä'ö, koromettö ppädädinö'a̧nö̧.

2 Corintios 5:9

Ja̧'hua̧nö̧ ja̧'a̧ttö̧ pi̧jä̧ jähuä tidepänä tö̧jo̧mȩnä̧'i̧nä̧ tö̧jo̧co̧mȩnä̧'i̧nä̧, 'cuäopönä adiunä tö̧ja̧cua̧ pä'ätöjä, Tu̧ru̧hua̧ eseunu toatö pä'ö.

3 Juan 1:6

Ji̧nä̧ yo̧mȩtȩ ca̧ca̧tö̧, iglesia ruhuärö ji'ähuinätö jitörötä adiu jȩcu̧'i̧nö̧, eseunu repe'önänö ppäcuhuädinömä. Ja̧'hua̧nö̧ cue'ächätörö yabocu tti̧'cho̧mȩnä̧, ppäcuhuädö'a̧nö̧ ja̧'a̧ Diosrö pä̧huä̧ rö̧jo̧mȩnä̧.