Apocalipsis 7:11 - TÄ̧DO Ä̧CUÄ̧ I̧HUȨNȨ

¹¹ O'ca toi'önä ángeles'inä i̧dȩä̧cä̧ kada'ca ka̧cui̧nä̧tö̧. Ja̧'hua̧ta̧nö̧ ancianos huotö ttö̧ja̧cuo̧mȩcu̧'i̧nä̧, pa̧ja̧cuä̧nö̧ isotö a̧'cua̧rä̧tö̧ ttö̧ja̧cuo̧mȩcu̧'i̧nä̧, ka̧cui̧nä̧tö̧ ángelesmä. Jahuätö ángeles chutä i̧dȩä̧cä̧ ä'ca jo̧mȩ rȩjȩcu̧ ma̧'ä̧mö̧ eseunu ucuocuinätö Diosrö.

Nuevo Testamento Uwotjüja

¹¹ Pättomȩnä̧, o'katoi'ünä̧ ruwo deäkä sobükuächünä̧, kka̧kuä̧tü̧ á̧gȩrȩ'i̧nä̧, a̧ci̧a̧nu̧tu̧'i̧nä̧, pa̧ja̧kuä̧nü̧ wotü a̧'kua̧rä̧tü̧'i̧nä̧, ruwo deäkä ä'ka jo̧mȩku̧ ttiwe'kiyunä̧ pȩjä̧mü̧, Dio-rü eseäkuäwinä̧tü̧,

Apocalipsis 7:11 Referans Kwoze

Apocalipsis 4:6

Ja̧'hua̧ta̧nö̧ ja̧u̧ dȩä̧cä̧ ä'ca jo̧mȩttö̧, dubora o'ca juiyönä säruhuora, i̧sä̧yu̧ jä̧'i̧nö̧'a̧nö̧ ji̧na̧'a̧. Juhua'a kä'co päte'ö, dȩä̧cä̧ tö'cönänö kä̧nö̧, pa̧ja̧cuä̧nö̧ isotö a̧'cua̧rä̧tö̧, ttä'cacu'inä, ttabocu'inä ttö'äriyä rö̧ȩnä̧ ku̧nä̧rä̧tö̧ ka̧cui̧nä̧tö̧.

Apocalipsis 11:16

Ja̧'hua̧ ja̧'a̧ttö̧ jahuätö veinticuatro jo̧mȩnä̧ ancianos huotö, Dios ä'ca jo̧mȩttö̧ tti̧dȩäcä̧nä̧ pȩji̧nä̧tö̧mä̧, rȩjȩcu̧ ma̧'ä̧mö̧ Diosrö esehuinätö.

Apocalipsis 4:4

Ja̧'hua̧ta̧nö̧ ju̧huä̧cä̧ dȩä̧cä̧ tö'cönänöttö veinticuatro jo̧mȩnä̧ dȩä̧qui̧yä̧ topinösä. Ja̧u̧ o'ca juiyönä dȩä̧qui̧yä̧nä̧, veinticuatro jo̧mȩnä̧ ancianos huotö, ttö̧'ca̧tä̧huä̧ta̧ tȩä̧ta̧ 'ca̧tä̧u̧, ttunä'inä ppöttähuä, orottö adicua'a, huȩnä̧rä̧tö̧ pȩji̧nä̧tö̧.

Hebreos 1:6

Ja̧'hua̧nö̧ ja̧'a̧nä̧ I̧tti̧rö̧ chu ä̧cua̧rö̧ pi̧jä̧ra̧'a̧ i'cächomenä, pä'inödo: O'ca toi'önä ángeles, Dios umöhuäyotö, ja̧u̧ru̧ ucuotätucui, pä'inödo.

San Mateo 4:10

Ja̧'hua̧nö̧ ja̧'a̧ttö̧ Jesús ädätinäcudo: —Satanás, täi. Huȩyu̧cuä̧ Huȩnȩ päa'a: “Chu̧ru̧hua̧ Diosrötä cua̧'cua̧ huȩnä̧ri̧. Ja̧'hua̧ta̧nö̧ ja̧u̧tä̧ päömä jȩpi̧,” —ädätinäcudo.

Apocalipsis 22:9

Ja̧'hua̧nö̧ ja̧'a̧nä̧ ttörö pä'inö: —Ja̧'hua̧nö̧mä̧ jȩcu̧'ä̧'. Ucu ta'anö, cu̧jä̧hua̧tö̧, Dios hueö ucuocuätömä, pi̧yȩ cuyäru'tänä huȩyu̧cuä̧ päö'a̧nö̧ jȩpä̧tö̧ ta'anö, Dios u̧mö̧huä̧ya̧sä̧. Diosrötä eseunu ucuocui.

Apocalipsis 15:4

Tu̧ru̧hua̧, ucuru ye'ecuocömä ¿dijä̧ttö̧? Ucuru esehuocömä ¿dijä̧ttö̧? Ucutä, ya̧tȩä̧tä̧, adihuä i̧sa̧jä̧. O'ca toi'önä pa̧ja̧cu̧nä̧ ttö̧ja̧, iso päi'önä o'ca juiyönä jȩcu̧'u̧mä̧ adihua'a tottomenä, ichi'ö ttesehuäcuotö ucurutä.

Apocalipsis 4:8

Jahuätö pa̧ja̧cuä̧nö̧ isotö a̧'cua̧rä̧tö̧ ka̧ra̧'i̧nä̧, ka̧ra̧'i̧nä̧ ko̧ro̧mö̧ttö̧nö̧ ya'ute ttujuabiyä ku̧nä̧ri̧nä̧tö̧. Ttujuabiyänä, huämenä'inä, dȩa̧'a̧'i̧nä̧, ttö'äriyä rö̧ȩnä̧ ku̧nä̧ri̧nä̧tö̧. Yodo'inä, mo̧ro̧'i̧nä̧ cättädoca'a pä'ätö: Adihuä I̧sa̧, Adihuä I̧sa̧, Adihuä I̧sa̧ Tu̧ru̧hua̧, Dios o'ca juiyönä ju̧ru̧hua̧mä̧, täbocö'inä ki̧nö̧mä̧, jitä'inä kö̧mä̧, yodoji'inä ö̧jä̧cua̧mä̧.