Apocalipsis 7:1 - TÄ̧DO Ä̧CUÄ̧ I̧HUȨNȨ

¹ Ja̧u̧ 'cuäopinö o'ca'a, ángeles pa̧ja̧cuä̧nö̧ jo̧mȩnä̧, pi̧jä̧ beipome pa̧ja̧cuä̧nö̧ u̧yu̧'ca̧ri̧nä̧ ttö̧ja̧cua̧'a̧ topinösä. Jahuätömä 'chu̧'ä̧ri̧nä̧tö̧ kä̧ru̧'coppa pa̧ja̧cuä̧nö̧ jo̧mȩttö̧ ppö juiya pä'ö pi̧jä̧nä̧'i̧nä̧, dubora rö̧oranä'inä, daunä'inä.

Nuevo Testamento Uwotjüja

¹ Jua̧u̧ topäji̧'ka̧, pa̧ja̧kuä̧nü̧ wotü á̧gȩrȩ-rü, ruwäkuiyä pa̧ja̧kuä̧chü̧nä̧ kkä̧rü̧'koppiyumä̧ pa̧ja̧kuä̧nü̧ jo̧mȩnä̧ 'chu̧'ä̧rü̧ ttü̧ja̧kua̧'a̧ topinü̧sä̧, pi̧jä̧ra̧'a̧ku̧'i̧nä̧, rü̧ä̧ duboranä̧'i̧nä̧, dauwiyänä̧'i̧nä̧ kkä̧rü̧'koppa ppü'ü iku juiyünä̧.

Apocalipsis 7:1 Referans Kwoze

San Mateo 24:31

Umöhuäyotö ángelesrö huȩä̧cua̧, trompeta pä̧i̧cu̧nä̧ rä̧mi̧pö̧nä̧ churutä esetinätörö pa̧ja̧cu̧nä̧ ka̧cuä̧tö̧rö̧ ttö̧ca̧ca̧ta̧ pä'ö.

San Marcos 13:27

Ja̧u̧nu̧mä̧ umöhuäyotö ángelesrö huȩä̧cua̧ churutä esetinätörö, pa̧ja̧cu̧nä̧ ka̧cuä̧tö̧rö̧, pi̧jä̧ beipomettö'inä, mo̧ro̧jä̧ beipomettö'inä ttö̧ca̧ca̧ta̧ pä'ö.

Apocalipsis 9:14

Ja̧u̧ huȩnȩ chutä ko̧ro̧mö̧ttö̧nö̧ ya̧tȩ ángelrö, trompeta 'chu̧'ä̧rö̧rö̧, päina'a: —Aje rö̧oto, Eufrates aje jäyoto, pa̧ja̧cuä̧nö̧ ángeles nö'cähuotö pȩjä̧tö̧rö̧ ejädö icui.

Apocalipsis 7:3

—Tä̧do̧ ä̧cua̧ Dios umöhuäyotörö ttö'änä sello tatome jubö päi'önä, suronä jȩcu̧'ä̧tu̧cuä̧' pi̧jä̧nä̧'i̧nä̧, dubora rö̧oranä'inä, dauhuiyänä'inä.

Apocalipsis 9:4

Pi̧jä̧nä̧ ka̧cu̧, isä'cua'inä, dauhuiyä'inä, koro juäi isä'cua jö̧ ta'anö ja̧'tu̧'i̧nä̧ suronä jȩtta̧ pä'ö hue'ähuocotö pi̧nä̧tö̧. Pi̧jä̧ ttö̧ja̧rö̧tä̧, ttö'änä Dios öäre sello ta'ähuocotörötä, suronä jȩtta̧ pä'ö hue'ähuotö pi̧nä̧tö̧.

Apocalipsis 6:6

Ja̧u̧nu̧mä̧ isotö a̧'cua̧rä̧tö̧ ttö̧'quȩtȩttö̧ ya̧tȩ i̧huȩnȩ päa'a ä̧ju̧cui̧nö̧sä̧. Ja̧u̧ huȩnȩ päina'a: —Ya̧mö̧ i̧sa̧ppȩttö̧, ya'ute kilo ȩmä̧huä̧, ya'ute mo̧ro̧ adicuome micuähua'a. Ja̧'hua̧ta̧nö̧ cebada i̧sa̧ppȩttö̧, huäbodäcuä kilos ȩmä̧huä̧, ya'ute mo̧ro̧ adicuome micuähua'a. Ja̧'hua̧nö̧ ja̧'a̧nä̧ a̧dȩ'i̧nä̧, vino uva isoya'inä yoröiso to'ö cuicuätucuä'.

Apocalipsis 8:7

Äcuomenä ángel öäre trompeta ppö'inö. Ppöomenä, diyahuo'qui'inä, ocurä'inä ttucuojacu huihuaunä ma̧i̧na̧'a̧ pi̧jä̧ra̧'a̧. Rȩjȩ'i̧nä̧ ju'tomecutä, dauhuiyä'inä ju'tomecutä, o'ca juiyönä isä'cua'inä juiyönä cuo'ö icuina'a.

Apocalipsis 20:8

O'ca toi'önä pi̧jä̧ pa̧ja̧cu̧nä̧ ttö̧ja̧rö̧ yapareu jȩa̧ pä'ö rä̧o̧pä̧cua̧. Gog ötahuiyänä'inä, Magog ötahuiyänä'inä yapareu jȩä̧cua̧. Juhua'attö su̧ro̧da̧u̧ isotö recuätörö dubora rö̧ora jäyora pä̧ba̧ jä̧'i̧nö̧'a̧nö̧, ttirecuomettö ö̧ca̧ca̧tä̧cua̧ ttörohuähua pä'ö.