Apocalipsis 6:12 - TÄ̧DO Ä̧CUÄ̧ I̧HUȨNȨ

¹² Ja̧'hua̧ta̧nö̧ Cordero koro ko̧ro̧mö̧ttö̧nö̧ ya'ute sello jȩpö̧ icuomenä, rȩjȩ rö̧ȩnä̧ ttö̧ä̧hua̧'a̧ topinösä. Mo̧ro̧ kä̧hua̧mä̧, korotö hua'ö tticuomenä, ttahuaruhuä ttö̧'ca̧tä̧huä̧ti̧yu̧ idicuä̧ta̧ ttö̧'ca̧tä̧u̧'a̧nö̧ idicuina'a. Yodo kä̧hua̧mä̧ ttö̧ja̧ ttucuoja jä̧'i̧nö̧'a̧nö̧ hui̧nö̧.

Nuevo Testamento Uwotjüja

¹² Ja̧'wa̧ta̧nü̧ topinü̧sä̧, oweja mü̧ä̧ya̧ jü̧nä̧ wa̧ kko̧ro̧mü̧ttü̧nü̧ jü̧ sello bawepomȩnä̧, rü̧ȩnä̧ ttü̧ȩpa̧'a̧ttü̧ rȩjȩ pparächi'a'a. Ja̧'wa̧ta̧nü̧ mo̧ro̧ kkä̧wa̧mä̧, wa'ü tti̧kui̧yä̧u̧ ajuäu ttü̧'ka̧tä̧wä̧ta̧ jä̧'i̧nü̧'a̧nü̧ idikuächi'ina̧'a̧; ja̧'wa̧ta̧nü̧ yodó kkä̧wa̧mä̧ ttukuoja jä̧'i̧nü̧'a̧nü̧ jä̧ttä̧pä̧ya̧ pärowächinü̧.

Apocalipsis 6:12 Referans Kwoze

San Mateo 24:29

Juhua'a yabonö huo̧juȩti̧nö̧do Jesús: —Ja̧u̧nu̧ mo̧ro̧, ubara ttuttu mo̧ro̧ o'ca'a, mo̧ro̧ kä̧hua̧ yo̧ä̧cua̧'a̧. Yodo kä̧hua̧'i̧nä̧ tȩa̧huo̧ca̧'a̧ jä̧cua̧'a̧. Si̧ri̧'cö̧'i̧nä̧ mo̧ro̧jä̧ra̧'a̧ttö̧ ttattähuächäcuotö. Mo̧ro̧jä̧ jähuä o'ca juiyönä ttö̧ȩpä̧cua̧'a̧.

Apocalipsis 16:18

Ja̧'hua̧ ja̧'a̧ttö̧ cu'upä'inä rohuinö. Koro juäi'inä rö̧ȩnä̧ ucuocuina'a. Cu'upä'inä cöröächina'a. Ttö̧ja̧ pi̧jä̧nä̧ äcuomenä ttö̧ja̧cui̧nö̧ kä̧mä̧dö̧, jitä pä̧nä̧ päi'önä, pi̧jä̧ pä'äji ttö̧ä̧hui̧nö̧ttö̧'i̧nä̧ abonänö rö̧ȩnä̧ ttö̧ä̧hui̧na̧'a̧.

Apocalipsis 11:13

Ja̧'hua̧nö̧ 'chattächinö pä̧nä̧, rȩjȩ'i̧nä̧ ttö̧ä̧hui̧na̧'a̧. Ötahuiyä ju'tomecutä ma̧ä̧chi̧na̧'a̧. Rȩjȩ ja̧'hua̧nö̧ ttö̧ä̧huo̧mȩnä̧, siete mil jo̧mȩnä̧ ttö̧ja̧ hua'ö icuinätö. Korotö ttö̧ja̧ ka̧cui̧pi̧nä̧tö̧mä̧ yettecua'attö, Diosrö, mo̧ro̧jä̧nä̧ kö̧rö̧ amöcuädö ucuocuinätö.

Apocalipsis 8:5

Ja̧u̧nu̧ o'ca'a, ja̧u̧ ángel ja̧u̧ rö̧ȩnä̧ ameu ku icuähuo̧'ta̧ 'chu̧'ä̧rö̧, ocu i̧sa̧ri̧ Diosrö ucuocuäcuähuodättö ȩmä̧ji̧'ca̧ ȩni̧nö̧ ju̧huo̧'ta̧nä̧. Ja̧'hua̧nö̧ ȩnä̧ji̧'ca̧, rȩjȩcu̧ icuinö. Ja̧'hua̧nö̧ icuomenä, cu'upä'inä cöröächina'a. Koro'inä rö̧ȩnä̧ ucuocuina'a. Cu'upä'inä rohuinö. Rȩjȩ'i̧nä̧ ttö̧ä̧hui̧na̧'a̧.

San Mateo 24:7

Korotö ttö̧ja̧ korotö ttö̧ja̧cu̧ ttörohuähuäcuotö. Ko̧ro̧jä̧ ttö̧ja̧ ko̧ro̧jä̧ ttö̧ja̧cu̧ ttörohuähuäcuotö. Rö̧ȩnä̧ ppäi ttuttäcuotö. Rö̧ȩnä̧ na̧ttä̧chä̧cuo̧tö̧. Rȩjȩ'i̧nä̧ korome pö̧nä̧ ttö̧ȩpä̧cua̧'a̧.

San Marcos 15:33

Täcö kä̧hua̧ jueö kö̧rö̧ päi'omenä, o'ca juiyönä pi̧jä̧nä̧ yo̧i̧'i̧na̧'a̧do recuonänö, kä̧hua̧ huerächi'örö, a las tres päi'omenä cä'ädö.

San Mateo 28:2

Juhua'atä tti̧'chi̧'o̧mȩnä̧, rȩjȩ pä̧i̧cu̧nä̧ ttö̧ȩpi̧na̧'a̧do. Ya̧tȩ ángel i̧sa̧ Tu̧ru̧hua̧ huȩ'ä̧hua̧ mo̧ro̧jä̧ttö̧ mȩyȩu̧, idorä ä'ca mö̧ȩcuo'qui pporädö icuinödo. Juhuo'quinä pä̧mä̧di̧nö̧do ángelmä.

San Mateo 27:54

Juhuorö'inä Jesús 'corupäi'omenä, su̧ro̧da̧u̧ ttu̧ru̧hua̧cu̧, Jesúsru tta̧'ä̧rä̧tö̧cu̧ ja̧u̧ juäi o'ca juiyönä rȩjȩ ttö̧ȩpa̧'a̧'i̧nä̧, koro juäi 'cuäopa'a'inä tottomenä, juiyo rö̧ȩnä̧ ye'ecuinätödo. Jahuätö pä'inätödo: —Iso päi'önä ja̧u̧ Dios I̧tti̧ päji ja̧'a̧.

San Mateo 27:45

Ja̧u̧nu̧ pä̧nä̧ o'ca juiyönä pi̧jä̧nä̧ kä̧hua̧ jueö kö̧rö̧ päi'omenä kä̧mä̧dö̧ yo̧i̧'i̧na̧'a̧do. Ja̧'hua̧nö̧ ja̧'a̧nä̧ kä̧hua̧ huerächi'örö cä'ädö mo̧ro̧ päi'ina'ado.

San Mateo 11:21

—Ucuturu suronä 'cuäopäcua'a, Corazín ötahuiyä ttö̧ja̧. Ucuturu suronä 'cuäopäcua'a, Betsaida ötahuiyä ttö̧ja̧. Iso päi'önä Tiro ötahuiyänä'inä, Sidón ötahuiyänä'inä ucutu ta'anö, rö̧ȩnä̧ ttö̧ja̧ ttieru juäi tottinöttömä, motä päi'önä pärocuäcutä amöcuädö, ttö̧'ca̧tä̧huä̧ti̧yu̧ ocurä i̧sa̧ppȩnä̧ jȩä̧cuä̧huä̧ta̧nä̧ 'ca̧tä̧hui̧'ö̧ i̧jȩcui̧na̧ja̧tö̧.

Apocalipsis 8:12

Ka̧ra̧ ángel, pa̧ja̧cuä̧nö̧ päi'önä, öäre trompeta ppö'inö. Ppöomenä, mo̧ro̧ kä̧hua̧'i̧nä̧, yodo kä̧hua̧'i̧nä̧, si̧ri̧'cö̧'i̧nä̧ ju'tomecutä surojuo'ächinätö. Ja̧'hua̧nö̧ surojuottächomenä, yoröiso yo̧i̧na̧'a̧ ttitejädoca'attö. Ja̧'hua̧ta̧nö̧ mo̧ro̧'i̧nä̧, yodo'inä ju'tomecutä, a̧'u̧cua̧'a̧tä̧ yoröiso tejädocotö pi̧nä̧tö̧.

Apocalipsis 16:8

Ka̧ra̧ ángel'inä, pa̧ja̧cuä̧nö̧ päi'önä, öäre i̧so̧'ta̧ mo̧ro̧ kä̧hua̧nä̧ to'inö. Ja̧'hua̧ta̧nö̧ mo̧ro̧ kä̧hua̧rö̧ ujuru iyina'a ttö̧ja̧rö̧ ku icua pä'ö udupunä.