Apocalipsis 5:9 - TÄ̧DO Ä̧CUÄ̧ I̧HUȨNȨ

⁹ Ja̧'hua̧ta̧nö̧ pi̧yȩ jareö ra̧huä̧huä̧ ra̧'i̧nä̧tö̧: Iso päi'önä ucutä adihuä i̧sa̧jä̧. Ucutä ja̧u̧ cuyäru'tä ȩmö̧, sellos jȩpö̧ cuicu'a̧nö̧ hua̧. Ucurutä sacrificio päi'önä cuä'ö tticuinäcujä. Ucutä cucuojanä Dios i̧tti̧mö̧ päti'a pä'ö ȩmi̧nö̧jä̧ o'ca toi'önä pa̧ja̧cu̧nä̧ ttö̧ja̧ttö̧'i̧nä̧, tti̧huȩnȩ pö̧nä̧ ucuocuätöttö'inä, o'ca juiyönä ötahuiyä ttö̧ja̧ttö̧'i̧nä̧, korotö tti̧rȩjä̧ttö̧'i̧nä̧.

Nuevo Testamento Uwotjüja

⁹ Ja̧'wa̧nü̧ ja̧'a̧, juätümä̧ ji̧yȩtȩ jareü ra̧wä̧wä̧ ra̧'i̧nä̧tü̧: «Ukutäjä̧, juä'tä kuyäru'tä 'chukuädu'anü̧ wa̧mä̧ ja̧'wa̧ta̧nü̧ sello pättü jȩpü̧ kuiku'anü̧ wa̧mä̧, usurä ȩmä̧u̧ tokue'ächina̧'a̧ttü̧; kukuojanä̧ mitäu ȩmi̧nü̧jä̧, Dio i̧tti̧mü̧ päi'ünä̧, o'katoi'ünä̧ ttü̧ja̧ tti̧wȩnȩ pünä̧ ukuokuätürü'i̧nä̧, ttidepiyu pünä̧'i̧nä̧, jü̧nä̧.

Apocalipsis 5:9 Referans Kwoze

1 Juan 1:7

Dios tȩa̧u̧nä̧ ö̧jö̧'a̧nö̧ tȩa̧u̧nä̧ tö̧jö̧ttö̧mä̧, ji̧nä̧ ji̧yȩtȩ huotö ka̧cuä̧tö̧jä̧. Ja̧'hua̧nö̧ tö̧jo̧mȩnä̧, Dios I̧tti̧ Jesucristo ucuojanä o'ca juiyö suronä jȩtö̧ töcö icu.

San Mateo 26:28

Pi̧yȩmä̧ ttö chucuoja ja̧'a̧, jareö huȩnȩ chiya pä'ö ucuturu. Pi̧yȩ chucuojamä eräcua'a recuätö ttö̧jä̧ suronä jȩttö̧ jȩpö̧ icua pä'ö.

Apocalipsis 14:6

Ja̧'hua̧ ja̧'a̧ttö̧ ka̧ra̧ ángel, mo̧ro̧jä̧ kä'conä co̧ä̧ra̧'a̧ topinösä. Ja̧u̧mä̧ yoröiso beipocö huȩnȩ, ttö̧ja̧rö̧ jȩpö̧ icu huȩnȩ, ko̧ro̧jä̧ tti̧rȩjä̧nä̧ ka̧cuä̧tö̧rö̧'i̧nä̧, pi̧jä̧ pa̧ja̧cu̧nä̧ ttö̧ja̧rö̧'i̧nä̧, tti̧huȩnȩ pö̧nä̧ ucuocuätörö'inä, o'ca juiyönä ötahuiyä ttö̧ja̧rö̧'i̧nä̧ jiähua pä'ö ku̧nä̧ri̧nö̧.

1 Corintios 6:20

Dios rö̧ȩnä̧ mitö ȩmi̧nä̧u̧jä̧. Ja̧'hua̧nö̧ ja̧'a̧ttö̧ cuamönätucu jättäpäyotönä'inä, cua̧'cua̧ru̧hua̧tu̧cu̧nä̧'i̧nä̧ ji̧nä̧ ji̧yȩtȩnä̧ adiu esehuätucui Diosrö.

Apocalipsis 5:12

Jahuätömä tti̧huȩnȩnä̧ pä̧i̧cu̧nä̧ pä'inätö: Chutä Cordero, sacrificio jȩtti̧nä̧cu̧mä̧, iso päi'önä hueähuä'inä, adihuä juäi'inä, huo̧juä̧huä̧'i̧nä̧, ujuru'inä ȩmö̧'a̧nö̧ hua̧. Ja̧u̧ru̧ ttucuotö'a̧nö̧ ja̧'a̧. Ja̧'hua̧ta̧nö̧ ja̧u̧ru̧ o'ca juiyönä eseunu ttucuocu'a̧nö̧ ja̧'a̧.

Apocalipsis 4:11

Tu̧ru̧hua̧, Tä̧do̧ ä̧cua̧ Dios, ucumä adihuä i̧sa̧jä̧. Ucuru ttesehuäcua'a̧nö̧. Ucuru ttucuotäcua'a̧nö̧. Ucuru ttujuru ttiyäcua'a̧nö̧. Ucumä o'ca juiyönä aditinöjä. Ucurutä pä̧huä̧ rö̧jo̧mȩnä̧, o'ca juiyönä ka̧cua̧'a̧. Ja̧'hua̧ta̧nö̧ ucurutä pä̧huä̧ rö̧jo̧mȩnä̧, o'ca juiyönä aditinöjä.

Hechos 20:28

Cuamönätucutä tta̧'ä̧rä̧cuä̧huä̧tu̧cui̧. O'ca toi'önä Tu̧ru̧hua̧rö̧ esetätörö'inä tta̧'ä̧rä̧tu̧cui̧. Espíritu Santo ucuturu hue'inö jahuätörö tta̧huä̧rä̧cuä̧huä̧ isotö päi'önä cu̧ja̧cuä̧tu̧cua̧ pä'ö. Tu̧ru̧hua̧mä̧ churutä esetätörö ȩmi̧nö̧ ucuojanä 'corupäi'omenä.

San Mateo 20:28

Ubo I̧tti̧ ji̧nö̧'a̧nö̧ jä̧cua̧. Ubo I̧tti̧mä̧ ttö̧ja̧ ppättädarö pä'ö ichocö pi̧nö̧do. Ja̧u̧mä̧ ttö̧ja̧rö̧tä̧ ppäda pä'ö ichinödo. Ja̧u̧ 'corupäi'a pä'ö ichinödo recuätö suronä jȩttö̧ttö̧ ejädö icu ucuojanä mitäu, —pä'inödo Jesús.

Apocalipsis 5:6

Ja̧'hua̧nö̧ ja̧'a̧ dȩä̧cä̧ tö'cönä, jahuätö pa̧ja̧cuä̧nö̧ isotö a̧'cua̧rä̧tö̧ ttö̧'quȩtȩnä̧'i̧nä̧, ancianos huotö ttö̧'quȩtȩnä̧'i̧nä̧ ya̧tȩ Corderorö, oveja i̧tti̧rö̧, jueönä ö̧ja̧'a̧ topinösä. Ja̧u̧ Cordero cuä'ö i̧cuä̧hua̧ a̧'cua̧rö̧nä̧ hui̧nö̧. Ja̧'hua̧ta̧nö̧ ja̧u̧ Cordero oveja i̧tti̧ ko̧ro̧mö̧ttö̧nö̧ todäre u i̧sä̧juä̧'i̧nä̧, ko̧ro̧mö̧ttö̧nö̧ torere ö'äre'inä ku̧nä̧ri̧nö̧. Ja̧u̧ ö'äre Dios jähuä ko̧ro̧mö̧ttö̧nö̧ ta̧ju̧ espíritus, pi̧jä̧nä̧ pa̧ja̧cu̧nä̧ hue'ähuotö ja̧'a̧.

Tito 2:14

Ja̧u̧mä̧ 'corupä'i'inö ujutu suronä jȩtö̧ jȩpö̧ icua pä'ö. Ja̧'hua̧ta̧nö̧ chutä i̧tti̧mö̧ päti'a pä'ö töcö icuinä̧u̧jä̧ churutä pä̧huä̧ rö̧jo̧mȩnä̧, adiu jȩti̧ya̧rö̧ pä'ö.

2 Pedro 2:1

Ja̧'hua̧nö̧ ja̧'a̧nä̧'i̧nä̧ yapareu huȩnȩ ji'ähuinätömä ka̧cui̧nä̧tö̧do Israel ttö̧ja̧ ttö̧'quȩtȩnä̧. Ja̧'hua̧ta̧nö̧ ucutu cu̧'quȩtȩtu̧cu̧nä̧ yapareu huȩnȩ ji'ähuätömä ttö̧ja̧cuä̧cuo̧tö̧. Jahuätö yä̧huä̧i̧nä̧ yapareu huȩnȩ ttu̧huo̧juȩtä̧cuo̧tö̧. Churutä, suronä jȩttö̧ jȩpö̧ icuinörö, ä̧ppö̧tä̧rö̧ ji'ähuätö. Ja̧'hua̧nö̧ ttu̧huo̧juȩto̧mȩnä̧, o'ca päi'önä ttamönä bettipächäcuotö.

Colosenses 1:14

Ja̧u̧ 'corupäi'omenä, ujutu suronä jȩtö̧ jȩpö̧ icuinö.

Efesios 1:7

Dios ujuturu rö̧ȩnä̧ repea'attö, I̧tti̧ 'corupäi'omenä, ujutu suronä jȩtö̧ jȩpö̧ icuinö.

1 Juan 2:2

Jesucristomä suronä jȩtö̧ töcö icu. Ujututä suronä jȩtö̧tä̧mä̧cö̧, o'ca toi'önä suronä jȩttö̧ töcö icu.

1 Corintios 7:23

Diosmä rö̧ȩnä̧ mitö ȩmi̧nä̧u̧jä̧ ucuturu. Ja̧'hua̧nö̧ ja̧'a̧ttö̧ pi̧jä̧ ttö̧ja̧rö̧ pä̧huä̧ rö̧jö̧ huettö jȩpö̧, ttumöhuäyotö päi'önä cu̧ja̧cuä̧tu̧cuä̧'.

Apocalipsis 13:8

O'ca toi'önä pi̧jä̧nä̧ ka̧cuä̧tö̧mä̧, Cordero 'corupä'i'inö u̧ju̧närä̧'tänä, kä̧cuä̧huä̧ i'co cuyäru'tänä, Dios pi̧jä̧ aditinö mo̧ro̧ i̧huȩyu̧ti̧nö̧'tänä tti̧mi̧ jui'ätömä, ja̧u̧ pä̧i̧cua̧ i̧sa̧rö̧ esehuinätö.

Apocalipsis 11:9

Ja̧'hua̧ ja̧'a̧ huäbodäcuä mo̧ro̧ o'ca'a, koro mo̧ro̧ kä̧hua̧ jueö kö̧rö̧ päi'omenä, o'ca juiyönä ötahuiyä ttö̧ja̧'i̧nä̧, pi̧jä̧ pa̧ja̧cu̧nä̧ ttö̧ja̧'i̧nä̧, tti̧huȩnȩ pö̧nä̧ ucuocuätö'inä, ko̧ro̧jä̧ tti̧rȩjä̧ttö̧ ichähuotö'inä tto'co jähuä tottäcuotö. Ttu'tura pä'ö hueähuoca'a jä̧cua̧'a̧.

Hebreos 11:14

Iso päi'önä ja̧'hua̧nö̧ ucuocuätömä: “Ji̧nä̧ isocu adihuome tö̧ja̧cua̧ pä'ö usätöjä”, pä'ätödo.

Colosenses 1:23

Ja̧'hua̧nö̧ ja̧'a̧nä̧ dau po'tiyä 'quiyönä 'chuhuädö'a̧nö̧, adiu esetätucui. Jarocuhui'ätucuä' adiu tta̧cu̧huä̧rä̧tu̧cu̧ huȩnȩ, ttö̧ja̧ suronä jȩttö̧ jȩpö̧ icu huȩnȩ. Ja̧u̧ huȩnȩ pi̧jä̧ pa̧ja̧cu̧nä̧ ji'ähuätö. Ttö'inä, Pablo, ji'äusä ja̧u̧ huȩnȩ.

Efesios 5:19

Ka̧ra̧ ka̧ra̧nö̧ ucuocu ka̧cuä̧tu̧cui̧ adihuä huȩnȩtä̧. Dios i̧huȩnȩ ra̧huä̧huä̧ ra̧'ö̧ ka̧cuä̧tu̧cui̧. Ja̧'hua̧ta̧nö̧ cuami iso'quitucunä o'ca juiyönä eseunu ra̧'ö̧ eseäcuähuätucui Tu̧ru̧hua̧rö̧.

Apocalipsis 10:11

Ja̧u̧nu̧ o'ca'a, ttörö pä'inätö: —Ucumä pä'äji ta'anö Dios i̧huȩnȩ ji̧cu̧huä̧huä̧cua̧jä̧ recuätö ttö̧ja̧rö̧'i̧nä̧, tti̧rȩjä̧nä̧'i̧nä̧, tti̧huȩnȩnä̧'i̧nä̧, ruhuotörö'inä.

Apocalipsis 13:7

Ja̧'hua̧ta̧nö̧ Dios i̧tti̧mö̧rö̧, umöhuäyotörö, örohuähua pä'ö huettinäcu. Jahuätöttö'inä abonänö juruhuinö. O'ca toi'önä pa̧ja̧cu̧nä̧ ttö̧ja̧rö̧'i̧nä̧, o'ca juiyönä ötahuiyä ttö̧ja̧rö̧'i̧nä̧, tti̧huȩnȩ pö̧nä̧ ucuocuätörö'inä, ko̧ro̧jä̧ tti̧rȩjä̧nä̧ ka̧cuä̧tö̧rö̧'i̧nä̧ huea pä'ö huettinäcu.

Apocalipsis 15:3

Moisés, Dios u̧mö̧huä̧ya̧, ra̧hui̧nö̧'i̧nä̧, Cordero ra̧hui̧nö̧'i̧nä̧ ra̧'i̧nä̧tö̧. Pa̧'a̧nö̧ ra̧'i̧nä̧tö̧: Tu̧ru̧hua̧, Dios o'ca juiyönä ju̧ru̧hua̧mä̧, o'ca juiyönä jȩcu̧'u̧mä̧ yoröiso adihua'a. O'ca toi'önä Ttu̧ru̧hua̧, ucu cu̧mä̧nä̧ jueönätä 'chä̧mä̧mä̧. Iso päi'önä 'chä̧mä̧mä̧.

Apocalipsis 17:15

Ja̧'hua̧ta̧nö̧ ja̧u̧ ángel pä'inö ttörö: —Ja̧u̧ ajehuiyä tocu'äjimä, yajujua mä̧nä̧ ruhuaju kö̧'ä̧mä̧dä̧jä̧jo̧mȩ koro ötahuiyä'inä, ttö̧ja̧'i̧nä̧, tti̧huȩnȩ pö̧nä̧ ucuocuätö'inä, ka̧ra̧'a̧ tti̧rȩjä̧ ruhuä'inä jä̧'i̧nö̧'a̧nö̧ ja̧'a̧.