Apocalipsis 22:11 - TÄ̧DO Ä̧CUÄ̧ I̧HUȨNȨ

¹¹ Ja̧'hua̧ ja̧'a̧ suronä jȩpä̧tö̧mä̧, huäinä suronä jȩpä̧tö̧. Koro juäi idicu juäi jȩpä̧tö̧mä̧, huäinä jȩpä̧tö̧. Ja̧'hua̧nö̧ ja̧'a̧nä̧ adiu jȩpö̧mä̧, adihuä juäi jȩä̧cua̧'a̧nö̧. Ja̧'hua̧ta̧nö̧ Dios ä'ca jo̧mȩttö̧ adihuä i̧sa̧mä̧, Diosrötä amöcuädö ö̧jä̧cua̧'a̧nö̧.

Nuevo Testamento Uwotjüja

¹¹ Suronä̧ jȩpü̧mä̧ wä̧i̧nä̧ yabonü̧ suronä̧ jȩpü̧ kkä̧wi̧, surojünä̧ amükuädümä̧ wä̧i̧nä̧ yabonü̧ surojünä̧ amükuädütä kkä̧wi̧ ja̧'wa̧nü̧ ja̧'a̧nä̧ adiu jȩpü̧mä̧ jua'a yabonü̧ adiutä jȩpü̧ kkä̧wi̧ ja̧'wa̧ta̧nü̧ surojü jui̧'a̧mä̧ jua'a yabonü̧ surojü juikuächächünä̧tä̧ jȩpü̧ kkä̧wi̧.»

Apocalipsis 22:11 Referans Kwoze

2 Timoteo 3:13

Ja̧'hua̧nö̧ ja̧'a̧nä̧ suronä jȩpä̧tö̧'i̧nä̧, yapareu ucuocu jȩpä̧tö̧'i̧nä̧ ji̧nä̧ isocu suronä jȩttä̧cuo̧tö̧. Jahuätömä ji̧nä̧ isocu ttesetäcuotö yapareu huȩnȩ.

San Mateo 15:14

Huäinä 'chä̧tö̧. Jahuätömä, ttä̧to̧cä̧cha̧'a̧nä̧ korotö ä̧to̧cä̧tö̧ ttä̧'canä 'chä̧tö̧. Ja̧'hua̧ta̧nö̧ ya̧tȩ ä̧to̧ca̧mä̧ ka̧ra̧ ä̧to̧ca̧ ä'canä i̧'chö̧ttö̧mä̧, ta̧ju̧cuä̧yo̧tö̧ rȩju̧ jacuä ma̧ttä̧chö̧'a̧nö̧ ja̧'a̧.

San Mateo 5:6

“Diosrö adiunätä pä̧huä̧ rö̧jä̧chi̧'ö̧nä̧ amöcuädätömä, eseunu ttö̧ja̧cuä̧cuo̧tö̧. Dios jahuätörötä ppä̧dä̧cua̧.

Judas 1:24

“Dios, ucu adihuä i̧sa̧jä̧” pätätucuarö. Ja̧u̧tä̧ pi̧jä̧ juiyäi'inä, jitä'inä, yodoji'inä 'cuäopönä ru̧hua̧ päi'önä kö̧do. Tu̧ru̧hua̧ Jesucristorö hueina'attö tesetomenä, ujutu suronä jȩtö̧ jȩpö̧ icuinödo. Ja̧u̧mä̧ ucuturu ppä'ädö adiu cu̧ja̧cuä̧tu̧cua̧ pä'ö, chutä adihuome ö̧jo̧mȩcu̧ ȩpä̧tu̧cua̧cu̧ pä'ö, juhua'atä idicu juiyönä chutäcu eseunu cu̧ja̧cuä̧tu̧cua̧ pä'ö.

San Mateo 25:10

U̧ni̧chä̧rö̧ ka̧cui̧nä̧tö̧mä̧ lámpara isoya ȩmö̧ tti̧'cho̧mȩnä̧, irecuarö ȩmö̧mä̧ ichinödo. A̧mö̧cuä̧rö̧nö̧ ka̧cui̧nä̧tö̧mä̧ ja̧u̧cu̧ do'ächinätö irecuarö ȩma̧ pä'ö. Dottächomenä, äpate mö̧ȩcuä̧chi̧na̧'a̧do.

Efesios 5:27

Ja̧'hua̧nö̧ jȩpi̧nö̧do yoröiso surojö juiyönä adiunätä i̧jȩcua̧ pä'ö chutä ä'ca jo̧mȩttö̧.

San Mateo 21:19

Mä̧nä̧ jäyänä topinödo cuäcuähuäi, higuera pä'ö micuäi. Tö'cönänö 'chä̧hui̧'ö̧ tomenä, u̧huä̧ju̧mä̧ juiyina'ado. Ojiyätä ji̧na̧'a̧do. Ja̧'hua̧ ja̧'a̧ Jesús pä'inödo: —Korotö'inä yoröiso ttucuocoijä cu̧huä̧ju̧mä̧. Yotäcu päomenä, juhuäi hua'ö icuina'ado.

San Juan 8:21

Jesús pä'äji ta'anö ucuocu pä'inödo: —Ttö chi̧'chä̧cua̧sä̧. Ucutumä ttörö cusätucuomenä, suronä jȩcu̧'ä̧tu̧cua̧'a̧ttö̧ hua'ö cuicuäcuotöjä. Ttö chi̧'chä̧cua̧'a̧, 'cho̧co̧tö̧jä̧.

Apocalipsis 16:21

Ja̧'hua̧ta̧nö̧ diyahuo'qui rö̧o'qui, cuarenta kilos jo̧mȩnä̧ amäco'qui, mo̧ro̧jä̧ra̧'a̧ttö̧ ma̧i̧na̧'a̧ pi̧jä̧ ttö̧ja̧rö̧. Ja̧u̧ diyahuo'qui ma̧o̧mȩnä̧, rö̧ȩnä̧ ro̧ȩcuä̧ ji̧na̧'a̧. Ja̧'hua̧nö̧ ja̧'a̧ttö̧ pi̧jä̧ ttö̧ja̧ ja̧u̧ juäi suronä 'cuäopä̧u̧ suronä ucuocuinätö Diosrö.

Apocalipsis 22:3

Ju̧huȩnȩ surojömä 'cuäopoca'a. Dios'inä, Cordero'inä tti̧dȩä̧cä̧ ju̧huȩnȩ ötahuiyänä kä̧cua̧'a̧. Umöhuäyotömä ja̧u̧ru̧ eseunu ttucuocuäcuotö.

San Mateo 5:45

Ja̧'hua̧nö̧ jȩcu̧'ä̧tu̧cu̧ttu̧mä̧, Cuä'o mo̧ro̧jä̧ra̧'a̧ kö̧rö̧ i̧tti̧mö̧ päcuhui'äcuotöjä. Chutä mo̧ro̧ kä̧hua̧ räopa pä'ö hue'ö adiu jȩpä̧tö̧rö̧'i̧nä̧, suronä jȩpä̧tö̧rö̧'i̧nä̧. Ja̧'hua̧ta̧nö̧ adiu jȩpä̧tö̧rö̧'i̧nä̧, suronä jȩpä̧tö̧rö̧'i̧nä̧ ajiya icha pä'ö hue'ödo.