Apocalipsis 21:14 - TÄ̧DO Ä̧CUÄ̧ I̧HUȨNȨ

¹⁴ Ja̧u̧ ötahuiyä i̧so̧ca̧nä̧ ido'qui ttö̧jä̧pö̧ttö̧nö̧ to'quire ji̧na̧'a̧. Koro'quinä'inä, koro'quinä'inä chutä Cordero umöhuäyotö, Jesús hue'ähuotö tti̧mi̧mä̧ huȩyu̧cua̧'a̧ ji̧na̧'a̧.

Nuevo Testamento Uwotjüja

¹⁴ Ja̧'wa̧ta̧nü̧ ütawiyä tto̧ȩpäräbä 'chu̧ä̧ro̧mȩ kkada'kamä̧ ttü̧jä̧pü̧ttü̧ todäre jäwä jo̧mȩnä̧ i̧nä̧wiyä jȩpü̧ kku̧nä̧wi̧na̧'a̧, jua̧u̧ owänä̧mä̧ oweja mü̧ä̧ya̧ jü̧nä̧ wa̧ umüwäyotü apótore, ttü̧jä̧pü̧ttü̧ todäre jo̧mȩnä̧ wotü tti̧mi̧pi̧yä̧ wȩyu̧kua̧'a̧ pȩji̧na̧'a̧.

Apocalipsis 21:14 Referans Kwoze

Hebreos 11:10

Abraham koro ötahuiyä, 'quiyönä adicuome, Dios aditome tta̧'ä̧ri̧nö̧do.

Efesios 2:20

Ucutumä isode jä̧'i̧nö̧'a̧nö̧ huotöjä. Jesús hue'ähuotö'inä, Dios i̧huȩnȩ jiäcuähuä isotö'inä, jittähuinö huȩnȩ esetö ka̧cuä̧tö̧jä̧. Chutä Jesucristo ji̧nä̧ isocu adihuo'qui isode jueö isä'ca kö̧'a̧nö̧ kö̧do.

Apocalipsis 18:20

Ja̧'hua̧nö̧ ja̧'a̧nä̧ mo̧ro̧jä̧'i̧nä̧, Jesús hue'ähuotö'inä, Dios i̧huȩnȩ ucuocuinätö'inä, o'ca toi'önä Dios i̧tti̧mö̧'i̧nä̧ ja̧u̧ ötahuiyä amöcuädö, esehuätucui. Chutä ja̧u̧ ötahuiyä ro̧ȩpo̧mȩnä̧, Dios ucuturu adiu ppä'ädinö.

Judas 1:17

Chö̧jä̧hua̧tö̧, Tu̧ru̧hua̧ Jesucristo hue'ähuotö ä'canä ka̧cui̧nä̧tö̧mä̧ jittähuinö amöcuädätucui.

Efesios 3:5

Korotömä pä'äjimä jerupinätödo yoröiso ja̧u̧ huȩnȩ. Jitämä Dios i̧jȩpi̧nö̧do ja̧u̧ huȩnȩ Jesús hue'ähuotörö'inä, Dios i̧huȩnȩ jiäcuähuä isotörö'inä Espíritu Santonä huo̧juȩtö̧ ttami iso'quinä.

San Mateo 16:18

Ttö pä'ösä ucuru, ucu cui̧mi̧mä̧ Pedro mi̧cua̧jä̧. Cui̧mi̧mä̧ inähuä pä'ö. Ja̧'hua̧ta̧nö̧ juhuähuä inähuänä iglesia isode ttadita'a jä̧'i̧nö̧'a̧nö̧ cha̧di̧tä̧cua̧sä̧ ttörö esetätörö. Ja̧'hua̧ta̧nö̧ 'corupäi'äcuähuä ttö chaditöttö'inä abonänö juruhuoca'a.

Efesios 4:11

Ja̧'hua̧ta̧nö̧ iyinödo o'ca toi'önärö ttaditä̧cuȩ. Korotörö Jesús hue'ähuotörö hue'inödo. Korotörö Dios i̧huȩnȩ, Diosttö ȩmä̧huä̧ huȩnȩ, jittähua pä'ö hue'inödo. Korotörö adihuä i̧huȩnȩ, suronä jȩttö̧ jȩpö̧ icu huȩnȩ, jittähua pä'ö hue'inödo. Korotörö Diosrö esetätörö ppättäda pä'ö hue'inödo. Korotörö Dios i̧huȩnȩ ttu̧huo̧juȩta̧ pä'ö hue'inödo.

Gálatas 2:9

Ja̧'hua̧nö̧ ja̧'a̧ Jacobocu, Pedrocu, Juancu Dios i̧huȩnȩttö̧ ruhuotö pi̧nä̧tö̧mä̧, huo̧jui̧'i̧nä̧tö̧ ttörö Dios hueina'a ttö jidähua pä'ö i̧huȩnȩ. Jahuätö ujuturu tu̧mö̧nä̧ 'chu'ädö ucuocuinätö ttörö'inä, Bernabérö'inä. Ja̧u̧mä̧ eseunu jȩpi̧nä̧tö̧ ujutu ji̧nä̧ ji̧yȩtȩ tadita pä'ö. Ujutumä judíos huocotöcu tadita'anä, jitö'inä judíos ttö̧ja̧cu̧ ttaditäcua'a̧nö̧ pä'ö.

Hechos 1:26

Ja̧'hua̧nö̧ ucuocuäjä'cotö ȩmi̧nä̧tö̧do Matíasrö. Ja̧u̧cu̧ ttö̧jä̧pö̧ttö̧nö̧ ta̧ju̧nu̧ Jesús hue'ähuotö pä'i'inätödo.

Apocalipsis 21:13

Kä̧hua̧ räopa'acu huäbodäcuä jo̧mȩnä̧ äpatiyä ji̧na̧'a̧. Kä̧hua̧ u̧huo̧jua̧'a̧nä̧'i̧nä̧ huäbodäcuä jo̧mȩnä̧ äpatiyä ji̧na̧'a̧. Kä̧hua̧ ma̧ä̧cha̧'a̧cu̧'i̧nä̧ huäbodäcuä jo̧mȩnä̧ äpatiyä ji̧na̧'a̧. Kä̧hua̧ ieruhua'anä'inä huäbodäcuä jo̧mȩnä̧ äpatiyä ji̧na̧'a̧.