Apocalipsis 20:8 - TÄ̧DO Ä̧CUÄ̧ I̧HUȨNȨ

⁸ O'ca toi'önä pi̧jä̧ pa̧ja̧cu̧nä̧ ttö̧ja̧rö̧ yapareu jȩa̧ pä'ö rä̧o̧pä̧cua̧. Gog ötahuiyänä'inä, Magog ötahuiyänä'inä yapareu jȩä̧cua̧. Juhua'attö su̧ro̧da̧u̧ isotö recuätörö dubora rö̧ora jäyora pä̧ba̧ jä̧'i̧nö̧'a̧nö̧, ttirecuomettö ö̧ca̧ca̧tä̧cua̧ ttörohuähua pä'ö.

Nuevo Testamento Uwotjüja

⁸ ja̧'wa̧nü̧ rä'opächü, pi̧jä̧ ttü̧ja̧rü̧ üyaparewä̧kua̧, pi̧jä̧ beipü u̧dü̧nä̧mä̧ o'kajuiyütä, Gog pättomȩ'i̧nä̧, Magog pättomȩ'i̧nä̧ jü̧nä̧, kurä ürowäwa pä'ü su̧ro̧do̧u̧ru̧ ka̧ka̧tü̧. Juätü ü̧ka̧ka̧tä̧u̧mä̧, rü̧ä̧ aje rȩba̧ 'kua̧rü̧nä̧ ttirekuäkuotü.

Apocalipsis 20:8 Referans Kwoze

Apocalipsis 16:14

Pitö espíritus suropätömä, ähuettä umöhuäyotö koro ttö̧ja̧ ttieru juäi jȩpi̧nä̧tö̧ pi̧nä̧tö̧. Jahuätömä, o'ca toi'önä pi̧jä̧ ruhuotörö ca̧ca̧tö̧ rä'opinätö, Dios, o'ca juiyönä ju̧ru̧hua̧, ttö̧ja̧rö̧ ro̧ȩcuä̧ mo̧ro̧ päi'omenä ttörohuähua pä'ö.

Apocalipsis 20:10

Ja̧u̧tä̧ ähuettämä, jahuätörö yapareu ji'ähuinörö, ocurä rö̧arä azufrenä cuoarära̧'a̧, ja̧u̧ pä̧i̧cua̧ i̧sa̧rö̧'i̧nä̧, ka̧ra̧ yapareu ji'ähuinörö'inä do'opö tticuinarära̧'a̧, do'opö tticuinäcu. Juhua'a 'cuäopönätä, mo̧ro̧'i̧nä̧, yodo'inä ubara ttuttäcuotö.

Apocalipsis 20:3

Ja̧'hua̧nö̧ önö'cäji o'ca'a, jahuäju rejunä, yoröiso beipocojunä, do'opö icuinäcu. Ju̧huȩnȩ äpate 'quiyönä mö̧'ȩpi̧nö̧. Ja̧'hua̧nö̧ jȩinä̧cu̧ pi̧jä̧ ttö̧ja̧rö̧ yapareu jiäu juiya pä'ö ya'ute mil a̧'ȩ päi'ome jubö. Ya'ute mil a̧'ȩ o'ca'a, pä'äji ta'anö beometä ja̧u̧ru̧ rä'epö tticuäcuotö.

Hebreos 11:12

Ja̧'hua̧ ja̧'a̧ttö̧ Abraham bö̧o̧ i̧sa̧ ö̧jo̧mȩnä̧, hua'ö icuäcua'a ä'canä, si̧ri̧'cö̧ mo̧ro̧jä̧ra̧'a̧ recuätö ttö̧rö̧ja̧'a̧ jä̧'i̧nö̧'a̧nö̧ jö̧nä̧'i̧nä̧, rȩba̧ dubora rö̧ora jäyä pa̧'a̧ jä̧'i̧nö̧'a̧nö̧ jö̧nä̧'i̧nä̧ ahuaruhuä o'cotörö ku̧nä̧ri̧nö̧do. Yoröiso pa̧ja̧tä̧cuä̧huo̧ca̧'a̧do, ttirecua'attö.

Apocalipsis 7:1

Ja̧u̧ 'cuäopinö o'ca'a, ángeles pa̧ja̧cuä̧nö̧ jo̧mȩnä̧, pi̧jä̧ beipome pa̧ja̧cuä̧nö̧ u̧yu̧'ca̧ri̧nä̧ ttö̧ja̧cua̧'a̧ topinösä. Jahuätömä 'chu̧'ä̧ri̧nä̧tö̧ kä̧ru̧'coppa pa̧ja̧cuä̧nö̧ jo̧mȩttö̧ ppö juiya pä'ö pi̧jä̧nä̧'i̧nä̧, dubora rö̧oranä'inä, daunä'inä.

Apocalipsis 12:9

Ja̧u̧ ojuo da'ä jä̧'i̧nö̧'a̧nö̧ hua̧rö̧, i̧sa̧rö̧, chutä täbocö ä̧ca̧ pi̧nö̧rö̧, ähuettä'inä, Satanás'inä pättäcuru, o'ca toi'önärö yapareu ji'äuru, ya'opö tticuinäcu. Chutäcu umöhuäyotöcu pi̧jä̧ rȩjȩra̧'a̧ do'opö tticuinäcu.