Apocalipsis 19:8 - TÄ̧DO Ä̧CUÄ̧ I̧HUȨNȨ

⁸ Yajujua adihuä juäi linottö adicuä̧ta̧, adiu tȩä̧ta̧, tȩa̧u̧nä̧nö̧ jä̧ta̧, kö̧'ca̧tä̧hua̧ pä'ö hue'inätö. Ja̧u̧ juäi adihuä juäi linottö adicuä̧ta̧mä̧, Dios i̧tti̧mö̧ adiu jueönä cue'ächätö jä̧'i̧nö̧'a̧nö̧ ja̧'a̧.

Nuevo Testamento Uwotjüja

⁸ Ja̧'wa̧ta̧nü̧ pü̧jä̧ta̧ lino adiwäjuei i̧sä̧ta̧, tȩä̧ta̧, kkȩdȩpä̧ta̧ kkü̧'ka̧tä̧wa̧ pä'ü weäwi'äjäkua, jua̧u̧ lino o̧ta̧mä̧, chutä umüwäyotü, ȩmi̧nä̧u̧ adiu jȩpü̧ ttü̧ja̧ku̧ tü'kü ja̧'a̧.»

Apocalipsis 19:8 Referans Kwoze

Apocalipsis 3:18

Ja̧'hua̧nö̧ ja̧'a̧ttö̧ ucuru pä'ösä, ttöttö ȩmi̧ adihuä juai oro ocuränä ku ȩmä̧huä̧, iso päi'önä järe ru̧hua̧ päi'önä cu̧ja̧ pä'ö. Ja̧'hua̧ta̧nö̧ ttöttö cu̧'ca̧tä̧huä̧ta̧ tȩä̧ta̧ ȩmi̧ cu̧'ca̧tähuä̧ta̧ pä'ö, cu̧'ca̧tä̧huä̧ta̧ jui'ö dä'äcunu cuecuhuächö juiya pä'ö. Ja̧'hua̧ta̧nö̧ jahuapö isoya ȩmi̧ cu'ärenä da'ecu tocu'a pä'ö.

Romanos 13:14

Pärocua'acu Cu̧ru̧hua̧ Jesucristorö adiu esetö ka̧cuä̧tu̧cui̧. Cuidepä pä̧huä̧ rö̧jö̧ jȩö̧tä̧mä̧ cuamöcuädätucuä'.

San Marcos 9:3

Ö̧'ca̧tä̧huä̧ta̧ nieve ta'anö, korottö'inä abonänö teina'ado. Iso päi'önä pi̧jä̧ ttö̧ja̧ ttö̧'ca̧tä̧huä̧ta̧ ttötöcomenä, ja̧'hua̧nö̧ teönämä töcocotö.

San Mateo 22:12

Ja̧u̧ru̧ pä'inödo: “Cha̧hua̧ru̧hua̧, ¿tta̧'a̧nö̧ pä'ö docuhuächäjättö ttirecuarö ȩmö̧ ttö̧'ca̧tä̧u̧ juäi cu̧'ca̧tä̧huo̧ca̧'a̧?” Ja̧'hua̧nö̧ jäepomenä, yoröiso ädätocö pi̧nö̧do.

Apocalipsis 15:4

Tu̧ru̧hua̧, ucuru ye'ecuocömä ¿dijä̧ttö̧? Ucuru esehuocömä ¿dijä̧ttö̧? Ucutä, ya̧tȩä̧tä̧, adihuä i̧sa̧jä̧. O'ca toi'önä pa̧ja̧cu̧nä̧ ttö̧ja̧, iso päi'önä o'ca juiyönä jȩcu̧'u̧mä̧ adihua'a tottomenä, ichi'ö ttesehuäcuotö ucurutä.

Hechos 1:10

Jesús hue'ähuotö to̧pä̧rö̧ ka̧cui̧nä̧tö̧do mo̧ro̧jä̧ra̧'a̧ cäecuächa'a. Ja̧'hua̧ ja̧'a̧ u̧mä̧tö̧ ta̧ju̧, ttö̧'ca̧tä̧huä̧ti̧yu̧ teö 'ca̧tä̧huä̧tö̧, jahuätö ttippeyänä ka̧cuä̧mi̧nä̧tö̧do.

San Lucas 24:4

Jahuätö ttamöcuädömä jerupinätödo. Ja̧'hua̧nö̧ ttö̧ja̧cuo̧mȩnä̧, u̧mä̧tö̧ ta̧ju̧, ttö̧'ca̧tä̧huä̧ta̧ juiyo tȩä̧ta̧ 'ca̧tä̧huä̧tö̧, ttippeyänä kä̧mä̧di̧nä̧tö̧do.

Romanos 3:22

Dios ttö̧ja̧rö̧ jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö Jesucristorö esetäcuähuänä. Ja̧'hua̧nö̧ yoräteunä jȩpö̧ o'ca toi'önärö Jesucristorö esetätörö.

San Mateo 17:2

Juhua'attö Jesús pärohuächinödo jahuätö ttä'ca jo̧mȩttö̧. Ö'ämä mo̧ro̧ kä̧hua̧ ta'anö tȩa̧hui̧na̧'a̧do. Ö̧'ca̧tä̧huä̧ta̧ korottö'inä abonänö teina'ado.

Apocalipsis 15:6

Juhua'attö, ji̧nä̧ isocu Dios adihuä ö̧jo̧mȩttö̧ jitöja ko̧ro̧mö̧ttö̧nö̧ ta̧ju̧ ángeles ja̧u̧ juäi ko̧ro̧mö̧ttö̧nö̧ todäre surojö 'cuäopä̧cuȩmä̧ ȩpä̧tö̧mä̧ rä'opinätö. I̧sä̧ta̧ i̧di̧cuo̧co̧ta̧nä̧, adiu tȩa̧huä̧ta̧nä̧ 'ca̧tä̧hui̧nä̧tö̧. Tta̧mö̧ca̧nä̧ isäya orottö adicua'a ru̧nä̧ri̧nä̧tö̧.

Apocalipsis 19:14

Mo̧ro̧jä̧ra̧'a̧ttö̧, su̧ro̧da̧u̧ jä̧'i̧nö̧'a̧nö̧ huotö, ttö̧'ca̧tä̧huä̧ti̧yu̧ adiu tȩä̧ta̧, adihuä juäi linottö adicuä̧ta̧ 'ca̧tä̧u̧, o'ca'anä ca̧ba̧llo̧stö̧ tȩ'ä̧tö̧rö̧ huä̧mä̧dö̧ cue'ächinätö.