Apocalipsis 18:24 - TÄ̧DO Ä̧CUÄ̧ I̧HUȨNȨ

²⁴ Dios i̧huȩnȩ ucuocuinätö'inä, Dios i̧tti̧mö̧'i̧nä̧, o'ca toi'önä pi̧jä̧nä̧ cuä'ö tticuinä̧u̧'i̧nä̧ ttucuoja po̧cui̧pi̧nä̧tö̧ ja̧u̧ ötahuiyänä, —pä'inö ja̧u̧ ángel.

Nuevo Testamento Uwotjüja

²⁴ Ja̧'wa̧ta̧nü̧ jua̧u̧ ütawiyänä̧ kki̧na̧'a̧, profeta winä̧tü̧, surojü jui'inä̧tü̧ ttukuoja ja̧'wa̧ta̧nü̧ pi̧jä̧nä̧ttü̧ kuä'äu tti̧kui̧nä̧u̧ o'katoi'ünä̧ ttukuoja'i̧nä̧, jü̧nä̧.

Apocalipsis 18:24 Referans Kwoze

Apocalipsis 17:6

Ja̧u̧nu̧ o'ca'a, jahuäju isaju Dios i̧tti̧mö̧ ttucuoja'inä, Jesús i̧huȩnȩ ji'äu kä̧nö̧ hua'ö icuinätö ttucuoja'inä kahuäja'attö, tä̧jä̧ma̧'a̧ topinösä. Ja̧'hua̧nö̧ tochomenä, ye'ö to̧pä̧ri̧nö̧sä̧.

Apocalipsis 16:6

Jahuätömä ucuru esetinätörö'inä, ucu huecuhuinö ucuocuinätörö'inä ttucuoja erönä jȩpi̧nä̧tö̧. Jitämä jitötä ttucuoja ttahua pä'ö jȩcu̧'i̧nä̧u̧. Iso päi'önä huäinä 'cuäopäcuä̧u̧.

Apocalipsis 19:2

Chutä iso päi'önä jȩpö̧, jueönä ro̧'ȩpö̧ ttö̧ja̧rö̧. Jahuäju mä̧nä̧ ruhuaju, juruhuajuru, suronä jȩja̧'a̧ttö̧, pi̧jä̧nä̧ ka̧cuä̧tö̧rö̧ surojuo'epinäjuru, ro̧'ȩpi̧nö̧. Dios umöhuäyotö 'corupätti'inömä, micuä päi'önä ro̧'ȩpi̧nö̧ jahuäjuru.

Hechos 7:52

Dios i̧huȩnȩ jiäcuähuä isotörö o'ca toi'önä ucutu cuä̧do̧tö̧ mi̧nä̧ suronä jȩpi̧nä̧tö̧. Dios hueinö ta'anö jȩpi̧nö̧mä̧ Jesús ichäcua'a ä'canä ji'ähuinätörö cuä'ö icuinätö ucutu cuä̧do̧tö̧ mi̧nä̧. Jitä Jesús ichäji o'ca'a ucutu churutä iyö icuinätöjä. Ja̧u̧ru̧'i̧nä̧ cuä'ö icuinätöjä.

Apocalipsis 11:7

Ja̧'hua̧nö̧ ja̧'a̧nä̧ jahuätö ttaditähuä cättädomenä, ya̧tȩ pä̧i̧cua̧ i̧sa̧, reju yoröiso beipocojuttu rä'opö, jahuätörö ö̧ro̧huä̧huä̧cua̧. Ja̧'hua̧ta̧nö̧ jahuätörö rohuäu ujuruhuomenä, cuä'ö icuäcuä̧u̧.

San Mateo 23:35

Ja̧'hua̧nö̧ ja̧'a̧ttö̧ adihuä i̧sa̧ Abelrö cuä'ö cuicuinätucu o'ca'a, Zacaríasmä, Beroquías i̧tti̧rö̧ Diosrö ucuocuäcuähuodenä cuä'ö cuicuinätucuome jubö, o'ca toi'önä adihuä isotörö cuä'ö cuicuinätucuä̧u̧ ttucuoja erönä, ucuturu ö̧tä̧bo̧tä̧cua̧ Dios, jahuätörö jarode'ö cuä'ö cuicuinätucua'attö.

San Mateo 23:27

“Fariseos huotö'inä, hueähuä huȩnȩ huo̧juȩtä̧tö̧'i̧nä̧, suronä 'cuäopäcua'a ucuturu. ¡Yapareu ttö̧ja̧jä̧! Ucutu hua'are huattome adiu uhuähua'a pä'ö jȩttö̧'a̧nö̧ huotöjä. Huämenätä adiu uhuähua'a ttö̧ja̧rö̧, jacuänä hua'inätö tto'co jähuä ttihue'quiyu'inä, koro juäi idicu juäi'inä ka̧'a̧nä̧.

1 Tesalonicenses 2:15

Pitö judíos ttö̧ja̧mä̧ pä'äji jitötättö Dios i̧huȩnȩ jiäcuähuä isotörö cuä'ö tticuinö ta'anö, Tu̧ru̧hua̧ Jesúsru'inä cuä'ö icuinätö. Ujuturu'inä ya'opö icuinätö. Dios'inä jahuätörö esehuocö. O'ca toi'önä ttaboiyotö.