Apocalipsis 18:15 - TÄ̧DO Ä̧CUÄ̧ I̧HUȨNȨ

¹⁵ Jahuätö ttö̧ja̧ ja̧u̧ ötahuiyänä ja̧u̧ juäi iyä'chömä, järe ruhuotö päi'önä juo'ächö, ujuturu'inä ro̧ȩcuä̧ 'cuäopäcua'acö̧ pä'ö ye'ecu ototä kä̧nö̧, ajuäu ttamöcuädäcuotö.

Nuevo Testamento Uwotjüja

¹⁵ Jua̧u̧ Babironia ütawiyättü ȩmü̧ iyä'chü, ruwotü juo'inä̧tü̧mä̧, otonä̧tä̧ kkä̧nü̧ to̧ttä̧rä̧kuo̧tü̧, usurä ȩmä̧wi̧yä̧u̧, rü̧ȩnä̧ a̧'u̧ttü̧ ttajuäkuäwäkuotü, jȩttü̧ juiyünä̧ jä̧u̧.

Apocalipsis 18:15 Referans Kwoze

Apocalipsis 18:3

Pa̧ja̧cu̧nä̧ ttö̧ja̧ jahuäju suronä jȩja̧'a̧ vino ttau'a̧nö̧ jȩpö̧ tä̧'ä̧mi̧nä̧tö̧. Pi̧jä̧ ruhuotö jahuäjucu suronä jȩpö̧ ka̧cui̧nä̧tö̧. Järe iyähuä ruhuotö'inä, pi̧jä̧nä̧ ka̧cuä̧tö̧, ji̧nä̧ isocu järe ruhuotö päi'inä̧u̧, jahuäju suronä jȩja̧'a̧ ppä'ädö.

Hechos 16:19

Espíritu su̧ro̧pa̧ räopächäji o'ca'a möäyaju kuruhuotö amöcuädinätö: “Korotörö 'cuäopä̧cuȩ jijäu micuä jitämä ujutu töäre pärätä ȩmo̧co̧tö̧jä̧”, pä'inätödo. Ja̧'hua̧nö̧ ja̧'a̧ Pablorö, Silasrö 'chu'ädö ttȩmi̧pi̧nä̧u̧ ötahuiyä kä'cocu, ruhuotö ttö̧ja̧cuo̧mȩcu̧.

San Marcos 11:17

Jahuätörö huo̧juȩtö̧ pä'inödo: —Huȩyu̧cuä̧ Huȩnȩ päa'a: “Ttö chojusode i̧mi̧mä̧ Diosrö ucuocuäcuähuode ja̧'a̧ o'ca toi'önä ttö̧ja̧rö̧.” Ja̧'hua̧nö̧ ja̧'a̧nä̧ ucutu nä̧u̧cuä̧rä̧tö̧ ttö̧ca̧ca̧cuode a̧'cua̧rö̧nä̧ jȩpä̧'i̧jä̧tö̧jä̧.

Apocalipsis 18:12

Koro juäi oro'inä, pärätä'inä, ido'qui rö̧ȩnä̧ micuähuo'qui'inä, ajettö ȩmä̧huä̧ rö̧ȩnä̧ micuähuo'qui'inä, pö̧jä̧ta̧ linottö adicua'a adihuä̧ta̧'i̧nä̧, pö̧jä̧ta̧ sedattö adicuä̧ta̧'i̧nä̧, idicunänö jä̧ta̧'i̧nä̧, adiu tu̧huä̧ta̧'i̧nä̧ ttȩma̧ pä'ö toäcua'a. Ja̧'hua̧ta̧nö̧ dau ameu'inä, koro juäi marfilttö adicua'a'inä, adihuä juäi dauttu adicua'a'inä, broncettö adicua'a'inä, cuoräuttu adicua'a'inä, mármol ido'quittö adicua'a'inä tti'cächomenä, ȩmä̧tö̧ toäcua'a.

Apocalipsis 18:13

Ja̧'hua̧ta̧nö̧ cuäcuähuä jahuapö ȩnä̧huä̧ juäi, rö̧ȩnä̧ a̧mȩu̧ juäi'inä, canela'inä, koro incienso'inä, mirra'inä, adiu a̧mȩu̧ juäi isoya'inä, vino'inä, a̧dȩ'i̧nä̧, pan adicuä i̧sa̧ppȩ'i̧nä̧, trigo cuäcuähuä'inä ȩmä̧tö̧ toäcua'a. Ja̧'hua̧ta̧nö̧ isotörö amäcö juäi do'ätörö'inä, o̧vȩja̧stö̧rö̧'i̧nä̧, ca̧ba̧llo̧stö̧rö̧'i̧nä̧, caruquiyä'inä, ttö̧ja̧ adicuä isotörö'inä, ttö̧ja̧rö̧'i̧nä̧ tti'cächomenä, ȩmä̧tö̧ toäcua'a.

Apocalipsis 18:14

Ja̧'hua̧ ja̧'a̧ttö̧ ja̧u̧ ötahuiyä amöcuädö pättäcuotö: —Cuäcuähuä adihuä juäi pä'äji cuju'quinömä juiya'a jitämä. O'ca juiyönä rö̧ȩnä̧ micuäu juäi'inä, adihuä juäi'inä cu̧ju̧nä̧ri̧nö̧mä̧, yoröisotä juiyäcua'a jitämä.

Apocalipsis 18:19

Ja̧'hua̧nö̧ huopö kä̧nö̧, rȩjȩ i̧sa̧ppȩ ttamönä ttunä icuäcuäu, ajuäunu amöcuädö huopinätö: —Ötahuiyä rö̧ome tta̧'cua̧ tta̧ttȩcu̧ juäi 'cuäopäja'a jahuäjuru. Jahuäju rö̧ȩnä̧ micuäu ku̧ju̧nä̧rö̧ juäittö, o'ca toi'önä huoi'quiyu ku̧nä̧rä̧tö̧mä̧ järe ruhuotö päi'inä̧u̧. Ja̧'hua̧ ja̧'a̧ o'ca juiyönä ja̧u̧ juäi rö̧ȩnä̧ micuäu juäi, yoröiso o'ca päi'önätä beipächina'a.