Apocalipsis 18:13 - TÄ̧DO Ä̧CUÄ̧ I̧HUȨNȨ

¹³ Ja̧'hua̧ta̧nö̧ cuäcuähuä jahuapö ȩnä̧huä̧ juäi, rö̧ȩnä̧ a̧mȩu̧ juäi'inä, canela'inä, koro incienso'inä, mirra'inä, adiu a̧mȩu̧ juäi isoya'inä, vino'inä, a̧dȩ'i̧nä̧, pan adicuä i̧sa̧ppȩ'i̧nä̧, trigo cuäcuähuä'inä ȩmä̧tö̧ toäcua'a. Ja̧'hua̧ta̧nö̧ isotörö amäcö juäi do'ätörö'inä, o̧vȩja̧stö̧rö̧'i̧nä̧, ca̧ba̧llo̧stö̧rö̧'i̧nä̧, caruquiyä'inä, ttö̧ja̧ adicuä isotörö'inä, ttö̧ja̧rö̧'i̧nä̧ tti'cächomenä, ȩmä̧tö̧ toäcua'a.

Nuevo Testamento Uwotjüja

¹³ ja̧'wa̧ta̧nü̧ canela pättüttü'i̧nä̧, rü̧ȩnä̧ a̧mȩu̧ttü̧'i̧nä̧; incienso pättüttü'i̧nä̧, a̧mȩu̧ttü̧'i̧nä̧ ja̧'wa̧ta̧nü̧ resina pättüttü'i̧nä̧; vino-ttü̧'i̧nä̧, a̧dȩ oyattü'i̧nä̧, pan adikuä a̧ppi̧yä̧ttü̧'i̧nä̧ ja̧'wa̧ta̧nü̧ trigo-ttü'i̧nä̧; äjikuäkuäwotüttü'i̧nä̧, oweja-tü̧ttü̧'i̧nä̧, cabayu-tü̧ttü̧'i̧nä̧, karukiyättü'i̧nä̧; usurä ttȩmä̧u̧nä̧ we'äwotüttü'i̧nä̧, juätümä̧ ttü̧ja̧ ja̧'a̧.

Apocalipsis 18:13 Referans Kwoze

2 Pedro 2:3

Pärätä rö̧ȩnä̧ ttȩma̧ pä'ö, ucuturu yapareu huȩnȩ ttu̧huo̧juȩtä̧cuo̧tö̧ cuiyätucuatö pä'ö. Yoröiso ttö̧ji̧pö̧ juiyönä, bettipächäcuotö ja̧'hua̧nö̧ huo̧juȩtä̧tö̧mä̧. Ja̧'hua̧nö̧ 'cuäopäcua'a, täbocö päi'önä amöcuädinödo Dios.

1 Timoteo 1:10

Ja̧'hua̧ta̧nö̧ nä̧tö̧rö̧ suronä jȩpä̧tö̧rö̧, u̧mä̧tö̧ u̧mä̧tö̧cu̧ suronä jȩpä̧tö̧rö̧, korotörö 'chu'ädö ȩmi̧pä̧tö̧rö̧, yapareu huȩnȩ ucuocuätörö, o'ca toi'önä adihuä huȩnȩ päö ta'anö jȩpo̧co̧tö̧rö̧ päa'a ja̧u̧ hueähuä huȩnȩ.

Apocalipsis 18:14

Ja̧'hua̧ ja̧'a̧ttö̧ ja̧u̧ ötahuiyä amöcuädö pättäcuotö: —Cuäcuähuä adihuä juäi pä'äji cuju'quinömä juiya'a jitämä. O'ca juiyönä rö̧ȩnä̧ micuäu juäi'inä, adihuä juäi'inä cu̧ju̧nä̧ri̧nö̧mä̧, yoröisotä juiyäcua'a jitämä.

Apocalipsis 18:15

Jahuätö ttö̧ja̧ ja̧u̧ ötahuiyänä ja̧u̧ juäi iyä'chömä, järe ruhuotö päi'önä juo'ächö, ujuturu'inä ro̧ȩcuä̧ 'cuäopäcua'acö̧ pä'ö ye'ecu ototä kä̧nö̧, ajuäu ttamöcuädäcuotö.