Apocalipsis 18:11 - TÄ̧DO Ä̧CUÄ̧ I̧HUȨNȨ

¹¹ Järe iyähuä ruhuotö'inä, pi̧jä̧nä̧ ka̧cuä̧tö̧mä̧, ja̧u̧ ötahuiyä ajuäunu ttamöcuädäcuotö, korotö ttöäre tti'cächäjimä ttȩma̧ pä'ö toa'attö.

Nuevo Testamento Uwotjüja

¹¹ Ja̧'wa̧ta̧nü̧ pi̧jä̧nä̧ttü̧, järe ruwotü'i̧nä̧ a̧'u̧ ttu'u ttajuäkuäwäkuotü jua̧u̧ ütawiyä ja̧'wa̧nü̧ ji̧yä̧u̧, jua'amä̧ juorü ttiäre ttȩmä̧'i̧ja̧'a̧ ttȩmo̧kä̧kua̧'a̧ jä̧u̧:

Apocalipsis 18:11 Referans Kwoze

Apocalipsis 18:3

Pa̧ja̧cu̧nä̧ ttö̧ja̧ jahuäju suronä jȩja̧'a̧ vino ttau'a̧nö̧ jȩpö̧ tä̧'ä̧mi̧nä̧tö̧. Pi̧jä̧ ruhuotö jahuäjucu suronä jȩpö̧ ka̧cui̧nä̧tö̧. Järe iyähuä ruhuotö'inä, pi̧jä̧nä̧ ka̧cuä̧tö̧, ji̧nä̧ isocu järe ruhuotö päi'inä̧u̧, jahuäju suronä jȩja̧'a̧ ppä'ädö.

Apocalipsis 18:23

Lámpara'inä tȩa̧huo̧co̧mȩ jä̧cuo̧mȩ. Ttirecuarö ȩmö̧ fiesta jȩtta̧'a̧ yoröiso ä̧ju̧cuä̧cuä̧huo̧co̧mȩ jä̧cuo̧mȩ. Pä'äjitä ucuttu rä'opö, järe ȩmä̧huä̧ ruhuotö pi̧jä̧nä̧ korotöttö'inä abonänö juruhuinätö. Ja̧'hua̧ta̧nö̧ cumäri'änä jȩpö̧, yapareu jȩpi̧nä̧ju̧jä̧ korotö ttö̧ja̧rö̧ o'ca toi'önärö.

Apocalipsis 18:20

Ja̧'hua̧nö̧ ja̧'a̧nä̧ mo̧ro̧jä̧'i̧nä̧, Jesús hue'ähuotö'inä, Dios i̧huȩnȩ ucuocuinätö'inä, o'ca toi'önä Dios i̧tti̧mö̧'i̧nä̧ ja̧u̧ ötahuiyä amöcuädö, esehuätucui. Chutä ja̧u̧ ötahuiyä ro̧ȩpo̧mȩnä̧, Dios ucuturu adiu ppä'ädinö.

Apocalipsis 18:15

Jahuätö ttö̧ja̧ ja̧u̧ ötahuiyänä ja̧u̧ juäi iyä'chömä, järe ruhuotö päi'önä juo'ächö, ujuturu'inä ro̧ȩcuä̧ 'cuäopäcua'acö̧ pä'ö ye'ecu ototä kä̧nö̧, ajuäu ttamöcuädäcuotö.

Apocalipsis 18:9

Pi̧jä̧ ruhuotömä, jahuäjucu suronä jȩpä̧'chi̧nä̧tö̧'i̧nä̧, suronä jȩja̧'a̧ ppä'ädinätö'inä jahuäju cuo'ö kicuomettö ocurä isoppa tottomenä, ajuäunu ttamöcuädäcuotö jahuäjuru.

2 Pedro 2:3

Pärätä rö̧ȩnä̧ ttȩma̧ pä'ö, ucuturu yapareu huȩnȩ ttu̧huo̧juȩtä̧cuo̧tö̧ cuiyätucuatö pä'ö. Yoröiso ttö̧ji̧pö̧ juiyönä, bettipächäcuotö ja̧'hua̧nö̧ huo̧juȩtä̧tö̧mä̧. Ja̧'hua̧nö̧ 'cuäopäcua'a, täbocö päi'önä amöcuädinödo Dios.

San Mateo 22:5

Ja̧'hua̧nö̧ ja̧'a̧nä̧ ahuaruhuämä 'cho̧co̧tö̧ pi̧nä̧tö̧do. Ya̧tȩ ö'ätta topö 'chi̧nö̧do. Ka̧ra̧mä̧ öäre iyähuodera̧'a̧ 'chi̧nö̧do.

San Juan 2:16

U̧nu̧cu̧tu̧ru̧ iyätörö pä'inödo: —Podettö rä'epö icuätucui. Chä'o ojusodemä koro jua̧'a̧ iyähuode päi'önä jȩcu̧'ä̧tu̧cuä̧'.